شكلي يا نجاة .. عشان ما يجئ واحد يلفحها و يطلع بيها ركن ..
ـ بمناسبة التشكيل دي .. أذكر حينما كنت متدرباً حضرت قضية أمام مولانا أحمد هارون و كان هو ايضا في بدايات عمله كقاضي .. و قد أستند الإتهام إلى تقرير طبي يقول أن المتهم كانت تفوح منه رائحة الخمرة .. و قد قرأها المتحري بفتح الخاء .. و حين طلب منه مولانا إعادة قراءتها قرأها كما قعل في المرة الأولى .. فأمر مولانا بشطب البلاغ لأن الطبيب الذي أجرى الكشف عندما تم إستجوابه ذكر أن المتهم كانت تقوح منه رائحة الخُمرة ( بضم الخاء ) يعني ( متكبرت ) و ليس ( مخمور ) ..
شفتي التشكيل دة مهم كيف ..
Post: #6 Title: Re: الليلة الرئيس جانا ورقص معانا (نفرة البرارى ) Author: salah ismail Date: 05-16-2012, 00:14 AM Parent: #5
=========================== البراري دي ما جوه البلد.... خليهو يجي ويحضر اجتماعات الامم المتحده..ويرقص ويعرض في نيويورك...ولا واشنطن...ياجماعة المشكة بقت اكبر من ان يتحمله كرتي براهو...واحتمال الموضوع يحتاج لي فنقر برنت...وصور جديده..وامضاء بصورة شخصيه في الفورمات...الخ ما بتتحلا بالتوكيلات..او المحامين... البلد دي ما برا العالم...دا...مادام قبل يبقي ريس حقو اقلاها يلتزم بالجوب دسكربشن...والحضور عشان يمثل الناس البدافعو عنو...في جوه البلد وبرا منها... ============================
============================================= خلي يجي يعرض ويرقص هنا...مافي حاجة ممنوعه...هنا...خسوسا..الجلسات ممكن تكون خاسه عشانو بس
- يا أُختي الزول ده مافي حد قادر يوصل ليه بأن (رقيصه) مستهجناً من الغالبية بإعتباره رئيساً لجمهورية كانت الأكبر في أفريقيا والوطن العربي ؟ علي الرغم من أنني بشكل شخصي لا أرى غضاضة في ذلك (عندما يكون غير رئيساً) ... وذلك بإعتبارى شخصاً عادياً من عامة الناس.
- شقيقتي الأكبر مني .. زولة (حنينة جداً) ... ومن النوع الممكن يبكي لسماع أى خبر سئ لأى أنسان حتي لو لم تلتقيه في حياتها .. وتجمعني بها محبة خاصة فوق أنها أُختي .. إتصلت عليها أيام الإنتخابات الرئاسية (المخجوجة) .. وبعد سؤالي عن أخبارها وأخبار أولادها سألتها عن الإنتخابات وعن لمن حا تصوت ... وببساطتها التي أعلمها ... قالت لي والله محتارة! ... عارفاك إنت جنك وجن الكيزان ... لكن كمان عمر البشير (بحنني)!
* فهل هذه الطريقة من أجل خم الذين لا علاقة لهم بالسياسة كأُختي هذه؟ وهل الطريقة هذه (تحنن) ؟
وسؤال آخير:
إنت (الشُرابات) اللابساتنها بعض الكوزات في هذه (الربة) بتعني شنو؟
Post: #8 Title: Re: الليلة الرئيس جانا ورقص معانا (نفرة البرارى ) Author: نجاة محمد بابكر Date: 05-16-2012, 09:28 AM Parent: #7
عصام دهب تم التعديل شكرا
صالح تشكر على المرور
Quote: ... لكن كمان عمر البشير (بحنني)!
* فهل هذه الطريقة من أجل خم الذين لا علاقة لهم بالسياسة كأُختي هذه؟ وهل الطريقة هذه (تحنن) ؟
وسؤال آخير:
إنت (الشُرابات) اللابساتنها بعض الكوزات في هذه (الربة) بتعني شنو؟
والله انا ذاتى حننى قمتا رقصتا معاهو
والله الكوزات ديل تبعهم هم جابوهم ملو بيهم الصيوان
Post: #9 Title: Re: الليلة الرئيس جانا ورقص معانا (نفرة البرارى ) Author: نجاة محمد بابكر Date: 05-16-2012, 09:42 AM Parent: #8
يابكرى ماترفع لى الرقيص دا فوق
Post: #10 Title: Re: الليلة الرئيس جانا ورقص معانا (نفرة البرارى ) Author: نجاة محمد بابكر Date: 05-16-2012, 09:47 AM Parent: #8
Quote: خلي يجي يعرض ويرقص هنا...مافي حاجة ممنوعه...هنا...خسوسا..الجلسات ممكن تكون خاسه عشانو بس
سمح بكلمو اكيد بكون مشا هو الحتاتات الفيها رقيص مابتغابهو
Post: #11 Title: Re: الليلة الرئيس جانا ورقص معانا (نفرة البرارى ) Author: احمد محمد احمد عتيق Date: 05-16-2012, 10:10 AM Parent: #10
