بِنيّه مكتوبة
حكاية فى اللوح الحزين
ساكنه فى طين النفس
مرتِبة زى دعا الأمات
سماحه مجلوبة
من طيبة السنين
وهَاجه زى عين الشمس
معطرة بى غنا النجمات
والغربة مصلوبة
على رهاب الحنين
راجيه غيمك من امس
طعم الرذاذ الراح وفات
يا نمَه محلوبة
من نبع الأنين
بعد ما حردنا
رضعة النيل السكن
وسط المشاوير والبيوت
فارقنا قيف الأغنيات
شربناموية المطر الحرن
قسم سحابو ع
على مسافات السكوت
يا بنيه مطلوبة
جيتك يا ورجعتك
قبال غروب الروح
قبال شفق فرح الغنا
يزعل يفوت
امرقى وشُرى فى حبل الحروف
لبس باكر
هدوم العيد
امرقى ورتبى الفجة
عطرى الناس بى السنا
ومشطى شَعر الجروف
يا بنيه مرغوبة
جيتك وشوفتك يا بهية
امرقى اقيفى
قدام الصفوف
يا بنيه محبوبة
جيتك لينا
تفتح للأمل
ضنك الظروف
وتبقى طلتك الحديقة
والعصافير والفراش
والناس وافواج الزحام
البروق الهارجه
فوقنا والرشاش
صبة المطر الوعد
ريحة دعاش
القصائد والمدائح
الحجا وعطر الكلام
حولك يطوف
يا بنيه يا
طعم الحروف