Post: #1
Title: كراهيتى فى الدنيا تعطيش حرف الجيم عند مذيعيينا
Author: النصرى أمين
Date: 05-04-2012, 06:06 PM
Parent: #0
يشطفو منها كل السوائل حتى تكاد تلامس الشين....
رئيس الشمهورية عمر حسن احمد البشير
"الايام دى مصاقر الفضائية السودانية"
|
Post: #2
Title: Re: كراهيتى فى الدنيا تعطيش حرف الجيم عند مذيعيينا
Author: النصرى أمين
Date: 05-04-2012, 06:08 PM
Parent: #1
الصحيح يشفطو وليس يشطفو
ملعقة معلقة
whatever
|
Post: #3
Title: Re: كراهيتى فى الدنيا تعطيش حرف الجيم عند مذيعيينا
Author: walid taha
Date: 05-05-2012, 07:53 AM
Parent: #1
نعم هذا شئ ملاحظ خصوصا فى قناة الشروق
وحصراً فى مذيعين الأخبار ، الذين يبدو أنهم قد تأثروا بـزملائهم"الشوام"!
عودوا الى "الجيم" يرحمكم الله
--
تخريمة يا النصري
الصحيح "كُرهتى" :)
تحياتي،،
|
Post: #4
Title: Re: كراهيتى فى الدنيا تعطيش حرف الجيم عند مذيعيينا
Author: محمد قسم الله محمد
Date: 05-05-2012, 08:14 AM
Parent: #1
ينصر دينك يا النصري
وياريت لو بيعرفو يعطشوها ..
ديل يعطشوها ويعملو ليها سوء تغذية ويعملو لينا نحنا في صمة خشمنا إسهال مزمن.
واحدين يقولو ليك هشليش أيام هجليج ..
التعطيشه دي يمكن نقبلا من البنوت لكن من الجنيات المذيعين ديل أعوج طب.
قناة أم درمان مثلاً فيها مذيع عندو برنامج صباحي يقدنا بيهو مع سبق الإصرار والترصد ويزيدنا سوءاً علي سوئه بالتعطيش الكريه.
والقائمة طويلة.
|
Post: #5
Title: Re: كراهيتى فى الدنيا تعطيش حرف الجيم عند مذيعيينا
Author: حسن محمود
Date: 05-05-2012, 08:42 AM
Quote: واحدين يقولو ليك هشليش أيام هجليج ..
التعطيشه دي يمكن نقبلا من البنوت لكن من الجنيات المذيعين ديل أعوج طب.. |
والله حاجة تغيظ..
ولنقف جميعا.. مع (التأصيل) وضد الاستلاب اللغوي..
.
|
Post: #6
Title: Re: كراهيتى فى الدنيا تعطيش حرف الجيم عند مذيعيينا
Author: النصرى أمين
Date: 05-05-2012, 09:39 AM
Parent: #5
سلام وليد
حقيقة ما متاكد الصحيح شنو ....كرهتى او كراهيتى....
وده بجيبنا للفرق بين كره وكراهية.....
الكره فيهو شوية اجبار على الشئ ..... مثل ...قبلت مكرها على فعل الشئ
احتمال برضو ...المنطقة بتلعب دور....
زمان ونحن صغار كنا فى امدرمان بنقول حلة للحى ...
نمشى مدنى نسمعهم بقوله فريق لمن يقصدو الحى ...
شعلها الله فى ميزان حسناتك
|
Post: #7
Title: Re: كراهيتى فى الدنيا تعطيش حرف الجيم عند مذيعيينا
Author: النصرى أمين
Date: 05-05-2012, 06:09 PM
Parent: #6
سلام محمد قسم الله ...
انا ما عارف الناس دى مفتكرين انهم بخاطبو منو!!!
99.999% من مشاهدينهم سودانيين ..
حتى لو قرأو الاخبار باللهجة المحلية ما اظن تفرق كتير,,,,
التحية لشماهير شعبنا الصابر
|
Post: #8
Title: Re: كراهيتى فى الدنيا تعطيش حرف الجيم عند مذيعيينا
Author: الرفاعي عبدالعاطي حجر
Date: 05-05-2012, 06:25 PM
Parent: #7
شيتني في شرح يا النصري وقعت من السماء
تعرف الموضوع دا مثار تهكمنا في البيت
والصديق الشفيع رمزي كمان في ترقيق للراء
في النيل الازرق بس مرة كدا اقعد لناس افراح
افراح وعينيك ما تشوف الا النور بجد حاجة بايخة
اعتقد انها ظاهرة تستحق الوقوف عندها .
.............................................حجر.
|
Post: #9
Title: Re: كراهيتى فى الدنيا تعطيش حرف الجيم عند مذيعيينا
Author: محمد قسم الله محمد
Date: 05-05-2012, 06:37 PM
Parent: #8
Quote: بس مرة كدا اقعد لناس افراح
افراح وعينيك ما تشوف الا النور بجد حاجة بايخة |
عروسة في البرنامج سألتها المذيعه :
بتقولي شنو لزوجك؟
قالت ليها: بقول ليهو بحبك .
والله العظيم لتاريخ الليله أنا ما عارف دي مرت كيف علي القناة.
وواحدات من الأخوات يقدمن التهنئة بالإنجليزي ..
أبيخ برنامج هو أفراح أفراح.
أما تعطيش الجيم فخليها ساي.
|
Post: #10
Title: Re: كراهيتى فى الدنيا تعطيش حرف الجيم عند مذيعيينا
Author: النصرى أمين
Date: 05-05-2012, 06:39 PM
Parent: #8
سلام حسن
طالما جابت ليها دعوة للوقوف صفا واحدا
عليك الله اضيف لى الحاجات دى للقائمة
الحاجة الاولى البدرة المبالغ فيها
الحاجة التانية.. لمن المراسل ينتهى من التقرير
بتاعه بقول اسمه وياخد ليهو صنة طويلة يبحلق
فى الكاميرا واخيرا ينطق المدينة البتراسل منها....
بقلدو باقى القنوات ببلادة ....
النصرى امين (صنة طويلة) كالقرى
ا
|
Post: #11
Title: Re: كراهيتى فى الدنيا تعطيش حرف الجيم عند مذيعيينا
Author: عبدالعزيز عبدالله محمد
Date: 05-05-2012, 07:09 PM
Parent: #10
اضف عليها كمية البدرة التي يضعها المذيعين وليس المذيعات
غايتو جنس محن
|
Post: #12
Title: Re: كراهيتى فى الدنيا تعطيش حرف الجيم عند مذيعيينا
Author: النصرى أمين
Date: 05-05-2012, 07:35 PM
Parent: #11
سلام الرفاعى
نحمد الله كثيرا ان مشاهدتنا للقنوات السودانية
ذات دفع احادى..... الفضائية السودانية هى الوحيدة
البتصلنا هنا فى كندا ...... زمان كانت لاتطاق...
دلوقتى بتنبلع للمنهلع ..... لو اجتهدو شوية واعتمدوا
على المبدعين من شبابنا ممكن يستفيدوا من القاعدة الكبيرة
البصلهم الارسال....
بس اهم شئ يضعو بصمتهم الخاصة وما بقلدو زول ....
|
Post: #13
Title: Re: كراهيتى فى الدنيا تعطيش حرف الجيم عند مذيعيينا
Author: النصرى أمين
Date: 05-05-2012, 08:47 PM
Parent: #12
سلام عبدالعزيز
البدرة الغرض منها اخفاء التجعدات والحفر فى الوش....
جماعتنا ديل وجوهمم ملساء اصلا وما محتاجة لبدرة...
هم بستخدموها عشان تبيض الوش ....
|
Post: #14
Title: Re: كراهيتى فى الدنيا تعطيش حرف الجيم عند مذيعيينا
Author: محمد أبوالعزائم أبوالريش
Date: 05-06-2012, 07:08 AM
Parent: #13
دي واحدة ....
التانية كمان والبتغيظ جد ....
بي قدرة قادر كلمة (شَرِكة) عند مذيعينا بقت (شِركة) [بكسر الشين وتسكين الراء]........ والبركة في عمر الجزلي.
|
Post: #15
Title: Re: كراهيتى فى الدنيا تعطيش حرف الجيم عند مذيعيينا
Author: محمد عبدالرحمن محمد
Date: 05-06-2012, 08:14 AM
Parent: #14
بعيد من عطيش الجيم ياا النصري..
في زي تلات حاجات كدي غالبني افهمن:
1- المذيع والمذيعه يقرو في النشره، يقوم المذبع بعد ينهي الجزو الليلو، يدي المذيعه تااويقي..
2- المذيعون والمذيعات ديل، قصدن شنو بي حريك كتفن الشمال؟
3- أها بعد تنتهي النشره، يقومو يلملمو في الورق القدامن داك*
-
* يمين بالله ددي أكتر واحدي غايزاني
|
Post: #16
Title: Re: كراهيتى فى الدنيا تعطيش حرف الجيم عند مذيعيينا
Author: النصرى أمين
Date: 05-06-2012, 01:12 PM
Parent: #15
سلام ابوالريش
انا ما انتبهبت لكلمة شركة دى
لكن ناوى البد ليك ليهم يوم بالكميرا..
بعد ان انتهى من التصوير اعمل مونتاج للفيديو
واظهر فيهو عواراتهم كلها
غايتو بضحك فيهم الماشى والجاى
فمن حسى يعمل حسابهم
انا قانص
|
Post: #17
Title: Re: كراهيتى فى الدنيا تعطيش حرف الجيم عند مذيعيينا
Author: النصرى أمين
Date: 05-06-2012, 01:25 PM
Parent: #16
يا الله يا محمد عبدالرحمن
انا ما عارف كيف حكاية المتاوقة دى فاتتنى؟
ياخ دى من النوع البسبب غرق الحجاب الاعلى فى السوائل....
الذ حاجة انو المشاهد يفقد الرغبة تماما فى متابعة النشرة وهمه كله
فى توقيت المتاوقة .....
جاية لا ما جاية ...جاية لا ما جاية ...
يظل يزازى هكذا حتى تصدر رصاصة الرحمة
ويتاوق المذيع لزميلته تصحبها ابتسامة بليدة مع هزة راس
فنتنفس الصعداء ...
عالم مرض
|
Post: #18
Title: Re: كراهيتى فى الدنيا تعطيش حرف الجيم عند مذيعيينا
Author: ايمن مستور
Date: 05-06-2012, 02:00 PM
Parent: #14
Quote:
بي قدرة قادر كلمة (شَرِكة) عند مذيعينا بقت (شِركة) [بكسر الشين وتسكين الراء]........
|
الاخ محمد ابو العزائم، سلامات..
والله شركة دي بالذات انا حارقة فشفاشي
كل ما اسمع مذيع ينطقها ضغطي برتفع..
صراحة حكاية دايرة معالجة جد..
|
|