منقول من صحيفة الدار

تضامنا مع الروح الوطنية التي سادت البلاد عقب تحرير مدينة هجليج من ايدي الخونة والمعتدين في جيش الحركة الشعبية واعوانهم ودفعا لروح جنودنا المقاتلين الذين حرروا المدينة البترولية ، اعلن المواطن حسن محمد ادريس عن تقديم شقيقته الصغرى كعروس لجنودنا البواسل الذين قاموا بتحرير المدينة مع مبلغ مالي 20 مليون جنيه من اجل اكمال مراسم الزواج. وقال ان هذا اقل واجب يمليه عليه حسه الوطني نسبة للتضحيات الكبيرة التي قدمها هؤلاء الجنود المقاتلون لوطنهم الذي دفعوا من اجله ارواحهم ودماءهم رخيصة حتى تنعم بلادنا بالامن والطمأنينة وهي تضحيات لا تقدر بثمن. وقال المواطن حسن في افاداته لـ(الدار) بانه قد اطلع على خبر الطالبة الجامعية (مي) التي ناشدت




السيد رئيس الجمهورية تزويجها باحد المقاتلين الذين حاربوا في الصفوف الامامية مشيدا بشجاعتها وجرأتها ووطنيتها. وقال اذا كان هذا شعور فتاة من فتيات بلادي فما بالنا نحن الرجال. ولماذا لا نحذو حذوها وهي التي ضربت لنا مثالا في الوطنية.

كما اشار الى ان ذلك يصب في جانب دفع الروح المعنوية بهجليج حتى يساعدهم على اكمال نصف دينهم. وتمنى ان يكون هذا العمل خالصا لوجه الله تعالى.

يجدر ذكره ان الفتاة تنحدر اصولها من الولاية الشمالية وتقيم بمدينة الثورة بام درمان وهي في الثلاثين من عمرها. وقد ترك شقيقها صورتها الفوتوغرافية مع كاتب السطور وللتواصل يرجى الاتصال على الرقم 0913168068.

والبت رأيها شنو في القضية دي ..؟!

Quote: والبت رأيها شنو في القضية دي ..؟!

كلام مهم يا دكتوره
وفى راى اظن هذا تعدى

عموما هي روح وطنية طيبة منه
والقسمة مرات تجي كدة

هتافية زيادة عن اللزوم!!!
كان زهجان منها ما يوديها هجليج وخلاص!!

بديع

محمد عبد الماجد مشكور يا خ وانا حالتي قلت تستفيد من الموضوع دا وتعرس وتلقي 20 الف جنيه

الأخ احمد موسي مشكور علي المرور والزواج أقسام

الأخ خالد
فعلا رايك صحيح وهذا تعدي واضح

دلوش كيفك مشتاقين والله
وحمد الله علي سلامة الدكتور زميلك


وانا ذاتي دا الحيرني عشان كدا الخبر عجيب وغريب ، هو لو عاوز يتبرع مفروض يتبرع بالقروش لكن بي اختك دي كتيره

الاخوات داليا وهويدا

لا توجد غرابة فى الموضوع ولا اعتقد ان الاخ قد اقدم على
هذة الخطوة المصيرية دون التشاور مع اختة واهله قبل ان يعلنها ..

الأخ نصر الدين مشكور علي المرور

هاشم أمين أظنو شالتو الهاشميه شديد

Quote: هاشم أمين أظنو شالتو الهاشميه شديد

كلامك صاح لكن بعد ما شالتو الهاشمية اظنو شاورها وشاور اهلو وبعد داك اعلن عن نيتة

Quote: اعلن المواطن حسن محمد ادريس عن تقديم شقيقته الصغرى كعروس لجنودنا البواسل الذين قاموا بتحرير المدينة مع مبلغ مالي 20 مليون جنيه من اجل اكمال مراسم الزواج

هويدا ، سلام

كدي عيدي قراة الخبر وخاصة الجزء المقتبس وفي الجزء المقتبس خاصة الجزء الملون ..
الزول ده بقصد ليهم كوووووولهم
وجه ( مندهش)

الأخ مبارك

بالطبع هو ما قاصد كلهم لكن اهو حبه يشارك في الجهاد

Quote: الاخوات داليا وهويدا لا توجد غرابة فى الموضوع ولا اعتقد ان الاخ قد اقدم على هذة الخطوة المصيرية دون التشاور مع اختة واهله قبل ان يعلنها ..

هو من ناحية انو الموضوع غريب فالموضوع غريب فعلا

ما عارف هسع دا يصنفوه تحت ياتو بند

الأكيدة أنو متفق مع أختو في القرار دا

تحياتي يا هويدا

من عجائب هذا الزمان وإن تشاور مع اخته وأهله فهذا عرض سخيف لا يشبه قيمنا أن يعرض أخته في مزاد علني ! من يعش رجباً ير عجباً ...محلبية فائضة غرق

أبو مؤمن مشكور علي المرور فعلا يمكن يكونو متفقين لانو ما ممكن يعرضها كدا

...
... ...(الاخ...الوريف) ....هويدا ...
...(ياخ)ما تختف رجلك و تمشي لناس التيار ديل ....و اللاّ اقول ليك حاجه ....انا شايف تليفونم في اخر المقال ... فشدّ ليهم سلك و أسالم ......(قول) ليهم ...ورونا ...الحصل شنو ؟؟؟؟؟ ....الحور العين ....كِمْلوا ؟؟؟؟ و اللا كيف؟؟؟...و اللاّ يكون ياربي الباقي الفضل محجوز؟؟؟...غايتو و في كل الاحوال ...بالله (قول) ليهم ....ورونا نص التلغراف الجاكم من فوق ده ؟؟؟ و بياتو لغه؟؟؟؟ ...
.
.
.
.
...لو التليفون مكلف خالص....عندي اصحابي هناك ؟؟؟ بخليهم يسدوا الفرقه !!!! ...و الجاتّك في تليفونك سامحتك ...
..
......
..
..

Hololy لكن لقيت قلبك اسود شديد أنسي ياخ وخلي قلبك أبيض وما عندك مشكله نتصل عليهم وفي الخدمه

...

Quote: ... لكن لقيت قلبك اسود شديد أنسي ياخ وخلي قلبك أبيض وما عندك مشكله نتصل عليهم وفي الخدمه

..
... برضو ...ما فيش فايده ....
...نحن نشيل ....و نسيح في الهواء ....ونكسح في الجليد ...و نكسّر في التلج ...وصاحبي داك يشيل و يهدرب بالعنكوليب ينظم ليهو في الدوبيت ....
...و انتو لسه في حالكم وعواستكم ؟؟؟؟ تكسرّوا في الفحم ....و تخرتو في سكن الدوكه و تعجنوهو بالودك ...و تتجلبطو وتتمسّحوا و كمان دايرين تجلبطو الناس معاكم ؟؟؟؟؟
....مااااااااااااا بتقدروا !!!!!
...
...
...يا بتاع العنكوليب ....
..
..صحصح ...يا اللخو ....
...الحكايه دي شكلها ما معروف حيودي لــ وين ....و العنكوليب ده يبدوا انو حيوردنا موارد التهلكه!!!!مع التقنيات الهجليجيه الجديده؟؟؟
..فالصحصحه مطلوبه ....عشان نشوف لينا صرفه مع البلاوي الجديده دي؟؟؟؟؟!!!!!
.
.
.
.
.
.
._________________________
هويدا يا عزيزه ....
...بعيدا عن التهريج الفوق ده .... و الذي قبله ...خاصتي ..
..
..(ياخ) ...و الله قريت الموضوع الجايباهو من ناس ...الزفت ديل ....و حقيقة أًصبت بهاء السكت علي قول استاذنا ...و ما لقيت اي حاجه انفس بها الغم و انقباض الصدر و القرف غير اهرّج؟؟؟؟ فلا عليك يا صديقه ...كـــ ديه لـــ حد بكره يمكن الغمه تروح ....و اقدر اضيف لي كلمتين مفيدات...
..
..تحايا و ورد ...و لمداح العنكوليب الجنبك ..
..
..
...
...
...

Hololy
مجرد مرورك علي البوست أسعدني شديد ،لكن المسنوح دا خليهو بعيد وصدقني سنون ينطف بيها العونكليب عمك خلص خلاص

اخت هويدا معذرة ماقريت البوست

اقدر موقف الرجل الوطنى اخ الفتاة لكن ما بالطريقة دى يعرض اخته للزواج

الزواج كما قال اخ المسلمى توافق قبل كل شيئ ورضا

ما مشكله ي اخت فدوي لانو العنوان بتاعي زاتو ما بدل علي الموضوع وانا برضو راي ذي رايك بس يمكن هي موافقه الله اعلم

شكرا اخت هويدا على هذه اللطافة
وياريت تكون مداخلات الاخ ناذر والاعضاء تتحول هنا كما طالبتى وانا طلبت من الاخ بكرى بسحب البوست ... ويكون النقاش هنا

لا لا يا أخت لي شنو دا كلو مافي اي مشكله بي هنا حا نكتب وبي هناك حا نكتب مافي اي مشكلة والله وما تشتغلي بالباقين

Quote: اقدر موقف الرجل الوطنى اخ الفتاة لكن ما بالطريقة دى يعرض اخته للزواج

يا ريت لو كان (عرضها) .... حتى لو في بترينة في السوق ....
الخبر بيقول إنو ((قدّم)) شقيقتو ... وكمان لمنو .... ((لجنودنا البواسل))

(السلعة) المعروضة ... ممكن تلقى واحد يشتريها .. وممكن تبور ويرجع بيها صاحبها للبيت.

لكن دي قدّموها ... يعني (هدية) مش شئ معروض. ياخ مش هدية وبس ..... وفوق ليهم قروش تجيب عروس تانية لو دي ما نفعت.

أقول للمواطن ده شئ واحد:

========== الله يخيّبك ==========

محمد أبو العزائم مشكوور علي المرور واحلي حاجه انو عروس مجانيه والمبلغ ذي ما قلت بجيب عروس تانيه

هويدا بت شرف الدين .........سلام
يحول للاخ زهير عثمان وفى حالة لابد ان يكون العريس من الذين ذهبوا الى هجليج
فمافى انسب من ود الباوقة فى هذا المكان لانه نوى ان يمشى هجليج بس الله يقطع
الاراضى وتسجيلاتها فقد اقعدته عن فرض الكفاية ، لكن نشهد انه يبلى بلاءاً حسناً
هنا، فان فاتته النفرة لم تفته النقرة..
ووا نارى الما بقت مجاهد ان مت عرس شهيد وان عشت عرس السنة الواحد
الليييييييييييييل الليله واا نارى ..الليييييييييييل الليله وانارى
هى لله هى لله،،،

Quote: واحلي حاجه انو عروس مجانيه والمبلغ ذي ما قلت بجيب عروس تانيه

أكيد (بجيب عروس) .... كيف يعني (20 مليون) دي شوية؟

طبعاً حكاية (بجيب) دي بتعتمد على الموديل والماركة .... وإذا كانت من الوكالة والاّ سكند هاند. بالنسبة للسكند هاند، في إصابات ممكن إصلاحها بشوية طلاء أو تلميع (بوليش) ... وفي إصابات تانية يلزمها سمكرة .. وإصابات غيرها لا تصلح بعدها (السلعة) وتصبح (خردة).

يا أبو العزائم لكن لقيتك مبالغه

تحية طيبة للجميع

يا جماعة الخير

العروس راضية
و اهلها راضيين
باقى العريس بس

يعنى اكيد لما يجيهم العريس ده ح يسألو عنو و ح يسأل عنهم

اكيد ما ح يدق الباب و يناولهو البت و يقولو ليهم شتتو سوا !

فما تتحمقو ساكت

من حق اى انسان انو يطلب مواصفات معينة و الاسرة دى لقت طلبها فى

زول مشى هجيليج كـ مبدئى ، بعد داك ح يقعدو و يكملو الباقى

و لو فى نصيب ان شاء الله الحكاية تتم على خير


اهم سؤال ، كان سؤال الاخت داليا و اللى هو نفس السؤال الـ ح يسألو الماذون

" انت يا بنتى رآيك شنو ؟ "

غايتو ما اظن ح يكون فى زول من بوردينا ده مرشح الا اذا كان

بيقبلو بالجهاد الالكترونى

و اخونا ود الباوقة متزوج و ابو عيال و اعتقد ما بيفكر فى التعدد و كده




ربنا يوفق الجميع لما فيه الخير