Post: #1 Title: # ليلة الدهشه مع زين ( أنت سودانية أصيلة بشهادة عشرة ملايين ) Author: زهير عثمان حمد Date: 05-11-2012, 10:57 PM
قد أكون بعد ليلة أمس أكثر أيمانا بأن زين ليست شركة أتصالات تعمل في السودان بهذا التعريف الموجز بل هي عالم سوداني مدهش بحق وضع معاييره أبناء هذا الوطن العظيم بالتاكيد تخللت هذه المعايير قيم أهل السودان بالاضافة بشاشة وبساطة كل قاطني بلدنا المباركة وتصالحهم مع تحديات الزمن وحبهم الفطري للعلم والجديد المبهر نعم أنها زين السودان كنا معهم وهم يحتفلون بعامهم الخامس عشر وكم هائل من العملاء راضون عنها وكذلك قبيلة من العاملين بها قل نظيرها في سوق العمل السوداني فهم غيرما يحملون من درجات علمية أصحاب مقدارت متنوعه قدموا زين كجزء أصيل من تركيبة هذا الوطن وهم بيننا في أكثر من ألف مدنيةوكذلك هم روح التواصل بكل ما تحمل كلمة التواصل من معاني عميقة بين كل أهل السودان ولكم فرحت وأنا أسمع ما قاله الفريق طيار معاش الفاتح عروة رئيس مجلس الادارة ( بأن الاتصالات هي الحرية وهي التحرير) نعم مع زين نتطلق الي أفاق أرحب في التعبير عن أنفسنا في شتي المجالات وضروب الابداع لا أقول وأكتب لاني صاحب غرض أو طالب منصب أو مال لا بالله صادق أعدد مناقب زين لانها واحدة من الشركات المائة الرائدة في السودان ولو كتبت سفرا كاملا لن أوفي هذه الصرح حقه في كل مجال نجد نجاح وأنجاز من الافراد الي الادارة الجوانب الفنية وكذلك مقارنتهامع الاخريات العاملات معها في نفس المجال قد تكون غير واردة في كل المجالات وأقرب وأكثرها وضوح هي عدد المشتركين في بعض الاحيان يكون لزاما علينا أحق الحق فضيلة لابد من أشاعتها بيننا كقيمة أخلاقية نعرف بها أين نحن من الاخرين والي أين نسير لقد كانت ليلة زين وشركاؤها في تقنية تقديم خدمة الاتصالات بحق ليلة الدهشة وبحق زين عالم جميل مع زين نحن أكثر حرية وأتمني علي أدارة زين أن لا تكون شركة أتصالات فقط كما هو عهدنا بها صاحبة مبادرة في كل المجالات الانسانية عليها أيضا أت تتبني كرسي علم الادارة وكذلك علم تطبيقات الحاسب الالي بأحدي الجامعات الوطنية لكي نترقي معنا وتظل الدهشة ويستمر هذا الانجاز بنفس الروح أجيالا وأجيال شكرا زين لدعمكم التواصل بين أهل السودان ووصلكم للريادة بهذا العطاء الراقي وزين سودانية بشهادة عشرة ملايين مشترك.
Post: #2 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: رشا احمد Date: 05-12-2012, 00:07 AM Parent: #1
صباح الخير زهير
what sounds good to u , sounds bad to others
زين ... اسوأ شركة اتصالات في السودان
تليها سوا السعودية
Post: #3 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: زهير عثمان حمد Date: 05-12-2012, 04:48 AM Parent: #2
رشا كيفك أمكن تقيم كل واحد منا مختلف بس هنا نحن لازم نقول كلمة حق زين تعمل في السودان بأدارة سودانية بالاضافة بأن لها الريادة في هذا المجال وهي الاولي وكان أسمها موبتل ولو لا أختلاف الامزاجة لب....... السلع . لك كل الود شكرا علي المرور
Post: #4 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: معتصم محمد صالح Date: 05-12-2012, 04:56 AM Parent: #2
يا ابو الزهور
المليارات التي تم صرفها بالامس في ليلة واحدة اليس كان من الاولى ردها لاصحابها الذين نهبت منهم او على اسوأ الفروض ام يكن افضل لو تم الاستفادة منها في دعم الفقراء وما اكثرهم باقامة اي صرح خدمي ".
زين عالم شين
زين ردوا الدين
Post: #5 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: زهير عثمان حمد Date: 05-12-2012, 05:13 AM Parent: #4
الاخ معتصم تحياتي زين لم تصرف غير الضيافة أمس والباقي كان من شركاء زين أريكسون وهاواوي الصينيه وأرجو أت تراجع سجل زين في الانفاق علي المشاريع الخدمية في السودان لقد صرفت أكثر من ثلاثة مليارات ؟ بشهادة أصحاب المنفعه من هذه المشاريع لك تحياتي
Post: #6 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: مزمل خيرى Date: 05-12-2012, 10:48 AM Parent: #5
__ الاخ زهير سوف ادعم البوست ببعض الصور والفيديوهات ... أرجو أن تنال رضاكم ...
Post: #8 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: مزمل خيرى Date: 05-12-2012, 11:01 AM Parent: #6
Post: #9 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: مزمل خيرى Date: 05-12-2012, 11:04 AM Parent: #8
Post: #10 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: مزمل خيرى Date: 05-12-2012, 11:09 AM Parent: #9
Post: #13 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: زهير عثمان حمد Date: 05-12-2012, 05:10 PM Parent: #6
الصديق الحبيب مزمل تحياتي ومتعك ربي بالعافيه شكرا ليك في دعمك البوست بهذه الصور الجميلة وهذا البوست مفتوح لكل البورداب من عملاء زين الاكارم للمشاركة في الاحتفاء بزين الزعلايين لا لك ودي
Post: #7 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: يحي ابن عوف Date: 05-12-2012, 10:57 AM Parent: #4
يا ابو الزهور دا كسير ثلج الله يحرق مصانع الثلج من حلفا لنمولى
هههههههههههههههههههههه
Post: #11 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: رشا احمد Date: 05-12-2012, 11:35 AM Parent: #7
الناس ديل مالهم سمحين ونضيفين كدا ؟
والله الاحتفال دا فاتني .... يا ربي تفيده مشت؟ ________________________________
غايتو يا زهير شاطرين في الدعايات ..وأظنها برضو حتكون مستوحاة من الخارج أو أصلها ما سوداني ...
اضافة لي انو أغلب العاملين في زين .. من ميلز و فيميلز وجيهين ومرطبين و مرتبين ..
غير كدا ... ماعندها ايجابيات التكتح
ياخي شبكتهم سيئة سيئة سيئة... جووووة البلد ..خلي برا البلد الغاشننا بيها دي ..
و الله أريبا أقوى منها مليون مرة ...و أغلب الناس البتعاملوا بي زين لحد هسه .. بس لانها زي ماقلت اقدم شركة .. و مضطرين لأجلٍ مسمى ..
قطيعة تقطع زين و الكيزان في ثانية واحدة ... و ما عافين ليهم و لا ربع هللة من قروشنا
Post: #12 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: منال Date: 05-12-2012, 12:17 PM Parent: #11
Quote: الناس ديل مالهم سمحين ونضيفين كدا ؟
والله الاحتفال دا فاتني .... يا ربي تفيده مشت؟
تفيده لو كانت موجوده فى البلد مااابتقصر ,,, خلينى ارجع بث
Post: #15 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: زهير عثمان حمد Date: 05-12-2012, 06:35 PM Parent: #11
رشا مساء الخير أنا ماشي بيت عزاء وراجع ونشوف أخرتا معك شنو الله يدينا خيرك ياخي
Post: #14 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: زهير عثمان حمد Date: 05-12-2012, 05:17 PM Parent: #7
أخي يحي لك سلامي لي ناقة ولا جمل في الامر بحق أؤكد أن زين بحق شيء مختلف علي فضاء السودان , والله ليسلكين تكسير التلج بقي من السلوك الشعبي لاهل السودان بعدين ألله ما بحرق مصانع التلج لكين العرقي ممكن لك ودي
Post: #16 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: زهير عثمان حمد Date: 05-12-2012, 10:27 PM Parent: #14
منال سلام وشكرا علي المرور
Post: #17 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: نجاة محمد بابكر Date: 05-13-2012, 10:56 AM Parent: #16
عليك الله يازهير حسع الاحتفال دا كان فيهو شنو مفيد غير شاشة وفرقة صينية
كدى قول لى استفتا شنو من الاحتفال هم ناس زين مش هم العملو دقيقتهم بدل 60 ثانية بقت 45 ثانية يعنى اكلونا حتى فى حق الله
Post: #18 Title: Re: # ليلة الدهشه مع زين ( أنت سودانية أصيلة بشهادة عشرة ملايين ) Author: زهير عثمان حمد Date: 05-13-2012, 02:22 PM Parent: #17
الاخت نجاة تحياتي نحن مع مشاكل العملاء دي برضو ممكن نتكلم فيها بس لكين كمان ما نبخس الناس أشياءهموالله اللية كانت جميله وسط كوم من السخف اليومي
تعالوا قالوا نحن عملاءك يازين حصل كدا ودا وممكن زين ترد عينا ونفهم الحاصل شنو بدل الهجوم بدون عرض المشكلة لك كل الود شكرا علي المرور
