Post: #2
Title: Re: صحفى ولا ود ابرق !
Author: محمد حامد جمعه
Date: 05-13-2012, 08:38 PM
Parent: #1
يعنى هسة الخبر عاوز يقول ان الطيار دا سخن طيارتو ، وراجع الزيت والموية ، وذخر صواريخو ، وقام هوووووووبا دقش جبال النوبة ، عندو معلومة انو فى صحفى عكليت حايم هناك ، ادوه الاوامر من الخرطوم انو يرشو بصاروخ انتنوف ، اها قام الطيار قعد يفتش ، حايم النهار كلو لغاية ما صعوته كمل ، وخرم لحجر شيشة ، ويتضهب لغاية ما شاف ريان ولا منو دا ، قام توفك توفك ، ردموا ليك بكم صاروخ لكن الخواجة مفتح كان ناقش الوهمة فادسى ، وفشلت الخطة ، وحمدو ليهو ناس قطاع الشمال السلامة ونشرو الخبر فى حريات ، وقام كوستاوى والزول فى قوائم المحترفين جاب الخبر ، وفرحان !!
والله انا لمن زول يكون حتى وهو خصمك تشوفو كويس يقلب كيشة ... بزعلنى شديد
|
Post: #3
Title: Re: صحفى ولا ود ابرق !
Author: بدر الدين احمد موسى
Date: 05-13-2012, 08:47 PM
Parent: #2
ههههههههه
ياخ كوستاوي دا بتاع هيومن "رايد" ساكت, شن عرفو بالطيارات كمان!
الزول شغال نقل مكنيكي ساي!
|
Post: #4
Title: Re: صحفى ولا ود ابرق !
Author: محمد حامد جمعه
Date: 05-13-2012, 09:10 PM
Parent: #3
دى امبسبول ...طبعة جديدة
|
Post: #5
Title: Re: صحفى ولا ود ابرق !
Author: Mohamed Yassin Khalifa
Date: 05-14-2012, 01:13 AM
Parent: #4
الأخ محمد جمعة... سلامات
رايان ده مواطن أمريكي في مهمة إنسانية...
وأي إعتداء على حياته سيأتي عليكم بعواقب لا تحمد
,,,,
_____________
بدر الدين.. ما ملاحظ إنك زوتها شوية؟
|
Post: #6
Title: Re: صحفى ولا ود ابرق !
Author: سيف النصر محي الدين
Date: 05-14-2012, 02:02 AM
Parent: #5
سوداني يرفض الترشيح لجائزة نوبل مقابل الإساءة للسودان والحزب الحاكم
طيب رأيك شنو في الزول الخطير ده الجاتو الحكومة الهولندية كلها لحدت بيتو و قالوا ليهو شتم
حكومة السودان و رئيس السودان - رغم اننا ما متأكدين من موقع البلد دي و لا من اسم رئيسها كويس- و طوالي
بنكلم ليك ناس جائزة نوبل يدوك ليها في الأدب حتى لو ما كتبت روايتك الأولى لحدي الآن.
|
Post: #7
Title: Re: صحفى ولا ود ابرق !
Author: Kostawi
Date: 05-14-2012, 02:20 AM
Parent: #6
Quote: ههههههههه
ياخ كوستاوي دا بتاع هيومن "رايد" ساكت, شن عرفو بالطيارات كمان!
الزول شغال نقل مكنيكي ساي! |
هربت من البوست الأساسي و جيت تتخبأ مع بوستات أولاد الإنقاذ يا شيوعي
(أقصد شيوعي كوز)
ياخ أنت زول مغرف.....يخس.
|
Post: #8
Title: Re: صحفى ولا ود ابرق !
Author: Isa
Date: 05-14-2012, 06:56 AM
Parent: #7
| Quote: يعنى هسة الخبر عاوز يقول ان الطيار دا سخن طيارتو ، وراجع الزيت والموية ، وذخر صواريخو ، وقام هوووووووبا دقش جبال النوبة ، عندو معلومة انو فى صحفى عكليت حايم هناك ، ادوه الاوامر من الخرطوم انو يرشو بصاروخ انتنوف ، اها قام الطيار قعد يفتش ، حايم النهار كلو لغاية ما صعوته كمل ، وخرم لحجر شيشة ، ويتضهب لغاية ما شاف ريان ولا منو دا ، قام توفك توفك ، ردموا ليك بكم صاروخ لكن الخواجة مفتح كان ناقش الوهمة فادسى ، وفشلت الخط |
وسوناتة بورتسودان يا محمد الما معروف ليكم لي يوم الليلة ضربها شنو ولاّ كيف؛ كان جواها زول ولا أبو نقيقيرة؟.. بعدين الصحفي دا يا صحفي إنت مش حايم بهناك زي ما قلت ولا سارح بي غنم لكن ساكن هناك في بيت يمكن تحديد إحداثيات موقعه بالدقيقة والثانية، يعني كلامك الكتير الفوق دا بتاع حايم ووتمباك ما عندو لازمة لكن مجرد لولوة حديث وورجغة ساكت.. بعدين الطيارات شفناها وسمعنا بيها بتمشي أو على الأقل توجّه من قواعد الجيش الأمريكي في صحاري أمريكا عشان تضرب زول واااااحد في باكستان أو أفغانستان أو اليمن الخ... إشمعنى أنتنوفكم الأصلاً على قولك حايمة بهناك وبتضرب كل يوم يكون أمسبوسبول تستهدف زول خواجة كمان.. وطبعاً مافي داعي نذكرك إنو دكتور خليل (كتلو) ليكم والحكومة في آخر نومة.. زي حكاية الوزيرة السابقة اللاحقة سناء القالت ضرب ليها زول كلما بتوزيرها.. وبرضو ضربوا ليها كلموها بإقالتها.. غايتو الله يكون في عونكم..
|
Post: #9
Title: Re: صحفى ولا ود ابرق !
Author: محمد حامد جمعه
Date: 05-14-2012, 06:10 PM
Parent: #7
ما تتعقد
|
Post: #10
Title: Re: صحفى ولا ود ابرق !
Author: Omer Abdalla Omer
Date: 05-14-2012, 08:37 PM
Parent: #9
Quote:(مجرد لولوة حديث وورجغة ساكت..)
محمد في الآونة الأخيرة بقى يهرج!
كل الجوقة حاولوا التشكيك في القصة بطرق مختلفة! واحدين ذكرونا إن الأنتينوف طائرة نقل و مامكن ترمي قنابل و واحدين قالوا ما بستحق كل التعب دا ! أهو كلو محاولات!
الشاهد إنو الصحفي دا اكثر مصداقية عند المتلقي من محمد حامد جمعة ( القاعد دا) و من علي كرتي
|
Post: #11
Title: Re: صحفى ولا ود ابرق !
Author: بدر الدين احمد موسى
Date: 05-14-2012, 08:52 PM
Parent: #5
محمد يسين
"بدر الدين ما ملاحظ إنك زوتها شوية؟ "
اولا, بكتبوها زودتها!
اتنين, و طيب? دخلك شنو?
|
Post: #12
Title: Re: صحفى ولا ود ابرق !
Author: بدر الدين احمد موسى
Date: 05-14-2012, 09:34 PM
Parent: #11
ههههههههه
شوفوا يا جماعة بتاع الهيومن رايد كتب شنو!
"| Quote: ياخ أنت زول مغرف.....يخس |
"
يا جماعة مغرف يعني شنو? مغرف دي مصدرها غرف و لا غرفة عشان نعرف قاصد شنو!
بكتبوها "مقرف" يا مقرف!
و بعدين انا كنت عارف انك من ناس "يخس" و ما احبطتني تراك جيت قلتها.
---------------------------------
يا صاحب البوست معليش ياخ لكن قالو شر البلية ما يضحك
|
|