شايقى وشيوعى وابوى نقد (شعر

من قبل تسألى داير ارد
شايقى وشيوعى وابوى نقد
وعاد النضال ما منو بد
انا ان وصلتك مابصد
انا ماقريب رغم البعد
ماسك الحجر واسكت اكد
وخايب شعار فرق تسد
والليل تهار طير السقد
***
طير السقد كايسلو عش
شان المساكين الغبش
يكدح يكابس من دغش
من اجل مبدأ وفكرة عاش
راجيهو مطرك يا دعاش
نظرا حديد ماشوف طشاش
بيد انو فى الأخر وصل
عرف الحقيقة وعانقها
عممو وطواقى مشنقه
دا شيوعى بى فكر الوطن
وانسانى فى هذا الزمن
لمس المعانى وادلجها
طهر سريرتو وحججها
يغنى الليلى لى نقد الشيوعى الصح
مسيخى الدنيا ناقصى ملح
وقاعد راجى اسكت ازح



والقصة حبنا للبلد
وفكرا مواكب وما جمد
ونقد الحقيقى ابوى جد
شوق المسافر للابد
ادينا من فيضك مدد
وافتينا فى الروح والجسد
وعطف الابوة للولد
عند المطار والليل هجد
جثمانو زى خاطرا ورد
الشيخ فى ثلث الليل سجد
والصوفى نزل للعدد
يا ثورى فى الاخر رقد
دا شيوعى ما لان واستكان
يافلته فى هذا الزمان
وحب الحقيقة اين كان
كان رحيلك مهههههرجان
ارقد تمدد فى امان
وفيض المشاعر والحنان
نقد المسافر مابيعود
يارقة فى حسم الاسود
وزيك زمانك ما بيجود
تاتينا من رحم ولود