Post: #1
Title: ما بين(الجلابيه الكوزه)(سناء حمد)وبين (الكوز المهمش)(مسار)!
Author: Tragie Mustafa
Date: 04-30-2012, 03:46 PM
Parent: #0
اولا دعوني اثبت انه راي انه مافي اي كفآت هنا
في محابه وقبيله وجهويه وعفن!
وهذا العفن يتسرب الينا كل يوم اكثر.
ود الهامش العبيط مسار فاكر انه عربي وساق في الموضوع ده
وتوهم انه هذا سبب القبول له من عصابة الانقاذ!
وفات عليه انه مجرد أداة لضرب المستنيرين بتحديات اقليمهم من ابناء وبنات دارفور
عربا وزرقه!
الكوزه الجلابيه سناء الحمد ماهي مؤهلاتها غير انها شايقيه ولا جعليه
وقريبه احد تنابلة الصبيان من جوقات السلطه؟!
بين هذا وذاك طلعت علينا اصوات تتفصاح بانه سناء الحمد مهنينه
ومسار غير مهني؟!والقضيه ابدا هي الجهويه لا غير؟!
البحير الزول انه كوز معفن زي فرانكلي بيدعوا لتجويع الجنوبين قبل كم يوم يحدثنا عن المهنيه
وهو فات عليه انها انحياز لجهويته لا غير:
Quote: ليس بهذا التبسيط
المهم
مسار لم يتعامل بمهنية ومسؤولية مع هذه القضية
سنا من جهتها كانت أكثر مهنية ومؤسسية منه
تفاقمت القضية بين مهنية "سنا" وعناد "مسار"
لم يجد الرئيس بد من أن يثبّت دور المهنية والمؤسسية
ما اضطر "مسار" لتقديم استقالته محرجاً
ووضع بذلك "سنا" كخليفة مباشر له دون الحاجة للتفكير فيمن سواها.
فالقضية وصلت لحد من الأجدر أن يكون وزير الإعلام "مسار" أم "سنا"؟؟؟ |
انتصرت "سنا حمد" على "عبدالله مسار" .. وهي الأجدر بأخذ منصبه
ويحيرك يساري زي ابو قصي ينسى انها كلها حكومة مجانين واغبياء وجهله وكوم بتاع ناس
بتطبظ كل يوم اعلاميا...وكأنه نسي رئيسه الوصف الجنوبين بالحشرات فاستعدى كل الافارقه عليه:
Quote:
وزير إعلام يدلي بمثل هذا التصريح غير العقلاني لازم يتخلصوا منه ، وخاصة وانه استنفاد اغراضه خلاص كما قال الاخ أبو ساندرة :
| Quote: ولهذا جاء تصريح وزير الإعلام عبد الله علي مسار نشاذاً وعصياً علي الفهم. فقد قال أن استراتيجية جوبا التي أدارت بها معركة هجليج بُنيت على إسقاط الحكومة في الخرطوم بمساندة إسرائيل على مراحل ثلاث. (الدخول لهجليج بالقوة واحتلال جنوب كردفان واحتلال مدينة الأبيض واستخدام مطار الأبيض لإنزال الطيران الإسرائيلي واستخدامه في تدمير سدي مروي والروصيرص وبعض الجسور النيلية.) !! (راجع صحيفة الصحافة ١٦ أبريل ٢٠١٢ م) تصريح لا يقبله أي عقل سويٍّ |
الاقتباس نقلا عن الميدان .
أبو قصي |
غايتو يا ابو قصي انت وميدانك ذاتها شكلكم وقعتوا في الجهويه؟!
اي منطق لكل ناطقي هذه الحكومه؟!عشان تندهشوا فقط من رودد مسار وتصريحاته؟!
الا ترون القرف و العنصريه و الطبظات اللغويه و القانونيه تنضج من حروفهم
عشان تحاكموا مسار العبيط؟! وهل هو الا واحد من جوقة العبطه و الكذابين و الافكاين؟!
كم مره هرف خال الرئيس بكلام لا يدخل اي دماغ عن تورطات اسرائيل؟!
وكم...وكم...وهل خلا تصريح اي مسؤل حكومي انقاذي عن اتهام اسرائيل؟!
بمن فيهم الصادق المهدي وابنه؟!
يبقى البدهشكم شنو؟!
اها نحن متابعين طبعا وبنوثق برضو للحقاره بكل بين مكونات
المؤتمر الوطني ببعضهم البعض بناء
على الجهة و العرق...كويس البشوتوا لينا كل يوم دليل جديد؟!
قال جادين وقال تحقيقات فساد
ما كلهم سجم برماد؟!
اها جادين ده جيبوا لينا قبيلته
وقتها بنكون عرفنا كل الفيلم.
طبعا اسم جادين ليس شمالي
ولكن وارد كردفاني
اها ربما هو مسيري و الجماعه طبعا
يا مسار الطيره اليومين دي جلابة المؤتمر الوطني
عايشين شهر عسل مع مسيرية المؤتمر الوطني
اها انت البحشوك شنو بين البصله وقشرتها؟!
وما تنسي بعد الدوحه وسيسي
فانت وجنجويدك قد خفضت الحوجه لكم
لذا كما القوا بعبد الحميد موسى كاشا قادرين على الالقاء بك للشارع؟!
_______________________
اها ابشر(مع انك ما بتستاهل) لما تكتب تراجي عنك
طوالي الانقاذين بيرجعوا يصالحوك؟!
عشان عارفين كلماتنا دي بتهبش مواضع الوجع كلها!!
وربما ديك الحرصت على كتابتها
عن قبيلة جادين بتمنع اي لفاح من النط لي؟!
عشان بس تعرفوا انا مصحصحه وبكتب كيف!!
|
Post: #2
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: البحيراوي
Date: 04-30-2012, 04:15 PM
مسار فاكر انه عربي وساق في الموضوع ده
الأخت تراجي
تحياتي - بالثقافة واللغة فإن عبد الله علي مسار يُعد من مستعربي السودان ذلك لأن العربية القحة لا تجدي لها تجلي كامل بكل السودان . ورغمأً عن ذلك هناك من يدعي دوماً بأن السودان قطر عربي قح كما نسمعها في بعض القصص ونعيشها في تفاصيل وسلوكيات تجري بها مجتمعات السودان المتعددة . وبالمقابل هناك رد فعل لهذه السلوكيات والقصص تحاول ربط السودان كدولة أفريقية صرفة دون التوقف في النص ما بين الإثنين لنسمي ذلك سودانية تتألف من عناصر عربية وأفريقية ومكونات أخري تزيد أو تنقص من هنا وهناك !!
أما العبرة التي يمكن أن نأخذها من قصة المهندس مسار في الأيام الماضية وما سبقها من غبن عايشه أهل السودان جميعهم وقادهم لما هم فيه الآن من عدم إستقرار هي أن الجهوية والقبلية وتبعاتهما ماضية في جسد الوطن مهما حاولنا تلوين المشهد السوداني بأي صبغة تسكينية حتى لو كان ذلك في مسكنات تلهي بعضٌ منّا بنظرية المؤامرة وجذبه لدائرة القرار المبني على تلة السلطة والثروة حيث نسبية الحراك الداخلي وتباعد وتقارب المسافات ونسبيتها أيضاً ستجعل الصدام حتمي يومأً وتسقط حينها كافة المساحيق ذات التكلفة العالية ويعود القنطور لأصلة التراب!!!
بحيراوي
|
Post: #4
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: Tragie Mustafa
Date: 04-30-2012, 04:26 PM
Parent: #2
الفاضل البحيراوي
سلام
Quote: | Quote: مسار فاكر انه عربي وساق في الموضوع ده |
الأخت تراجي
تحياتي - بالثقافة واللغة فإن عبد الله علي مسار يُعد من مستعربي السودان
ذلك لأن العربية القحة لا تجدي لها تجلي كامل بكل السودان |
اتفق معك اخي البحيراوي انه فعلا لو جينا من ناحية مخارج الحروف
ولا التراث و لا النمط المعيشي ولا القيم فمن يعرفون
بانهم عرب كردفان ودارفور ومناطق البطانه هم فعلا الاكثر عروبه من بقية مدعي مستعربي السودان.
لكن يا الحبيب
القصه ما بقت (العروبه) كنمط حياه هنالك (العروبه السياسه) وهذه هي التي صارت ميعار
لقبول احزاب المركز جميعها وعلى راسها المؤتمر الوطني.
عبد الله مسار مؤكد انه اكثر عروبه من الطيب مصطفى نفسه
خليك من عبد الرحيم احمد حسين!
ناس الطيب مصطفى ديل يا البحيراوي انا شخصيا ما بقدروا يغشوني بالوانهم
عارف ليه؟! لانها نتيجه دماء آخرى لكنها ليست عربيه؟!
يعني اي زول خالط مهاجري الشوام ولا بواقي محمد علي باشا من مماليك وغيرهم
ولونه فتح فاكر روحه ينجر لينا في نسبه للعباس و البطيخ بنصدقه؟!
خليهم ينافقوا في نفاقهم....
| Quote: أما العبرة التي يمكن أن نأخذها من قصة المهندس مسار في الأيام الماضية وما سبقها من غبن عايشه أهل السودان جميعهم وقادهم لما هم فيه الآن من عدم إستقرار هي أن الجهوية والقبلية وتبعاتهما ماضية في جسد الوطن مهما حاولنا تلوين المشهد السوداني بأي صبغة تسكينية حتى لو كان ذلك في مسكنات تلهي بعضٌ منّا بنظرية المؤامرة وجذبه لدائرة القرار المبني على تلة السلطة والثروة حيث نسبية الحراك الداخلي وتباعد وتقارب المسافات ونسبيتها أيضاً ستجعل الصدام حتمي يومأً وتسقط حينها كافة المساحيق ذات التكلفة العالية ويعود القنطور لأصلة التراب!!! |
الا محزن رمي ابناء عرب دارفور من كاشا و الآن مسار...هكذا..وقبلها
لماضة اسحاق فضل الله مع محمد حامد جمعه!
ووزير الماليه الكل يوم بيشتموا فيه الصحفين!!
يبدو ان اهل المركز هؤلاء مصرين ان يسود نمط اهل المركز و الا الناس اغبياء ؟!
عارف عنصريتهم كلها بتطلع غصبا عنهم في المحكات!!
خلينا بس بنثبت لهم اننا مصحيحين.
شكرا على مرورك
|
Post: #3
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: علاء الدين يوسف علي محمد
Date: 04-30-2012, 04:16 PM
Quote: اها ابشر(مع انك ما بتستاهل) لما تكتب تراجي عنك
طوالي الانقاذين بيرجعوا يصالحوك؟!
عشان عارفين كلماتنا دي بتهبش مواضع الوجع كلها!! |
طراجي
إنتي هدية من الله .. والله بدي الجنة
طراجي
إنتي وحمادة تش أكبر مكاسبنا في هذا المنبر
طراجي
أنا مستعد أبذل ليك باسويردي شان إنتي تكتبي
طراجي
لدي إحساس جازم إنك كوزة ومتنكرة لزوم التمويه وكدا
طراجي
سيري وعين الله ترعك
|
Post: #5
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: عبدالمجيد الكونت
Date: 04-30-2012, 06:51 PM
Parent: #3
ما انفع وافيد للانقاذ اكثر من تراجي الا تراجي
|
Post: #6
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: محمد قسم الله محمد
Date: 04-30-2012, 09:45 PM
Quote: اولا دعوني اثبت انه راي انه مافي اي كفآت هنا
في محابه وقبيله وجهويه وعفن! |
أختنا تراجي..
واحده واحده روقي المنقه ما تقومي بنمرة أربعة وتتبرعي بتوزيع الإتهامات بكرم حاتمي..
| Quote: ود الهامش العبيط مسار |
أين أدب الحوار؟؟؟؟!!!!!!!!!!
وأدب الخطاب ؟؟!!!!!!!!!
| Quote: الكوزه الجلابيه سناء الحمد |
ماهكذا تورد الإبل يا تراجي..
Quote: ماهي مؤهلاتها غير انها شايقيه ولا جعليه
وقريبه احد تنابلة الصبيان من جوقات السلطه؟! |
يمكن لأحدهم أن يقول ماهي مؤهلات تراجي ؟؟ بالطبع لو كنتِ مكانها..
ولا يمكننا حصر كل مؤهلات الفرد في كونه من قبيلة كذا وكذا ..
حديثك هنا بعيد تماماً عن الموضوعية..
| Quote: البحير الزول انه كوز معفن زي فرانكلي |
نسأل الله السلامة ..
يمكننا أن نختلف ولكن ليس هكذا..
| Quote: ويحيرك يساري زي ابو قصي |
وكأنك لا يعجبك العجب ولا الصيام في رجب ..
يسار يمين غلط وكأنّ تراجي هي فقط الصحيح الوحيد في الكون.
| Quote: بمن فيهم الصادق المهدي وابنه؟! |
نيران في كل الإتجاهات ..
| Quote: جادين ده جيبوا لينا قبيلته |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!
ومع ذلك لتكون كل هذه الهترشات الطويلة مبلوعة نوعاً ما ..
شوفي لينا مخارجة لجادين هذا..
بين الكوزة الجلابية سناء والهامشي المتكوزن مسار أو كما تقولين ..
أم تراه _جادين_ في منزلة بين المنزلتين؟؟!!!!!!!!!!
| Quote: اها ابشر(مع انك ما بتستاهل) لما تكتب تراجي عنك |
يرادوني إحساس إنّ هذا المكتوب ليس لتراجي أو أنّ تراجي لم تكن في كامل لياقتها الذهنية حين كتبت هذه الهترشة التي لا تشبهها من حيث إفتقادها للرابط المنطقي في تحليل الأحداث.
|
Post: #7
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: مدثر صديق
Date: 05-01-2012, 07:07 AM
Parent: #6
| Quote: إعفاء سناء حمد وقبول استقالة مسار |
| Quote: أصدر الرئيس السوداني؛ عمر حسن البشير، مرسومين جمهوريين، قضى الأول بقبول استقالة وزير الإعلام الاتحادي؛ المهندس عبدالله علي مسار، ونص الثاني على إعفاء وزيرة الدولة بالإعلام؛ سناء حمد العوض، من منصبها. |
http://www.ashorooq.net/net/index.php?option=...07-03-25&Itemid=1163
|
Post: #8
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: قلقو
Date: 05-01-2012, 08:03 AM
Parent: #7
الأخت تراجى,
سوف يعود مسار. بعد تدخل الأجاويد.
فالسلطة طاااااعمة ولذيييذة وماأحر وأصعب فراقها,
سوف يعود ياعزيزتى وسترين.
|
Post: #9
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: فدوى الشريف
Date: 05-01-2012, 08:12 AM
Parent: #8
تراجى عسل والناس مساخ
|
Post: #10
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: ABU QUSAI
Date: 05-01-2012, 08:35 AM
Parent: #8
تراجي مصطفى
سلام على من اتبع الهدى هههههههههههههه .
تعرفي يا أم حازم مشكلتي معاك اني دائما ما قاعد اتعامل مع طرحك بانه جاد عشان كده بكون بكتب وأنا بضحك من طريقة طرحك للمواضيع ... تراجي مصطفى الاقتباس الأنا أخذته من الميدان ده من عدد الميدان الصادر يوم 16 ابريل بعد دخول الجيش الشعبي لدولة الجنوب مدينة هجليج ، يعني ما عنده علاقة بمشكلة مسار وسناء وجادين والاستقالة فتخيلي وزير إعلام يدلي بمثل هذا التصريح ... يعني الحركة الشعبية عايزة تعمل طوفان في شمال السودان لتقضي على الأخضر واليابس غرقا تصوري ووزير الاعلام يعلن ذلك في تصريح لجريدة الصحافة وهذا الحدث عنده لا يستحق مؤتمر صحفي والمسألة هنا مهنية بحتة ولا علاقة لها بيسار ويمين ..
أما صراع مسار وسناء فالاثنين انتهازيين بس سناء انتهازية بمهنية يعني بتعرف من أين تؤكل الكتف ومسار متأثر بخلفيته الانصارية وواقف دت ... أما البشير بالنسبة له فمسار انشق عن حزبه ودخل إلى المؤتمر الوطني واستغلوه ناس المؤتمر الوطني لفترة معينة وخلاص بالنسبة لهم استنفد اغراضه عشان كده استغنوا منه . وفي عودة لاقتباسي لو تنظرين للموضوع بعين بصيرة وتقرئين ما بين السطور فما قصدته أنه أصلا هو غير مؤهل لأن يكون وزيرا للاعلام على الأقل ده رايي كاعلامي فقط . أما سناء فلم اسمع بها إلا قبل اسبوعين ولا اعرف عنها شيء .
شكرا جزيلا وتوقعي مني زيارة بعد شهر كده عندي معاك مواضيع كتييييييييييييرة بس ختي الكورة واطة .
أبو قصي
|
Post: #11
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: haroon asram
Date: 05-01-2012, 09:29 AM
Parent: #10
الاخت تراجي
سلام
اولاً انا بختلف معك في طرحك بهذه الطريقة حتي لو اختلفتي مع النظام
اما بخصوص مسار وجادين وسناء اسمحي لي ان اقول راي بصراحة شديد
بدون مجاملة لاحد
اولاً مقدرات مسار متواضع مقارنة مع سناء حمد في مجال الاعلام
ونعيب علي مسار انه اندفاعي ونعيب علي ثناء تدخلها في المشكلة حسب نظنها
سحبت الملف منها و بالتالي اثر سلباً علي الوزارة
نقول لمسار وسناء حمد ان المشاكل لا تحل هكذا علي الاقل يجب ان يكون هنالك توافق
في الوزارة في اتخاذ القرارات وعلي الوجه الخصوص مثل وزارة الاعلام التي تعتبر واجهة
الدولة الرسمية ونقول لاخونا مسار ليس كل ما تسمعه صحيح او يقال عليك التأكد اولاً ومن ثم
احكم ونقول لاخت سناء حمد يارريت لو استخدمتي الحكمة في الموضوع لان ما ترتبت علي مشكاكسات
بينكم اثارها كبيرة
ولكم تحياتي
|
Post: #12
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: العوض المسلمي
Date: 05-01-2012, 09:48 AM
Parent: #11
يا تراجي سلام
الموضوع ما موضوع هامش ولا غيره , الموضوع موضوع انه مسار ما مؤتمر وطني وعوض جادين وسناء مؤتمر وطني
يا زولة ما تتوهمي ساهي والله الحكومة دي اغلبها مهمشين ولكنهم مؤنمر وطني !!
|
Post: #13
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: ABU QUSAI
Date: 05-01-2012, 10:21 AM
Parent: #12
Quote: قبول استقالة مسار واعفاء سناء
أصدر رئيس الجمهورية المشير عمر البشير مرسومين جمهوريين قضى الأول بقبول إستقالة وزير الإعلام المهندس عبد الله على مسار والثاني بإعفاء وزيرة الدولة بالإعلام سناء حمد العوض من منصبها. |
لعبة كراسي ... قالوا الوزارة قنطروها لأمين حسن عمر ... تفرق معاك حاجة يا تراجي ... في النهاية كلهم مؤتمر وطني وقتلة .
ده لزوم رفع البوست لما تصحي من النوم .
أبو قصي
|
Post: #14
Title: Re: ما بين(الجلابيه الكوزه)(سناء حمد)وبين (الكوز المهمش)(مسار)!
Author: Tragie Mustafa
Date: 05-01-2012, 09:00 PM
Parent: #13
يا اخونا البوست ده جاب جنس سمك مبالغه(هههههههههههههههههههههه)
كدي ليبقى عاليا حتى اعود....
اها لوقتها انتهبوا لمشاركة اخونا هارون اسرم وده طبعا جناح
ناس بحر ابو قرده الدخلوا مع التجاني سيسي!
اها يا هارون ما عيب عليك تتكلم عن مؤهلات مسار؟! العلك صدقت ان لايا منكم مؤهلات؟!
يا اخي الدنيا دي مبالغه خلاص.....تقدر تقول لي مهؤلات بحر ابو قدره البقته وزير صحه شنو؟!
يا حبيب ما تخليها في سرك احسن؟!
|
|