الزمن الكعب!!

تردد ويتردد كثيرا هذه الأيامصطلح الزمن الجميل

البعض ينسب جيل المبدعين في الغناء من مطربين وغنايين للزمن الجميل دايرين نعرف ياتو زمن ده وياتو حقبة

هل هو زمن الحقيبة؟ ام جيل الكاشف ورفاقه؟ ام جيل ابراهيم عوض ورصفائه؟ ولا زمن وردي وود الامين؟ ولا ياتو

نجي للرياضة وبالذات كورة القدم:

هل هو جيل الامير منزول والقانون برعي ولا زمن ماجد وجكسا وعمر التوم ويوسف مرحوم؟ ولا حقبة قاقا والدحيش وكمال عبد الوهاب؟ ولا هي فترة المرحوم والي الدين وسامي عز الدين ولا ياتو زمن بالضبط؟

نجي للسياسة:

هل هو زمن ناس ازهري ولا عبود ولا نميري؟

يعني بالمعني الزمن الحالي زمن كعب في كافة المجالات!!!

ولا شنو ليكم؟

في ناس قالوا:

ايام الزمن الجميل كان الجوز تلاتة والجنيه يساوي تلاتة دولارات وتلت دولار ينطح دولار!

حتي المطر في الزمن القالوا الجميل كان ينقسم لك
شكشاكة .. نقناقة .. وبعدين هاك مطرة جد ولمن تقيف شوف الهمبريب كيف بيكون والجماعة يجوعوا ويا لقيمات وفول وكوارع جاك بلا

هسي المطرة يطرشنا!

والبرد البشقق الكرعين ديك وجري علي الفازلين ومشتاقته من جلسرين وخلا فه لزوم الترميم البرد داك لو لقيت حتي رقراق الباب تسده بحاجة اتقاء من البرد ومرات يجينا هوا رايح من اوربا

هسي البرد الا نسمع بيه في النشرات الجوية حالة تحنن

وبالنسبة للحراية حتي الضل وقف ما زاد غايتو!!!

ياخي الزمن الجميل ماهو الا إحساس انسان بفترة زمنية محددة ارتبطت بذكريات جميلة يذكرها في وقت اشتدت به مصيبة او حنين لزمن ذهب،
يعني لو كان امبارح في حسابك مليون دولار سوف يكون يوم البارحة زمن جميل،

Quote: ياخي الزمن الجميل ماهو الا إحساس انسان بفترة زمنية محددة ارتبطت بذكريات جميلة يذكرها في وقت اشتدت به مصيبة او حنين لزمن ذهب، يعني لو كان امبارح في حسابك مليون دولار سوف يكون يوم البارحة زمن جميل،

اخي عبدالرحمن قرشي تحياتي

اخاف يكون زمنا فات وغناينا مات

العزيز ودالفاروق،

الزمن الجميل له ارتباط عميق جداً بي الفلس، يعني لو فكتك صفر يبقي فعلا زمانك فات وغنايك راح، واذا كان حسابك حديد ودراهمك كتيرة يبقي يادوب زمنك الجميل بدا.
الظحكات دي كلام تاني، لا تقول لي هلال ولا مريخ ولا وردي ولا ود الأمين ، فكتك تقيلة زمنك نضيف.

Quote: الظحكات دي كلام تاني، لا تقول لي هلال ولا مريخ ولا وردي ولا ود الأمين ، فكتك تقيلة زمنك نضيف.

اخوي عبد الرحمن في ناس عاشوا زمانا بدون فكة وكان جميل وهسس ناس بالضحاكات ديل ماضايقين ليها طعم شن قولك

Quote: اخوي عبد الرحمن في ناس عاشوا زمانا بدون فكة وكان جميل وهسس ناس بالضحاكات ديل ماضايقين ليها طعم شن قولك

القال ليك منو ما ضايقينن ليها طعم؟ دا كلام المفلسين ساكت، كلام بتطمائنو نفسهم ساي.