Post: #1
Title: نتائج مخيبة لفرقنا الاربعة لكن والله عندي احساس قوي ان المريخ والهلال
Author: امير عوض الجمري
Date: 04-30-2012, 12:05 PM
حا يتأهلا لدوري المجموعات ..
اولا اعتقد ان الرهبة من اسم مازيمبي زالت من لاعبي المريخ في مباراة الامس
ونتيجة 0/2 ما صعب تعويضها .....
اما الهلال فمنافسه جمعية الشلف فريق متواضع وخبرته لا تضاهى بالهلال واسمه الكبير
وبررررضو مباصرتو ما صعبة ........................
كمان اظن ان مهمة الهلال اسهل بكثير من مهمة المريخ ... رغم انه يلعب خارج السودان ..
لان مازيمبي من الفرق الصعبة المراس خارج ارضها
( وما خمسة الهلال عنا ببعيد) .. (غمزة عين صغيرونة يا جماعة دا تحليل ساي والله .. ههههههه) .
والشلف داخل الجزائر اكثر ضعفا منها خارجها ...
شدوا حيلكم وان شاء الله الى مجموعتي الابطال ايها الكبيران ..
الامل والاهلي نتائجهما صعبة ..لكن ايضا غير مستحيلة واتمنى التوفيق للفريقان ايضا لتخطي
عقبتي الانغولي والتنزاني ...
|
Post: #2
Title: Re: نتائج مخيبة لفرقنا الاربعة لكن والله عندي احساس قوي ان المريخ وال
Author: محمد البشرى الخضر
Date: 04-30-2012, 12:57 PM
Parent: #1
يا اميرنا نحنا غايتو احسن لينا الكونفيدرالية حيث الحمام الميت
تيمنا الأمس دا ما بسترنا في مجموعات الأبطال مع الاهلي و الترجي و مازمبي
|
Post: #3
Title: Re: نتائج مخيبة لفرقنا الاربعة لكن والله عندي احساس قوي ان المريخ وال
Author: امير عوض الجمري
Date: 04-30-2012, 11:20 PM
Parent: #2
قصدك المريخ يا ود البشرى يا حبيب
وحاااا نقدر الاتنين وحا نقهر الجميع ان شااااء الله
|
Post: #4
Title: Re: نتائج مخيبة لفرقنا الاربعة لكن والله عندي احساس قوي ان المريخ وال
Author: Ashraf el-Halabi
Date: 04-30-2012, 11:53 PM
Parent: #3
Quote: يا اميرنا نحنا غايتو احسن لينا الكونفيدرالية حيث الحمام الميت
تيمنا الأمس دا ما بسترنا في مجموعات الأبطال مع الاهلي و الترجي و مازمبي |
منور يا برنس وحمد الله على السلامة
ليك وحشة والله
كلام ود البشرى الفوق دا كنت ناوي أكتبو في بوست بتاعو لاقاني الصباح ما عارفو طفش وين
والله يا أمير أول مرة أفرح لنتيجة ما جيدة للهلال، لكن زعلت زعلة خفيفة للمريخ لأنو احتمال يمشي معانا الكـ الحمام الميتـ ـونفدرالية
بس يا ريت ناس الشلف يتموا جميلهم ويودنا الكونفدرالية "الحنينة السكرة"
يا جمري أي فريق سوداني المفروض يسعي لدخول الكونفيدرالية لأنو كاس الأبطال داك حق الأبطال لكن التاني ممكن يتجازف زي ما جماعة زمان كدا جازفوه ههههههه
|
Post: #5
Title: Re: نتائج مخيبة لفرقنا الاربعة لكن والله عندي احساس قوي ان المريخ وال
Author: معتصم الجمري
Date: 05-01-2012, 00:03 AM
Parent: #1
يا سلالالالالالالالالالالالالالالالالالالالالالالالالالالالالالالالالالالالالالالالام ... ابن عمي الحبيب ياخي عودا حميدا مستطاب وعودا جميلا بعد غياب
البورد نووور .. ان شاء الله المريخ يتأهل عشان طلتك دي ....
Quote: ( وما خمسة الهلال عنا ببعيد) .. (غمزة عين صغيرونة يا جماعة دا تحليل ساي والله .. ههههههه) .
|
( صمت دهرا ونطق كفرا ) ... دي غمزة عين ولا فلقة عديييييييييييييييل كده .... ههههههههههههههههههههه
اخونا هيثم مصطفي مع السبحة قال يا زول مع جمهوري الكتير ده احسن ابقى شيخ طريقة بعد الكورة فكت ( المريدين بالملاين يا خليفة ) وانجدنا يا ابو سبحة
تحياتي الكثيييييييييييييييييييرة جدا للوليدات .. وللجميع
ونلتقي
|
Post: #6
Title: Re: نتائج مخيبة لفرقنا الاربعة لكن والله عندي احساس قوي ان المريخ وال
Author: مجدي عبدالرحيم فضل
Date: 05-01-2012, 08:23 AM
Parent: #5
الأمير
سلامات وشوق ما عادي طلتكم تسعدنا وترجع املنا في التأهل بواحد أحد
بس الحماااام الميت حق الكونفدرالية ده مادايرنو يا ابطال يا المحلي وبس
لمتين تكون طموحات الكرة السودانية بسيطه كده !
تحياتي لك وللاسرة وكل المتداخلين من القبيلتين الحمراء والزرقاء.
،،،،أبوقصي،،،،
|
Post: #7
Title: Re: نتائج مخيبة لفرقنا الاربعة لكن والله عندي احساس قوي ان المريخ وال
Author: جمال السنوسي
Date: 05-01-2012, 01:52 PM
Parent: #6
امير الجمري
امير البوستات الكريوة الراقية
امير الوطنية الكروية ( طبعا انا ما معاك فيها )
امير القلوب
ياخي الف مليون مرحب بيك
وشوقنا بحر يا جميل
مع الشلف مافي أسف
ولكن بي صراحة كده ناس مازيمبي ديل عندهم تار مع ناس الاتحاد الافريقي ( الخوف يضحو بيكم قبل العيد)
تسلل "
والله يا امير انا استمتعت بالاقوان فيكم طبعا ولكن استمتعت اكثر بالجناح الشمال لمازيمبي الاشتغل ليك غسيل ومكوة في بلة جابر
|
|