Post: #1 Title: لمن الغلبة اليوم !! لأولاد ميكي Author: حسبو عكاشة Date: 05-04-2012, 09:51 PM
الشباب !! بعضهم من هاجر و منهم من ينتظر و منهم من إنهزم و الباقي اولاد ميكي
نبذة تعريفية لاولاد ميكي من خلال الغنية دي :)
حليل الشباب اتغلب :)
Post: #2 Title: Re: لمن الغلبة اليوم !! لأولاد ميكي Author: حسبو عكاشة Date: 05-04-2012, 09:58 PM Parent: #1
سألني احدهم مع تزايد عددية اولاد ميكي, هل يمكن ان يقوموا هم بالتغيير او الثورة ؟ أجبته بنعم, ثورة تبدأ من شارع النيل و لحدي ما يصلو القصر بتكون البناطلين دقت الواطة :)
لكن النصيحة اولاد فنانين
Post: #3 Title: Re: لمن الغلبة اليوم !! لأولاد ميكي Author: معاوية عبيد الصائم Date: 05-04-2012, 10:04 PM Parent: #2
Quote: ثورة تبدأ من شارع النيل و لحدي ما يصلو القصر بتكون البناطلين دقت الواطة :)
Post: #4 Title: Re: لمن الغلبة اليوم !! لأولاد ميكي Author: مرتضى احمد عبد القادر Date: 05-04-2012, 10:17 PM Parent: #2
اها اها اها اها مبسوط منهم ما عندهم شي لزول و بعبرو عن نفسهم زي ما عايزين ورافعين صباعهم للمشروع الحضاري والفنان دا حاقد ساي
Post: #5 Title: Re: لمن الغلبة اليوم !! لأولاد ميكي Author: حسبو عكاشة Date: 05-04-2012, 10:24 PM Parent: #4
ود الصايم ما تعمل غمران ديل شباب ما بعد الحداثة :)
--- يا مورتا
Quote: اها اها اها اها مبسوط منهم ما عندهم شي لزول و بعبرو عن نفسهم زي ما عايزين ورافعين صباعهم للمشروع الحضاري والفنان دا حاقد ساي
الفنان ذاتو ود ميكي لكن دي مغارز منو ساي ابوالشوش سألني قال هو كزول اغبش و مفلس ممكن يبقى ود ميكي !! قلت ليه دا بعتمد على نوع البوكسر :)
عليك الله اتخيل خضر حسين بقى ود ميكي :)
Post: #6 Title: Re: لمن الغلبة اليوم !! لأولاد ميكي Author: مرتضى احمد عبد القادر Date: 05-04-2012, 10:40 PM Parent: #5
Quote: عليك الله اتخيل خضر حسين بقى ود ميكي :)
اوعى الكاروهات يا خدوري
Post: #7 Title: Re: لمن الغلبة اليوم !! لأولاد ميكي Author: محمد عبدالرحمن Date: 05-04-2012, 10:56 PM Parent: #6
ياحسبو ...
اولاد ميكى خليل مسميهم ناس( اضربنى بمسدسك) ... يقول ليك ثورة وين تانى تقوم مع ناس (اضربنى بمسدسك) ديل ...المصطلح ماخوذ من اغنيتهم الشهيرة :
لو مصدق الحدسك مصدق قول الناس
أضربني بمسدسك أملاني أنا رصاص
Post: #8 Title: Re: لمن الغلبة اليوم !! لأولاد ميكي Author: حسبو عكاشة Date: 05-05-2012, 09:05 AM Parent: #7
يا ابوحميد قول لي خليل الشباب تجاوزوا مرحلة المسدسات لمرحلة "مرقوني لي بره" مرقوني لي بره و حلفوني اسم الله انا حلفت بي الله ود ميكي ما بتخلّ
Post: #9 Title: Re: لمن الغلبة اليوم !! لأولاد ميكي Author: khaleel Date: 05-05-2012, 09:15 AM Parent: #8
هلا وغلا حسبو
شنو حكاية
داقي سيستم دي
هههههههههههههههه
Post: #10 Title: Re: لمن الغلبة اليوم !! لأولاد ميكي Author: محمد عبد الماجد الصايم Date: 05-05-2012, 09:16 AM Parent: #8
حلوة البنطلون (المخنصر) دي!!!
_ بعدين الأردية والجزم الملونة مالا؟ دايرين تطلعونا (ميكي) على آخر عمرنا!!
Post: #11 Title: Re: لمن الغلبة اليوم !! لأولاد ميكي Author: محمد عبدالرحمن Date: 05-05-2012, 09:32 AM Parent: #10
Quote: مرقوني لي بره و حلفوني اسم الله انا حلفت بي الله ود ميكي ما بتخلّ
CC:Khalel
Post: #12 Title: Re: لمن الغلبة اليوم !! لأولاد ميكي Author: حسبو عكاشة Date: 05-05-2012, 09:35 AM Parent: #10
خلي يا خلي
Quote: شنو حكاية داقي سيستم دي
القدال في "طواقي الخوف" بقول القوانين ليها سستم و البناطلين داقه سستم تقريبا قاصد الحكاية دي :)
---- ود الصايم يا ود ميكي :)
Quote: حلوة البنطلون (المخنصر) دي!!!
و في رواية أخري اسمو " أصبُر لي " ما تركز مع الفنان دا زوده حبتين لانو بموضوع يومو كلو في الفيس بوك , كلنا ح نطلع ابناء لذاك الميكي :)
Post: #13 Title: Re: لمن الغلبة اليوم !! لأولاد ميكي Author: Shawgi Sulaiman Date: 05-05-2012, 09:59 AM Parent: #12
Quote: أجبته بنعم, ثورة تبدأ من شارع النيل و لحدي ما يصلو القصر بتكون البناطلين دقت الواطة :)
هههههههه حلوة يا حسبو الله يضحكك
Post: #14 Title: Re: لمن الغلبة اليوم !! لأولاد ميكي Author: سلمى الشيخ سلامة Date: 05-05-2012, 10:10 AM Parent: #12
اولاد ميكى ...! ازيك يا حسبو دا اسمه شنو البحصل دا ؟ عارف فى امريكا دى بقت فى غرامة للبنطلون "الناصل " يعنى لو واحد بنطلونه ناصل بدفع غرامة مقدارها 300 دولار فى بعض الولايات وزيادة فى اخرى وبدا ينقرض واصلا هو كان نوع من انواع الرفض فى فترة ربما اواخر السبعينات والعملا زى ما هو شائع هنا مساجين رفضوا لبس ملا بس السجن لكن اولاد ميكى "اولاد التابانى " غايتو كان كلام الاغنية صاح الترابة فى خشمنا وبالمناسبة البعملو الحاجات بتاعة اولاد "ميطى " دى هنا ناس محددين ومعروفين وبالقانون كمان ناس البهجة براهم لكن لو زول عادى عمل كدا يا شيلة حسو ويا سواد ليله خاصة مع الجكس لازم يكون حمش ويغير على الجكس ويضارب كمان ولو ما عمل كدا "فك التسجيل " ضرورة وحات شيخى فكى القاعة لمن تشوف الشباب هنا تقول ديل "كيزان " من شدة المحافظة والتقليدية اجى يا اولاد ميكى ...!
Post: #15 Title: Re: لمن الغلبة اليوم !! لأولاد ميكي Author: khaleel Date: 05-05-2012, 10:41 AM Parent: #14
يا حسبو
حكاية الجل دي كيف
وسعرو كم
قالو المفلسين منهم بعملو بيبسي في الشعر
Post: #16 Title: Re: لمن الغلبة اليوم !! لأولاد ميكي Author: حسبو عكاشة Date: 05-05-2012, 11:14 AM Parent: #15
أستاذة سلمى اريتك طيبة ياخ
Quote: عارف فى امريكا دى بقت فى غرامة للبنطلون "الناصل " يعنى لو واحد بنطلونه ناصل بدفع غرامة مقدارها 300 دولار فى بعض الولايات
هنا الموضوع شكلو ماشي على انو لو بنطلونك ما ناصل حتدفع غرامة, انا و مورتا قبل يومين في شارع النيل لقينا روحنا الاتنين بس المخالفين, قلت لي مورتا تعال ننزل بناطلينا دي شوية عشان ما نحس بالغربة مع الناس ديل :) الحكاية ما أظن ظاهرة بل جيل كامل قرر يعيش برنامجو بالطريقة البتريحو و ما عندو حاجة لي زول لأنو مافي خيارات تانية
--- يا شوقي
Quote: هههههههه حلوة يا حسبو الله يضحكك
مع اولاد ميكي الضحك بشرطك عديل :)
----
Quote: يا حسبو حكاية الجل دي كيف وسعرو كم قالو المفلسين منهم بعملو بيبسي في الشعر
يا خلي ياخ ركز معانا بيبسي مين و الناس نايمين الجل ما مشكلة, شايف عندهم محلات "قدر ظروفك" المشكلة الاكبر انو لازم البوكسر يكون ماركة , لانو بوكسرات السوق الشعبي ما بتأكلك عيش مع الشباب ديل
Post: #17 Title: Re: لمن الغلبة اليوم !! لأولاد ميكي Author: مرتضى احمد عبد القادر Date: 05-05-2012, 12:21 PM Parent: #16
الناس ما تلوم اولاد ميكي ساي فهم نتاج طبيعي للواقع وللمشروع الحضاري السيطر على الاجهزه الإعلامية وخلاها منفره للشباب و حارب المثقفين أدبا وفنانين وشعراء ومسرحين وموسقين ودا أفضى لهجرة بعضهم و عزلة الباقين وخلى الناس قاعدة كنب وبقى مافي مكون ثقافي حقيقي للشباب يصمد بيهو قدام الثقافات الوارده بفعل العولمة و قدام الثقافات الكانت بتوسم بالهبوط فنتجت ثقافة أولاد ميكي و هي مزيج ثقافات واردة من بره وثقافات محليه كانت بتوصف بالهبوط وسطع نجم أولاد ميكي أبناء شرعين للمشروع الحضاري وإن كانو يرفعون أصبعهم الوسطى لأباهم هذا
Post: #18 Title: Re: لمن الغلبة اليوم !! لأولاد ميكي Author: حسبو عكاشة Date: 05-06-2012, 09:20 AM Parent: #17
ان السلطة الابوية و دعاماتها العمرية هي التي جعلت اولى خطوات التفكير تتجة نحو مصدر السلطة و انشأت حالة النزق و التوتر العقلى للشباب و في رحلة البحث عن الحرية يلتقط افكاراً توقفت عن التنفس لكنها اكثر نضارأ مما كان فية... ان اسئلة الشباب الكبرى جد فطيرة واولية... تحدثوا معاً و اعطوا لنفسكم الحق في قول اي شئ و التفكير في كل اتجاه دون قيد او شرط كونوا بشرا لتعرفوا معنىً للحياة واحترموا الاخر ولا تصنعوا عدواً للتوحد ضده بل اصنعوا سؤالاً لتفككوه و تعجلوا ذلك فما بقى من عمر البشرية سيقاس بالعقل و ربما لن يكفي الوقت لصناعته من جديد
مقتبس من مقدمات نقد التفكير الجمعي خالد شمبول
Post: #19 Title: Re: لمن الغلبة اليوم !! لأولاد ميكي Author: مرتضى احمد عبد القادر Date: 05-06-2012, 10:25 AM Parent: #18
Quote: في رحلة البحث عن الحرية يلتقط افكاراً توقفت عن التنفس لكنها اكثر نضارأ مما كان فية
يعني اولاد ميكي مرحلة في رحلة البحث عن الحرية و اكثر نضار من الحالة الكانو عليها لكن عاد البوصل ليهم رسالة شمبول دي منو
Quote: تحدثوا معاً و اعطوا لنفسكم الحق في قول اي شئ و التفكير في كل اتجاه دون قيد او شرط كونوا بشرا لتعرفوا معنىً للحياة واحترموا الاخر ولا تصنعوا عدواً للتوحد ضده بل اصنعوا سؤالاً لتفككوه و تعجلوا ذلك فما بقى من عمر البشرية سيقاس بالعقل و ربما لن يكفي الوقت لصناعته من جديد
Post: #20 Title: Re: لمن الغلبة اليوم !! لأولاد ميكي Author: حسبو عكاشة Date: 05-11-2012, 06:41 PM Parent: #19
Quote: لكن عاد البوصل ليهم رسالة شمبول دي منو
بتصل الرسالة يا مورتا, صدقني بتصل :) نسوق شمبول و نمشي عليهم ناخد لينا صولة :)
