Post: #1
Title: نقطة سطر جديد ..
Author: هشام كمال عبادي
Date: 05-01-2012, 07:27 AM
ما عارف بعض البورداب لما يكتب عنوان مثير لبوست يقوم يبدأ بي نقطة ..
يعني شنو اول ما نفتح البوست نلاقي اول حاجة * أو .
دي زيادة بهارات للموضوع ولا شنو ؟؟
مش كفاية الموقع بقى تقيل وبيفتح بس سلة روح ..
الواحد عشان يقرا ليهو كم بوست كدة ينتظر لحد ما الدعايات تنتهي ..
ومرات البوست يعلق وتضطر تعمل ليهو "رفرش" عشان يفتح ..
ادخلو لينا في الموضوع تووووش بالله ..
|
Post: #2
Title: Re: نقطة سطر جديد ..
Author: ABUHUSSEIN
Date: 05-01-2012, 10:34 AM
Parent: #1
Quote: يعني شنو اول ما نفتح البوست نلاقي اول حاجة * أو .
دي زيادة بهارات للموضوع ولا شنو ؟؟ |
نوع من التشويق
و الموضوع بكون سطرين
و بي كدا بزيد عدد المداخلات في البوست
و المعلومة ما بنزلوها ليك من قول تيت
علشان تمشي و تجي تاني
و تلقى المعلومة لسه ما نولت
تقوم تطلع و ترجع تاني
و بي كدا بدل زيارة واحدة ليك إكون إستفاد منك بي 4 أو 5 زيارات (خاصة لو كنت بتاع شمارات )
و بالتالي البوست اللي مفروض يكون عدد الزوار فيه 100 زائر إكون عمل 500 زائر
و في النهاية إمكن المعلومة تكون ما بتستحق زيارة واحدة
هشام إزيك
.
|
Post: #3
Title: Re: نقطة سطر جديد ..
Author: تولوس
Date: 05-02-2012, 05:48 AM
Parent: #2
تحياتي يا هشام ياخي
الامر مجرد تقليعات وابتكارات اسفيرية... يمكن تفسيرها انا امثل نقطة في هذا الخضم ...
وفي منظور اخر هذه طوبتي
وفي تفسير اخر تعادل هذه النقطة عبارة انا موجود
|
Post: #4
Title: Re: نقطة سطر جديد ..
Author: عادل الباهي عبدالرازق
Date: 05-02-2012, 06:14 AM
Parent: #3
هشام عبادي
ياحبيب سلام شكلها كده كورتك فكت والله من ما أفتح المنبر دا علي طول
بقيت بعرف البوستات الفيها الزبدة والبوستات بتاعة نجمة في شكل وردة
ووردة في شكل وهمه دي بجي ماشي فبها بنمره خمسة اصلا اصلا أصحاب هيك بوستات معروفين 
|
|