الاستديو التحليلي لسودانيز اونلاين (بارت فوور)....!!!

بعد غيابات ومياه زي المطر مرت تحت كبري سودانيز ذو المياه الجارية فللي تلاحق وتتابع الاحداث السودانية التي تسابق الريح
مدارات يمكن علينا هنا في الاستديو ان نقول بانها مدارات موغلة في الغموض والتية.. يعود الاستديو التحليلي لسودانيز في فيرشن الرابع للوقوف ولو علي عجلة في امر النقة الاسفيرية (سودانيز نموذجا)...
1-معركة هجليج او فلنقل سلسلة معارك هجليج
2-الكركبة ما بين الشمال والجنوب وحضورها الاسفيري
3-مسافة المنبر من القضايا الاساسية (انتهاكات+جرائم حروبات+فساد) او يمكن ان تسميها انقاذيات او فلنقل كيزانيات
4- التيارات و الكيمان السياسية
ولو وجدنا مساحة وزمن قد ننق شوية في (اركلوجيا الكركبة الاسفيرية) وانماطها المختلفة (+تحالفات+استايلات+ لغة+ تكتيكات حربية اسفيرية)....!!!

حضور
ومشاركة
ومتابعة

سلامات

هلا يا طوربيد وحياك الغمام ياااااخ...
وصحبك ود الباوقة عند (جابتر) مخسسووس كونه حالة اسفيرية لوحظ تواجدها في ارض الكركبة الهليجية

1-كركبة هجليج...
سودانيز تلاحظ بان الامر الهجليجي طل في شكل
1-اخبار
2-تكهنات +تمنيات+ تحليل+شائعات
3-استقطابات
الجزئيات الثلاثة الفوووق كانت هي المنصات التي شات فيها سودانيز ودورت طاحونته الشهيرة بصورة جعلت المتاوق الي صفحاته ان لم يعمل ساتر لناشته دانة من الدانات الهجليجية...!!!
-ونلاحظ بان ال تيم الانقاذي عاني طيلة فترة احتلال هجليج ولعب افراده تحت ضغط معارضاتي رهيب ... حاول مرارا وتكرارا التيم الانقاذي فرطقة هذا الضغط عبر (الامنيات) وبوستات علي شاكلة (عاااااااااجل تحرير هلجيج الان)....!!!
- ورغم الدعم من الذين انطلقو من منصة (الوطنية) والاصتفاف مع الجيش السوداني الا التيم الكيزاني ظل حالما ولم يلتقط ثمار الدعم الاتي من نواحي بتوع (الوطنية) الا بعد استعادة هجليج..
ملامح العمل الداعم للحكومة في كركبة هجليج

1-اشهار سلاح الوطنية واللعب عليه تو ماكسمم
2-الالتفاف حول الجيش السوداني
3-التقارب مع بعض التيارات التي نظرت الي الامر من مظلة (وطنية)
4-مغازلة المسيرية
5- اشهار اسلحة التخوين والعمالة والارتزاق
6-محاولة اصطياد افراد(واصل+فضيلي+نجلاء +اخريين)
7-وظهور النعرات العنصرية عند البعض وعلو صوتها

8-كيتة استعادة هجليج

سناتي الي الملامح في دور المعارضة ولكن بعد الفاضل....

Quote: ولكن بعد الفاضل....

إزيك يا تفكيكي يا فاضل (*)!
-
أظننا على موعد مع تحليل يوصف المرحله البرزخيه لبني إنقاذ..




(*) شكلها أيوته ملاواك في الكيبورد

وقبل الذهاب الي جزئية اداء المعارضة وخارج اسورة سودانيز ومن وحي معركة هجليج تلاحظ الاتي
1-حكومة الانقاذ لا تزال تحمل في جعبتها تحمل بعض الكروت التي يمكنها ان تقذفها في ساحة الحراك السوداني الذي بداء وقبل معركة هجليج في الاصتفاف ضدها وبرجلة هذا الاصتفاف واثارة غبار كثيف يجعل من السوداني الذي ايقن بضرورة تغييرها ان (يعمل فرملة ولو قليلا) وما حدث في هجليج خير شاهد علي ذلك...
فالدفاع عن الارض في هجليج تم تمرير الاقناع من فوووق جبال كثيرة يصعب بلعها
1-جبال حلايب والفشقة
2-جبال الفساد
3-جبال الحالة الاقتصادية الشلش

ولعل الموقف التاريخي ضد الجنوبيون والاستعداد الشمالي الذي اصبح وبحكم تداعيات الحرب ومرارتها التي دخلت كل بيت سوداني (خمسون سنة ونيف) بالاضافة الي حملات الشيطنة التاريخية(صهيونية عالمية+اسرائيل) في الاعلام السوداني علي طيلة هذه الفترة جعلت من صناعة (الجنوبي) كعدو امر جيد للكثيرين وحتي وان اتي من الانقاذ التي تعالج امور بلاده وعباده بالبوت والنبوت...

ووسنتابع

Quote: (*) شكلها أيوته ملاواك في الكيبورد

هلا يا طرطشة وشوق السحابة الراحلة..
وايوتا احتلت الكيبورد احتلال رسمي وشعبي مش زي احتلال حكومة الجنوب لهجليج ايو عييك عاااك دااك
لا بل هو احتلال وتخريب لكل لوحات الحروف ونغشمة للشاشة
الفنطوسة بقت بتعمل (كلك) كان جدها السابع عشر هو (بيل غيتس)

حاضرين يا كابتن
بالمتابعة و المساهمة مرّة مرّة وحفظ التوازن وكدا

الواحد بقى لو عايز يدخل هنا إلا يعمل ساتر
او يكون متخندق بعيد ويتفرج

Quote: بالمتابعة و المساهمة مرّة مرّة وحفظ التوازن وكدا

لوووووووووول يا عمك
التوازن محفوظ علي قولة الراجل 0(الكان قاعد في المنصة) والكان مرازيني في احدي الاجتماعات وكل ما تحصل كركبة اقوم اقول (نقطة نظام)
يقوم يقول لي (النظام محفوظ)
مع انو النظام مجبوك ..

وحبابك يا كابتن
ووجود التوازن مهم لانو خالك كلو ما يسرح في الامور الانقاذية بجنح لفت وكتف الاستديو بميل صوب التيار المناتل الاسفيري
وعشان كده اي شوف من زاوية تانية بخدم القضية الاساسية علي قولة عمر اومو

متابعين وممكن نعلق بنقطة نظام اذا اختل النظام
سلام كيكي

بالله شوف لينا تخاذل جالية قطر المنتخبة بخصوص دعم القوات المسلحة
المشاكل والكركبات الحاصلة وسط الجالية المنتخبة بخصوص المناصب وكدا
موضوع التزوير (حاول تستفيض) لشرح كيف لنا أن نثق مرة أخرى
تأثير آل شيوع على الجالية المنتخبة وتفكيكها

وبجيك بالباقي

النجيضة الليلة المريخ مرشوش!!

Quote: النجيضة الليلة المريخ مرشوش!!

المحلللاتي كيكـــي والأخوة التفكيكيين في هذا البوست
السلامو عليكم ورحمة الله وبركاتهو :
عطفا على الاقتباس اعــلاه . أرجو من الأخ كيكي أو محمد (البشري) الخضر المساهمة معا في جعل الحاجات كويسة .. وذلك بأن ياتو لنـا هنا بي عدد واحد (طشــت) عشان نشوف فوقو الكورة بتاعت المريخ مع مازيمبي الليلة ..
لو ما لقيتو طشاطه في سوق الطشاطـة .. شوفو لينا طشت من ياسر المنـا .. نانو المسالة حساسة جدا .. والمريخ يمر بمنعطف خطير ..
على الأخ محمد الصايم المساعدة بي الصفقـة والزوطاااات ..
وكان علي أنا .. وحيات ابتسامتكم كلكم .. زوطاتي جااااهزة .. الزوطــة الواحدة مترين لي قدام ..
اها .. عاد الليلة اساسي ووليد الشفت .. يشوفو ليهم جخنون من بدري ..
..
ارجو من الأخ التفكيكي كيكي .. أن يعرج قليلا في تحليلاته على الكيته التي انتظمت من جديد صفوف الرفاق في الحزب الشيوعي ومحاولات بعثهم من جديد .. ونبش محاضر اجتماعاتهم المدفونـة تحت الأرض .. محاولين العودة إلى الساحة الخضراء بتاعت سودانيزاونلاين ..

شكرا كلكــم ..


أخوكم تمبس ..
مراقب اسفيري متقاعد ، يعشق الجلكسات .. ويموووت في المغارز الاسفيرية

Like آآآد كـدا هو!!

والله يا حمودي و يا تمبس حكاية المريخ دي اظن كان سألت جمال الوالي يقول ليك مرشوش
في شبه يقين في الجرايد و المنتديات القريتها كلها بالحكاية دي
وواحدين بدو يرشّحوا في الفريق الح يقابلو المريخ في السطاشر مكرر بتاع الكونفيدرالية
هم الوصيفاب الرئيسي مش انهن يغلبوا أو يتعادلوا . لا المهم انها ما تحصّل الخمسة باي شكل
يتخيّل لي لو اتغلبوا اتنين ولا تلاتة ح يحمونا القعدة




كيكي ... بالله تعمل لمداخلة ود القريش دي بااااااص كبير
ما ناقصين نحنا ناس قطر جنجال مطر ديل

Quote: هم الوصيفاب الرئيسي مش انهن يغلبوا أو يتعادلوا . لا المهم انها ما تحصّل الخمسة باي شكل

والله انا بفتكر انو كلامك دا لامس .. ( كبد الحقيقة ) .. لكن البقنع ليك ناس مازيمبي منو ..؟

انا بفتكر انو المباراة دي حقو يعلق عليها المعلق بتاع كورتم الرشو فيها الجماعة ديلك ستــة .. المعلق بعلق بالفرنسي .. معلق بحب الطعمية شديد
إلا انو .. يوووسسسع عندو باللغة الفرنسية ليها نكهــة مختلفة ..
انا غايتو حسب دراستي للغـة الفرنسية في وقت مبكـر قدرت اعرف انو الزول دا بقول وسعوووا .. ما فهمته إلا وسسعوووا .
غايتو الله يكضب الشينة ..
لكن
جبت لي صحــن ما لقيت طشت .. الصحن زاتووو كبير شوية ووديت الصحن الماسورة .. وحسب شوفي .. القصة دي تمنية زاتوو شوية ..
غايتو قلوبنا مع مازيمبي

يا كيكي ..
عليك الله في تحليلك دا شوف لينا معاك الاركلوجيا بتاعت قصيدة التفعيلة بتاعت هشام التكاسي .. خليك من الرش المرشوشو الايامات دي من قبل نوتــة فاميلي .. امين وحمور .. ووهبة الجقروتة ..
حلل لي القصيدة دي عليك الله من منظور ادبي .. وما تتجاوز النواحي الزمانية والمكانية في القصيدة ... واثر ذلك على تداعيات المرحلة وقتها

غايتو يا ناس المريخ الليلة .. الله هونيني بس زي ما قال اخونا نوريت