مــا بين بيت الضيافة و بيوت الاشباح: ويل للمُطففين

ويل للمطففين الذين اٍذا اٍكتالوا على الناس يستوفون. و اٍذا كالوهم او وزنوهم يخسرون.




المطففين المقصودين هنا هم السيدة نجاة محمود.

و قديما قالو كراع البقر جيّابه

أفة اٍحتراف التطفيف و تعدد الموزاين دي تظل من ابرز مسببات البؤس الذى يعيشه السودان.
الناس قليلة ذمة بشكل مرعب و مخيف.

كتب الزميل عبد الله شمس الدين مصطفى

بكور سلامات ...برجع ليك بخصوص بيت الضيافة

Quote: مجرد الإستماع لذلك التاريخ المرير يجعل المرء ينتفض بالخوف وبالغضب، وبالإستغراب، ليس عن كون هؤلاء يحاولون الان أن يمدوا فى عمر إجرامهم من بعد تزوييقه بدثار وزخرف الديمقراطية، لكن الإستغراب من الذين ما زالوا يسبحون بحمدهم، ويلهجون بمدحهم وشكرهم، وتعداد مآثرهم، هنا فى نفس هذا المكان الذى نضح بسيرتهم العطنة، وبرشح الدماء التى نزفها الشرفاء من أبناء هذا الشعب، لا لسببٍ سوى أنهم رأوا غير رايهم، وفهموا غير (فهمهم)، وآمنوا بغير ما آمن به هؤلاء النفر من فاسد الإيمان، وباطل القول والفعل. تباً لهم، وأفٍ لهم ولكل من يتنادى، وينادى ببقائهم من فوقنا. لعنة الله عليهم وعلى من يخوض خوضهم.

شكراً يا معاوية على الاضافة … زمان ادونا صورة المطففين دي فى المدرسة الإبتدائية
انا كنتا قايل العينة دي من الناس اٍقرضت زمان مع كفار قريش
لكن و الله لقيتا حية ترزق و تمشى بين الناس بالسوء و باطل الموازين المتعددة

الموزاين المتعددة حتى فى دم البشر و لحمهم و حيواتهم.
عليك الله تابع البوست شوف.

مــا بين بيت الضيافة و بيوت الاشباح: ويل للمُطففين

الوجه رقم واحد: بيت الضــيافة
فى برنامج الطاهر حسن التوم تحدث شخص يدعى عبد الرسول بانه و شهد بانه كان ضمن ضباط بيت الضيافة و ان تعرّض للضرب بالنار و نقل للمستشفى. حسب شهادتة انو الحردلو و احمد جبارة هم من قام بتصفية المعتقلين فى بيت الضيافة. هناك شهادة أخرى تتعارض مع شهادة عثمان و كذلك تقرير القاضي علوب الذى اٍستمع لمئات الشهادات و لم يتكمن من تحديد الجهة التى قتلت معتقلي بيت الضيافة. على كل حال شهادة عثمان عبد الرسول ليست موضوع البوست الرئيسي لكن موضوعه رد فعل نجاة محمود تجاه شهادة عبد الرسول و مقارنة موقفها من شهادة ضحايا بيوت اشباح الانقاذ.

اٍقتباسات لاراء نجاة فى شهادة عثمان عبد الرسول حول موضوع بيت الضيافة:

Quote: يجب الا ننسى شاهد العيان الذي تحدث مع من اطلق الرصاص عليه وبذلك اي شهادات سماعية تؤول الى الصفر. محاولة تجاهل هذه الشهادة والجري وراء فلان قال وعلان ود جيرانا قاال لي يبقى ما عنده اي معنى لديكم شاهد ماذا انتم فاعلون بشهادة الضحية الشاهد؟؟؟؟؟؟ لاحظ عقلية يمكن تصديق الغير معقول والغير مصدق في هذا البورد ولكن لما تجي لموضوع يخص الشيوعين مافي زول بيصدق اي حاجة لاول مرة احس بانه بالجد في هذا المنبر الشيوعين قوين شديد وممكن يلوا عنق اي حقيقة..

الاقتباس السابق تجده فى اللنك ادناه
Re: مولانا حسن علوب يتحدث للمرة الاولى عن انقلاب 19 يوليو

Quote: لاحظ عقلية يمكن تصديق الغير معقول والغير مصدق في هذا البورد ولكن لما تجي لموضوع يخص الشيوعين مافي زول بيصدق اي حاجة لاول مرة احس بانه بالجد في هذا المنبر الشيوعين قوين شديد وممكن يلوا عنق اي حقيقة..

زي ما شايف انها بدأت فقد أعصابها عندما لم تمضى هستيريا الادانة كما ترغب لها.

ما أذكاك يا ذكي العود
عارف ، أول ما رأيتها هناك فرحة جزلة وكأنها ضبطت الحزب الشيوعي بما يشين
حتى سألت نفسي : الزولة دي ماقادرة تفهم ان حادثة بيت الضيافة في واحدة من احتمالاتها الكثر
ح تكون مجرد تصرف فردي اهوج لحظة هزيمة
وأن الحزب الشيوعي ليس مسئولآ عنه ولا قيادة حركة 19 يوليو

وتسكت عن بيوت الأشباح ، تلك الفعلة الذميمة الممنهجة التي تمت بعلم كل قيادةالكيزان و النظام

وتسكت عن مذبحة 28 رمضان التي تمت بدون محاكمة وبعد إستسلام الضباط مقابل وعد بتغيير ومحاكمة عادلة

انا أعرف ان تلك السيدة لاقيمة لها
ولكن لفائدة القرآء يجب فضح توجهاتها
ف شكرآ يا بكري علوم

شكرا يا كبير على المرور و اٍثارة نقاط غاية فى الاهمية
سوف أعود لها بالتفصيل و أعلّق عليها، الان احاول تجميع
اٍقتباسات موزعة فى البوستات.

Quote: هذا التقرير اتى من اضبير مجلس الوزراء وكا ترون يوجد به رقم متسلسل وتاريخ وهذاما ناقشه مجلس الوزراء كملخص لكل ما اتى في التقرير وخلاصاته وهو تقرير رسمي وحقيقي عايزين وجهة رايكم في شهادة عثمان عبد الرسول بعدين يا دكتور ابو نورة بقيت ذي كاهن المعبد عايزنك تورينا الحاصلشنو وانت الان قلت ليك فرتة بتتكلم مع علوب الكلام شنو؟ ومتين حتقولينا الحاصل شنو مع انه كلمة وغتايتها القتل ناس قصر الضيافة منو؟ وبس اسعالناس رجعت تاني تتكلم عن شامبي مع انه قلنا مليون مرة انه شامبي سنة 1971 ما كان ضابط وانه هو ما ضابط صف بل خريج الكلية الحربية الولوات دي بتضيع الحق.. و والان في شهادة عثمان عبد الرسول وهو قال ديل الحاردلو وجبارة وهم الحراس كانو موش؟ كدا الموضوع كلوزد بقى ماذا بعد انا عرفنا من نفذها.

Re: مولانا حسن علوب يتحدث للمرة الاولى عن انقلاب 19 يوليو