عبد العزيز الحلو قواتنا ستدخل الخرطوم قريبا

في تصريح لقناة 24 فرانس
قال القائد العام للجبهه الثوريه ان قواته جاهزه
لاسقاط النظام في الخرطوم قريبا



التعديل لكلمة الجبهه
معاويه مشكور للتنبيه

قول ليه ياحلاوتك...

Quote: في تصريح لقناة 24 فرانس قال القائد العام للجبه الثوريه ان قواته جاهزه لاسقاط النظام في الخرطوم قريبا

الجبه ؟؟

بعدين في تناقض شديد بين العنوان والخبر

ما تطلعوا زيتنا ياخ !

Quote: ما تطلعوا زيتنا ياخ !

معاوية ياعمكــ
هو المؤتمر الوطنى طلع دين الشعب السودانى
ما قلتو حاجة بقت على الزيت !

كلهم زي بعض

كيزان ول جبهة ثورية

الله يحفظ شعبان الغلبان بس من الفتن

العقلية الادارية في السودان محتاجة زمن عشان تواكب للاسف على كل المستويات

لانو الحكم بجي من صلب الشعب

اكيد في غلط فينا

نصلح وبعدين نتمنى ونتشهى اليحكم منو والما يحكم منو


كل الود

Quote: بعدين في تناقض شديد بين العنوان والخبر

دخول الخرطوم والاستيلاء عليها يعني اسقاط النظام

و

اسقاط النظام يعني دخول الخرطوم

دي ما دايره ليها نقاش

الاخ هجو لك التحايا

ياخ الزول دا الكرمك ما قادر يدخلها عايز يدخل الخرطوم قوية دي

التحيه....للرفيق عبد العزيز الحلو وهو يقود نضال اهل جنوب كردفان.
ومعا لتحرير كل التراب السوداني.من كل الفاسدين حتى لو كانوا بالجبه الثوريه
(ودي عشان نرضي اخونا احمد الدسكو)!

يا احمد
مالك يا اخي المزعلك شنو تحديدا من الجبهه الثوريه؟!

ههههههههههههههههههههههههههههههههههههههههههه
والله دي لو سكروهو ما اظن يقدر يفكر فيها تاني حشاش بي دقينتو ده ..
الانقاذ ما بتدقس تاني يا حلو ..

up

Quote: في تصريح لقناة 24 فرانس قال القائد العام للجبهه الثوريه ان قواته جاهزه لاسقاط النظام في الخرطوم قريبا

وانت صدقته ...؟

بس في الحر دا لا ,,,
الخرطوم درجة الحرارة 70 بالقديم.










.................................حجر.

Quote: وانت صدقته ...؟

عبدالعزيز الحلو مر العلقم
مادام صرح فهو يعي ما يقول

للذين لايعرفون عبدالعزيز الحلو

ابقوا مارقين

8 مايو 2012 (ترجمة مسارات)
قلوبال بوست: حاوره في جبال النوبه تريستان ماكونيل

الفريق عبد العزيز ادم الحلو مصدر تهديد للنظام الحاكم في السودان عبر ثلاثة جوانب، فهو نائب رئيس الحركة الشعبية لتحرير السودان – شمال، والقائد العام لجيشها من مختلف مناطق السودان، كما يعمل في مهام العام لهيئة القيادة المشتركة لجيوش الجبهة الثورية السودانية.

ليس من السهوله الالتقاء به نظرا لمعاركه التي يخوضها الان ضد حكومة الرئيس عمر البشير. لذا فقد تم هذا الحوار مع الفريق عبدالعزيز الحلو فى إحدى قواعده العسكرية الخفية فى منطقة جبال النوبة بجنوب كردفان، حيث يخوض من هنالك الثورة المسلحة ويدير العمليات العسكرية ضد القوات السودانية وحكومة عمر البشير في الخرطوم.

قلوبال بوست: كيف إندلعت الحرب هنا فى جنوب كردفان؟
عبد العزيز الحلو: لقد مضت حتى الان عشرة أشهر منذ بداية الحرب في الخامس من يونيو 2011، وحينها قرر حزب المؤتمر الوطني الحاكم فى الخرطوم الهجوم على المواطنين فى جنوب كردفان. والسبب في ذلك أن نظام الخرطوم لم يرغب فى تنفيذ ماتبقى من اتفاقية السلام الشامل الموقعة، بما فيها حق شعب جبال النوبة فيما يعرف بالمشورة الشعبية المتعلقة بمستقبل نظام الحكم فى المنطقة. عندها قررت الخرطوم نزع سلاح الجيش الشعبي في المنطقة بالقوة. بالطبع قلنا حينها ذلك غير ممكن. ومنذ ذلك الحين بدأ القصف الجوى في مناطق واسعة والقصف المدفعي بالمدافع متوسطة المدى وهجوم المشاة على المدنيين في مناطق سكنهم، وحرق القري وتدمير المزارع وعمليات السلب والنهب لممتلكات المواطنيين ومواشيهم. منذ ذلك الحين، ولمدة الاشهر العشرة هذه، والخرطوم ترفض رفضا قاطعا دخول اى مساعدات انسانية للمواطنيين المحتاجين لها بشده، كما تمنع دخول العاملين فى الحقل الانساني والمجتمع الدولي الذي يرغب فى مساعدة مواطني المنطقة والذين يواجهون الان الموت.

قلوبال بوست : وكيف تتطور الحرب الان؟
عبد العزيز الحلو: القتال مستمر بصورة يومية ونحن نسيطر علي 90% من المناطق الريفية، وقوات الخرطوم توجد فقط داخل المدن الرئيسية فى حالة حصار دائم اشبه بمحاصرة الفأر فى جحره، فهم لا يستطيعون الحركة نهائياً. ان طبيعة ارض المعركة التي نتواجد فيها هنا من اميز اسلحتنا. فالطبيعة الجبلية تعتبر كالفرصة الذهبية لمقاتلى حروب الغوريلا. لا يمكن هزيمتنا ولو بعد 100 عام، فهذا الجبل الصغير يعادل 50 دبابة وهذه هى معضلة البشير. عليه ان يقصفنا الأف المرات حتى يقدر ان يسيطر على المنطقة.

قلوبال بوست : كيف تستطيعون القتال ضد الجيش السودانى وهو الافضل عدداً وعتاداً منكم ؟
عبد العزيز الحلو: شكراً لعمر لبشير وقواته. انهم من يقومون بدعمنا وجلب المعدات العسكرية ثم تركها لنا فراراً من مواجهاتنا. وكما ترى بعينك الان نحن نمتلك سياراتهم معدة اعداداً ممتاز بالمدافع والذخيرة والصواريخ ومختلف انواع الاسلحة، بل في بعض الاحيان نبحث عن جنود سابقين من جيش البشير لتدريبنا على انواع من الاسلحة استولينا عليها ولم نرها من قبل.

قلوبال بوست: ما هى الجبهة الثورية السودانية التي اعلن عنها فى نوفمبر الماضي؟
عبد العزيز الحلو: لقد كانت رغبة النظام في الخرطوم بداية الهجوم علينا فى جبال النوبة والقضاء على قواتنا، لكنه لم يمتلك الصبر حيث قام ايضا بالهجوم على مالك عقار فى النيل الازرق للقضاء كلياً على الوجود العسكري للحركة الشعبية شمال دون اتفاقات. حينها شعرنا بأن هذا النظام يقوم باستعداء الجميع، بما فيها خصومه في دارفور، لذا سعينا اليهم وسعوا الينا فاوجدنا تحالف الجبهة الثورية السودانية. فقد جلسنا مع بعضنا البعض، كحركات مقاومة سياسية وعسكرية، تفاكرنا وخططنا ووصلنا للخلاصة الاولى باننا نحتاج الان الى التنسيق بيننا اكثر من حوجتنا للاندماج الكامل والذي سياتى لاحقا، لاننا نحتاج لان نعرف بعضنا البعض اكثر، كما نسعي ونضع هدفا لنا توسيع جبهة القتال من اثيوبيا الى تشاد فى هجومنا على جيش الحزب الحاكم، والوصول اليه من كل جهة، بما فيها خلف خطوط النار، بكسر اجنحته هنا ومن ثم تدمير قيادته فى الخرطوم. اننا على ثقه باننا قائمون بذلك.

قلوبال بوست : هل هنالك أى فرصة للتفاوض مع الخرطوم؟
عبد العزيز الحلو: نحن لا نريد أى اتفاق مع الخرطوم الان، فهي لاتحفظ وتلتزم بالعهود وتاريخ الخرطوم في نقض المواثيق معروف، والان ومنذ الاستقلال (1956). فنظام الخرطوم لا يحفظ اي عهد او اتفاق دون الالتفاف عليه.

قلوبال بوست: ما هى القضية الجوهرية وجزور الصراع فى جبال النوبة ؟
عبد العزيز الحلو: جوهر صراعات السودان هو التنوع. ان نظام الخرطوم لا يريد الاعتراف وان يرى السودان في تنوعه. وهي ايدولوجيا أحادية لا ترى السودان الا وفق بمعيارين: الاسلاموية والعروبية، حيث لا مكان وفقا لهم لمن هم ليسو بعرب او مسلمين، وهو كذلك ما يدفع السلطات في المركز الى الهجوم وقتل مواطنيهم. هذه هي الخلفية التي جعلت شعب جنوب السودان يقرر الانفصال والذهاب في 9 يوليو 2011. واذا لم ينتبه الناس لهذه القضية الجوهرية واعطائها الاهتمام الكافى، فلا محاله من تمزق ما تبقى من السودان. ودعني اذكر لك مثالا شخصيا هنا، فانا مسلم ولكنى لست عربى، لكنهم يريدون مني ان البس الجلابية والعمامة وان ارقص كما يرقص البشير.

قلوبال بوست : ما الدور الذى قام به المجتمع الدولى؟
عبد العزيز الحلو: يبدو ان المجتمع الدولى يعانى من مشكلة ذاكرته. فعمر االبشير هو نفس الشخص الذى قدم أسامة بن لادن وتنظيم القاعدة للعالم، وهو من حاول ضرب مركز التجارة الدولي بنيويورك، وهو نفس البشير الذى عمل على اغتيال الرئيس المصرى السابق حسني مبارك، وهو نفسه الذى يهرب السلاح الان لحركة حماس، والذي أسس في دعم جيش الرب اليوغندي، انه البشير نفسه والذي ارتكب جرائم التطهير العرقي، بقتل مليوني مواطن فى جنوب السودان وثلاثمائة وخمسون الف مواطن فى دارفور ومئتا الف مواطن فى جبال النوبة. لقد فشل المجتمع الدولي فى ان يرى البشير كشخص سيي، انه لا يحترمهم ولا يحترم القانون الدولى.

المثال الاخر، ان اتفاقية السلام الشامل لم تكن بالاتفاق السهل هى جنين لمجهودات كثيره، بما فيها المجتمع الدولي، فقد تمت بضغوط كبيرة. ولايمكن للعالم ان يقف متفرجا عليها الان وهى ترمى دون الدفاع عنها. وفى صراعنا الحالي ضد المركز نحن لا نحارب بحرية دائما، فهنالك ضغوط علينا وعلى المهمشين وعلى فقراء السودان وعلى جنوب السودان وذلك لاجبارنا على الجلوس الى طاولة المفاوضات بدون أى فعل منتج.

قلوبال بوست: كيف سينتهى الصراع الحالي؟
عبد العزيز الحلو: نحن نعمل من أجل تغيير نظام الحكم في الخرطوم وإحداث التحول الكامل، بما فيها وضع دستور ديمقراطي دائم يراعى التنوع فى بلادنا ويقبل ويعزز قيم العدالة والمساواة وقيمة وإحترام الفرد، فنحن نعمل من اجل انجاز سلام وعدالة دائمه فى هذا البلد. البعض يعتقد اننا لسنا بمؤهلين لهذه المهمة ولكنني أرى العكس، اننا قادرون.



http://www.massaratsudan.com/

صادره مساء اليوم 10 مايو2012

سلامة النظر يا أبو العز ياخ الخرطوم دى وين من كاوده???






بعدين تدخلوا الخرطوم عشان تعملوا شنو ياخ أقنعونا فعلا سنسلمكم
لها نحن الشعب السودانى (التحت الواطى الما مسموع)


قال الخرطوم قال - الدخول للخرطوم مره واحده والخروج منها مره واحده
يا أجمل حلو




منصور

Quote: بس في الحر دا لا ,,, الخرطوم درجة الحرارة 70 بالقديم. .................................حجر.

الظاهر الصيف صيفين

عملت لي شنو في موضوع العمارة دي ....؟؟؟؟؟

هجو إنت ح تخلصني
ولا ح تقعد تلف وتدور كدا؟؟؟

Quote: هجو إنت ح تخلصني ولا ح تقعد تلف وتدور كدا؟؟؟

يقعد يلف ويدور كدا ؟

..

..