زول كاشف الدهب ده عرف تلفوني كيف ؟

مافي كاشف في البلد دي أسمو كاشف
أبورقبة . أها .
دحين ياخ عليك الله Keep دراهمك عليك .
وبعدين يا أخوي تلفوني ده جبتو من وين . ؟

أنا رأشد رويشد المسلم .
من كسلا .
يا عتمان يا طويل العمر أدري أنك نشمي . وأبيك تعطيني خبريات
عن الكاشف الأمريكي أبورقبة .

يا جماعة HOW ؟ .
الرشايدي ده زول مفتح وناقش نقش السنين .
الزول ده قاعد في مضارب البدو ديك وعارف كل الكونيكشنات والعناوين والتفاصيل .
والله مدرسة يا بن رشد .

رزقاً ساقو الله إليك.. لا ترفسْ!

-
دخِّل ود القاضي في لجنة التقصي

يا محمد يا أخوي
نوع الجهاز ده تصديرو للخارج ممنوع الا بعد سنة 2013.
كاشف جديد . وحتي في كلفورنيا يا دوبك طالع .
الرشايدي ده جاب خبرو كيف ؟
تحياتي

الرشايدي خبير في تشريح الأرض سافل وصعيد
وهو زاتو GPX .
وممكن يحاضرك في ال CONTROL BOX ساعة . سألتو عن تكاليف المكالمة الطويلة
من كسلا لي أمريكا . قال : كلو يهون في سبيل هادا ال MINELAB أبورقبة .

والعهدة على قوقل
بي كم ؟
سلامات ياعثمان ياخ فك للزول زنقتو يمكن يلقى ليهو راس فرعون ذهبي :)

الله يستر على آثار السودان من نوعية ابو رقبة دا ..
تحياتي

عزيزنا نيازي
سلامات
اثار ؟
يازول البتاع ده ما عندو فرز .
أبورقبة صفافيرو تجيب الرايح .

والله لكن مفتح

يا عثمان انا برضوا حد سالنى عنوا وقال لى رسلى والربح بالنص قلت ليه لو قمت زوغتا تانى اجيبك كيف

هو مفتح ساكت ؟
يا وضاحة الزول ده لو دقشك تنقليزي بي لهجة الرشايدة
حتفتكري الرويشد ده من ثاوث كارولاينا .
وبعدين قال الجهاز دايرو مفكك وهو بعمل ال SET.UP براو .

ناقش MAP الدهب بالتفصيل
عارف وين الخفيف وعارف مكانات التقيل .
غايتو الزول ده كان كلامو كلو صاح معناتو السودان ده مقشوط قشط .

الناس ديل عندهم معرفة عجيبة
في عالم ال GPX وجميع مجاميع ال PARTS .
وتعال شوف .

بن رشد حريف حرفنه مدهشة
وعندو تكنيك عجيب في التفتيش والبحث عن الدهب .
قال بفندر ال coil علي شباباتو . ودي انا فهمتها بعد تعب .
( يعني كل كم دقيقة بخلي الصحن في الأرض علي شكل سيف ) الحركة دي قال
بتصحي الديديكتر .

بن رشد يفهم لغة الديتيكتر
ويشم ريحة أرض التبر . وفي كلامو يقول : اليصاحب الأرض يربح حنها .

))

يا عثمان واحد من شباب الرباطاب قابلتو في جدة ، كان شغال هنا رجع السودان اشتغل في الدهب و كل مرة يجي يعمل خروج و عودة لمدة 6 شهور و يرجع الدهب ، قال لي في كميات وجدت لا تصدق تلاتة كيلو و 5 كيلو و في ناس لقو كميات لم يعلنوا عنها لكن سريع ظهرت عليهم في شراء عربات بمئات الملايين و قال لي لسع منطقة ( قبقة) ما تزال بكرة و حاليا هناك شركة استثمارية تعمل على مد الطريق من ابوحمد لمناطق التعدين ، الجنون خلو الزراعة و جروا لبريق الدهب و ظهرت في البد البكاسي آخر موديل و الجوالات الثريا و عادي شايلين ال IPHONE 4 S و حاليا الدهب اصبح ملاذ الحكومة بعد ما حاربتهم و طاردتهم ، منطقة ابوحمد ربنا فتح عليهم ، فبعد فشل الزراعة نتيجة لارتفاع اسعار الجازولين و الرسوم كل الشباب اتجهوا للدهب و ربنا كريم...

تخريمة
شوف لي جهاز قبل ما يصل الرشايدي باللفة..ناس سليم مسيلم ديل تفتيحة.

عزيزنا حاج حمد
سلامات
والله ياحاج حمد ناس سليم مسلم ديل أجمل ناس .
الجماعة فاهمين Atlas البلد بدون تكاليف . والبحر الاحمر ده عندهم زيو
وزي أي جدول . يعني في كلامو العادي يقول ليك انطط البضاعة الجدول .
ناس ما عندهم زمن للبحلطة والرقاد .
وبعدين حبهم للسودان بي مراعيه ومالو وحلالو مافيه كلام .
لك ولهم التحية

يا حاج حمد يا أخوي
عمك بن رشد حكايتو طويلة .
عمك عندو أفكار ممكن تفيد ناس شركة MINELAB . والزول الزيو
في أمريكا بكون زول مهم مهم ومفيد للشركة في التجارب و التصميم .
وممكن يعمل فلوس من القصة دي بدون ما يعطش ويجوع في وأدي قبقبة .

الزول ده قال في سنة 2011
عمل 13 كيلو صافي .
وفي سنة 2012 دخل في شركة مع جماعة من الأسرة .

**

تحياتي يا عثمان ..

والله كلامك كلو مية المية .. خصوصا ناس سويلم ديل .. هم طبعا معانا يوميا في برج الذهب في الخرطوم واقل ذهب ببيعوه ما اقل من 5 الى 6 كيلوجرام وقبل شوية كانوا معانا ,, وعندهم سر عجيييب الناس قدر ما مشوا وراهم ما عرفوا حاجة وقال ليك بخوفوا الجماعة في الشرق بقولوا ليهم هنا في الغام ومعلوم عن المناطق حول كسلا وجود الغام منذ ايام الحرب ..

عموما الذهب في السودان شئ يفوق الخيال وقد فتحت بوستا بهذا المعنى قبل ايام واؤكد لك ان انتاجنا من الذهب من التعدين الاهلي ( العشوائي ) قد فاق المائة طن في العام والله على ما اقول شهيد ..

طبعا لم اسمع بابو رقبة هذا من قبل ولكن احدث وهمة في مجال اجهزة الذهب في السودان هي التصدير العكسي للاجهزة الى دبي وهو امر مربح جدا حيث ظهرت حمى الذهب في دول افريقية مثل مالي والنيجر وغينيا وغيرها من دول غرب افريقيا واصبح الطلب على الاجهزة في دبي مرتفع جدا مما حدا بالناس الى شراء الاجهزة من الخرطوم وشحنها الى هناك .

عزيزنا معتصم
سلامات
زولك في تلفونو الاول كنت خايف منو
بس بعد شويتين لقيتو زول كويس وعندو فهم عريض عن ال Parts .
زولك مستعد يدفع 37 ألف دولار في الكاشف أبورقبة الجديد . ومستعد يشتري
100 Coil .
وقال : الصيني بي ساكت مو دايرو .
قال : الجهاز الصيني جربوع وما ينطيني شيء .
حياه الله الجهاز الأمريكي أبوشخرة .
يا معتصم أنا من المتابعين لحكايات الدهب في السودان .
بس يا معتصم ما كنت فاهم التدعك في شغلة القولد ديتيكتر دي لو ما تلفون
زولك الرشايدي .
من كلامو عرفت وجود سوق جديد ضخم ضخم للكواشف في السودان .
تحياتي

تحياتي عثمان موسى ..
الجماعة ديل شغلهم منظم وبيشتغلوا في مجموعات ، متعاونين جداً معا بعض
بيمتلكوا أحدث تكنولوجيا متوفرة ان كان بالنسبة للديتيكترس أو النافيقيشن او غيرو ...
أوعك من يلاوزو .. ممكن عادي تتجرأوا ويخشوا حدود دولة تانية
لكن يا عثمان الكاشف أبو رقبة ده شنو ؟ أول مرة أسمع بيهو

Quote: واؤكد لك ان انتاجنا من الذهب من التعدين الاهلي ( العشوائي ) قد فاق المائة طن في العام والله على ما اقول شهيد ..

والله يا معتصم ده كلام خطير .. بس ان شاء الله ما يجيب الهوا للمواطنين الشغالين في التعدين العشوائي
تحياتي

عزيزنا محمد عبدالله مختار
سلامات
الجماعة ديل ناجحين و مجتهدين وناس شغل وبكربو الحاجات
تكريب صاح . وفي العموم هم ناس في حالهم .
والله يا محمد الزول ده أفادني شديد في فهم الحاصل في فجج الدهب في البلد .
أظنو هو قاصد بي وصفو لي أبورقبة . العصاية الطويلة ال UPPER SHAFT .
والبحيرك جد يا محمد
ياخ الزول ده ناقش بعض قطع الجهاز باللغة الانجليزية الأمريكية .
وقال سعر تلفون الشفل الشايلو معاو في وأدي قبقبة سعرو 1500 دولار .
وسعر العربية الجيب الجديد 65 ألف دولار .
شايف ؟
ياخ الناس ديل مرتاحين والدهب جد أصبح حقيقة .

Quote: والدهب جد أصبح حقيقة .

شفتو بي عيني والله .. ما كلمني زول
تحياتي

يا محمد
يوم باكر كان حي وربنا سهل
بكلمك بي قصة كفاح أولاد خالي ومطر السبايك في وأدي قبقبة .
الزول يازول حول أسمو من بدر لي بيل غيت .

Quote: الزول يازول حول أسمو من بدر لي بيل غيت .

ازيك ياود موسي..مسعولين من الخير انت ووضاحة نمرة تلفونكم كم ؟؟؟


__________

كاشف دهب شنو نحنا كاشف رقم ما لاقين
وشوش ضاحكة شديد

Quote: بكلمك بي قصة كفاح أولاد خالي ومطر السبايك في وأدي قبقبة .

ربنا يزيدهم .. رزق حلال ونضيف
غايتو أنا زول في مشهدين بحكيهم بإختصار .. الأول راجل صاحبي في نهاية رمضان الفات لقى 4 كيلو ونص تقريباً ..
المشهد التناي حضرت بيعة في عمارة الدهب (وكنت جايي لي موضوع تاني) .. شخصين لو قالوا ليك عندهم مية الف ما بتصدق ، شايلين 15 كيلو بالتمام والكمال .. والله صحي
الجماعة ديل عشان يثبتوهم ما يمشو لي زول تاني جابو ليهم ميتين مليون (عربون) ، ويادوب قعدوا يتفاهموا .. أنا بعد داك طلعت ما عرفت بقية التفاصيل
تقول لي كمبيوتر وداتابيز وشبكات وجرافيكس وما عارف شنو


تحياتي

عزيزنا محمد عبدالله
كلامك صاح . كمبيوتر شنو .
والله لو لا المقاطعة الحاصلة دي كان بوفيت زاتو كسح
علي وأدي قبقبة .
السودان بلد مليان مليان بس تقول شنو مع عك السياسة الحاصل ده ؟
وبرضو بحكي ليك قصة جماعة بربر الهدو البيت القديم وجابو MAP من كلفورنيا .
المطبخ يفتح في ممر والممر يوديك لي نفق وتوشك علي النيل .
الدهب حقيقة يا محمد .

عزيزتنا صباح
سلامات
وكيفك يا صبوحة وأنشاءالله ربنا يديك أبورقبة لنج
ويديك الفي بالك كلو .
موضوع الدهب ده موضوع شغل الدنيا والعالمين .
تحياتي

ماتشوف لى ابورقبة ده والعائد بالنص عشان اشتت من قصة الغربة البديتها لى شهر دى وتكون عملتة فايدة فى بت جاد الرب
يا ودعمى ....... كيفنك

العزيز ود العم عثمان فضل الله
سلامات
وغربة شنو يازول ؟ ومن متين وفي تاتو بلد ؟
والله ما عارف . ضروري تجدع التلفون . وأبورقبة تلقاهو منتظرك في فندان
فضل الله .
يا عثمان قالو في وأحد في زمن البدايات في
مكانات الدهب تعب زهج وجاع . قام سأل صاحبو
قالو : ياخ في الوادي ده مافي مطعم فيه كباب ؟
صاحبو قالو : كباب ؟ غايتو الا يكون كباب ورل .
..
تحياتي

الرشايدي بهل كمية من الاسرار
العجيبة ,
أتكلم عن تجاربو وعلاقتو وصحبتو للحجر الادهس اللون .
أتكلم عن خبرتو وعن رقشان التراب وعن أول ديتيكتر وقال جهازو القديم .
كان أسمو الفلفال . وقال الفلفال أتسرق منو في ليل .

سلام للجميع
الاخ عثمان

عليك الله داير معلومات عن اجود انواع الصحون البتنفع مع gbx 5000
وهل 4500 احسن من 5000
لانني اشتريت اثنين من 5000 وداير اشتري اثنين 4500
لذلك داير النصحة ولو مافي مشكلة ممكن اتصل مع زولك للاستفسار عن معلومات اخري
ولك الشكر

عزيزنا عادل
سلامات
أكتب MINELAB USA INC بتجيك كل التفاصيل .
أنا ما قاعد في البلد ومعلوماتي زيك بس حسب كلام ناس قبقبة .
وحسب تجارب ناس كتار في المجال ال GPX _ 4500 بعشيك احسن . كان شغل
وكان بيع .
حاول ابعد من الهندي والصيني . ونشوفك في قهوة لفة أم عفاريت .

تحياتي

وشكرا علي الاهتمام والرد
انا عارف كيف اجيب الاجهزة لكن تنقصني كثير من المعلومات الفنية
لذلك اريد زول خبرة ذي زولك دة يفيدنا

ود رأشد قال بدور ال FACTORY عديل .
والزول بتكلم عن تجربة . قال في نوع حجر في جبال السودان بيمنع
الديتيكتر يصفر كلوكلو .
نوع حجر رهيف زي الكربون بكون فوق الدهب .
وقال : النوع ده الا تعتر فوقو ساكت بدون جهاز . ودي من حكم ربنا .
وقال : هم شغالين في قصة الدهب دي من زمن بدري بس ساكتين ساكت .

يا عسمان علك طيب ياخي

مشكلة الجي بي اكس الوحيدة انو ما بكشف اكتر من متر

عايزين جهاز يخش لينا على مترين تلاتة










......

Quote: السودان بلد مليان مليان بس تقول شنو مع عك السياسة الحاصل ده ؟

صَدْقت،

ملااان والله، تحت الواطا وفوقا، يا عِتمان..

الله يهدّي سرّنا..

عزيزنا حذيفة
سلامات
يا حذيفة يا أخوي مشكلتنا الفلوس .
في البلد دي تاخد قدر قروشك . تدفع خمسة ألف دولار . يكون حدك
متر بس .
سمعت عن زول سوداني دفع 3 مليون دولار في كاشف وأحد صناعة المانية .
تحياتي

عثمان سلام
كدة عليك الله رسلي تلفيون زولك دة يمكن يساعدنا في الاسئلة الديرنها

عزيزنا عادل
سلامات
الجهازين العندك كل وأحد معاو كتاب
وممكن برضو يدوك الكتاب باللغة العربية
و ممكن تطلب من فرع الشركة في دبي أو مكان اشتريت أي استفسارات .
زولنا ود رأشد قطع الخبر من شهرين وأنا رقمو ما شلتو منو .
وأنشاءالله ياخ ربنا يوفقك

Quote: عليك الله داير معلومات عن اجود انواع الصحون البتنفع مع gbx 5000 وهل 4500 احسن من 5000 لانني اشتريت اثنين من 5000 وداير اشتري اثنين 4500 لذلك داير النصحة ولو مافي مشكلة ممكن اتصل مع زولك للاستفسار عن معلومات اخري ولك الشكر

تحياتي عادل شلبي
الـ5000 يتفوق على الـ4500 بلا شك
واضح جداً التفوق للـ5000 في الـGround Balance
برضو تم تحسين جودة الصوت عند اكتشاف الأهداف
كذلك تم تقليل الضجيج والتشويش المصاحب أثناء الكشف عن الذهب خاصة أثناء هبوب الرياح بالإضافة لمميزات أخرى كثيرة (يرجى مراجعة موقع الشركة).
للأمانة ، جربت الـ4500 ولم أجرب الـ5000 ، لكن شركة ماين لاب محترمة لدرجة أنني أصدق تماماً ما يقولونه بخصوص الـ5000
أحد الأصحاب أخبرني أنه قام بتجربة الـ5000 وأن استهلاك البطارية فيه أعلى من الـ4500 وهذا متوقع ما دام هنالك تحسن في الأداء
الإعدادات مهمة للغاية ، اختيار الأطباق حسب الغرض لكن من الأفضل أن يكون هنالك طبقين لكل جهاز ، صغير وكبير
الطبق الكبير يتجاهل القطع الصغيرة جداً لذا وجود طبق صغير مهم للغاية
بالنسبة للأطباق .. أكتر طبق بيديك عمق هو Commander 18" Monoloop لكن لاحظ انو بيتجاهل القطع الصغيرة تماماً
أما لو عايز واحد يديك نفس العمق ويقرا القطع الصغيرة فعليك بنفس الطبق بس من نوع Double-D ، بدلاً عن Monoloop لكن للأسف حساسيتو تجاه القطع الصغيرة ضعيفة للغاية
لو عايز واحد يجمع ليك بين الاتنين لكن العمق أقل شوية والحساسية تجاه القطع الصغيرة أكتر فعليك بـCommander 15" Monoloop (طبق بيضاوي) .
بالنسبة لأصغر طبق ، عمق قليل وحساسية عالية تجاه القطع الصغيرة فهو بلا شك Commander 8" Monoloop
بالمناسبة .. الأطباق أعلاه بتشتغل مع الـ5400 والـ5000 ، بس الواحد لمن يركب الطبق لازم يغير المفتاح بتاع الـDD والـmono في الجهاز (حسب نوع الطبق)
برضو في اعدادات لازم تتغير زي الـsensitivity وأشياء أخرى اعتذر عن التفصيل لضيق الوقت


تحياتي

Quote: عايزين جهاز يخش لينا على مترين تلاتة

تحياتي يا حذيفة ..
الجي بي اكس (مزود بطبق كبير) في الواقع يستطيع كشف (خلية ذهب كبيرة) من مسافة مترين (الصوت يكون ضعيف جداً أحياناً يتجاهله الباحث)
لكن بالطبع ليس من السهل ان تمر فوق كتلة نقية من الذهب تزن أكثر من 6 أو 7 كيلوجرامات ، بس الواحد لو عندو رزق ما بفوتو ربنا يرزق الجميع ..
في جهاز اشتريناهو بيقرا الأحجام الكبيرة من مسافة 4 متر بإرتياح شديد لكن تحت التجربة أديني فترة شهر وان شاء الله برجع ليك بالنجيضة
بالمناسبة سعرو معقول بالنسبة لي امكانياتو الكبيرة 8000 دولار ، الجمارك 6 مليون لكن عرفت انو حيرفعوها لي 13 مليون .!


تحياتي

- نصيحة .. ابتعدوا عن الأجهزة التصويرية التي تعمل بتقنية الرادار .
- ابتعدوا عن الأجهزة التركية بغض النظر عن النوع والشركة وغيرها ولا تغرنك الأسماء الرنانة والدعايات البرّاقة .
- احذروا التقليد في الأجهزة ، الأفضل الشراء من المصنع والإنتظار حتى ولو لعدة أشهر .
- التقنية التي لا يعلى عليها في البحث عن الذهب هي الـPulse Induction ، تكنولوجيا تعتمد على مبدأ علمي لا يحتمل الخطأ .









________
معليش يا عثمان اخدنا راحتنا شديد في البوست الليلك ده

سلام للجميع

الفاضل / محمد عبدالله مختار
(رجل الفضاء)
انت شكلك كدة انتهيت من الدهب ال في ارض الله دي
ولفحتا جهازك وطلعت بيهو ببدلتك دي فوق ولاشنوة



المعلومات العندك رهيييييبة زوووووول ناقش

كدة عليك الله تليفونك او ايميلك سريع قبل الدهب مايكمل

Quote: الفاضل / محمد عبدالله مختار (رجل الفضاء) انت شكلك كدة انتهيت من الدهب ال في ارض الله دي ولفحتا جهازك وطلعت بيهو ببدلتك دي فوق ولاشنوة المعلومات العندك رهيييييبة زوووووول ناقش كدة عليك الله تليفونك او ايميلك سريع قبل الدهب مايكمل

شلبي يا مان ..
القمر ده بكون فوقو دهب كتير خلاس ، هسي عندنا محاولات معا ناس ناسا
يدونا مكوك الفضاء (أتلانتس) نطلع بيهو ، وبنديهم التلت
هم زاتهم تاني المكوك يعملو بيهو شنو ، مش وقفو برنامج الاسبيس شاتل أخير يستفيدوا منو في الدهب
التلفون والايميل برسلهم ليك في الماسنجر


تحياتي

سلامات يا شباب

يا اخوانا نصيحة لله والرسول قصة الاجهزة دي الناس اتجاوزوها زماااان ...

القصة بقت حفر اعماق بس ...فتشوا في الحفارات الكويسة بس ناس كاتربلر وكوماتسو وجي سي بي والايام دي شايف الكوري اثبت وجوده ...

انتو من زمن الاجهزة !!

Quote: القصة بقت حفر اعماق بس ...فتشوا في الحفارات الكويسة بس ناس كاتربلر وكوماتسو وجي سي بي والايام دي شايف الكوري اثبت وجوده ...

تحياتي يا معتصم ..
النصيحة لله .. الحفارات دي مشاكله لا تحصى ولا تعد ..
صاحبي عندو حفار كل ما تحصل فيهو مشكلة يشحنو يجيبو الخرطوم بي 7 مليون .. يرجعو بي 7 مليون تاني (ترحيل فقط) .!
ده غير الإسبيرات والقصص التانية ، عزبو ليك وأكل قروشو كلها
الخلا مليان بوكلنات متعطلة والسبب ارتفاع تكلفة الترحيل والصيانة بصورة فظيعة
الأفضل للأفراد مولد كهرباء 5 كيلوواط وحفار كهرباء 1700 او 2000 واط ، ويا دار ما دخلك شر
الجهاز لا غنى عنه من وجهة نظري الشخصية حتى لو عندك احداثيات لمواقع معينة وماشي عليها مباشرة بي حفّار ، أما شغل الآبار فالأجهزة مافي داعي ليها
الحفار كذلك لا يصلح في شغل الآبار .. لأن الآبار لا تأخذ شكلاً منتظماً ، الحفر يكون حسب اتجاه ترسبات الكوارتز أو ما يسمى بالدارجي (العرق)
معتصم لو تكرمت اجدع لينا تلفونك في الخاص يمكن الله يدينا خليه ونجي عليك

اٍستراحة لناس الدهب.

مع التحية لاخونا عثمان و زواره.

عزيزنا محمد عبدالله
سلامات
والله يا محمد معلوماتك رهيبة رشايدي بس .
و صحيح الطبق الكبير خمام وبخليك تضحك عمرك كلو .
غايتو يا محمد الجماعة بارك الله فيهم
في تحويل التلت كل شهرين وبرضو فيها مسحة شنب في الدقشات الكبيرة كبيرة .
بس يا محمد الأخوان الرشايدة عندهم أفكار تختلف حتي عن أحرف الناس في
كالفورنيا .
ياخ قالو في وأحد منهم أسمو هباش . قالو هباش ده بيشم حجر التبر شم ومن
مسافة 40 متر . ولو نزل جهازو من كتفو معناتو هو وناسو متعشين متعشين .
وأدي قبقبة سرو عجيب .
تحياتي

عزيزنا محمد عبدالرحمن
سلامات
يازول أجدعك حديدة قداك سريع .
قالو اليومين دي كمان ظهر جهات القرير .
والخبر العجيب بطن النيل تحت .
والله يا محمد البلد دي كان فيها حاكم قلبو عليها ومعارضة كويسة كانت تكون
اكتر بلد محترمة في الدنيا .
بس تقول شنو ؟
أهو غايتو نكابس كدي لاعن نموت .

عثمان سلامات كتار

أقول الجهاز دا بكم ؟؟

وممكن اتحصل عليه كيف ؟؟

عزيزتنا وضاحة
سلامات
لو كنتي في بلد عربي أي زول في دبي
حيوريك شركة ال MINELAB ودي هي الشركة الاحسن .
ولو كنتي في السودان اجدعي من هناك تلفون وأنا أخبرك كيف تختاري
وفي أي مكان تحاولي تعملي حسابك من التدقيس .
الصيني المضروب حايم .

عزيزنا أبوبكر
سلامات
والله مقيل أستراحتك مريح بعد تعب المسح .
وأكيد الحاجات بتولد حاجات .
ألف شكر

Quote: الصيني المضروب حايم .

شديد

فى قطر موجود ؟؟؟

لو فى ورينى وين اتحصل عليه

تحياتي عثمان
الغريبة ماين لاب مع انها امريكية لكن عنده وكيل في السودان وعنوانو وتلفونو موجود في موقعهم

EURO MARK GENERAL TRADING LLC
P.O.Box 90784
Al Emadi Building, C-Ring Road 3
Doha
Qatar
Phone: +974 589 5986
Web: http://www.euromarkllc.com
View More
Show on Map
Get Directions

تحية ذهبية كاشفية قبقبية لي أخونا عثمان موسى ..

بس زعلان من صاحبي المشى هناك ..!!

كل يوم والتاني يعمل لي مس كول وارجع ليهو يقول لي حول لي رصيد بي 10 عشان أتغدى بيهو .. ومرة عشان أتعشى بيهو ..!!

ستة شهور بالحالة دي وفي النهاية رجع الخرطوم ضعيف ومعصعص ومضبلن زي خيال المآتة وما جاب لي معاهو ولا حتى (حلق) دهب لي بتي الصغيرة ..!!

وهو الكان مواعدني يرجع ونأسس شركة مقاولات مع بعض ..!!

عزيزنا ناذر الخليفة
سلامات
صاح ممكن يرجع معصعص وماعندو التدعك
وممكن تنبل معاو في خمسة دقايق حسب شمومتو للأرض وحسب المقسوم .
بس خليه يرد تاني وما يزهج ويصبر ويلوك الكركجي .
غايتو زولنا بي هناك مو مقصر تب في تحويل التلت حقنا.
بعدين يا ود عمي الزول كان عصعص في بلدو أخير من يعصعص في الغربة .
قالو العصعصة مع الجماعة عرس .
غايتو يا ناذر شهر 10 حضر حالك . دق الويكة وجهز القرقوش . ال GPX ما عندك
بيه شغلة . وحضر الشوال الكبير .
مالك ومال السيخ طالع . والطوب حرقان .

Quote: EURO MARK GENERAL TRADING LLC P.O.Box 90784 Al Emadi Building, C-Ring Road 3 Doha Qatar Phone: +974 589 5986 Web: http://www.euromarkllc.com View More Show on Map Get Directions

معتصم يا زوق تشكرات

عرفت المكان وحا اتصل بيهم الخوف يكون فى انواع كثيرة و اتوه ما اعرف اى واحد الممتاز انا ماعندى خبرة بس نفس اكابس فى سوق ام دفسوا دا وابقى مليارديرة



واول حاجة حا اعملى بعد اصير مليارديرة اجيب لى بودى قارد يمسكوا لى ود الخليفة دا اجضموا

عزيزنا محمد أبراهيم
سلامات
ما عارف يا محمد لكن بتخيل توكيل وكالة من وكيل غير مباشر
بترفع السعر فوق .
ويجوز زول السودان ده تاجر جملة ساكت
بلملم من جاي وجاي وعامل فيها وكيل .
غايتو في كتاب الشركات الأمريكية بتاع 2012 مافي شركة عندها
توكيل في السودان

تحياتي

عثمان سلام

Quote: غايتو في كتاب الشركات الأمريكية بتاع 2012 مافي شركة عندها توكيل في السودان

لكن ال Minelab
ماامريكي

عزيزنا المعتصم
سلامات
عندكم طريقة نظام الشراء بتتم مع الجماعة كيف ؟
وموضوع التراب البجيكم في السوق ده شنو ؟
وبرضو شنو الفرق بين المدروش والكتل في السعر .
غايتو معليش حنزهجك .

سلام يا عتمان

بنشتري بسعر قريب لسعر البورصة العالمية ويتحكم سعر العملة ايضا في السعر والبيع يتم بعد تسييح الذهب وصبه في شكل سبائك ثم تحليله لمعرفة عياره

سلامات سيد معتصم
والاسعار في مناطق الانتاج كيف ؟
يعني شنو فرق السعر بين الوادي والمدينة في الجرام ؟
والقصة دي ممكن تتم ؟

نكرر الرجاء .
البعد عن التجميع التركي والهندي

الصديق الطيب ترك نيويورك من
سنة ونص . وبعد شهر في قريتو جنوب شرق تمبول درع جهازو
وعلي قبقبة عدل .
الطيب مهندس كهرباء تخرج في جامعة السودان . حضر الي نيويورك بعد التخرج
بي سنتين .
وكان بعمل في السنة 48 ألف دولار صافي ماكل شارب حامد شاكر .
الطيب قطع حبلو وكسح الي قبقبة .
وفي يوم وأحد ربنا أكرمو حق شغل السنة كلها .
بس والله جد الطيب رجل يستحق .

قبل يومين الطيب نزل حفار جديد
وفي طريقو لي عمل شركة قال حيسميها ( SNOWMAN )

سلام عثمان ..

Quote: غايتو يا ناذر شهر 10 حضر حالك . دق الويكة وجهز القرقوش . ال GPX ما عندك بيه شغلة . وحضر الشوال الكبير

اكان كدي جاهزين تب ..!!

ومن بكرة دي نقرش القرقوش ونشرمط اللحمة وننشف البصل ..

وضاحة كمان دايرة تبقي من الدهابة ..!!

Quote: واول حاجة حا اعملى بعد اصير مليارديرة اجيب لى بودى قارد يمسكوا لى ود الخليفة دا اجضموا

اكان الحكاية جضيم ساي صدقيني ما بتحتاجي لي بودي قارد تراني واقف ليك ونافخ جضومي هوا .. إنتي جضمي جضيمك ساااااااي ..!!

بس لازم تضفري ضفورك أول حاجة ...!

زعلانة منك ناذر علشان ابيت تساعدنى اطلع فلوسي

بقت صفر الحين

زولي لقيتو يا وضاحة واقف طول من البنيان وبيتو طلع مترين من سطح الأرض وقال يعرش علي كدة ههههه

لكن لو لقيت اي طريقة تانية بقول ليك عووك ..

لكن إنشاء الله مع الجهاز الجايبو لينا عثمان موسى دا نبدا من جديد وتنسي كل الرصيد الفات هههههه

يا ناذر
في خبر بقول : ناس شركة هانتر الأمريكية
عندهم شغل جديد حيطلع شهر 7 أسمو ( DO 12 )
وأحد من النيجر حاجز 40 جهاز في سعر 9000 دولار يمكن تعادل 360 ألف دولار
طبعن الدهب ظهر في النيجر وبي نفس الطريقة حقتنا . وهسع أهلنا النيجراب
كلهم لملمو من بروكلن وخلو الريح تنوح فوق النخل .
شايف يا ناذر أهتمام العالم بالموضوع ده أكتر من أهتمام أهل بلدنا .
علي كل حال لابد من دق الويكة مهما طال السفر .

والله يا عثمان موسى نفسي افهم حاجة ..!!

الدهب دا ظهر فجأتن كدي دا .؟.!!

أكيد موجود من عشرات السنين ..!

الحصل شنو الحمى بتاعتو يا دوب ظهرت في شمال السودان وفي كردفان ودارفور ومناطق البحر الأحمر ..!

وهسي كمان قلت لي النيجر وبالتالي كمية من دول غرب أفريقيا حا تصاب باللوثة دي ..!

هل دا لأنو زمان أجهزة كاشف الدهب دي كانت ما متوفرة ولا الحصل شنو الشغلانية فارت فجأة كدة من دون مؤشرات ؟؟!!

هي يا ناذر القصة قديمة جدا في مناطق
الرباطاب وبربر . بس كانت علي شاطي النيل في المناطق الرملية
ودفر الموج كان بساعد الناس في البحث . بعدين يازول بعد دخول الشركة الفرنسية
مناطق الشرق . الناس عرفت . وطبعن أهلك ناس الشرق عارفين بلدهم أكتر من
الفرنسيين . وأها القصة هبت في كل مكان . ما تتخيل مبيوعات الشركات الأمريكية
قدر شنو يا ناذر .
و هسع قالو الجبال القدام كبوشية والمحمية كلها دهب . شايف ؟

!!!!!!!!!!!

Quote: و هسع قالو الجبال القدام كبوشية والمحمية كلها دهب . شايف ؟

بسسسسسسسسسسسسسسسسسسسسس !!!!!!!!!


أوع أشوف زول حايم بي هناك ...!!

دي كلها مناطقنا وكمان لو قلت لي معاهم جبل جاري تكون ما قصرت ..!!

جيب جهازك وأدفراكا على هناك ..

يا ناذر
جهات كبوشية تحسب 4 أميال كداري من السكة حديد شرق .
وتخلي الجهاز يمرح .
والمحمية بين حلة القلعة وحلة العوضاب تنزل الوادي ده حتشوف العجب .
الكلام ده كلام أمريكان شايفين الفجة شوف عين وعارفين نوعية الحجر . وفي
كلام الا في التلفون يازول .

أنواع أبورقبة

عزيزنا المك معتصم
بعد التحية

عايزين معلومات عن الحفارات واللودرات المطلوبة يا أخ معتصم
وضروري الموديل شنو ؟ لزوم الجمارك .
وشنو المسموح ؟
وشنو الممنوع ؟
وتفاصيل عن جمارك الكواشف الصغيرة والكبيرة والتوابع .
مع جزيل الشكر