حكومة جنوب السودان تكذب وتتحرى الكذب بــ..

الخرطوم ــ جلهاك: هيثم عثمان
رسمت دولة الجنوب سيناريو عسكرياً تخريبياً مفتعلاً لبعض مناطقها النفطية في أعالي النيل والوحدة بإشراف ضباط كانوا سابقاً يعملون بالقوات المسلحة قبل الانفصال بقيادة اللواء جون بيج والعميد جيمس بوسلم لإدانة السودان بالتخطيط والتنفيذ وتخريب منشآت بدولة الجنوب أسوة بما اقترفه الجيش الشعبي بهجليج. وقضى المخطط الذي فضحه المتحدث الرسمي باسم المجلس الانتقالي لثوار دولة الجنوب اللواء محمد شول الأحمر لإجراء تخريب محدود بآبار للنفط وتسجيل اعترافات من المجموعة بالقيام بالأمر باسم الحكومة السودانية وإشرافها على التخريب نظير مبالغ محددة.

وأوضح شول أن المجموعة الموجودة الآن بمنطقة «الومبو» بالقرب من جلهاك في أعالي النيل أكملت دراسة عناصر المؤامرة، وكشف عن تجنيد الجيش الشعبي لعدد من الجنوبيين التابعين سابقاً للجيش للقيام بالأمر، وحذر شول الخرطوم من المخطط وقال إن جوبا مصممة على تنفيذه.

حكومة كذابة

Quote: حكومة جنوب السودان تكذب وتتحرى الكذب

ولا تزال تكذب وتتحري الكذب ..
تماماً كما حدث في مفاوضات العاصمة الأثيوبية الأخيرة وإضافتهم لمناطق لم تقررها حتي خرائط الأمم المتحدة دعك من الخرائط السودانية والتبعية التاريخية لهذه المناطق للسودان الشمالي.

فدوى,
قريبى محمد شول هو لسه عائش.
اخر مرة شوفته كانت قبل 24 سنة و عمرو ما مرق من الامتداد اصلا.
قال ليه مرة, "انتو الجنوبين ديل مجانين و لا شنو?" و كان عايز يعرف ليه الناس بيتضايق منو فى المناسبات الاجتماعية فى التجمعات الجنوبية فى الخرطوم و اضاف "انا بمشى اكلم فى الاذاعة بس ضد جون قرنق و الجماعة "الحقبة الديمقراطية" بتدفع لي حقت اولاد للعيش و عمرى ما مسكت بندقية و لا بعرف اضرب البنقية!!! انتو بتاعن المليشات هم البكتلو انا دى الجنوب ما مشيت له من الستينات"

لو انتو بتعتمدو على امثال احمد شول و ديفيد دى شان و لام اكوز, فهذا خبر فى غاية الاهمية لان ذلك اشارة الى ان حالتكم صعبة.
احمد سول قريبى بالمناسبة.

هسي الكضاب منو؟؟!!!
حكومة الكيزان التى تكضب على شعبها اما حكومة صادقة في جمهورية جنوب السودان التى تواجه شعبها بقول الحقائق؟؟؟؟
هجليج تقع جنوب خط 1956 ....بس تعالوا مع ناسك الي المحكمة الدولية وتشوف بتقع وين الهجليج بتاعكم دي....
قوات الجيش الشعبي لكم بمرصاد....بتدعموا مليشيات كمان وتنكروها امام المجتمع الدولي...عيون اهل الجنوب مفتوح..

Quote: عيون اهل الجنوب مفتوح..

كضباً كاضب..
لو عيونكم مفتوحه كان تشوفو حكومتكم رامياكم بلا أدني مقومات الحياة..
مسكين شعب الجنوب يعيش تحت أقدام سالفاكير واتباعه من اللصوص.

قال محمد قسم الله

Quote: لو عيونكم مفتوحه كان تشوفو حكومتكم رامياكم بلا أدني مقومات الحياة..

وما زي حكومة الشمال معيشة شعبها في جنة الفردوس

Quote: مسكين شعب الجنوب يعيش تحت أقدام سالفاكير واتباعه من اللصوص.

يا بخته شعب الشمال يعيش فوق أقدام البشير وأعوانه من الاخيار الأطهار

(قلت شنو؟ فساد الأوقاف وفساد الأقطان وفساد الأراضي والمستشار مدحت وباصات الوالي ودبابات عبد الرحيم وعماراته المنهارة قبل الإفتتاح؟؟؟ وفساد الادوية والمستشفيات؟؟؟ بالله بتصدق ها الحكي)

تعرف يا نصر ..
شايفك شاطر ومذاكر لكن ما شفناك يوم واحد في الشارع ..
أظنك ممتحن من منازلهم..
يا حبيب ..
لا تجتزئ الموضوع من سياقه العام فتبدو كمن يؤمن ببعض ويكفر ببعض..
ومع ذلك ..
لم نقل جنة فردوس ولا الأخيار الأطهار التي (قطعتها من راسك)
شفتا كيف؟؟!!!!
ولكن ..
أوضاع الجنوبيين هناك في الجنوب أسوأ عشرات المرات من أوضاع الشماليين في الشمال ..
ببساطة كده.

Quote: أوضاع الجنوبيين هناك في الجنوب أسوأ عشرات المرات من أوضاع الشماليين في الشمال .. ببساطة كده.

Very funny indeed

كأنك تريد إقناعي والعالم إنه قلبك علي الجنوبيين
وبتحبهم خالص

ما تنسي أنكم مدورين حرب وتدمير في الجنوب دا لأكثر من خمسين عاما
أكثر من مليونين من القتلي
وملايين أخري من المشردين والمهجرين والمعوقين والمشوهين
وتدمير شامل كامل لكل البنيات التحتية
ووسائل العيش الكريم
(قدر الخلوه الإنجليز)
وكانوا موضوع جهاد ودخول جنة وحور عين

ما علينا

الجنوب هسع دولة أجنبية
زيه وزي مصر وتشاد وأفريقيا الوسطي وإثيوبيا
(وزي ما قلتم حين إنفصالهم: عليهم يسهل وعلينا يمهل)

ركز معانا في السودان
ورينا هسع الناس العايشين في دولة المشروع الحضاري،
والذي يحكمه الأخيار الأطهار، وضعهم كيف

دا الموضوع
ودا المهم
الزوغة و(الإستخباء) وراء الجنوبيين بمشاكلهم ما بتنفع
وبدلا من المقارنة مع الجنوب
(وإنت عارف مين كان السبب وما زال في كل مشاكلهم)
دعونا نقارن مع وضع السودان زمان
أيام الإنجليز (الكفار)
أيام الديمقراطيات
وحتي الديكتاتوريات السابقة

أو حتي ممكن مقارنتنا مع إثيوبيا
للتقارب في حاجات كثيرة

وبرد نفسك شوية النقاش بيناتنا حيتواصل
(إن رغبت في ذلك)

Quote: ما تنسي أنكم مدورين حرب وتدمير في الجنوب دا لأكثر من خمسين عاما

أنت تنظر من زاوية واحدة ..
فالحرب لم تكن خياراً شمالياً بحتاً ..
وإنما كانت خياراً جنوبياً بدأ بتمرد توريت العام 1955 حتي قبل خروج الإنجليز (الكفار) ..
وما ورثناه من عنت إقتصادي كان لحرب الجنوب الدور الفاعل في ذلك ..
ولذلك كنتُ _من وجهة نظري كمواطن_ أري في الجنوب عبئاً ثقيلاً علي كاهل السودان ..
وإضافةً لعوامل أخري يبقي الجنوب يتحمل وزراً كبيراً في مآل الحال.



...................................................................................................................................
أنا أتحدث عن الجنوب وغيري يتحدث عن مصر ومستقبل المصريين وغيرنا يتحدث عن سوريا..
تحدث أنت كما تشاء عن السودان الشمالي من غير أن تحجر علينا الرأي وتحديد وجهة النقاش كما تراه من زاويتك أنت..
وتلك إذن قسمةُ ضيزي.

فدوى الشريف
الجنرال فى متاهة ومأزوم حتى اخمص قدمية ( المؤتمر الوطنى )
يا فدوى شكلك بتاكلى رز مع الملائكة ،،، كل الكتيبة رفعت الدعم اللوجستى عن التتمر الوطنى
وما قالو ليك خلاص كمبلت (قيم اوفر يا فدوى )
حاولى راجعى مواقفك تايتنك فى طريقها الى الغوص عميقا عميقا عميقا والاستقرار حتى النهايات المنطقية
لكل شىء غير طبيعى وغير صحيح وغير مرغوب فيه
ولا كــــــــــــــــــــــــــــــــــيف ؟؟
اخبار الفساد شنو فى البلد ،، والاستبداد ،،، والقهر ،،، والازمة الاقتصادية الراهنة وغلاء المعيشة الطاحن
والمظاهرات القادمة بعد ايام من الان ؟؟؟
اها اين انت من كل هذا ؟؟؟؟

قاسم المهداوى

يا محمد قسم

Quote: فالحرب لم تكن خياراً شمالياً بحتاً ..

في العام 1985 إجتمعت كل القوي السياسية والنقابية في الشمال
مع الحركة الشعبية ووقعت إتفاق كوكا دام للسلام
ورفضته الجبهة الإسلامية
وبعدها بسنتين وقع محمد عثمان الميرغني إتفاق سلام مع قرنق (الحركة الشعبية)
ورفضته الجبهة القومية الإسلامية
وكان من المفترض أن يتم عقد المؤتمر الدستوري للسلام للحكومة والأحزاب الشمالية مع الحركة الشعبية
في الرابع من يوليو 1989 فقامت الجبهة الإسلامية بإنقلابها
وإستعر إوار الحرب
وحولتها من حرب حكومة مركزية ضد حركة تمرد إلي حرب جهادية
وبعد حروب وهزائم لمدة أكثر من 15 سنة
رجعوا للسلام
بس المرة دي أدوا الجنوبيين أكثر مما طالبوا به في كوكا دام وفي إتفاق الميرغني قرنق
أدوهم الإنفصال

فالحرب (من 1989 وحتي الآن) والقتل والدمار ومن ثم الإنفصال
تتحمل مسؤوليته الحركة الإسلامية (بمختلف مسمايتها من الإتجاه الإسلامي وحتي المؤتمر الوطني)

Quote: ولذلك كنتُ _من وجهة نظري كمواطن_ أري في الجنوب عبئاً ثقيلاً علي كاهل السودان .. وإضافةً لعوامل أخري يبقي الجنوب يتحمل وزراً كبيراً في مآل الحال.

تتفكر وحتي بعد إتفاق السلام ومن ثم الإنفصال ما زال الجنوب عبئا
فمن الملام في هذه الحالة ؟؟؟؟؟؟؟؟؟