نزار عثمان الامين .. اربعة سنوات علي الغياب يا حبيب

27 نوفمبر 1972 التاريخ المسجل بمركز صحي السجانة لميلادك من بشرية عباس

14 مايو 2008 التاريخ الذي كتب علي وثيقة تحمل أسمك ولكنك لن تتطلع عليها ابداً

فقد اسدلت جفنيك الي الابد وتوقف قلبك عن الخفقان بسبب انخفاض حاد في الدورة الدموية كما كتب بهذه الوثيقة ،

هذه الفترة بسيطة جداً يا صديق اليس كذلك ؟؟؟

( يا حبيب قسي الأيام ) *






_________________________________________________________

* الشاعر عثمان بشري

تمرة الفؤاد نعم نعيش ولكننا ان ضحكنا ، قطعنا ضحكتنا

لانك لست بيننا .. بلغ سلامي لأمي بطرفك ..

الهم ارحمه واعف عنه
يارحمن ..واجعله من اصحاب اليمين

الرحمة والمغفرة
وليرحم كل موتانا
رحلوا وتركو في الحلق غصة
وفي القلب حزن مقيم
ودمعة سحابة مطر هتون
وذكريات تجعلنا قادرين على الابتسام من جديد
محبتي

بوست قاسي الوجع
لقساوة الفقد

عرفنا أكثر به يا بخاري
عل بالتعريف به والحديث عنه تكتب له حياة ثانية





________________

للفقيد الدعاء بالرحمة

اللهم اغفر له وارحمه وادخله الجنة من غير حساب ياالله

Quote: الهم ارحمه واعف عنه يارحمن ..واجعله من اصحاب اليمين

آمين يا طارق

لا اشك ولو للحظة ان نزار الان في اعلي الجنان

فقد رحل من الدنيا تودعه دموع المحبين ، لم اجد احد حانقاً

عليه ، نعم له الرحمة وليبدل ربنا شبابه الغض جنات تجري من تحتها الانهار

Quote: عرفنا أكثر به يا بخاري عل بالتعريف به والحديث عنه تكتب له حياة ثانية

صعب جداً يا عاطف عمر

اي زول عرف نزار كان بعتقد انو اقرب زول ليو في الدنيا ..

حتى اكتشفنا حقيقة محبة كل الناس ليو في يوم رحيلو ..

اوجع كل الناس

قلب كبير يسع كل الناس دون قيد او شرط ..
توقف باكراً عن الخفقان

يا الله ياخي!!
ما اشد الاسى







------

البركة فيكم و في محمد يا باخ

عارف يا فتح الرحمن ، كدي اول عاين للصورة الفوق دي ، اتصل بي من عندكم

وسألني : يا باخ اسمعني عايز أشتري بدلة للعرس ، اختارها انت لاني ح اطلعها بعد

العرس طوالي واديك ليها فشوف لك ماركة كاربة كده ، اخوك كهربجي ساي وانت خريج

الخرطوم وكده !!!! ماتزال البدلة جديدة وحتي الكرفتة فقد رحل سريعا بعد زواجه أقل من عامين

تلال من الاسي ودمع حار يا ابو النيز ، ريحانة البيت وروح دعابته

Quote: عارف يا فتح الرحمن ، كدي اول عاين للصورة الفوق دي ، اتصل بي من عندكم وسألني : يا باخ اسمعني عايز أشتري بدلة للعرس ، اختارها انت لاني ح اطلعها بعد العرس طوالي واديك ليها فشوف لك ماركة كاربة كده ، اخوك كهربجي ساي وانت خريج الخرطوم وكده !!!! ماتزال البدلة جديدة وحتي الكرفتة فقد رحل سريعا بعد زواجه أقل من عامين تلال من الاسي ودمع حار يا ابو النيز ، ريحانة البيت وروح دعابته

تعرف في عربيتي بسمع في شرائط بتاعة انقليزي ..

كان جايبا ليك .. معاهن كتابين
وراني ليها .. وحلف الا اشيلا ويمش يشتري ليك غيرن!
















--------

ما اكون فضحتك .. اوع تكون مدعي انك خواجة؟
انا ثقافتي فرنسي غايتو ..
الكلام دا قدييييييييم يا شباب .. في اواخر القرن المنصرم

المرة الوحيدة الزعلت منو بالجد كان ايام الاحداث بتاعة الارهابيين ..
مشى اتبرع بالدم، وهو زول بشتغل اكتر من 15 ساعة في اليوم .. شغل يدوي!!

سألتو ليه بس؟

قال لي: ياخ انا حسناتي ما كتار .. احسن اساعدا!!

والله على ما اقول شهيد

تحياتي يا بخاري

رجل يترك كل هذه اللوعة ... من الؤكد بانه قد عاش طيبا ومات طيبا فطوبي له ...

اللهم ادخله عليين مع الانبياء و الشهداء والصديقين... والهم اله وذويه الصبر وحسن العزاء

Quote: مرة الفؤاد نعم نعيش ولكننا ان ضحكنا ، قطعنا ضحكتنا لانك لست بيننا .. بلغ سلامي لأمي بطرفك ..

يا بخارى والله دموعى شاركتنى قراءة هذه الكلمات -- اعلاه مؤلم جدا
ربنا يرحمهم ويغفر ليهم

له الرحمة والمغفرة
له كل الرحمة والمغفرة
احزننى حزنك
ادعو له بالرحمة والمغفرة

تحياتي لنزار يا بخاري


أربعة سنوات من الحضور

Quote: صعب جداً يا عاطف عمر اي زول عرف نزار كان بعتقد انو اقرب زول ليو في الدنيا .. حتى اكتشفنا حقيقة محبة كل الناس ليو في يوم رحيلو .. اوجع كل الناس قلب كبير يسع كل الناس دون قيد او شرط .. توقف باكراً عن الخفقان يا الله ياخي!! ما اشد الاسى

تزداد القسوة قساوة
ويزداد الألم آلاماً
فراق الأصدقاء يظل جمرة في الفؤاد أبداً كاوية
تعصف بنا - ذات اليسار - ( أنانيتنا ) أن ليتنا ماعرفناهم حتى لا نتعذب بعدهم ، وتأخذنا - ذات اليمين - ( إنسانيتنا ) أن شكراً لهم فقد منحونا - على قصر الفترة - زاداً وزوادة من الفضائل تكفينا إن نحن تمسكنا بها حتى نلقاهم.
ونظل تائهين حيارى بين ( مد ) أنانيتنا و ( جذر ) إنسانيتنا حتى نلتقيهم.......



_______________

أحسن الله عزاءكم قيقراوي

Quote: قلب كبير يسع كل الناس دون قيد او شرط .. توقف باكراً عن الخفقان

تعرف يا بخاري

قدر ما حاولت ازوغ من البوست ده ما قدرت


ربنا يرحمو فقد كبير هز مرق البيت
لاحظت الحزن واجما في في معظم سكان الديم
الكل كان وقوفا والدمع مدرارا صغار وكبار
كلهم كانوا يتحدثون عن روعة نزار
وبعضهم تحدث عن احداث يوم رحيله
كانه كان داريا انه الوداع

مر بكل من يعرف مداعبا ومواسيا
وملاطفا

كان يوما عجيبا لازمنا الحزن الذي
لم تترك لنا الخالة بشرية مجالا للحزن
فيه فلقد سبحت بشرية في بحر الحزن الكالح
حتي غرقت واختفت سريعا في بحر الاحزان الكالح

يا سلام يا نزار لك الرحمة

يالله ..
بوست مؤلم وحزين ..
الموت حق ..
اللهم ارحمه واغفر له وعافه
واعف عنه واجعل الجنة مثواه ..
البركة فيكم الأخ بخاري
وربنا يجبر كسركم..

كلما حاولت ان اضيف مداخلة وقفت العبرة ما بيني وبينها
فاسلم نفسي لدموع هطالة .. نزار كما يناديه الديامة ( ابو الشباب )
لم يكن شخصا عاديا ..

شكرا بكري لتثبيت البوست تخليدا لذكري هذا الشاب وسارد علي
كل مداخلة فقط بقصة لنزار تركها لنا ..

Quote: كلما حاولت ان اضيف مداخلة وقفت العبرة ما بيني وبينها فاسلم نفسي لدموع هطالة .. نزار كما يناديه الديامة ( ابو الشباب ) لم يكن شخصا عاديا ..

باخ.. ياخ قطعت قلبنا.
ربنا يرحمو والبركة فيكم.

كان قدرك يا بخاري ان يرحلوا جميعا

دون وداع ................................

لانك تعرف قدرهم يا صديق اتمني ان

اراك دائما في صمودك المعهود فهم

جزء من حياتناوتجربتنا وافراحنا واحزاننا

يظلون في حضورهم الدائم معنا كالشموع