Post: #1
Title: نافع: حسابات في البنوك بالمهاجر من اجل استقبال دعم المغتربين للبترول
Author: esam gabralla
Date: 04-29-2012, 01:55 PM
Parent: #0
نافع على نافع يفتح حسابات في البنوك بدول المهجر من اجل استقبال دعم المغتربين للبترول
09:49 AM
استضاف برنامج في الواجهة مساء امس السبت و الذي يقدمه أحمد البلال الطيب ، استضاف مساعد البشير نافع نافع وتحدث نافع عن دعم المغتربين الموجه لصيانة آبار النفط بهجليج بعد الاحداث الأخيرة ، وقال انهم فتحوا حساب للمغتريبين خاصة بالمملكة العربية السعودية لا ستقبال دعمهم ، واوضح ان بالامكان فتح حسابات فرعية في مدن أخرى بالمملكة من اجل دعم البترول.
http://www.sudaneseonline.com/news-action-show-id-54063.htm
|
Post: #2
Title: Re: نافع: حسابات في البنوك بالمهاجر من اجل استقبال دعم المغتربين للبتر
Author: محمد إبراهيم علي
Date: 04-29-2012, 02:39 PM
Parent: #1
المثل بقول قدم السبت عشان تلقى الاحد
البترول ما قدم سبت وداير الاحد
يفتح الله البيعة دي ما بتخارج
خلوهو في واطاتو او يطلعوهو الضايقين حلوهو
|
Post: #3
Title: Re: نافع: حسابات في البنوك بالمهاجر من اجل استقبال دعم المغتربين للبتر
Author: الامين جبارة الله التوم
Date: 04-29-2012, 04:43 PM
Parent: #2
Quote: لمثل بقول قدم السبت عشان تلقى الاحد
البترول ما قدم سبت وداير الاحد
يفتح الله البيعة دي ما بتخارج
خلوهو في واطاتو او يطلعوهو الضايقين حلوهو |
هو البترول ده ما عندو رصيد اصلح نفسو ولى كلو لقف
|
Post: #4
Title: Re: نافع: حسابات في البنوك بالمهاجر من اجل استقبال دعم المغتربين للبتر
Author: Mohd Ibrahim
Date: 04-29-2012, 05:53 PM
Parent: #3
| Quote: نافع على نافع يفتح حسابات في البنوك بدول المهجر من اجل استقبال دعم المغتربين للبترول |
قمة التفاؤول....
لكن مغتربين السعودية ديل عوارا ممكن يعملوها..
|
Post: #5
Title: Re: نافع: حسابات في البنوك بالمهاجر من اجل استقبال دعم المغتربين للبتر
Author: Mohamed Suleiman
Date: 04-29-2012, 06:28 PM
يا عصام جبر الله إنت متأكد إنّو العنوان ما مقلوب (دعم البترول للمغتربين)؟؟!!
غايتو الكلام ده طبعا ما موجه للناس الوصفوهم بالطابور الخامس و أنصار الحشرة الشعبية و الما عندهم وطنية و و !!!!
لكن برضو أنا ما ممكن أفوت الفرصة دي لمساعدة وطني في أحلك الحظات ..... لذلك أنا متبرع ببرميل سم هاري .. يقسّموهو ناس البشير و نافع و علي عثمان و أبوريالة و أبو الجاز ... بالتساوي .....
..
أتاري المنبر ده فجأة خلا من كتيبة الجهاد الإلكتروني و راحت سكرة هجليج و الآن فاقوا علي حجم لعنة هجليج: مليارات الدولارات ليعود إنسياب المال السايب ...... !!!
كلام نافع موجه لناس: ود الباوقة .. عصام دهب ... دكتورة نجاة ( و كل مستفيد من مليارات ماليزيا) ... هجو الأقرع .. معتز قريش .. البطري بشير أحمد ..
و كل من قدّوا أضانا إنهم حررّوا هجليج ......
.
.
هجليج الآن تجسّد محنة النظام: أن يكون أو لا يكون ....
و نافع الآن يسمع عن مليارات الدولارات قروض لسلفا كير ...... و فشل مشروع محاصرة و تجويع شعب دولة جنوب السودان .....
....
...
و
الغريق قدام
|
Post: #6
Title: Re: نافع: حسابات في البنوك بالمهاجر من اجل استقبال دعم المغتربين للبتر
Author: esam gabralla
Date: 04-29-2012, 06:31 PM
Parent: #2
انت عشان ما وطنى ؟ ياخى ناس الوطنيه بالكوم و يتبرعو للبترول و المويه و التعليم و للسدود الجايه كمان ...
اللذيذه يا محمد ان بعض السُذج منتظرين بالجد يدوهم مش يقلعو منهم تانى
انت بقيت شاعر ؟ نصلح ليك البيت ده شويه احتمال نلقي فرفور و لا طه سليمان يغنيهو ... بالعدم ندى الشقيلات
خلوهو في واطاتو او يطلعوهو الضايقين حلاتو
|
Post: #7
Title: Re: نافع: حسابات في البنوك بالمهاجر من اجل استقبال دعم المغتربين للبتر
Author: HAIDER ALZAIN
Date: 04-29-2012, 06:49 PM
Parent: #6
جنس حقد منكم لكن ...
شوف يا هندسة محمد ابراهيم ويا عصام جبر الله
دا واجب وطني (محتم) لذا اعلن لكم تبرعي بثلث راتبي شهرياً وعلى مدى الاعوام حتي يقوم السدان على رجليه
وأي زول ناوي يتبرع معاي بجزء من راتبه
فحسابي مفتوح ( ولا داعي للسيد نافع على نافع يزعج نفسه ويفتح حساب نحن تحت الخدمة )
رقم الحساب تلقوهو بالبروفايل اي زول يخت الفيها النصيب لمصلحة الوطن العليا
وحاتصل لمقرها ؛)
|
|