طلاق تلالتة ..قواتنا المسلحة وجدت هجليج فاضية ,,,,هاكم البراهين

مازيمبي - جمهورية الكونجو 2 : 0 المريخ

الهلال - السودان 1 : 1 جمعية أولمبي الشلف

سيمبا - تنزانيا 3 : 0 اهلي شندي -

انتر كلوب - أنغولا 4 : 1 الأمل عطبرة -


نحن شعب مهزوم فى كل حاجة,,,اقتصاديا,,عسكريا ,,ورياضيا

ما يجى واحد فيكم يدعى الوطنية ,ويقول لى جيشنا انتصر فى هجليج
وصوواوين العزاء عمت قرى النيل الابيض وابوقوته وجنوب كردفان

وكمان ما ينطل لى رجل اقتصادى يقولى الصين سوف تعطينا قروض
وسعر طن سيخ ناذر وصل 6 الف فى لفة الكلاكلة هذا الصباح

وكمان ما يجى واحد رياضى,,يقول لى ,,نتجية المريخ مريحة
والهلال ممكن يخطف هتف هناك ,,واهلى شندى ممكن يتاهل والامل فيه امل
دى كلها فرفرة مذبوح,,,


محصلة قولى ,,ان الخرطوم وجوبا الى طاولة الحوار,,والارواح راحت كما راحت التى قبلها
بفعل حماقة سياسية ما لها داعى,,

الدولار مو نازل الى ادنى مرة اخرى طال ما الانقاذ موجودة لان حاميها حراميها

فريقى القمة الى الكنفدرالية
اهلى شندى والامل عطبرة نشوفكم مرة تانية

وشكرا

\

Quote: نحن شعب مهزوم فى كل حاجة,,,اقتصاديا,,عسكريا ,,ورياضيا

ابقوتة
كبف حالك عليك
امان الله بقينا نرتاح للهزيمة ذاتها،، ان ما انهزمنا زي الناقص ليهو شيء،
علي قول المسكينة القالوا كل مرة تمشي تكشف للسرطان، يقولوا ليها ما عندك اي حاجة، تاني تمشي تكشف برضوا يقولوا ليها ما عندك اي شيء، لمن في اخر كشف الدكتور قاليها : يا حاجة والله عنك سرطان، قالت ليهو : الحمد لله دابي ارتح.
تصدق الهلال ده لمن يلعب الواحد بكون متوتر، وحاتك اول ما ينهزم ولا يتعادل، الاعصاب تهدأ بشكل عجيب...
قالوا كترتالبكا تعلم النواح (وبالعكس)
محبتي

السلام عليكم يا ابو قوتة

Quote: طلاق تلالتة

كان متزوج أتمني أن تراجع من يفتي لك في حليفتك أعلاه
و كان ما متزوج أتمني أن تعود نفسكـ علي عدم اخراج مثل هذه الألفاظ.

Quote: طلاق تلالتة

ومن هي تلالتة يانوبي؟