Post: #1
Title: يا ناس استراليا..ابحثوا معي عن اصدقائي(الاقباط) هؤلاء لو سمحتم!
Author: Tragie Mustafa
Date: 05-05-2012, 05:08 AM
لي اصدقاء كثر من الاقباط
من اطيبهم وفارقونا باكرا قبل ان نعرف الايميل وغيره
لذا ضاعوا مني.....
د.فريد فخري صيدلي من ابناء نمره اثنين!مصري الاصل ارثوذوكسي العقيده.
و
د.يوسف عبد الكريم(يتخيل لي اسم الوالد كده )
سوري الاصل واعتقد كاثوليكي وليس (قبطي) اخصائي نساء وتوليد
من ابناء العمارات بالخرطوم. اشتغل بمستشفى حلفا الجديده.
اقمنا ندوة معا من قبل لمحاربة الخفاض الفرعوني وقدم لي كل العون
في اول كورس تدريبي اقمته من اجل تأهيل اول قابلات مدربات للسهول البطانه!!
|
Post: #2
Title: Re: يا ناس استراليا..ابحثوا معي عن اصدقائي(الاقباط) هؤلاء لو سمحتم!
Author: خالد العبيد
Date: 05-05-2012, 06:15 AM
Parent: #1
| Quote: د.فريد فخري صيدلي من ابناء نمره اثنين!مصري الاصل |
سلام يا تراجي
الاول بسال ليك عم حسين حبيبنا المصري
ورئيس الجمعية السودانية " زي بيتنا"
الثاني بسأل ليك عنو الزملاء الاقباط
لو قدرتي تحددي لينا المدينة بحيب ليك خبرهم سريييع
|
Post: #3
Title: Re: يا ناس استراليا..ابحثوا معي عن اصدقائي(الاقباط) هؤلاء لو سمحتم!
Author: بشرى محمد حامد الفكي
Date: 05-05-2012, 07:01 AM
Parent: #2
الاستاذة تراجي
الدكتور فريد معنا هنا في سيدني
ويمكنني ان اعيد اتصالك به
مع التحية
يا خالد والله شكلك خرفت
دكتور فريد صاحب الصيدلية الفي اوبرن نسيتو ولا شنو
سلامات
|
Post: #4
Title: Re: يا ناس استراليا..ابحثوا معي عن اصدقائي(الاقباط) هؤلاء لو سمحتم!
Author: mansur ali
Date: 05-05-2012, 08:02 AM
Parent: #3
غايتو يا تراجي عندك كاريزما عالية فى المبادرة وطرح الأسئلة . أنا داير استفيد من البوست دا ، لتقديم تحية لصديق عزيز انقطع تواصلي معه قبل سنوات ضمن ملابسات الغربة البائخة . اخر لقاء لنا كان فى العام 2000 بالمقهى المصري بالسنترال ماركت بماليزيا ، حدسي يقول انه يقيم بولاية بوسطن او بوستن . صديقي عبد الجبار مصطفى !
|
Post: #5
Title: Re: يا ناس استراليا..ابحثوا معي عن اصدقائي(الاقباط) هؤلاء لو سمحتم!
Author: خالد العبيد
Date: 05-05-2012, 01:09 PM
Parent: #4
| Quote: د.فريد فخري صيدلي من ابناء نمره اثنين!مصري الاصل |
| Quote: دكتور فريد صاحب الصيدلية الفي اوبرن نسيتو ولا شنو |
يا بشرى
كيفك
دكتور فريد صاحب الصيدلية الفي اوبرن بعرفو حق المعرفة
لكن هل هو مصري ؟ !
معظم ظني ان الرجل سوداني
على اي حال انت القريب منو وممكن تتاكد
|
Post: #6
Title: Re: يا ناس استراليا..ابحثوا معي عن اصدقائي(الاقباط) هؤلاء لو سمحتم!
Author: Tragie Mustafa
Date: 05-06-2012, 00:36 AM
Parent: #5
يا سلام يا خالد وبشرى يا اخي
معقوله بالله....حتلموني في اصحابي ديل؟!
طيب يا خالد....
معليش اللغه ذاتها جننتا.
ياهم ذاتهم.....
اولا د.فريد فخري يا خالد كتبته عنه مصري...اعني اصوله مصريه
ومعروف لما نقول اقباط فالمعني مسيحي مصر الارثوذكس!
ضاع مني صديقي فريد فخري في فيضان 88 حيث انقطعت التلفونات في السودان لمدة عام!
علمت بعدها انه غادر لاستراليا وانقطعت صلتي به.علمت لاحقا انه هاجر لاستراليا.
د.فريد فخري سوداني اصيل يعتز بسودانيته.
التقيته وانا يافعه جدا لا املك ربع ما اكتسبته من وعي الآن
اتمنى ان احادثه وان اعتذر له عن كل ما حدث لاقباط بلادي
وبؤس ان يوصوفا بانهم اقليه وفداحة الثمن الذي دفعوهو غربة وتشرد.
الله....يا فريد يا سوداني يا اصيل اتمناك بخير.
|
Post: #7
Title: Re: يا ناس استراليا..ابحثوا معي عن اصدقائي(الاقباط) هؤلاء لو سمحتم!
Author: خالد العبيد
Date: 05-06-2012, 01:06 AM
Parent: #6
Quote: ضاع مني صديقي فريد فخري في فيضان 88 حيث انقطعت التلفونات في السودان لمدة عام!
علمت بعدها انه غادر لاستراليا وانقطعت صلتي به.علمت لاحقا انه هاجر لاستراليا. |
اشهد له بالنبل والشهامة والشجاعة
احتجت لـ Reference
لاستخراج الجواز وانا جديد لنج في هذه البلاد
ذهبت اليه عن طريق صديق
كان لا يعرفني ولا اعرفه
دخلت الصيدلية اسال عن دكتور فريد
فاستقبلني هاشا باشا
ووقع لي الورق في ثواني
ثم بعد ذلك تعرف علي
ياله من رجل
|
Post: #8
Title: Re: يا ناس استراليا..ابحثوا معي عن اصدقائي(الاقباط) هؤلاء لو سمحتم!
Author: Abdlaziz Eisa
Date: 05-17-2012, 06:38 AM
Parent: #7
سلامات اخوتنا الاستراليين
في العام 1996م مرت بكوالالمبور في طريقها الى استراليا
اسرة سودانية كانت تعمل في مكتب طيران الشرق الاوسط بالخرطوم
كنا مجموعة من الشباب جالسين في نفس الفندق
وتجاهلنا هذه الأسرة وقلنا ديل ما بيعرفوا عربي ولو عرفوا عربي ما بيعرفوا اللهجة السودانية..!!
تفاجأنا بهم |أنهم سودانيين ويتكلمون السودانية بكل تضاريسها اللفظية والمعنية..
انه السودان!!
تحياتي
|
Post: #9
Title: Re: يا ناس استراليا..ابحثوا معي عن اصدقائي(الاقباط) هؤلاء لو سمحتم!
Author: د.نجاة محمود
Date: 05-17-2012, 07:04 AM
Parent: #8
| Quote: منى ان احادثه وان اعتذر له عن كل ما حدث لاقباط بلادي |
باب نضال جديد ولا شنو ياترجرج
انا بسال
دكتورة نيفين وهيب جورج دفعتي في عطبرة الثانوية
وكذلك سلوى عياد قرياقوس دفعتي في عطبرة الثانوية و الدامر المتوسطة
ومجدي صبحي دفعتي في معهد التربية شندي
ويولينا من الدامر ودرسنا معا في عطبرة
بسال عن الفريد الصيدلي من مؤسسين نادي السينما وهو قبطي من مروي (حلوة دي)
وامه بتتكلم شايقي
عنده قصة طريفة جدا
انه لما كان صغير كل اصحابوا مشو الخلوة وفضل يبكي بالايام الى ان سمح له بالذهاب الى الخلوة وكان بحفظ بسرعة شديدة
قام الشيخ مرة قاليهم النصراني حطب النار يحفظ احسن منكم وهو علق الى الان ما عارف داك كان مدح بما يشبه الذم ولا كيف.
عاش الاقباط بيننا مكرمين مقيمين ونناديهم خالتي انطوانبت وخالتي بهجة وخالتي البرتا عمي عياد وعمي صبحي وعمي حزقيال وعمي جرجس
دون ان نفرزهم من اي عم تاني يشاركون في فرشات البكا يجو باكلهم ذيهم وذي اي زول تاني
في الحلة ويباكونا ونباكيهم ونحضر زيجاتهم ويحضروا زيجاتنا ونوعودهم مرضى ويعودونا
مجتمع يتقبل الجميع بروح طيبة الى ان اتت السياسة وفرزعت النسيج الاجتماعي السوداني
هناك مداخلة رائعةجدا كتبها عضو البورد حنا عن امتداد الدرجة الثالثة والتعايش السلمي بين الكل سابحث عنها
|
Post: #10
Title: Re: يا ناس استراليا..ابحثوا معي عن اصدقائي(الاقباط) هؤلاء لو سمحتم!
Author: خالد العبيد
Date: 05-17-2012, 08:59 AM
Parent: #9
Quote: دكتورة نيفين وهيب جورج دفعتي في عطبرة الثانوية
وكذلك سلوى عياد قرياقوس دفعتي في عطبرة الثانوية و الدامر المتوسطة
ومجدي صبحي دفعتي في معهد التربية شندي
ويولينا من الدامر ودرسنا معا في عطبرة
بسال عن الفريد الصيدلي من مؤسسين نادي السينما وهو قبطي من مروي |
جدا بسال ليك من الليلة
---------------------------
الموضوع الاتكلمنا عنو في الماسنجر في البال
بالجد اليومين دي ضارباني دبرسة شديدة
قريييب برسل ليك ايميل
|
|