Post: #1
Title: أُم غِزيِّل
Author: أبوذر بابكر
Date: 05-02-2012, 07:38 AM
Parent: #0
دربك مارق منك
من محاحاة الحروف
الحامن وتلّن
من الطارن تانى
وركّن
سدّن عين الوجعه
والفجه عَلال
واُم غِّزيّل خالتَه جِنك
جداولا جاريه
زى دم الشرايين فى الجروف
لافحه توب الفرحة ماشه
فاجّه الصفوف
مباريه فرقان غبينتك
وجيهة الفرح المحال
هاطله مطرة
سايله من تيبار سحابه
صابه للقعدن رجنّك
وجاريه كابّه
الغناوى
والمسادير
الحكاوى
والطنابير
المسافات
والمشاوير
والفجة علال
ودربك مارق منك
ماشى يساسق
تالا فُرقان الجمال
الراجيه منك
فرحة فزعه
واُم غزيّل خالتَه جِنك
واتا لا هاميك نشافك
ساوى درب المويه رجعه
خاتى مقدافك مقام
فوق جروفك
فوق ضفافك
وام غزيل تبقى نمّه
خدرا زى طعم السلام
سمحه زى شعر البنيه
ام غزيل تبقى ضَمه
فى سدور أمات نديه
واتا ما هاميك نشافك
وتسقى فى الناس سلسبيلك
البريدك والبعافك
شْربَتَن سمحه وهنيه
ام غزيل تبقى نيلك
تريانه ساهله
للسمع بيك ولا شافك
شبعانه مواسمك
حامده شاكره
نديانه ماهله
ونوره نورك
جهرة فوانيسك دليلك
أم غزيل خالته جنك
تبقى عِينه
تسقى جيهات اليباس
بالمطيرات الحنينه
تبقى منها
تبقى منك
وكان قِنِعتَ
ابقى مارق
ابقى ماشى
شِدو سرجك فوق غُناك
واملا خُرجَك
بى زوادة الروح معاك
وابقى سادر فى عديلك
|
Post: #2
Title: Re: أُم غِزيِّل
Author: جورج بنيوتي
Date: 05-11-2012, 11:32 AM
Parent: #1
[center]
أم رنيم
سقت الهشيم
نغمة سماح
طلة وشيش
هادي وبشوش
نادت زغاريد الكلام
رقص الحمام
رتقن قميص الحلة
بي خيط الغمام
سون سواتن
في قلوب الأمهات
سر الحراير في رُقادن
مرة بي فوق السحاب
مرة في وادي الرضاب
مرة صاحن في غفاِلن
شان جهالن
يصحو لي دق الرخام
بس هذا الزحام
ينفك من لبن العوافي
وتبقى مافي
خفافيش الضلام!
|
Post: #3
Title: Re: أُم غِزيِّل
Author: ود الخليفه
Date: 05-11-2012, 05:56 PM
الاخ ابوذر
السلام عليكم ورحمة الله
Quote: واُم غِّزيّل خالتَه جِنك
|
جئتك مستفسرا عن ام غزيل هذه
فقد سمعتها عند خلف الله حمد مفتخرا في احد رمياته
(انا البحرالكبير وقتين يحمل
اناالضل الكبير للداير يقيل
رحل الكحل وقتين يميل
اناالرمد البخلي العين تسيل
انا الجن المخالطاه ام غزيل )
ولم اعرف بالضبط معنى هذه الكلمة وقدرت انها اسوأ انواع الجنون
ان تكرمت مشكورا بشرح المعنى
|
Post: #4
Title: Re: أُم غِزيِّل
Author: جورج بنيوتي
Date: 05-12-2012, 09:51 PM
Parent: #3
==================
|
Post: #5
Title: Re: أُم غِزيِّل
Author: جورج بنيوتي
Date: 05-15-2012, 09:37 PM
Parent: #4
Quote:
وكان قِنِعتَ
ابقى مارق
ابقى ماشى
شِدو سرجك فوق غُناك
واملا خُرجَك
بى زوادة الروح معاك
وابقى سادر فى عديلك |
|
|