دكتورة نجاة محمود ..لماذا فعلتي هذا ؟؟

لانك سودانية مية المية ............ ارسلت لي دواء من ماليزيا لعلاج الوالدة والدكتورة لم اراها ولم تراني من قبل .... بس لانها سودانية وبت دغرية ........الحاجة الوالدة بتقول ليك محل ما تقبلي اعدل طريقك
دواكي نفع الوالدة شديد والام الرطوبة انتهت بنسبة 90 % والباقي حق العمر وبقت تنوم للصباح وكمان بقت مستشارة للجيران .. ولسان حالها عاجز عن الشكر كما انا عاجز عن الكتابة
ومن لايشكر الناس لا يشكر الله ............شكرا جميلا جزيلا عميقا كثيرا وفيراشديدا يا دكتورة0000

سلام يا مجدي ..

أمر غير مستغرب على الإطلاق من الدكتورة ..
كريمة من نسل كرام ..

ـ
و كل الدعوات للوالدة بالصحة و العافية ..


ـ

يكفي يا عصام انا بريق الذهب في اسمك ... فهل هنالك بريقا اكثر من ذلك ..........ويدي تصافح يدك0000

الاخ مجدي ما قامت به اختنا الغالية دكتورة نجاة يدل على انسانيتها وكرمها

والحمد لله دي عاداتنا نحن السودانين نقدم من غير ان ننتظر شئ بس لاننا بنحب نساعد بعض

والله الواحد فخور انو يكون في مكان واحد معاك انت والدكتورة نجاة

فشكرا ليك على هذا البو ست وشكرا للدكتورة نجاة اللي في كل مرة بتفرحنا وتحسسنا انو الدنيا بخير

والف سلامة للوالدة وما تشوف شر ابدا إن شاء الله

مشكورة دكتورة نجاة وفعلا سوت البشبها
وربنا يتم شفاء الوالدة اخي مجدي

هي دكتورة نجاة ...

مسلمي واحمد ......... بس اقول حقا ان لبعانخي احفادا يزرعون الشوك وردا ........ولكم احترامي وودي اينما كنتم0000

سفيرة دبلوماسية شعبية فى ماليزيا
إن كتبت سيرتها فلن تكفي مجلدات بحالها لتغطي جزء يسيرا عن كرمهاوانسانيتها
وستبقي سيرتها نبراساً لتنير الدرب لاجيال قادمة
دايماً بتديني احساس بالأمل و الإطمئنان
أدام الله عليها نعمة الصحــة.. و الحـب.. العطاء..

ياريت كلنا نبقى زيها
وليك التحايا النواضر يامجدي

لأنها سودانية
لأنها بوردابية أصيلة
هام بورداب الحارة
تجدهم دوما في خدمتك
التحية لهم جميعا
وللدكتورة الجميلة نجاو محمود
شكرا لكم كثيرا
سعدت بالاقامة بينكم

حافظ وسامية والقمر الفضي ............ كتبت وتاملت اسماؤكم ...............وهذا يكفي .............بس ازيد واقول الشجر اقلام جميع والنيل مداد لو كتب حبي ليكم ...... ما اوفي0000

هذه ليست المرة الأولى التي يكتب احد البورداب عن دكتورة نجاة ..
فكل من سافر الى ماليزيا لمس انسانيتها ..
وصدقني يا اخي مجدي هذا منبع افتخرانا بإنتمائنا لهذا المنبر ..
فأنا اتشوق للتعرف على الكثير من القامات السامقة في منبر سودانيز اونلاين ..
نسأل الله للوالدة دوام الصحة والعافية ..

يا اخ مجدي كونك تكتب بوست عن الموضوع ده بيدل على صدقك وانسانيتك وردك للجميل ..

كمية من الود ..

اكيد يا هشام .. بس تخيل امك بتبكي عشرة ايام من الالم وممنوعة من المسكنات وانت عاجز .......... والله تمنيت ان تتحول كل الامها الي جسدي فقط كي تنام .. احساس قاسي وفظيع وتجربة ادعو
الله ان لا يمر بها اي بشر .. حفظ الله امهاتنا الغاليات وهم بوابة الجنة ................. شكرا د نجاة محمود بكل حروف مجلدات الدنيا واتمني ان لا اراها حتي لا ابكي امامها واتمني ان اراها لاحكي بها
لكل السودان ......... عن هذه المهيرة الاصيلة0000

التحية للدكتورة الانسانية نجاة
وحمدلله علي سلامة الوالدة

اشكرك يا ابو حميد .......... المنبر دا لو أصل فينا فضيلة التكافل والتأخي ومد يد العون الانساني والثقافي والاكاديمي والعلمي والصحي .. انا احتاجك وانت تحتاجني والله نكون احسن شعب في الدنيا
ولكن !! اه من لكن السياسة الكريهة التي فرقت الناس وجعل داحس والغبراء تصحو وتنام معنا منذ الاستقلال .. شوف ماليزيا وكل الخليج كانوا وين ؟؟ وبقوا وين؟؟ السودان الغابر الكالح دا لمن كان عضو في
منظمة الطاقة الذرية الدولية سنة 69 الخليج كلوا بصطاد سمك في البحر!!!!!!!!!!!!!!!!!!! لمتين ؟؟؟ لمتين والله الواحد لما القي اجدع واضكر ناس في الدنيا بسبب السياسة اللعينة سالين السيف لبعض يحزن
كفاية................ اسف جدا لازعاجك .............. لك خالص الود0000

ياسلام اخي مجدي ... انكما الاصالة تمشي على قدمين.
الف حمدالله على سلامة الوالدة وللدكتورة زخات من المحبة والود.

في هذا المنبر طاقات تفتح الروح ضلفتين.

Quote: يا اخ مجدي كونك تكتب بوست عن الموضوع ده بيدل على صدقك وانسانيتك وردك للجميل ..

مبروك شفاء الوالده
وربنا يقدركم على رد جميلها

وهى رفيقة درب معلم الاجيال

المرحوم الاستاذ كنه

يا سلام عليك يادكتورة ....




===========================
Well done

كل الشكر والتقدير للدكتورة
وربنا يوالي الوالدة بالصحة والعافية يا مجدي
..

بالله يا مجدي مُر الوالدة وشوف حاصل ليها شنو بسبب الرطوبة !!

الخيل الحرة بتظهر في اللفه

كمال وعمر ومحمد لكم مني الود ..........قولا ... وفعلا ...وامنية
فالقول مسطور ....................
والفعل منظور......................
والامنية في الصدور ............
ولو كان البحر مدادا لكلمات شكري واحترامي لكم لنفد


ويدي ممدودة بيضاءتصافح اياديكم الكريمة
الفاضل المحترم . عمر عثمان نعم انا ابن الاستاذ المربي( المرحوم) محمد حامد كنة لك الرحمة والمغفرة يا ابي وجنات عرضها السموات والارض وجعل قبرك نورا علي نور

اجمل تحية للحضور الكريم وخاصة للدكتورة نجاة ... والف حمدالله علي سلامة الوالدة يا اخ مجدي واجر وعافية باذن الله

تحية....


بالرغم من ان القيام بالواجب والمشاركة في الهم الانساني ليس فرض كفاية فقد تداعت دكتورة نجاة بفخامة دوخلها الشفوقةوقامت عنا بالواجب ونالت شرف الانتماء للرهط الانساني النبيل قولا وفعلا...واضاءت عتمة المنبر بحزمات الخير وابتعدت بنا ولو الي حين الي رحاب التامل في الفيوض السودانية حين يجد الجد للفعل الناجز القادر علي التمدد في بهاء المعاني والمباني علي السواء ...

لها التجلة والي رمز الحنان ونبعه عميم الصحة...

سلام أخي مجدي كنة

والحمد لله بشفاء الوالدة رزقك الله برّها

والتحية للدكتورة نجاة

وهي تفعل الخير دائماً وإن شاء الله لا تعدم جوازيه

فلها التحايا من امرأة نخلة

تفيض عطاءً ونبلاً

وحباً للخير

بارك الله فيها وفي ذريتها

وتحياتي للوالدة يا مجدي

وادام الله عليها ثوب العافية

والله ما كان تفتح البوست دا
بالجد سعدت بالكلام معك والان فرحت حينما عرفت ان الدواء قد نفع الوالدة الحبيبة خفف الله عنها المها


تعرف نحنا هنا كلنا اخوات واخوان والدتك هي والدة الجميع

مودتي لها ولك

وشكرا لكل من مر من هنا وكتب عني كلام طيب ومتأكدة انكم جميعا ما بتقصروا ابدا في لحطة المساعدة

ها هي الاصيلة قد حضرت ... يا ليتني كنت شاعرا او اديبا او حصيفا او مالكا ناصية اللغة العربية .. لكتبت لك ما تستحقيه ايتها العملاقة الاصيلة زينة بنات البلد .. عفوا فشلت في التعبير.............................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................. امك فاطمة واخوك مجدي كنة0000

تحياتى الاخ مجدى والف حمدالله على سلامة الوالده
وتحيه للاخت د. نجاة وهى مثال للاصاله السودانيه

عمران ونجلاء ومطر وود الكامل ... لكم الاحترام علي المداخلة الطيبة والكلمات الانيقة والتي تسحقها د . نجاة محمود

ارسل يا عمران حرم حسين عبد المحمود لصداقتها بزوجتي لاستلام الدواء لكثرة سفري خارج الخرطوم في اتيام المراجعة في البنك والوالدة ربنا اديها الصحة والعافية0000

الأخ مجدي كنة
تحياتي و سلامة الوالدة..التحية و الاحترام للدكتورة نجاة محمود.

مجدي كنه ياقربي الف سلامات للوالده
اما دكتوره نجاة لو افردنا لها هنا صحائف
لم نوفي لها حقها ...
يديك العافية يادكتوره شقيش ماتقبلي

نجاة محمود انسانة تحب الخير للاخرين
وهي اخت عزيزة اكن لها كثير من الاحترام

بإسم كل من يعاني داء الرطوبة، وبإسم كل الأمهات اللائي قل أن تجد منهن من لم تشك آلام الرطوبة، نقول ألف حمداً لله على سلامة الوالدة..

ونرفع صوت شكر عالي لأختنا د. نجاة.

وحتى تعم فائدة هذا الدواء، يا ريت أخونا مجدي كنة يذكر إسم هذا الدواء هنا كي تعم الفائدة..

وبالتالي كثير من الدعوات وزيادة من الكلمات المضيئات بحق أختنا العزيزة د. نجاة.

يا ريت

الاخ الكريم مجدي
اولا الف سلامة للوالدة وربنا ينعم عليها الصحة والعافية

اما عن الاخت نجاة - ام اشرف مافي زول بقدر يوفيها حقها على الاطلاق ... بس ربنا يديها العافية والصحة ويحفظها بكل ما هو اصيل فيها
نجاة اخت ويد حنونة لكل من عرفها وطرق بابها - وللحق هي واسرتها الصغيرة والكبيرة
ما في زول مشى ليها لحاجة رجع منها والا قضت ليه حاجته ولو على حساب نفسها وعافيتها
ربنا يديم حب الناس فيك ويديم عمل خيرك
وحقيقة هي من الذين اصطفاهم الله لقضاء حوائج الناس
لكي معزتي التي تعرفينها

يا ســلام

( من لا يشكر الناس لا يشكر الله).


شكرا مجدي، شكرا د. نجاة.

فالعطاء ، يقابله الشكر والوفاء. درس من أهل السودان.

الكوزة دي جابت قروش الدوا ده من وين ؟


__________
تحياتنا يا دكتور
وسلامة الحاجة يا مجدي

الاخ مجدي
انشاء الله الحاجة ربنا يديها الصحة والعافية وطولة العمر
ويجزي نجاة عنا وعنك كل خير






____________
نجاة ياثاحبتي اريتك ثاحبة الثرور
ماقلتي دايرة حمودي ولدي يجيكم في ماليزيا اها انا مثتنياك

الاخ مجدي الاف حمدالله علي سلامة الوالده

Quote: تعرف نحنا هنا كلنا اخوات واخوان والدتك هي والدة الجميع

القومه ليك يا ام اشرف

فعلا الشئ الوحيد الذي لا يباع ولا يشتري بالمال هو حب الناس والله يا اخوة لما فتحت هذا البوست كنت بعتقد غير نجاة ما حد حيقرا ولكني ذهلت من هذا الكم من المداخلات المحبة للدكتورة
((((((((((( الذهب علي مر العصور غالي وعزيز ومحبوب)))))))))))))
0000 اسم الدواء المسكن لالام الرطوبة هو counterpain 60mg ( مسح )ويغطي الجسم بعد المسح

شكرا لكل من سالم الوالدة ودعا لها بالشفاء او كتب في حق الدكتورة الفاضلة نجاة محمود0000

سلام أخي الكريم : مجدي كنة
في بوستيك الذي طلبت فيه المساعدة ومد يد العون لوالدتك لاحظت أن الدكتورة الفاضلة : نجاة محمود لم تتكلم معك كثيراً بل طلبت منك بكل تهذيب أن ترسل لها رقم تلفونك في الخاص ، فقمت إنت بكتابة رقمك في الصفحة العامة لمن يشاء مقروناً بعنوانك كاملاً والذي أصبح محفوراً في ذاكرتي ، فأحسست من خلال ذاك التصرف بأن الدكتورة كانت جادة في إقران القول بالعمل ، وقد كان ... عليه نسأل الله العلي القدير أن يجعل ما قامت به في موازين حسناتها ... والناس بالناس ومن يعن يعن ... فطالما ظللت تدعو بالخير والبركة لغيرك يا أخي مجدي فأكد بأنك أول من يناله ذلك الخير ... لك مني أجمل تحية ... مع خالص الأمنيات للوالدة بدوام الصحة والعافية ...

الشكر والتقدير للدكتورة نجاة ..
وربنا يجعلها فى ميزان حسناتك ..

وحمدالله على سلامة الوالدة يا مجدى ..
وربنا يحفظها ويتم ليها العافية ..

طلب من الدكتورة نجاة ..

الرجاء كتابة اسم هذا الدواء لتعم الفائدة ..
طبعا الرطوبة ما خلت زول فى السودان
صغار وكبار ...

مع دوام الصحة والعافية للجميع

Quote: الشكر والتقدير للدكتورة نجاة .. وربنا يجعلها فى ميزان حسناتك .. وحمدالله على سلامة الوالدة يا مجدى .. وربنا يحفظها ويتم ليها العافية .. طلب من الدكتورة نجاة .. الرجاء كتابة اسم هذا الدواء لتعم الفائدة .. طبعا الرطوبة ما خلت زول فى السودان صغار وكبار ... مع دوام الصحة والعافية للجميع

لم نزل نتطلع لإدراج إسم الدواء حتى تعم الفائدة.

مأجورين..

ألف حمداً لله على سلامة الوالدة...وشكراً لك أنت الذى تحفظ للناس حقها ومن لم يشكر الناس لايشكر ألله.

أما دكتورة نجاة ففعلت ذلك لأنها...

أصيلة....تحس با لناس..تحب الخير للجميع..كايسة ألأجر من الله..

ربنا يحفظكم جميعاً...
___________________________________________________________________________

للذى لا يعتقد بفوائد ألأسافير خذ هذا الدليل...

تقديرى وإحترامى.

Quote: هذه ليست المرة الأولى التي يكتب احد البورداب عن دكتورة نجاة ..

ولن تكون الاخيرة
فهذه الدكتورة أمة كاملة بثوب سوداني في هذه البلاد البعيدة
وهي دائما تود مساعدة السودانيين ولي تجربة معها في اول ايام وصول ابني لماليزيا للدراسة
والشكر ليها ولافراد عائلتها

والتحية ليك يا مجدي والحمدلله على سلامة الوالدة وربنا يحفظها ليكم

لها التحيه
بصدق هي المرأه الأنموذج

Quote: دكتورة نجاة محمود ..لماذا فعلتي هذا ؟؟

لأنها أصيلة.. هذا هو الإنفاق الذي يبقيه الإنسان.
جزاها الله خير الجزاء.
وجزاك الله خيراً وأنت تُقدر المعروف.
وكلنا معك ندعو لها بالخير.
وللوالدة بتمام المعافاة.

حمداً لله على سلامة الوالدة ...
يا مجدى الزولة دا بكل بساطة لو ربنا مــد فى المؤونـة طوالى بشيل بناتى الاثنين وبسلمهم ليها عهدة
وأنا مطمئن أنها ستعبر بهن فكراً وعلماً وسلوكاً الى الحياة ...
تفخر أن تعرف إمراة مثلهــا ...
ليها ولاسرتها كل السمح ...




ترمـــة ...
بس خلى بالك الدكتورة دا عندها كبك بشلاخات مصدى بيسمم من فرد ضربــة ...

سلامات الجميع وربنا يشفي مرضاكم ويعافيكم جميعا
هذا هو المرهم وهو من افضل المراهم لوقف الالم وتخديره لساعات طويلة..







Counterpain warm Analgesic Balm

(120gm Tube) Warm

Counterpain warm is specially formulated to relieve the pain due to arthritis, rheumatism or tennis elbow and for the relief of muscular, tendon and joint pain, due to stiffness, bruising, injury, sprains, strains or sports injuries. Counterpain warm has no known side effects when it is used at the recommended dosage and it is greaseless, non-staining and cannot damage clothes.

Ingredients:
10.2% Methyl Salicylate, 5.44% Menthol and 1.36% Eugenol.

Directions:
Apply Counterpain warm to the affected and using your fingertips, massage in a circular motion, deeply into the skin on and around the painful area, until it is absorbed into the skin.
It is recommended to apply Counterpain warm at least 1-3 times a day, when necessary and do not apply more than 3 or 4 times a day.

Quote: سلامات الجميع وربنا يشفي مرضاكم ويعافيكم جميعا هذا هو المرهم وهو من افضل المراهم لوقف الالم وتخديره لساعات طويلة..

دكتورة نجاة

الشكر موصول من كل خلية في جسد حاجة الحكم بت حامد كانت تئن بسبب الرطوبة

والشكر ممدود لا عن مكانك من كل من سيستفيد من هذا المرهم من أول وجديد...

تحياتي وتقديري..

الف حمد لله علي شفاء الوالدة أخي مجدي،
ونسأل الله أن يجعل سعيك أُختي نجاة في
ميزان حسناتك...

دي نجاة محمود

مابتعرف بادواء

تتعرف بالشيلة الثقيلة

وهي شايلة اثقل حاجة بنعاني منها

فلذات اكبادنا هي ام واب وخالة وعمه لهم

هي شايلة الالف منهم علي عاتقها وهم في اخطر طور في

الحياة الانسانية طور المراهقة لكن هي لم تشتكي ابدا

بنت الاصول

شــكرا نجـاة
و ياها المحرية فيـك

شــكرا نجـاة
و ياها المحرية فيـك