Post: #1 Title: لله دركم بورداب الرياض.. صور تاريخية وفيديو عجيب!! Author: أيمن دياب Date: 05-12-2012, 00:13 AM Parent: #0
ليلة استثنائية عشناها اليوم.. احتفاء بتمام العافية ونعمة الشفاء للأحباب الأعزاء طارق ميرغني وعبدالمنعم الزين.. والاحتفاء بانضمام البوردابية الشاعرة الدكتورة روزمين الصياد الي منظومة بورداب الرياض.. مقيمة بصحبة زوجها الخلوق الدكتور محمود الذي شرف احتفالنا اجتماع على المحبة واتفاق على تواصل التآخي نسأل الله ان يديمه على الجميع.. أبدع سيف نورين كالعادة.. وتفرد ياسر العيلفون حفيد عميد الفن ووريث خلف الله حمد بالروائع والنغم الطروب.. وتميز مكاوي الطيب من (المنتدى الفني) بصحبة العازف البوردابي محمد علي البصير.. في الأداء والاختيار فكان مسك ختام الليلة الأنيقة خالد المحرب نجم الحفل بدون منازع.. صال وجال وعرض واستطال حتى خفنا على سقف القاعة من الاختراق.. الصور يا معتز زيزي ود. محمد حسن.. والفيديو العجيب عند الأمين البشاري وابشروا بطول مودة وانعموا بحسن العشرة يا زينة بورداب سودانيز أون لاين..
Post: #2 Title: Re: لله دركم بورداب الرياض.. صور تاريخية وفيديو عجيب!! Author: أيمن دياب Date: 05-12-2012, 06:38 AM Parent: #1
الحمد لله تعالى الذي أسبغ على اخواننا الشفاء وأدام عليهم العافية وجعل ماضي آلامهم في ميزان حسناتهم..
Post: #3 Title: Re: لله دركم بورداب الرياض.. صور تاريخية وفيديو عجيب!! Author: ismeil abbas Date: 05-12-2012, 07:25 AM Parent: #2
التحية لبورداب الرياض وضيوفهم الكرام وكل من شارك فى إنجاح هذه المناسبة الكريمة كرم المحتفى بهم...التحية للفنانين الذين شاركونا الحفل ..
والتحية ليك يا أيمن وأنت تقف على كل امر يوكل لك بهمة ودقة...وتحياتى لكل أفراد اللجنة. B]
يالله يا جماعة أى زول عندو حاجة يجى يختها هنا..وشكراً.
Post: #26 Title: Re: لله دركم بورداب الرياض.. صور تاريخية وفيديو عجيب!! Author: مهدى الصادق السيد Date: 05-12-2012, 01:30 PM Parent: #3
مليون سلامةللاخوة الاعزاء طارق وعبد المنعم وربنا يتمم العافية...ومرحبتين بالشاعرة روزمين والاسرة وحللتم اهلا ونزلتم سهلا . ظروف بعدي عن الرياض حالت دون حضور الحفل البهيج ....
Post: #4 Title: Re: لله دركم بورداب الرياض.. صور تاريخية وفيديو عجيب!! Author: معتز زيزي Date: 05-12-2012, 07:39 AM Parent: #2
عذراً أحلام مستغنامي ... فـ " ذاكرة اللقاء " كانت أكثر تجسيداً من "ذاكرة الجسد" ... كان اللقاء ... وكانوا "بورداب الرياض" كما عهدناهم .. كانت ليلة ولا "الف ليلة" ...
. . الكاميرا كانت حاضرة ... وبلا شك الصور سوف تكون أكثر تعبيراً من كلماتي ... فأنتم على موعد بعد ظهر هذا اليوم بلقطات "رائعة" تجسد روعة "اللقاء"
كونوا بإنتظاري ...
Post: #5 Title: Re: لله دركم بورداب الرياض.. صور تاريخية وفيديو عجيب!! Author: معتز زيزي Date: 05-12-2012, 08:13 AM Parent: #4
Post: #6 Title: Re: لله دركم بورداب الرياض.. صور تاريخية وفيديو عجيب!! Author: معتز زيزي Date: 05-12-2012, 08:17 AM Parent: #5
دوام العمل حال دون تنزيل كل الصور سوف يتم تنزيلها تباعاً ...
كونوا بإنتظاري
Post: #7 Title: Re: لله دركم بورداب الرياض.. صور تاريخية وفيديو عجيب!! Author: Kamal Karrar Date: 05-12-2012, 08:29 AM Parent: #6
Quote: الله يا جماعة أى زول عندو حاجة يجى يختها هنا..وشكراً.
يا أسماعيل أنا عندي حاجة ممكن أقولها؟؟؟؟
أنتو رائعين جدا.. وددت لو أنني أستطت أن أشارككم تلكم اللمة..
ياسلام...
طارق الحمد لله طالما بتبشر فتلك بشرى بأنك في خير وعلى خير والحمد لله
شوقي... صورتك رائعة مجللة بالفرح على سلامة صديقك وعديلك العزيز طارق...
بنات هاشم السعيد... أنا سعيد بسعادتكم بسلامة طارق....
تحياتي... معاكم قريبا إن شاء الله
Post: #8 Title: Re: لله دركم بورداب الرياض.. صور تاريخية وفيديو عجيب!! Author: معتز زيزي Date: 05-12-2012, 08:38 AM Parent: #7
Post: #9 Title: Re: لله دركم بورداب الرياض.. صور تاريخية وفيديو عجيب!! Author: علاء الدين حيموره Date: 05-12-2012, 08:38 AM Parent: #7
بورداب الرياض ان شاء الله دائما ملمومين في السمح ..............
ربنا يرد غربتكم .....
Post: #10 Title: Re: لله دركم بورداب الرياض.. صور تاريخية وفيديو عجيب!! Author: معتز زيزي Date: 05-12-2012, 08:42 AM Parent: #9
Post: #11 Title: Re: لله دركم بورداب الرياض.. صور تاريخية وفيديو عجيب!! Author: ismeil abbas Date: 05-12-2012, 08:49 AM Parent: #10
أخى الفاضل..كمال كرار,
Quote: أنتو رائعين جدا.. وددت لو أنني أستطت أن أشارككم تلكم اللمة..
ياسلام...
لك التحية وشكراً على ألأطراء وكم نتمنى لكل من نحبه أن يكون بيننا وأنت ضمنهم يارائع.
لك التحية والتقدير.
Post: #12 Title: Re: لله دركم بورداب الرياض.. صور تاريخية وفيديو عجيب!! Author: طارق عبد اللطيف نقد Date: 05-12-2012, 09:31 AM Parent: #11
والله يوم امبارح كان مميز جدا ابتداء بالحضور الانيق والشفاء الكامل الحمد لله للزملاء طارق مرغني و ود الزين والحضور البهي الانيق كامل الدسم للزميله الرائعة حد الادهاش / روزمين عثمان و الاندياح حتى الساعات الاولى من الصباح مع اشجى الالحان من المبدع دوما سيف نورين والمتالق زميل البورد ياسر العيلفون واللاستاذ / مكاوي والعازفين الموسيقار مالك والمبدع زميل البورد محمد بصيري وشكرا لكل من ساهم في هذا العمل الرائع ولي عودة
Post: #13 Title: Re: لله دركم بورداب الرياض.. صور تاريخية وفيديو عجيب!! Author: معاذ حسن Date: 05-12-2012, 09:33 AM Parent: #11
Post: #15 Title: Re: لله دركم بورداب الرياض.. صور تاريخية وفيديو عجيب!! Author: ABUHUSSEIN Date: 05-12-2012, 10:29 AM Parent: #14
حمداً لله على سلامة الأخوين
طارق ميرغني
و عبدالمنعم الزين
و أهلاً و سهلاً بالأخت روزمين
Post: #16 Title: Re: لله دركم بورداب الرياض.. صور تاريخية وفيديو عجيب!! Author: أيمن دياب Date: 05-12-2012, 11:06 AM Parent: #15
ابوحسين والله وردتك عجيبة.. كأنها بتنقط عسل وعليها كمان جوز هند.. مشكور على الحضور والمشاركة والبسبوسة.. ومافي زول بصدق لو قلت كمان الكمونية..
Post: #17 Title: Re: لله دركم بورداب الرياض.. صور تاريخية وفيديو عجيب!! Author: احمد العمار Date: 05-12-2012, 11:08 AM Parent: #15
الحمد لله الذى انعم على الاخوة و الاحبة طارق ميرغنى و ود الزين بالشفاء التام و التحية و الترحاب بمقدم اختنا روزمين و اسرتها الى الرياض نتمنى لهم اقامة طيبة سعدنا كتير يوم امس بلقاء احبابنا بورداب الرياض و ضيوفنا الكرام الذين يشرفونا و كان الجميع نجوم و رائعين و مبدعين فلهم التحية جميعا
تحية خاصة لكل من شارك و ساهم فى اخراج اليوم بهذه الروعة
Post: #18 Title: Re: لله دركم بورداب الرياض.. صور تاريخية وفيديو عجيب!! Author: إدريس محمد إبراهيم Date: 05-12-2012, 12:11 PM Parent: #17
طارق الزين وود الزين ألف حمداً لله على سلامتكم ولف مرحب بالشاعرة المبدعة روزمين الصياد ....
بحق كانت ليلة بكل الروعة والابداع وكما قال خالد المحرب بحق كانت واحدة من أروع الليالي التي حضرتها في الرياض ... تجلى سيف نورين كما أبدع ياسر العيلفون وختمها مكاوي وكان ختامه مسك ....
يوم رائع بكل المقاييس الإجتماعية الجميلة التي عودونا عليها النخبة في بورداب الرياض فالتحبة لكل الحضور والتحية لكل من ساهم وشارك في قيام وإنجاح هذا اليوم الرائع والحمد لله التقينا بأخوه اعزاء من بورداب الرياض وامضينا وقت جميل معهم وهذه هي ثمرة هذا الكيان الرائع الذي دائما ما يغمرنا بالمودة والتواصل الجميل بين اعضاءه الرائعين .. فالتحية لكم اخوتي بورداب الرياض فأنتم دوماتصنعون فينا الفرح ..
تحياتي : ياسر العيلفون
Post: #23 Title: Re: لله دركم بورداب الرياض.. صور تاريخية وفيديو عجيب!! Author: walid taha Date: 05-12-2012, 01:04 PM Parent: #1
د. محمد الحسن كان الأكثر أناقة يليه الأرباب خالد
على مستوى الـservice أيمن دياب ومعتصم و أسماعيل الذين كانوا فى الموعد (خمسة نجوم) :)
أغرب حاجة وزير المالية المكّلّف كان وزير الري :)
Post: #24 Title: Re: لله دركم بورداب الرياض.. صور تاريخية وفيديو عجيب!! Author: حافظ انقابو Date: 05-12-2012, 01:11 PM Parent: #23
Post: #31 Title: Re: لله دركم بورداب الرياض.. صور تاريخية وفيديو عجيب!! Author: فايزودالقاضي Date: 05-12-2012, 02:02 PM Parent: #28
حمدلله على سلامة الاستاذ طارق ونسأل له دوام الصحة والعافية ومرحبا بالاخت روزمين وبقية الضيوف الكرام .. واهل الرياض هم اهل واجب وكرم فلهم التحية والتقدير ..
ودوماً مجتمعين ان شاء الله في الخيرات ..
بس يامعتز ليه بتفترضوا الناس عارفة صور الشخوص دي ؟!! كملوا جميلكم وعرفوا لينا الفي الصور ..
Post: #33 Title: Re: لله دركم بورداب الرياض.. صور تاريخية وفيديو عجيب!! Author: عمران حسن صالح Date: 05-12-2012, 02:23 PM Parent: #30
أخوان وأحباء وأًصدقــاء وأكتر من أهل وأهل رُكازة وجمال شيل بس والله أخوكم ما لقى فرقة لأي شي فاعذروه أنا كان وليدي ( فيوتشر إيفنت ) ما كِبِر شوية باقي لي حا تفوتني حاجات كتيرة .
سامحوني يا حلوين
____________________ فنيلة ود عباس لااااااكن ما شرِط
لو لاحظتو للحفل دا ما كان فيهو أئ تحفظات كل الناس كانت فرحانة بصورة هيستيرية لشفاء اخونا طارق الذي خرج من عملية جراحية كبيرة والاخ طارق ميرغني محبوب للكل وكل الناس شاركت بصورة عفوية جدا رجال على نسوان علي شفع ياخي انا خفت على خالد المحرب اكسر رقبتو كع من الفرحة اسرة الاخ العزيز ابو حسين شاركت مشاركة فعالة جدا جدا هذه الاسرة دائما مشاركة ولكن في هذا الحفل كان لها كلام آخر فرحة من القلب حقيقة اعجبت جدا بمشاركتهم الفعالة ليمو وحرمه المصون عبروا عن فرحتهم ضمن الطاقم الاسري الذي لم يخف فيه اخونا اسماعيل وحرمه المصون فرحتهم لحظات نسوا فيها الكاميرات والتصوير والكل فرحا طربا دون حدود والله دون حدود حتى ترأى لي كأن اسماعيل وزوجته في ليلة عرسهم ... بصراحة كنت فرحان لدرجة فوق الاندهاش لهذا الجمع وبقلب واحد عفاف ابو حريرة كانت وزيرة عريس الحفل في حركة دؤوبة لم تمل ولم تفتر .... ايمن دياب ... وليد .. معتصم ... ياخي ديل شباب الواحد اخدمك واقوليك شكرا جزيلا لله دركم والله ادريس ود الناظر دائما مبدع الله اعيشك هناك اللجنة حمالة التقيلة وريسها الهمام ولا اذيع سرا الناس ديل بدفعوا من جيبم عديل كدا واتحدى اكيد هناك من يعمل في الخفاء ولايظهر او الذاكرة الخربة قد تسقط ما تسقط ولكنهم بورداب الرياض زينة بورداب العالم ونفتخر غايتو الما جاء راحت عليهو فعلا
Post: #34 Title: Re: لله دركم بورداب الرياض.. صور تاريخية وفيديو عجيب!! Author: rosemen osman Date: 05-12-2012, 02:43 PM Parent: #32
التحية والتقدير لاهالينا بورداب الرياض .. سعدنا بمشاركتنا إياكم لحظات الفرح بشفاء الأعزاء طارق وعبد المنعم .. اتمنى ان يديمها الله ... سعدنا برؤياكم طيبين وسالمين شكرًا لحفاوة وحميمية استقبالكم .. شكرًا العزيز ابوجهينة .. معتز وريم .. عفاف وسامية وجميعكم لا استثني فردا..على اخراج هذه الليلة ببهاء نفوسكم الطيبة. كما افتقدنا الكثيرين الذين نتمنى ان نلتقيهم فى فرحة اخرى..
Post: #35 Title: Re: لله دركم بورداب الرياض.. صور تاريخية وفيديو عجيب!! Author: ABUHUSSEIN Date: 05-12-2012, 02:45 PM Parent: #32
نـقـطـة نـظـام
بالله اللمات الجاية إن شاء الله أحجزوا الإستراحة في الخــرج
و خالد المحرب أدوهو خريطة لي إستراحة في الثمامة
Post: #36 Title: Re: لله دركم بورداب الرياض.. صور تاريخية وفيديو عجيب!! Author: حافظ انقابو Date: 05-12-2012, 03:03 PM Parent: #35
ابو حسين ماشاء الله ما عندو ايي عوجة اصابعينو كلها تمام يبقى ود القاضي كضااااااااااب ومطالب بالاعتذار لكل احباب ابو حسين عن نشر خبر كاذب
........... شكر بورداب الرياض على هذه اللوحة الاجتماعية الانيقة
ابتسامة جماعية رباعية.. الدكتور محمود البيلي زوج الشاعرة روزمين.. اسماعيل عباس.. أيمن دياب.. والريس أبوجهينة.. لقطة جميلة تكشف حجم الفرح وصورة معبرة عن اليوم الجميل..
كل الأيادي فوق.. دايما مبسوطين ومبشرين..
Post: #37 Title: Re: لله دركم بورداب الرياض.. صور تاريخية وفيديو عجيب!! Author: محمد إبراهيم علي Date: 05-12-2012, 03:14 PM Parent: #32
الاعزاء بورداب الرياض شاءت الظروف ان اتغيب عن برنامج الامس وضاعت الفرصة لنلتقي بكم ونتحمدل السلامة للفنان طارق ميرغني ونرحب بانضمام الاخت روزمين لنا في الرياض يبدو ان الواحد فوت ليهو هجيج كارب كان ساعدنا في التخلص من كم كيلو جرام من العفش الزائد لووووول التحية لكم ايها الاحباب ونتمنى لقاءكم في القريب
Post: #39 Title: Re: لله دركم بورداب الرياض.. صور تاريخية وفيديو عجيب!! Author: وضاحة Date: 05-12-2012, 03:30 PM Parent: #37
كميه من الابداع والجمال الوفاء من اجمل بورداب الدنيا
وكميه من الحب غمر الجميع
حقيقة احبكم جميعا ..................
الشكر لكل من ابدع وساهم وشارك بكل امكانياته لانجاح الحفل
التحية لبورداب الرياض ولجنتهم الموقره
التحية للمطربين الذين شاركونا الحفل
وان شاء الله يوم شكركم ما يجي
والتحية لمن لم يستطيعوا المشاركة وغابوا عنا لاسباب اكيد قاهرة حالت دون مشاركتهم
لكن نقول لهم فاتتكم وحقكم رااااااااااااااااااح
Post: #45 Title: Re: لله دركم بورداب الرياض.. صور تاريخية وفيديو عجيب!! Author: خالد المحرب Date: 05-12-2012, 07:01 PM Parent: #44
اولا نقول الحمد لله على سلامة اخونا الوجيه ود الزين وربنا يمتعك بالصحه والعافيه سعدنا بحضورك والشوفه ويعلم الله انا شخصيا لم اعرف بأنك كنت مريض ابتهجنا وعبرنا عن هذه البهجه على الهواء مباشره بنجاح عميلة اخونا طارق مرغنى سعدنا بوجود الزميله روزمين وزوجا وكل الضيوف المصاحبين لها وقد اتت الينا بشعرها الذى يبث فينا روح الشباب (كا نما تترجم اغنية المصير ) اما الحضور كانوا على قلب رجل واحد نساءا ورجال لم احس غير اننى بين اسرتى واهلى الصفا والحبور كان سيد الموقف . الكل كان يعبر عن فرحته لا مكان لشى غير ذلك مع اننا اتينا بعد صلاة الجمعه ولكن لم نحس بالملل بل العكس والله كنت اقول فى نفسى اتحدى ليلك ان يطول فى حضرة هذا الجمال .. سيف نورين كان ضربة البدايه غنى بمزاج واطرب نفسه وطرب معه كل الحضور وبمزاج عالى جدا يا جماعه والله ابتهجنا كلنا تساءا ورجال بالجد شكرا سيف شكرا مالك ثم تلاه اخونا ياسر العيلفون الذى بدوره انتقى الاغنيات طربنا وانا فى واحده من اغنياته كسرت عصاتى السمحه لانى طعنت بها ارضيه القاعه شالتنى هوشه ساهى والله اما الاستاذ مكاوى فاتا الينا باغنيتين من بيت الكلاوى المصير والمستحيل ياخ والله لمن نحن زاتنا كدا مارف اقول سنو بصحبة العازفين على الاكورديون هاشم خوجلى على الاورغ محمد البصير و السكسفون ايمن مزدت اى حاجه ولم ابالغ كعادتى بل لم اوفىيكم حقكم بورداب الرياض كنتم اجمل واحلى ناس
Post: #46 Title: Re: لله دركم بورداب الرياض.. صور تاريخية وفيديو عجيب!! Author: خالد المحرب Date: 05-12-2012, 08:50 PM Parent: #45
شكرا ايمن دياب شكرا اعضاء اللجنه قمتو بدرى فى يو جمعه كانت النتيجه مرضيه جدا لكل من حضر هذه الامسيه الجميله ابوحسين جاييك عشان اوريك النظام قال نقطة نظام
Post: #47 Title: Re: لله دركم بورداب الرياض.. صور تاريخية وفيديو عجيب!! Author: ABUHUSSEIN Date: 05-12-2012, 10:38 PM Parent: #46
Quote: بس يامعتز ليه بتفترضوا الناس عارفة صور الشخوص دي ؟!! كملوا جميلكم وعرفوا لينا الفي الصور ..
يا وهم الناس ديل كلهم نجوم لكن كالعادة لازم تفضح نفسك بي جهلك.....
Post: #48 Title: Re: لله دركم بورداب الرياض.. صور تاريخية وفيديو عجيب!! Author: خالد المحرب Date: 05-12-2012, 11:21 PM Parent: #47
رسالة شكر ارسلها الى الريس بكرى ابوبكر فى هذا المنبر تم تكريم كثير من الاصدقاء الاحياء منهم والاموات عبر هذا المنبر الجميل .. لك منى كل التحايا
Post: #49 Title: Re: لله دركم بورداب الرياض.. صور تاريخية وفيديو عجيب!! Author: ABUHUSSEIN Date: 05-13-2012, 05:58 AM Parent: #48
خالد المحرب إستلمت الحفلة كلها ... كمان عايز تستلم البوست ...؟؟؟؟
Post: #50 Title: Re: لله دركم بورداب الرياض.. صور تاريخية وفيديو عجيب!! Author: الصادق خليفة Date: 05-13-2012, 06:24 AM Parent: #49
الاعزاء بورداب الرياض لكم التحية جمعيا
و تحية خاصة للاحباب طارق و عبد المنعم و نقول ليهم حمد الله ألف ألف على السلامة وربنا يواليكم العافية
Post: #51 Title: Re: لله دركم بورداب الرياض.. صور تاريخية وفيديو عجيب!! Author: صديق الموج Date: 05-13-2012, 06:44 AM Parent: #50
Post: #52 Title: Re: لله دركم بورداب الرياض.. صور تاريخية وفيديو عجيب!! Author: صديق الموج Date: 05-13-2012, 07:01 AM Parent: #51
Quote: بعدين ياولي عليك الله شفته الجلابية كيف .. هههههههه
الف حمداً على السلامة طارق وود الزين اجر وعافية حباب روزمين فى الرياض بعدين وينها الجلابية يا ارباب قوم لف جلابية زى طرقة الحلو مر لوووووووووووول ماشاء الله عينى باردة ياود يا نحاسى انت،،،،
Post: #53 Title: Re: لله دركم بورداب الرياض.. صور تاريخية وفيديو عجيب!! Author: إسماعيل وراق Date: 05-13-2012, 07:06 AM Parent: #51
Post: #54 Title: Re: لله دركم بورداب الرياض.. صور تاريخية وفيديو عجيب!! Author: بابكر عثمان مكي Date: 05-13-2012, 07:11 AM Parent: #53
الف حمدالله على السلامة وماتشوف شر اخى طارق
Post: #55 Title: Re: لله دركم بورداب الرياض.. صور تاريخية وفيديو عجيب!! Author: ابو جهينة Date: 05-13-2012, 07:32 AM Parent: #54
نقطة من أول سطر في صفحة جديدة من كتاب بورداب الرياض
ولا تعليق فالصور تتحدث
حمدا لله على سلامتك طارق و الوجيه ود الزين
وحبابك مليون روزمين
Post: #56 Title: Re: لله دركم بورداب الرياض.. صور تاريخية وفيديو عجيب!! Author: خالد المحرب Date: 05-13-2012, 08:20 AM Parent: #55
Quote: بالله اللمات الجاية إن شاء الله أحجزوا الإستراحة في الخــرج
و خالد المحرب أدوهو خريطة لي إستراحة في الثمامة[/QUOTE
ابو حسين ات عارف التمامه فيها اهلى ويعرفون صحراء الصمان جيدا وات ساكن فى حى النهضه يعنى بينك وبينا يالعنافى كبرى الفحص دايرنى ارسل ليك اتنين يودوك الدهناء والله قوقل ايرث مايعرف محلك دحين اخير ترعى مقيد ماتخلى السناجك ديل يشمتوا فينا قال خريطه قال نحن بنشاقق ساهى
Post: #57 Title: Re: لله دركم بورداب الرياض.. صور تاريخية وفيديو عجيب!! Author: Anwar Ahmed Date: 05-13-2012, 09:35 AM Parent: #56
نحمدالله على سلامة طارق وعبدالمنعم ونسأل الله لهم دوام الصحة والعافية ..
بورداب الرياض جميعا .. لا أري غير مودة و نقاء و سمو .. ماشالله عليكم.. و كامل الترحيب بالاخت روزمين واسرتها وكامل الترحيب لكل من انضم موأخرا الى أسرة بورداب الرياض.. أعتذر لكم جميعا لعدم تمكني من حضور هذا الاحتفاء وهذا لاسباب اسرية وما اكثرها هنا في السعودية.. وأن شاء الله نراكم في قادم ايام.. والشكر لايمن علي الاتصال والتواصل..
Post: #58 Title: Re: لله دركم بورداب الرياض.. صور تاريخية وفيديو عجيب!! Author: حمزاوي Date: 05-13-2012, 09:56 AM Parent: #57
يا سيدي يا حاج الماحي نحن ما حضرنا الشيء دا ولا يمكن ما صورونا امووووووووووت انا في الصور الفوتغرافية ( مش كدا يا صديق الموج )
Post: #59 Title: Re: لله دركم بورداب الرياض.. صور تاريخية وفيديو عجيب!! Author: محمد عبد الماجد الصايم Date: 05-13-2012, 09:59 AM Parent: #57
غايتو .. ما لينا في الطيب نصيب! ولله الحمد والشكر من قبل ومن بعد!!
Post: #60 Title: Re: لله دركم بورداب الرياض.. صور تاريخية وفيديو عجيب!! Author: خالد حامد الجزولي Date: 05-13-2012, 10:07 AM Parent: #57
معتز اولاً حمد لله على سلامة المصاب وربنا يمتعه بالصحة والعافية بالجنبة ياخي الصور دي كان تنقصو حجمها شوية فتلت البوست يااااخي تحياتي
Post: #61 Title: Re: لله دركم بورداب الرياض.. صور تاريخية وفيديو عجيب!! Author: خالد المحرب Date: 05-13-2012, 10:19 AM Parent: #60
Quote: يا سيدي يا حاج الماحي نحن ما حضرنا الشيء دا ولا يمكن ما صورونا امووووووووووت انا في الصور الفوتغرافية ( مش كدا يا صديق الموج )
يا ريت لو كان عندى كمره يا خالتو حمزاوى والله كان صورتك اول زول انا نصير المهمشين لانى محمش ومهمش لكن نرضيك اصلك البسيطه برضيك زى كدا يا البشارى ابحت لينا صوره لى الرطانى دا بلاهى والا بصرف لكيم ورقه فى شكل بخره بالنيابه عنه
Post: #62 Title: Re: لله دركم بورداب الرياض.. صور تاريخية وفيديو عجيب!! Author: معتز زيزي Date: 05-13-2012, 10:32 AM Parent: #60
Quote: ياخي الصور دي كان تنقصو حجمها شوية فتلت البوست يااااخي تحياتي
أخي خالد ..
ملاحظتك سليمة .. كان من المفترض تصغير حجم الصورة سوف يتم مراعاة ذلك بباقي الصور .. .. كونوا بإنتظاري وتسلم كتير أخ خالد
Post: #63 Title: Re: لله دركم بورداب الرياض.. صور تاريخية وفيديو عجيب!! Author: معتز زيزي Date: 05-13-2012, 10:46 AM Parent: #62
Post: #64 Title: Re: لله دركم بورداب الرياض.. صور تاريخية وفيديو عجيب!! Author: طارق عبد اللطيف نقد Date: 05-13-2012, 10:47 AM Parent: #32
حبيبنا ود البوش والله الناس انداحت وارتاحت ههه قلته لي خفته علي المحرب يكسر رقبته من الفرحه
وصاحبك ادريس لليلة ما اتعشى ههههههههههههههه
وحقيقي اجمل حاجه في اليوم ده انه الواحد من جاء لمن رجع ما وقف من الضحك والفرحه واخص بالشكر الاخوات العزيزات عفاف ابو حريرة والبنات وما قصرتوا تب ونردها ليكم في السمح والاخت العزيزة ساميه حامد والاسرة للمجهود الجبار رغم الظروف القاهرة وطبعا بي جاه الملوك يلوك ابوحين بالانجليزي
وبورداب الرياض احبكم واموت فيكم كمان
Post: #65 Title: Re: لله دركم بورداب الرياض.. صور تاريخية وفيديو عجيب!! Author: خالد المحرب Date: 05-13-2012, 11:00 AM Parent: #64
يا جماعه اسمحو لى ان اشكر المهندس البارع معتز صاحب الزون فى الزمان والمكان اخراج ولا احلى من عدسه عاليه الجوده بانامل وعين ثاقبه تدعمها خبره بالطبع ابوحسين وحات عينيك ماتزعل لانى تداخلت كثير حتى اعبر عن دواخلى تجاه الاخرين واعطى كل زى حق حقه
Post: #66 Title: Re: لله دركم بورداب الرياض.. صور تاريخية وفيديو عجيب!! Author: ismeil abbas Date: 05-13-2012, 11:13 AM
Quote: وبورداب الرياض احبكم واموت فيكم كمان
طارق موت بعيد بالله ما تحملنا مسؤولية..واحدعايز يموت من الضحك وواحد عايز يموت من الفرح....وإنت كمان عايز تموت فينا.
Post: #68 Title: Re: لله دركم بورداب الرياض.. صور تاريخية وفيديو عجيب!! Author: داليا الكباشى Date: 05-13-2012, 11:24 AM Parent: #66
قاتل الله المشغوليات (:
حمد الله بسلامتك يا طارق ، وهلا بي (سديغتي) العزيزة روز بيننا (:
نتلاقى في مساحات أرحب قريب انشاء الله (:
أوجة زول أحمد عادل .. الشهير بي أحمد السغيل (:
ووين الفيديو العجيب ..؟! ((:
Post: #67 Title: Re: لله دركم بورداب الرياض.. صور تاريخية وفيديو عجيب!! Author: mohamed elshiekh Date: 05-13-2012, 11:19 AM
يا ناس اللجنه هوى .... الحقوا اخوكم خالد دا وشيلو معاكم بخور تيمان وبمبان لوفى طريقه
لا نو صديق الموج انتهى ليكم منو.. ويا خالد والله نصيحه لله اتخلص من الابرى دا ولا اقول ليك كلام قطعها وعبيها فى اكياس واقعد بيها فى غبيره العام واصلا رمصان قرررررب. لوووووووول
خالد يا حبيبى ماتشوف شر انشاء الله....
ويا خساره الماحضرنا البهجه دى كلها ظروف عجيبه خلتنا نطلع قبل السامبا دى .. يلا خيرها فى غيرها
الف حمد لله على سلامة الاخويين طارق وود الزين..
والف اهلا وسهلا بالاخت روزمين اضافة قويه لبورداب الرياض .. اتمنى لك وللاسرة طيب الاقامه بالرياض ..
لكم المحبه جميعا ..
Quote: قوم لف جلابية زى طرقة الحلو مر لوووووووووووول ماشاء الله عينى باردة ياود يا نحاسى انت،،،،
اخوي ايمن فعلا لله دركم بورداب الرياض ....دوما انتم عنوان لكل شئ جميل وحلو ...دوما انتم مثال للتواصل والترابط الاجتماعي المميز ...ياخي والله انتو ناس عجيبين جدا ....والله تخلو الزول زاتو مايعرف يقول شنو ..تعجز الحروف والكلمات في وصفكم ...
اخوتي واخواتي واصدقائي فردا فردا حتي صغيركم الذي حمل اسمه هذا اليوم ...لكم الشكر والتقدير والعرفان ..لكم المحبة المودة وصادق العرفان ..لكم الاحترام والتقدير ....لكم عاطر التحية ولكم في الوجدان كل جميل ..لكم الدعوات الصادقة من كل والدة ووالد ...لكم الابتسامة الحلوة من كل طفل ...لكم ماتعجز الافئدة من حمله ويصعب علي القلب ترجمته ...وانتم اهل للمودة والتقدير . بينكم ومعكم ينسي الانسان نفسه لان جزيل العطاء منكم يجعلنا نشفق علي انفسنا منكم ..فكيف نرد لكم العطاء ..
انا سعيد بكم وسعيد بينكم وسعيد لانني منكم ....
حمد لله اخي طارق وما تشوف شر ابدا وتسلم عافيتك وبدنك يارب دائما وسحروك ياخي ... اهلا بيك بالدكتورة روزمين وحبابك عشرة وشرفتي الرياض واهلا باسرتك وحباب دكتور البيلي وتشرفنا بمعرفتكم ...(تخرمية شوية يامحمود ، مولانا القاضي البيلي كان معنا في الكاملين زمان رحمة الله عليه هل هي نفس العائلة والا اسم علي اسم عذرا علي التخرمية )
احبابنا .....شكرا حتي تغيب الشمس في ذاك اليوم ...
اخوكم ود الزين
Post: #70 Title: Re: لله دركم بورداب الرياض.. صور تاريخية وفيديو عجيب!! Author: معتصم دفع الله Date: 05-13-2012, 01:51 PM Parent: #69
في بعض الحالات يكون الكلام صعب .. ويعجز اللسان عن التعبير .. لذلك نكتفي بالحضور ومتابعة الدهشة مع الصور .. شكراً بورداب الرياض ..
كل الصحة والعافية للجميع .. طارق ميرغني والوجيه ودالزين سلمكما الله ..
وألف مرحب بالزميلة روزمين الصياد وزوجها الدكتور محمود وأسرتهما الكريمة ..
يا ناس اللجنه هوى .... الحقوا اخوكم خالد دا وشيلو معاكم بخور تيمان وبمبان لوفى طريقه
لا نو صديق الموج انتهى ليكم منو.. ويا خالد والله نصيحه لله اتخلص من الابرى دا ولا اقول ليك كلام قطعها وعبيها فى اكياس واقعد بيها فى غبيره العام واصلا رمصان قرررررب. لوووووووول
خالد يا حبيبى ماتشوف شر انشاء الله....
ود الشيخ انا قلت ماشاء الله انت اتصرف سلام يا حبيب،،،
جينا .. بنطلون وجينز جلابية ، وتوب وعباية وقميص و تي شيرت وعصايات للصقرية و.. جينا .. ود المحرب وود الأرباب .. أبو جهينة وأبوحسين .. وود الزين وود البوش و وود البشاري و ودالشيخ وود السماني وودالعيلفون و ودالتلب جينا .. دكتور عبدالله ودكتور شوقي ودكتور محمد ودكتور البيلي ودكتورة روزمين، وجلسنا .. هاشم وصلاح هاشم وحمزاوي ونقد وأيمن ومعتز وادريس الكبير ووليد وادريس الصغير ، وغيرهم كثر . وخلفنا كراع على كراع .. و مابين طارق ومعتصم وطارق انداح مصطفى شحرفان تنكيتاً فأضحكنا حتى أبكانا .. وفي حضرة عفاف ، وسامية ، وفوزية وليلى و سهام وبقية أخواتنا ، ضحكنا ونقنقنا وتهامسنا بصوتٍ مسموع فكانت لمتنا بالحيل جميلة وأخوية ، لا بل كانت ليلة ما أحيلاها .. ليلة ما منظور مثيلا
خلو الحكي همس... لا تزعجون الشمس.. نامت على صدر القمر لليوم.. من قبل امس .. .. هدوء.. هدوء.. سيرو على روس الاصابع في حذر لا لا تفيق الشمس .. او يصحى القمر .. اليلة ديك ليلة عمر.. كانت ليلة عمر.. ليلة بها ذاب الفجر .. و نامت بها شمس
شكراً حبيبنا طارق ميرغني وأخونا الوجيه ودالزين ، وشاعرتنا روزمين فبكم ولكم تمت الأفراح ، حفظكم الله من كل سوء ، ومتعكم بالصحة والعافية أبدا..
والشكر قبلاً وبعداً لتلك الكوكبة الرائعة من أعضاء اللجنة ممن تحملوا عبء التحضير والتجهيز لتكون الليلة في مستوى الحدث . وقد كانت . فشكراً لكم أحبتي على روعة الاخراج .. وطابت بكم الأيام والليالي دوماً .
مودتي ،
( ليمو )
Post: #73 Title: Re: لله دركم بورداب الرياض.. صور تاريخية وفيديو عجيب!! Author: عبد اللطيف بكري أحمد Date: 05-13-2012, 02:48 PM Parent: #71
- ألف حمداً لله حبيبنا طارق - وسلامتك ود الزين - كانت أمنية نقابلك،، - ألف مرحب بالزميلة روزمين الصياد وزوجها الدكتور محمود وأسرتهما الكريمة ،،
شكراً بورداب الرياض الحضور على القيام بالواجب نيابة عن الجميع،،
رسالة عبر الايميل من قارئ متابع نتمنى ان يكون عضوا بيننا قريبا
Quote: السلام عليكم ورحمة الله وبركاته
الاستاذ عبدالله ورفاقة الاعزاء بورداب الرياض
اولا : الف حمد لله على سلامة الاستاذ طارق ميرغني وربنا يواليه بالصحة والعافية وجميع بورداب الرياض ثانيا : اسف جدا لانني دخلت عليكم من غير احم ولا دستور زي ما بقولوا ، ولكن بكثرة متابعتي لكم من خلال سودانيز اون لاين ومنذ ما يقرب السنتين يوميا صرت كانني واحدا من هذه الاسرة الجميلة جعلتني اكتب اليكم واسجل اعجابي الشديد ببورداب الرياض ان شاء الله دائما متحبين ومتكاتفين ومن كثرة متابعتي لكم دائما صرت أعرف كل بورداب الرياض من الاستاذ ابو جهينة وطارق ميرغني وصديق الموج وابو حسين والارباب خالد المحرب وعبد الله البوش وياسر السر العيلفون والسماني يوسف واسماعيل عباس وكثر ربنا يعطيكم الصحة والعافية جميعا
Quote: واسجل اعجابي الشديد ببورداب الرياض ان شاء الله دائما متحبين ومتكاتفين ومن كثرة متابعتي لكم دائما صرت أعرف كل بورداب الرياض من الاستاذ ابو جهينة وطارق ميرغني وصديق الموج وابو حسين والارباب خالد المحرب وعبد الله البوش وياسر السر العيلفون والسماني يوسف واسماعيل عباس وكثر ربنا يعطيكم الصحة والعافية جميعا
ود البوش قال بعرفنى ؟ والله بختو بس قول ليه ما يكلم زول نسوى شنو المعجبين وازعاجهم احم احم كما اشكر المعجبين من الملوك والررساء والسفراء والوزراء ومن عامة الشعب امثال امير ادريس.. ود البوش بالله اطلب ليه باسورد من ابوصلعه ده وكدهــ.. خلاص يا ود يا امير كلمت ليك العمال لووووووووووووووول،،،
Post: #80 Title: Re: لله دركم بورداب الرياض.. صور تاريخية وفيديو عجيب!! Author: مها عبد الله Date: 05-13-2012, 04:04 PM Parent: #76
الدعوات الطيبة للأخ طارق بدوام الصحة والعافية ما تشوف شر يا شقيق ومنورة الفاضلة روزمين وحمدا لله على سلامة وصولك الرياض
بورداب الرياض الأوفياء الإخوه والأخوات العزيزات ماشاء الله وعيني بارده عليكم تامين ولامين دايما ومجتمعين بالخير وفى الخير يا رب
Post: #83 Title: Re: لله دركم بورداب الرياض.. صور تاريخية وفيديو عجيب!! Author: عفاف أبو حريرة Date: 05-13-2012, 11:18 PM Parent: #81
يا ناس سلام قبل ما اقول اي كلام خلوني اقول ليها الاوصفوك ما انصفوك يا روح الصبا وخدامك ملوك يا روزمين وليس من حدث كمن رأى الزوله دي فيها جموح الخيل ورقة الغزلان الراحت عليهم اللمه اهم ما فيها راح عليهم انهم يلاقو اروع ما خلق الله اما بقى عريسنا تمام يا سلام منه حبايبه كتار محاوطنه والف الف الف حمد لله ع سلامة حبيبنا طارق واخونا العزيز ود الزين
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ اما بقى الجميل اسماعيل عباس والغاليه حياة خلونا كاننا في حضره نانسي عجاج بي شاي المغربيه واليقيمات ووقفة معتصم وايمن دياب واسماعيل تحسسك انه عرس واحد من اولادك وديل اشقاءك من امك وابوك ساره حسن زوجه يوسف السماني فتحيه زوجه الراحل عماد محمود كفاية الضيوف احلى لوحة الواحد متع بيها عيونه وصغارنا فلذات اكبادنا الرائعه امنيه عادل "بت ساميه " وريناد "لالا" بت يوسف السماني والاربابه سماح بت خالد سعيد وان كانت قبضت حقها كاسة ايسكريم عملو كنترول على النضافه ما شايفين الاستراحه كانت نضيفه كيف بورداب الرياض احبكم حد النخاع والكمل جمال اليوم وجود اخوات الغاليه فوزيه "ليلى وتاجوج" والدكتور عبدالله وشوقي وصلاح هاشم سعيد ووأبن اختها ما حاضرني اسي اسمه والرقه تمشي على رجلين العسوله دكتور سوسن
Post: #84 Title: Re: لله دركم بورداب الرياض.. صور تاريخية وفيديو عجيب!! Author: عفاف أبو حريرة Date: 05-13-2012, 11:42 PM Parent: #83
وشكر خاص للابناء لحسين عادل محمد عادل صلاح اسماعيل عبدالرحمن عماد محمود ع وقفتهم معانا
Post: #99 Title: Re: لله دركم بورداب الرياض.. صور تاريخية وفيديو عجيب!! Author: البشير دفع الله Date: 05-14-2012, 06:37 PM Parent: #80
الخال الجميل اسماعيل عباس ابداع ايما ابداع , شباب ورياضة وسبور كمان .
بختك اختنا حياة وبختو بيك اسماعيل .
مودتي للجميع
Post: #85 Title: Re: لله دركم بورداب الرياض.. صور تاريخية وفيديو عجيب!! Author: الامين موسى البشاري Date: 05-14-2012, 06:49 AM Parent: #1
ألف حمداً لله على سلامة طارق ميرغني وود الزين ومرحب بروزمين الصياد في الرياض كانت ليلة من ألف ليلة وليلة ومعليش يا أيمن ما كان عندي نت في البيت وعشان كدا تأخر نزول الفيديو الذي يحكي روعة البورداب
Post: #86 Title: Re: لله دركم بورداب الرياض.. صور تاريخية وفيديو عجيب!! Author: ادريس خليفة علم الهدي Date: 05-14-2012, 07:56 AM Parent: #85
كالعادة لاجديد اينما وجد بورداب الرياض وجد الجمال واينما اجتمعوا نثروا الفرح والسرور .. هم كالبنيان يشد بعضعه بعضا . . تمنياتنا بدوام الصحة والعافية للاخوان طارق وودالزين (وماتشفوا شر) انشاء الله اجر وعافية.. . . ودالبوش وطارق نقد .. النجيهة لزوما شنوا .. الي الليلة بايت القوا(وجه ضاحك)
دمتم بالخير والمحبة
Post: #87 Title: Re: لله دركم بورداب الرياض.. صور تاريخية وفيديو عجيب!! Author: أيمن دياب Date: 05-14-2012, 08:57 AM Parent: #86
شكراً بشاري على الفيديو الرائع.. والحمد لله قدرنا نلحق مصطفى شحرفان قبل ما يقلع الجلابية.. قال عايز السوط رسمي وشعبي.. وعايز ينجلد في وسط الساحة..
(أدينا بتاع المحرب جوه الصالة لو عندك)..
Post: #88 Title: Re: لله دركم بورداب الرياض.. صور تاريخية وفيديو عجيب!! Author: ismeil abbas Date: 05-14-2012, 11:33 AM Parent: #87
يا دكتور محمد حسن إنت الصور دى بتحمض فيها وللا حردت بعد ما شفت صور زيزى ما شاء الله.
نزل صورة السكين بتاعة الضراع..عشان ناس طارق نقد وخالد سعيد العامل فيه أرباب تانى ما ينضموا....
قالوا إسماعيل عباس ومعتصم دفع الله شنو البجيبوا الخروف...
عشان تأمنوا...
Post: #89 Title: Re: لله دركم بورداب الرياض.. صور تاريخية وفيديو عجيب!! Author: معتصم دفع الله Date: 05-14-2012, 11:42 AM Parent: #87
Quote: والحمد لله قدرنا نلحق مصطفى شحرفان قبل ما يقلع الجلابية.. قال عايز السوط رسمي وشعبي.. وعايز ينجلد في وسط الساحة..
سوط شنو يا أيمن .. الزول دا قال حرّم ينجلد بالعكاز زاتو
Post: #90 Title: Re: لله دركم بورداب الرياض.. صور تاريخية وفيديو عجيب!! Author: وضاحة Date: 05-14-2012, 11:55 AM Parent: #85
هييييييييييع عفيت منك يا خالد الارباب ود عمى عنتيل دار جعل
الله يحفظك
غايتوا ما قصرتوا
سمعة طلعت ما ساهل ههههه
عمو خالد المحرب ما قصرت والله
ربنا يديم عليكم نعمة الصحة والعافية
وألف حمداً لله على سلامة طارق ميرغني وود الزين
وينو عمو ابو حسين يا جماعة؟؟؟
Post: #91 Title: Re: لله دركم بورداب الرياض.. صور تاريخية وفيديو عجيب!! Author: ABUHUSSEIN Date: 05-14-2012, 12:12 PM Parent: #90
Quote: وينو عمو ابو حسين يا جماعة؟؟؟
هو عمو لكن يا وضاحة ما ترفعي الكُلفة للدرجة دي ....
هو جدو عديل ......
أبو حسين أكبر من إنو إظهر مع الناس ديل ... ( تابعي الـCNN)
Post: #92 Title: Re: لله دركم بورداب الرياض.. صور تاريخية وفيديو عجيب!! Author: وضاحة Date: 05-14-2012, 01:00 PM Parent: #91
Quote: هو عمو لكن يا وضاحة ما ترفعي الكُلفة للدرجة دي ....
هو جدو عديل ......
أبو حسين أكبر من إنو إظهر مع الناس ديل ... ( تابعي الـCNN)
اها يا الفيس برسلي
Post: #93 Title: Re: لله دركم بورداب الرياض.. صور تاريخية وفيديو عجيب!! Author: معتصم دفع الله Date: 05-14-2012, 01:20 PM Parent: #92
Quote: أبو حسين أكبر من إنو إظهر مع الناس ديل ... ( تابعي الـCNN)
أبوحسين مع لاري كينق في حلقة اليوم الساعة 23 بتوقيت قرينتش
السودان كلو ببيت القوا وبساعدها بالجوع .... انت زعلان عشان ليلة واحدة ؟؟؟
________________________ مشتاقون
Post: #109 Title: Re: لله دركم بورداب الرياض.. صور تاريخية وفيديو عجيب!! Author: ABUHUSSEIN Date: 05-15-2012, 05:49 AM Parent: #108
Quote: اها يا الفيس برسلي
إنتي يعني الواحد علشان إتواضع و رد عليك حا تعملي فيها صاحبتي و ل شنو ....؟؟؟؟
Post: #110 Title: Re: لله دركم بورداب الرياض.. صور تاريخية وفيديو عجيب!! Author: حمزاوي Date: 05-15-2012, 06:17 AM Parent: #109
Quote: وينو عمو ابو حسين يا جماعة؟؟؟
نخلي اخونا مصطفى شحرفان يحكي ليكم حكاية يا عمو بتاع المجنون الفي الحافلة يا عمو
ابوالقدح
Post: #111 Title: Re: لله دركم بورداب الرياض.. صور تاريخية وفيديو عجيب!! Author: طارق ميرغني Date: 05-15-2012, 06:25 AM Parent: #110
..... واما سكين الضبح هذي فاحسن من يرويها اخي الحبيب اسماعيل عباس
Post: #112 Title: Re: لله دركم بورداب الرياض.. صور تاريخية وفيديو عجيب!! Author: أيمن دياب Date: 05-15-2012, 06:29 AM Parent: #111
مهندسنا البشاري.. التشغيل التلقائي للفيديو الأول حرمنا من الاستمتاع بالفيديو الثاني.. شوف لينا حلل..
Post: #113 Title: Re: لله دركم بورداب الرياض.. صور تاريخية وفيديو عجيب!! Author: ود الباوقة Date: 05-15-2012, 06:30 AM Parent: #111
باشمهندس
بالله دي سكين الضبح
بس ما تكونو حرجمتوه
وبعدين يكون لحمو غير شرعي
الف حمدا لله على سلامتكم اخي طارق
ومتعك الله بالصحة والعافية
Post: #114 Title: Re: لله دركم بورداب الرياض.. صور تاريخية وفيديو عجيب!! Author: ismeil abbas Date: 05-15-2012, 08:02 AM Parent: #113
تسلم أخوى طارق ميرغنى يامدرج العاطلة.
التصوير لهذه السكين يا جماعة للتوثيق وللتاريخ..وقصة تصويره هنا.
فى ألأيميل الداخلى بين أعضاءاللجنة للتنسيق للحفل إ. خالد سعيد العامل فيها أرباب وطارق نقد قالوا الخروف البجيبو منو ؟ طارق قال ألخروف خروف ألأرباب بس معتصم دفع الله وإسماعيل شنو البحيبوا الخروف قلت ليهم أها أتحداكم بكرة كل زول يجيب سكين ضراعو ويورينا شغلو حمالتكم على كلهم إضايرو وكمان خليت ألأرباب يتصور بيها..هذه السكين هدية من الوالد الله يطول فى عمرو ولها معانى.وياودالباوقة السكين دى تذبح تور ..وكان ما متأكد تعال جرب.
والله العظيم وكتابه الكريم لمتنا بكرة ما تطلع زي دي علا أشيل حالكم بالبلد والبلدين يا بورداب الرياض وتاني شي أي زول كان موجود في الحفلة دي وما يجي لمتنا بكرة القطاعة القطاعة
Post: #128 Title: Re: لله دركم بورداب الرياض.. صور تاريخية وفيديو عجيب!! Author: معتز زيزي Date: 05-17-2012, 00:17 AM Parent: #126
هي دا أنا ... الله يجازي محنك يا طارق ... القطة دي متين...?
Post: #129 Title: Re: لله دركم بورداب الرياض.. صور تاريخية وفيديو عجيب!! Author: ABUHUSSEIN Date: 05-17-2012, 07:01 AM Parent: #128
Quote: والله العظيم وكتابه الكريم لمتنا بكرة ما تطلع زي دي علا أشيل حالكم بالبلد والبلدين يا بورداب الرياض وتاني شي أي زول كان موجود في الحفلة دي وما يجي لمتنا بكرة القطاعة القطاعة
الوهم دا خته نفسو في حتة ضيقة خلاص...
يا زول إنت الجابك شنو لي طارق و ود الزين....؟؟؟؟
مافي أي مقارنة لكن بس الشتارة كعبة شديد...
Post: #130 Title: Re: لله دركم بورداب الرياض.. صور تاريخية وفيديو عجيب!! Author: معتز القريش Date: 05-17-2012, 07:05 AM Parent: #129
Quote: الوهم دا خته نفسو في حتة ضيقة خلاص...
يا زول إنت الجابك شنو لي طارق و ود الزين....؟؟؟؟
مافي أي مقارنة لكن بس الشتارة كعبة شديد..
جابني خالد المحرب
لووووووولز
Post: #131 Title: Re: لله دركم بورداب الرياض.. صور تاريخية وفيديو عجيب!! Author: ABUHUSSEIN Date: 05-17-2012, 07:16 AM Parent: #130
Quote: جابني خالد المحرب
ياهو شبهك .....
Post: #132 Title: Re: لله دركم بورداب الرياض.. صور تاريخية وفيديو عجيب!! Author: أيمن دياب Date: 05-17-2012, 08:43 AM Parent: #131
Quote: والله العظيم وكتابه الكريم لمتنا بكرة ما تطلع زي دي علا أشيل حالكم بالبلد والبلدين يا بورداب الرياض وتاني شي أي زول كان موجود في الحفلة دي وما يجي لمتنا بكرة القطاعة القطاعة
أبوحسين.. في حياتي وفي عمري ما شفت لي ضيف (شناف) و(عينو قوية) زي ضيفكم ده..
Post: #135 Title: Re: لله دركم بورداب الرياض.. صور تاريخية وفيديو عجيب!! Author: ABUHUSSEIN Date: 05-17-2012, 10:44 AM Parent: #132
Quote: زي ضيفكم ده..
أيمن الزول دا ما ضيفى و لا حاجة دا شبه آل أبو حريرة و شركاهم ....
Post: #136 Title: Re: لله دركم بورداب الرياض.. صور تاريخية وفيديو عجيب!! Author: ismeil abbas Date: 05-17-2012, 10:49 AM Parent: #132
Quote: في حياتي وفي عمري ما شفت لي ضيف (شناف) و(عينو قوية) زي ضيفكم ده..
عشان كده أنستروا
الناس ديل عندهم حق علينا......يا أبو حسين قنطرتها ليك!!!!!!!!