# شغب بضاحية بيت المال الامدرمانية بين أنصار شيخ الامين وشباب الحي

حدث هذا المساء بضاحية بيت المال بأمدرمان شغب وأشتباكات وملاسنات بين شباب منطقة بيت المال وأنصار شيخ الامين والسبب نقاش سياسي وقد أدي ذلك لتدخل الشرطة ولجنة الحي وبعض العقلاء خوفا من تطور الامر الي أحداث مؤسفة ولازالت الجهود مبذوله لانهاء هذا التوتر والفوضي بالحي ,,,!؟

معليش
الاستاذ زهير
من هو الشيخ الامين وما علاقته بالسياسة والخلاف السياسي والملاسنات
عشان افهم

Quote: بضاحية بيت المال بأمدرمان

الأخ زهير .....بيت المال بقى ضاحية عدييييييييل كدا !!!
ياأخي كان ممكن تصيغ الخبر كدا ;

بحي بيت المال العريق ....

تحياتي ..

بيت المال من اعرق احياء امدرمان والان هى فى نص مدينة امدرمان

شيخ الأمين ساكن في ودالبنا حيرانه كلهم من الشباب وابناء الأثرياء
وكمان معاهم مريدين بنات وعنده حلقة ذكر في الاسبوع مرة .....
في السنين الأخيرة عمل عمارة وبهرجة واتلموا حولوا ناس كتار والحكاية
كل يوم في اذدياد .........
لينا فترة ماتابعنا أخباره ...اليوم شايف الأخ زهير فتح بوست وبدأت
المناوشات ..غايتو ربنا يستر ...
.
.
الأخ حبيب نوره سمعنا تحت تحت قالوا انت واحد من المريدين !!!
ياخي بهظر ساي ....والبوست دا حايعجبك .

Quote: شيخ الأمين يحكي: حيراني جكسي ومحايتي بيبسي..! الحلقة الاولى الأمين عمر الأمين طه، من مواليد الخامس من نوفمبر 1965م بحي ود البنا، درس الإبتدائي في ود البنا والثانوي في أم درمان الأهلية والجامعة في السعودية.. هكذا تقول شهادة ميلاده، لكن حيرانه وجيرانه والأحباب، ينادونه بـ(شيخ الأمين) وكفي..! لم يوقفه أحد يوماً ليسأله: شيخ الأمين منو؟! حتى نحن لم نجرؤ على سؤاله، فقط إبتعدنا منه كثيراً ثم (مسكنا) مرافقه الصادق وسألناه: إنت زولك ده إسمو شيخ الأمين منو؟! بطوله الفارع وإبتسامته الوضيئة وتواضعه الجم، إستقبلنا (شيح الأمين) في مدخل مسيده (القصر) بحي ود البنا في ساعة متأخرة من الليل يسبق ترحيبه بنا عطر متدفق من بخور كان يشتعل في (مبخر) لا يشبه إلا مسيد شيخ الأمين..! شيخ الامين حكى عن كل شيء: فرية متاجرته بالزئبق الأحمر، وشبهة ثرائه الواسع، وكون حيرانه كلهم من الحناكيش وأولاد المصارين البيض، وإبتداعه لمدرسة جديدة في التصوف و...! (1) إبتدر حوارنا مع (شيخ الأمين)، زميلنا الدكتور فتح العليم عبد الله، أستاذ الحضارة بجامعة الخرطوم الذي أعلنت (صلعته الباهية) و(علامات أخرى كثيرة) إنه الأكبر سناً من بين رفاقه المحاورون: وجدي الكردي وأحمد يونس والأديب علي يس، (ناس حكايات) الذين كانوا ضيوفاً على شيخ الأمين.. سؤال فتح العليم الأول كان: من أين بدأ شيخ الأمين مملكة الحواريين الواسعة التي يتربع عليها الآن؟! حين تحدث شيخ الأمين، إستدارت إليه العيون والآذان، خاصة مرافقيه الذين جلسوا على ركبتيهم في تأدب، يتأرجح منهم الروؤس بين الأكتاف كلما تحدث الشيخ أو تبسمّ.. لم يتخل شيخ الأمين عن تميزه حتى وهو في أخص أوقات راحته، هكذا كانت تعلن جلابيته تركوازية اللون و(نعله) البني وشاله الذي إتخذ من ذات اللون شعاراً، هذا غير مسبحته البنية التي كانت تخالطها بعض حبات من سواد. قال شيخ الأمين: (أخذت الطريقة القادرية المكاشفية من الشيخ عبد الله يوسف قرشي المكاشفي، المكنى بود العجوز، وهو بدوره أخذ الطريق من الشيخ عبد الباقي المكاشفي (الشكينيبة). حين إلتقيت الشيخ عبد الله ود العجوز وهو في طريقه للحج أواخر السبعينات، كانت الشيوعية (موضة) في أم درمان، تحديداً في (حلتنا دي) حتى سموها (موسكو).. الشيخ ود العجوز وجد أن التصوف بين الشباب يكاد يكون معدوماً، فقال لي: (إنتبه للشباب وأعرف ميولهم واختلط بهم)، ثم طلب مني نشر المبادئ الصوفية بين الشباب، لأني حسب قوله: (أفهم لغتهم). بعدها ـ والحديث لشيخ الامين ـ بدأنا التأهيل بعد أن تخرجت في جامعة الملك عبد العزيز كلية إدارة الأعمال، وكانت أية خطوة يخطوها الشيخ ود العجوز تبدو فيها حكمته وبعد نظره، كنت أتخيل إني سأدرس في الجامعة إصول الفقه، أو أصول الشريعة لكن الشيخ عبد الله قال لي لا..! * ليه قال لا؟! ــ لانو حسب كلامو، سيأتي وقت لن يسأل فيه الناس إن كان شيخ الأمين حافظ للقرآن ومتفقه في الدين، بل سيسألون عن مؤهلاته، وأهو.. كلامو (مشى وجا). * يعني إنك لم تدرس الشريعة أو الفقه، فكيف جمعت حولك كل هذا الخلق؟! ــ مين القال ما درست الشريعة؟ أنا بدأت الفترة التأهيلية عند الشيخ ود العجوز ودرست على يده الشريعة والفقه، وعندما جاء لأم درمان قال لي: شوف يا شيخ الأمين: تفرش البرش، وتملا الكرش، وتدي القرش، وتذكر رب العرش..! * يعني شنو الكلام ده؟! ــ تفرش البرش، يعني أن تصلي بالناس، وتملأ الكرش يعني النفقة أو الأكل والشراب، وتدي القرش لو جاك زول متضايق، وذكر الله هو ذكر رب العرش، ويجب أن لا تقدم له كرت دعوة لزول تقول ليه أنا شيخ، ولا تكتب هذه زاوية، وشغلتك كان ربنا قبلها منك، الناس بتلم فيك براها، ولو ما قبلها منك، لو شلت ليك مكرفون ما في زول بقيف معاك..! من حكمة الشيخ ود العجوز انو قال لي يا ولدي لو إشتهرت بأي حاجة الناس بتشكرك، لكن الشهرة بحق الله دي الناس بتسمعك فيها ستين ألف حاجة، وكان بتقدر على جنس دا أمشي، وكان ما بتقدر شوف ليك شغلة غيرها..! * بتسمع ستين ألف حاجة.. منها حيرانك الجكسي ومحايتك البيبسي يا شيخ الأمين؟! ــ شوف الكلام ده أطلقو واحد في مجلة عربية تقول طلقا في نار..! في ذمتكم هسع لو جبت ليكم جردقة بتشربوها؟ لو عملت ليكم كسرة بي موية بتاكلوها؟ إشمعنا البيبسي عندنا بقى حرام؟! * طيب البيبسي عرفنا.. الجكسي جاك من وين؟! ــ من أرض الله الواسعة دي..حكاية الرقص المختلط ده كلام فارغ وما ممكن يحصل أبداً.. * لكن عندك بنات بيحضرو الذكر في مسيدك؟! ــ أيوة.. بس من وراء حجاب.. عندهم مكان مفصول تماماً من الرجال. * يعني من حيرانك بنات جامعات؟ ــ طبعاً.. * ممكن تقبل في حيرانك بنات منحرفات؟! ــ أكيد..ديل بالذات أنا بركّز عليهن..! * ليه؟! عشان كده .. (......)..! لتعرف ليه.. تابع بقية الحلقات المثيرة من حوار (حكايات) مع شيخ الامين تباعاً في أعدادنا المقبلة.

شيخ الأمين دا منو؟!

الاخ زهير وضيوفة
سلامات
ممكن لو سمحت تفاصيل الخبر؟

باعتبارى أحد أبناء( الضاحيه) , أوضح الآتى:
شيخ الامين ايضا من ابناء الضاحية , ولو فى حاجة حا جة أو من يتصدى ويقوم بحماينه هم أولادبيت المال.
الاولاد الحله المفترض اشتباكهم كانوا مشغولين امس , ( توفى أحد ابناء بيت المال فى حادث حركة , له الرحمة ) ولا اعتقد كانوا
قاضيين لموضوع الشغب ده.

............................................................


غايتو أظنك ما بتعرف بيت المال واولاد بيت المال ..بموضوع ضاحية دة كسبت عدواتهم بامتياز ..عشان كدة اعتذر ليهم والا حيمسكوها ليك .

حسب ما ورد فى صفحة بيت المال على الفيس بوك ..انه خلاف صغير ومفتعل.. وتم أحتوائه فى حينه

الاخوة البورداب والعابرين
تحياتي
بالتاكيدأن كنت أمس شارب الدواء والله بعرف بيت المال زي كفة يدي وأأسف لكلمة ضاحية جات معليش وحصل خير يا محمد المكي مافي داعي للتهديد بالعدواة والزعل وصفحتكم بالفيس بوك دي في معلومات ما وصلت ليها بالله أسال أقرب السكان لبيت شيخ الامبن وأنشاءلله بيت المال وشيخ الامين مايتعرضوا لشر
وبكم صادق ودي

الاخ الفاضل زهير
كما اسلفت لكم أن الخلاف قد تم إحتوائه وأن سببه ليس أولاد بيت المال.
على العموم ما تكتر من الدوا دا .. واولاد بيت المال ما بيرضوا فى فى بيت المال .. المسألة ما تهديد .
فقط اعلم ما تعلمون..
تحياتى

شبخ الامين واحد من بلاوي الانقاذ

وعند الجماعة الطالبانيين ما فرق بينو وبين ناس كنيسة الجريف
بل شيخ الامين ممكن يكون في موقع اضل رغم اسلامه

تاني مافي دغمسة

ومافي حاجة اسمها شباب الحي ساااااااكت كده، وراهم ما وراءهم

مالوا هسي شيخ المين دا لوموا لى شيخ مودرن

أخى الفاضل أحمد
سلامات
شيخ الامين من ابناء بيت المال وبيت المال تسع الجميع وتسع مختلف الرؤى والمشارب.
شباب الحى هم من زينة شباب السودان .. مكافحين وما اتلوثوا .. وما عندهم حاجة ضد شيخ الامين وما فى جهة وراءهم..
حدث خلاف صغير للاسف تطور ولانو المعنى عليه من بيت المال , الشباب وقفوا الموضوع على كراع واحده..
خلاصة الموضوع انو الناس ما تهبش بيت المال ولا زول من بيت المال..
احنا ما بنهبش زول ولا بنمشى لى زول .. لكن البييجينا فى محلتنا يتحمل..
يمكن ده يكون ( وعى من نوع آخر) لكن ده البنعرفو والقمنا عليهو.
والتحايا العطرات

الاخ محمد مكي
تحياتي

وشكرا للرد، لكن لاحظ معاي

- ما زلت لا تريد ان توضح سبب الخلاف
- ما زلت لا تريد ان تعرف شباب الحي لاي جهة ينتمون

الغطغطة لزوما شنو؟

انا دقيت صدري وطلعت الفي بطني، وقلت انو شيخ الامين واحد من بلاوي الانقاذ
وعرفت شباب الحي بانهم مجموعة مغرر بها من جهة "متطرفة" زي ما عملت في
اولاد الجريف، وبرضو قالوا عنهم "شباب الحي"

طيب، عندنا فتنة دينية في الجريف وارها "شباب الحي"
وفتنة دينية اخرى في بيت المال وبرضو وراها "شباب الحي"

يا انا غطلان تماما في كلامي وببلعوا عادي لانه في النهاية قراءة لتسلسل
احداث وقد اصيب او اخطيء.

لكن ما ببقبل زول يقول لي انت غلطان من غير ما يواجهني بحقائق دامغة لخطئي
ولا يكتفي بانو زيتنا في بيتنا ومافي زول ما عنده دخل بالموضوع.

تحياتي وشكرا مرة تانية لردك المهذب، واعذرني على نفسي القايم دا

عزيزى احمد
عندك حق .مفروض كان اقول سبب المشكلة شنو من الاول..
ياسيدى سبب الخلاف كان بسيط جداً و حسب ما سمعنا انو فى شاب صغير من اولاد بيت المال كان ماشى
فى الشارع وكان فى مجموعة من حيران شيخ الامين واقفة وبدا يبحلقو فيهو ..مشى ليهم وسألهم إذا كانوا بيشبهوا فيهو.
قام واحد من الحيران ضرب الولد.. وده مشى نادى أهله واتلمو معاهم شباب الحله والكبسيبه قامت. الحيران طلعوا مسلحين والعكاكيز
وبدو يكسروا فى العربات الواقفه ويضربوا من طرف.
تم احتواء الموقف من قبل الكبار فى الحلة لانو الموضوع كان ممكن يفلت وتحدث اشياء اكبر من كده وفى الاثناء دى حضر البوليس .
المهم شباب بيت المال يختلفوا كثيرا عن شباب الجريف لانو حتى الفسلوا مخهم فى سنين الانقاذ الأولى , رجعوا عن ذلك وهم من اشد المنافحين الآن.
كل الود

العزيز زهير وضاحه ومحمد سلام

للجميع التحايا
لا فرق بين شيخ الامين ومحمد عبد الكريم .. الكل
يستخدم الدين في تغييب وعي الشباب ..

اصدقائى الأعزاء
بيت المال علاقتها مع الصوفية قديمة , وهى أحد معاقل الطريقه الختمية وكذلك بها عدد كبير من الانصار والسمانيه والتجانية
وببيت المال ايضاً اتباع الشيخ ميطى ومقر الطريقة الدندراوية.
شيخ الامين جا وجاب الطريقة المكاشفية. وعملها بطريقته هو وحسب فهمه لتحديث الصوفيه. ما عندنا اى مشكلة ممكن نختلف معاه ونتفق .
وبيت المال سياسيا كانت تسمى موسكو وللفظ دلالته. وكذلك هناك نفوذ للحزب الاتحادى وحزب الامه.
الطريقة ( المحمد عبدالكريميه ) دى ما عندنا هناك و حتى انصار السنه بسيطين جداً. ولا فى بيئه زى دى تساعد على انتشارهم. لآن كل أئمة المساجد هم من ناس الحله. وكل الجوامع
معروفة . جامع المحجوب وجامع الضرير وجامع السيد على وجامع خليل عماره وجامع الدعيته.
ناس المؤتمر الوطنى الفى بيت المال كلهم تجار وديل ناس خايفين على مصالحهم واسرهم فى الاساس يا ختمية أو انصاريه. التجار الما والوا ناس الانقاذ ديل
فلسوا بيهم بعد ما كان نص دكاكين سوق امدرمان والسوق العربى حقتهم.
ارجو انكم ما تحملوا شيخ الامين ده أكتر من الموضوع.

................................
ود الجمام ازيك ..ياخ خليك مع الحداثه شويه :)

محمد المكى

الناس ديل شكلهم عندهم فراغ كتير وقت كبير ما عارفيين يعملوا فيه شنو

هسي الشباب ديل لو عملوا حملة ونفير بتاع تجميع تبرعات من كل حى فى ام درمان والخرطوم وبحرى

لو جنية بث من كل بيت وقاموا لموا المبالغ دى وزعوها على عمل خير فى المدارس فى اطفال ماعندهم حق الفطور

وساعدوا بيها فى علاج الناس الظروفة تعبانة ولا الايتام المهم يكون عمل خير مقبول من ربنا مش احسن من البعملوا فيه دا

ياخى ربنا عباتوا ما بطريقة دى

حاجة تخلى الزول يتحير بالجد

الاخ محمد المكي
تحياتي

ياخي دا سبب ######## جدا لسبب شكله، على قولك الواحد كان يخليها مغطغطة
المنبر براهو الايام دي ما ناقص من قصة "البحلقة" دي لمن بقى في بوستات
باسمها عديل

بعدين ناس حلة موسكو لسه بضايقو المسحراتية في رمضان؟؟ لوووول

وضاحة
تحاتى واحترامى
زمان فى زمن الديمقراطيه , كان العمل الطوعى الحاجة االاساسيه الكان الشباب بيملا بيها فراغه. بالاضافة للنشاط فى النادى والروابط والميادين.
كا فى اتحاد الشباب السودانى وجمعية تنمية المجتمع والجمعيات الخيرية . وكانت بتقدم اعمال ثقافيه واجتماعيه ورياضية وصحية. وكان لنا الريلده فى السودان بان ادخلنا تجميع النفايات
وازلنا كل ( الكوش) واقمنا فى اماكنها ملاعب. وكذلك كان ابنا بيت المال السباقون فى تطعيم كل اطفال الحى فى حينها ( المصل الثلاثى وبقية التطعيمات) وفى الصيف ضد السحائى لكل المواطنين.
كذلك يا وضاحه الشباب كانوا فى حدوث مكروه لا قدر الله بيقسموا نفسهم , جزء بيمشى احمد شرفى يحفر وجزء بيركب الصيوانات وجزء بيمشى يجيب المعينات
( دايما كان بيكون فى شوالين فحم وجركانة زيت وشوال سكر + شاى) ونفرين بيمشوا السوق بيجبوا خروف وباقى الحاجات. والكفن بيكزن جاهز.
لما جوا الجماعة ديل وقفوا اى نشاط زى ده . وحتى الميادين الرياضية تغولوا عليها ولم يسلم حتى اللبخ فى شارع النيل وقاموا بازالته باعتبار
انو ( بيلم الصعاليك) ومش كده وبس , الحطب باعوهو.
الشباب محبطين وبلا آمال وحدود طموح اغلبيتهم بقى ركشه أو امجاد ..عشان ياكل منها.بالرغم من انو حتى التمانينات كان نسبة الجامعيين اغلبية الشباب. دلوقت
كل واحد تسالو سبت الجامعه مالك .. بيقول دى قرايه دى ؟ وفى النهايه مافى شغل وما دام الموضوع حافلة ولا ركشه احسن اكسب زمنى من هسه.
بخلاف تفشى ظواهرة( اخرى) واصبحت وسط الشباب حاجه عاديه جداً وده كلو من الاحباط.
الواحد عاوز يطرشق بس
مودتى

Quote: ود الجمام ازيك ..ياخ خليك مع الحداثه شويه :)

محمد مكي سلام ومشتاااقين

كفاية احد حيران شيخ الامين المهرج علي مهدي الشيخ يكفيك حوارو ..
السودان يا محمد اخوي الشباب بقى .. اقصد الظواهر المنتشرة
سلفية ـــ صوفية -ــ بنقوجية ( من بنقو )
والشباب المهموم بقضايا الوطن بيتعدا علي الاصابع
ولك ودي

امدرمان برمتها ضاحية و ليست بيت المال فحسب!

اعلاه .. مداخلة سمجة لا تستحق الرد

حي بيت المال من أعرق احياء أم درمان القديمة ...

ولبيت المال تاريخ عريق وأصيل في النضال الوطني والتحرر الوطني كانت تحوي وزارة المالية في عهد الدولة المهدية.

وفيها ولد وترعرع كثير من قادة الحركة الوطنية والثورية والثقافية في السودان. ابتداء بالزعيم الخالد إسماعيل الأزهري والخالد عبد الله خليل

والشهيد عبد الخالق محجوب والشهيد هاشم العطا. والرشيد وعباس أبو شامة وميرغني المحسي، ومن قدامى الإداريين المرحوم مأمون الأمين. ومن ابرز

شعراء الحي عمر البنا وطه حمدتو ومهدي محمد سعيد ومن التربويين بالحي المرحوم إبراهيم علي إبراهيم وحسين الغول وشمس الدين الغول وعبد

الخالق حمدتو ومن الرياضيين عز الدين الدحيش والعم قسمه وأبناءه حمام والفار ومن ظرفاء الحي صلاح كرار وود الزبير.

ود جمام، فكرت أرد على كلامك الفوق عن سيدي الشيخ الأمين و الأخ على مهدي، و لحسن حظي قريت البروفايل بتاعك أول فستخسرتة عليك الرد ... لانو ظاهر جهلك و حسدك جاي من وين...

Quote: محمد الجميل تاريخ التسجيل: 21-10-2009 مجموع المشاركات: 13

30 شهر اشتراك ب 13 مداخلة ، وكمان بحكم من مجرد بروفايل

غايتو منبر تحفة!

Quote: ود جمام، فكرت أرد على كلامك الفوق عن سيدي الشيخ الأمين و الأخ على مهدي، و لحسن حظي قريت البروفايل بتاعك أول فستخسرتة عليك الرد ... لانو ظاهر جهلك و حسدك جاي من وين...

البروفايل بتاعوا مالوا ؟؟؟؟؟؟؟؟؟؟؟؟؟؟؟

الشيوعيون عندهم الدين افيون الشعوب فهم غير معنيين بهذا الامر

الاخ المكاشفى
السلام عليكم
رأيك فى الشيوعيون وغيرهم بنحترمه ودة خيارك وتفكيرك.
بس ياخى الشيوعيين ديل دخلهم شنو بموضوع البوست؟
نرجو التوضيح

الاخ محمد مكي محمد
لك كل الود والتحية وسؤالك مشروع جدا
وما دعاني لهذه المداخلة هي مداخلة الاخ ود الجمام الفوق فلتراجعها وهي :

Quote: معتصم ود الجمام Re للجميع التحايا لا فرق بين شيخ الامين ومحمد عبد الكريم .. الكل يستخدم الدين في تغييب وعي الشباب ..

فالدين عند معتصم ود الجمام هو أداة هدم وليست اداة تقدم وتحسين وضع
إرجو ان تبين للأخ ود الجمام ان اساس صلاح الامة ونهضتها هو بالدين والتدين لا بغيره كما هو منهجه
ارجو ان اكون قد اوضحت لكم اخي الفاضل محمد مكي
ومشكور على هذا السؤال

التحية لابناء بيت المال
وبيت المال كانت البداية كنا نقطن بجوار سوق ام سوقه وفى شارعنا دكان حاج حسن الشايقى واتذكر اليمانى الغرب سوق ام سوقا وبعدها الى المهدية الحارة الساته ومن عاش فى الحارات الاولى الى الساته نجده تواصل عطائه مع بيت المال نتيجة وجود العديد من الاسر بها .
اما شيخ الامين فله سنوات عديدة مع حيرانه والامور تسير بصورة طبيعية وما حصلا اعتبره شيئا طبيعى لا يصل الى حد الخطورة وقد يحدث فى كثير من احياء امدرمان الاخرى
بيت المال هى قلب امدرمان النابض وساهمت فى انشاء مدينة المهدية والثورات عبر التوسع الاسرى ونقل ثقافة هذا الحى العريق
تحياتى

أخى المفضال المكاشفى
أشكركم على التوضيح. كان من الاجدى تخصيص مداخلتكم للرد على الاخ معتصم فى شخصه , دونما تعميم
وكما أسلفت سابقاً جميع وجهلت النظر احترمها . اتفقت او اختلفت معها.
ولك التحايا..


.....................................
بلدى يا حبوب
اهلاً بيك وحبابك يا ود بيت المال

الاخ محمد المكي
وكل الاخوة والعابرين
تحياتي
يعني يا ود المكي البوست بقي حقك عديل كدا أسمها دي فرض الامر الواقع المهم مبروك عليك لكين القصة بتاعت أنو سبب المشكله واحدمن حيران شيخ الامين كما ورد في نقلكم لما جاء من توضيح بصفحة بيت المال في الفيسبوك كان ذلك غير دقيقة لانو المشكلة سببها أن أحد الحيران ضرب واحد من أولاد الحي ومن هنا كانت الشرارة والثار لكرامة المضروب اذي تضامن معه أبناء الحي كان سبب الاحتكاكات وتكسير زجاج عربات بعض حيران شيخ الامين بالاضافة الي مطالبة بعضهم بمغادرة شيخ الامين الحي بغير راجعة هذه هي الواقعة الحقيقة يا ود المكي

متعكم ربي بالعافية والختام سلام

الاخ/محمد المكى
الاخ/ صاحب البوست
امس وبعد الساعة الثانيةعشر ليلا تعمت الذهاب الى بيت المال ومشاهدة مسيد شيخ الامين ووجدت العربات الفارهة تقف على استحياء على جنبات الشارع والحيران تلبس اخر موضة للجلباب و التى شرت للاولاد والجنيز والجيبه للبنات طبعا ديل لسه برالمة بينما ابناء بيت المال فى جلساتهم يتسامرون والمارة منهم لا يتلفتون فكنت الوحيد الذى ينظر ذات الشمال واليمين ونظرات شاره بين القيد والحسان والحال هو نفس الحال الشيخ فى مسيده والحيران بتريده وناس بيت كجار بتريده
الحمدالله بام عينى عادت الامور الى طبيعتها فلاهل بيت المال التحايا ولشيخ الامين وحيرانه سلامى
تحياتى

الإخوه الأعزاء
الأخ / محمد مكي
لكم التحايا و التقدير
الحمد لله من قبل و من بعد و نحمد الله كثيرا على احتواء الموقف . و بلا شك بيت المال كما ذكرتم لها تاريخ حافل فى مسيرة الشعب السوداني و انجبت من الرجال كثر .. و التاريخ يشهد.
أخي محمد لك الموده و لكل ابناء بيت المال و انا تربطني بابناء بيت المال عشرة الدراسه اولا و ثانيا لى الفخر بان اكون احد تلاميذ الشيخ/الأمين عمر الأمين و قرابةالعشرين عاما انا ارتاد مسيد ابونا شيخ الأمين لحضور حلقات الذكر و العلم مرتين كل اسبوع و طيلة السنوات تلك لم يحدث ما يثير مثل هذه المواضيع ,,,, و الحمد لله الان سارت الامور على ما يرام.

مداخله خاصه بصديقى محمد مكي : تحيات خاصه و سؤال عن اخباركم و لك التقدير...

المحترم صاحب الخيط/ زهير عثمان
السلام عليكم
حسنا أنك ذكّرتنا بهذه الظاهرة الصوفية
التي لبست شوب الزهد في ثوب الترف واستساغت
الرقص والسمود واستبدلته بالقنوت والسجود..
بل رضوا أن يكون الناس لهم سُجود..
هذا الشريط افترعته-من قبل- لرصد هذه الظاهرة "الأمينية"
الخطيرة..وسترون عجبا عندما يع نظركم على الصبي
وماذا فعل تحت قدمي شيخ الأمين..
وأتمنى ان تسيحوا معي فيما كتبه الأديب الأريب العالم الرباني/الإمام
ابن الجوزي في "تلبيس ابليس" عن أمثال هؤلاء
تحياتي

http://www.google.com.eg/url?sa=t&rct=j&q=%D8...YjngvnxQFzkwuqlf2EqQ