Post: #1 Title: شفت في المنام إني زاير لمحمد طاهر ايلا وهو مريض .. Author: فايزودالقاضي Date: 05-03-2012, 09:50 PM
كان راقد في سرير وهو تعبان شديد في غرفة مافيها غير نفرين معاه .. واحد جالس جنبه على جانب السرير وهو زول طويل لم استبنه .. وعلى ناحية راسه كان جالس اخونا نورالدين الفحل( عضو البورد) ساكت تم.. جيت داخل الغرفة وسلمت عليه وقلت ليه الف الف سلامة عليك ياايلا وان شاء الله تقوم بالسلامة.. قال لي : عليك الله شفت يافايز الجماعة عملوا فيني شنو ؟!! استغربت وقلت في نفسي ايلا ده جاب اسمي من وين ؟!! الشهرة متاعب ( دي بره الحلم ) المهم قلت ليه يازول لور بنا هداك وقبل اكمل كلامي ابتسم فقلت ليه مستدرك اقصد لو ربنا شفاك وبقيت كويس الفرصة قدامك وتصلح الاتخرب وتعدل بين الناس وبين اهلك ..
وفجأة اشتغلت موسيقى انجليزية كنت زابطها كمنبه في جوالي ..
لكن المزعلني مافي زول ضيفني باى مشروب كان عصير ولا غيره .. كدي نقول الحليب ومشتقاته كرم اتحادي ولا يناله الا من شاف مسئول اتحادي .. لكن العصير العادي مفروض يكون كرم ولائي كمان..
Post: #6 Title: Re: شفت في المنام إني زاير لمحمد طاهر ايلا وهو مريض .. Author: رشا احمد Date: 05-03-2012, 10:09 PM Parent: #5
Quote: لكن المزعلني مافي زول ضيفني باى مشروب كان عصير ولا غيره .. كدي نقول الحليب ومشتقاته كرم اتحادي ولا يناله الا من شاف مسئول اتحادي .. لكن العصير العادي مفروض يكون كرم ولائي كمان..
Post: #26 Title: Re: شفت في المنام إني زاير لمحمد طاهر ايلا وهو مريض .. Author: فايزودالقاضي Date: 05-09-2012, 01:34 AM Parent: #25
Quote: انت لو عايز الكرم ما كان تحلم بي كرم الله بتاع القضارف
حلمت بايلا كرم الله طار ...حلم احوص ..
Post: #27 Title: Re: شفت في المنام إني زاير لمحمد طاهر ايلا وهو مريض .. Author: الرفاعي عبدالعاطي حجر Date: 05-09-2012, 08:29 AM Parent: #26
نورالدين الفحل للتكفيين جاهز , يا فايز ازيك يازول يازين . ايلا وكل الهامش دا سيتحد ضد المركز في قريب عاجل المرض ايلا للاسف من المهمشين غير المدركين لتهميشه ... وجود نور الدين هو لتأكيد الترابط والتلاحم المتميز لاهل الشرق بجه نوبه عرب وكل مكونات السودان المنسجمين دون تمييز او تميز .
Post: #29 Title: Re: شفت في المنام إني زاير لمحمد طاهر ايلا وهو مريض .. Author: فتح العليم محمد أبوالقاسم Date: 05-09-2012, 08:48 AM Parent: #1
سلام يافائز حلمك ذكرنى أيام الابتدائية والدنيا بخيرها واحد اخونا كان عوير والان من اكبر المهندسين في السودان قال ليه حلم قال حلمت بالجداد (الدجاج) حلبوا اتعشينا ذينتيا والباقي روبو الديك البعالعيل يالله من الكديس حجزو . اتمنى ان تحلم لنا المرة القادمة بإشياء تسرنا وتضع نهاية لاحزاننا وشتاتنا في بلاد الغربة بلاهوية . تحياتي
Post: #30 Title: Re: شفت في المنام إني زاير لمحمد طاهر ايلا وهو مريض .. Author: عمار عبدالله عبدالرحمن Date: 05-09-2012, 09:32 AM Parent: #29
ود القاضي ,
اذكرني عند ربك ولا تعمل حمد لبد ,, التعبير السياسي , الزول الطويل ,, اركو منو مناوي وده معناه ايلا في طريقة للمعارضة ود الفحل ,, الشفرة في الاسم وليس الشخص , ::: ::: التعبير غير السياسي رؤية اهل السلطان في المنام بشارة بقضاء حاجة مهمة متعلقة بالسلطة
واحلام سعيدة
Post: #31 Title: Re: شفت في المنام إني زاير لمحمد طاهر ايلا وهو مريض .. Author: خالد العطا Date: 05-09-2012, 12:09 PM Parent: #30
سلام يا فايز
خير انشاءالله لك ول ابن الولاية البار د/ طاهر ايلا
