تم بحمد أللة تكوين رابطة مشجعي المازيمبي ضد المريخ السوداني،

إيمانا منا بحرية التشجيع والمؤازرة للعبة كرة القدم وبعيدا عن السياسة والمتاجرة بالوطنية وإيمانا الكامل في حرية اختيار من نشجع من غير وصاية من احد،
نعلن نحن محبي فريق المازيمبي وقوفنا معة ضد المريخ السوداني في مبارة بعد غد، وندعو كل من يحب ان يري أهدافا بالجملة وخروج مبكر للمريخ من كاس أندية ابطال افريقيا ان يسجل في القائمة ادناءة،
وهذا لن ينقص من وطنية احد مالم نشجع ضد فريقنا القومي السودان.

نحن نعلم ان المازيمبي لا يحتاج منا المؤازرة في هزيمة الحمام الميت باكثر من خمسة اهداف ولكن أملنا وعشمنا في اكثر من ذلك،
1/ خروج المريخ باكثر من خمسة اهداف
2/ خروجه مبكرا من المنافسة الافريقية كما عودنا دائماً .
3/ خسارة المريخ لكاس الدوري.
4/ يكون في دور المتفرج حتي السنة المقبلة.
5/ يؤازر ويدعم سيد البلد في مسيرته الافريقية فيما تبقي له من مال .
6/ الكنفدرالية يشمها قدحة عند خروجة قبل ان يصل لدوري المجموعات.

والله الموفق.

فيكم الخير والله
أياها المحرية فيكم

تصدق المريخ في أشد الحوجة لغبينة زي دي
ده التشجيع يا بلاش ناس بتفهم كورة صاح .. يديكم العافية ياخ ...

Quote: 5/ يؤازر ويدعم سيد البلد في مسيرته الافريقية فيما تبقي له من مال .

احد الأخوة هاتفني ويري ما ورداعلاة يدخل في باب ألحقارة،
انت عايز هم انهزمو وكمان يشجعو سيد البلد، دي كتيرة حبة علي الجماعة.

شنو الراي ؟ نسحبها؟

الاخ منتصر،

يازول ياها المحرية فينا، غلبكم دا بدخل فينا السعادة، داير كمان تحرمونا من دا، وحياتك لي أسبوعين بس اذكر مازيمبي حيلعب مع المريخ الفرح يجري في العروق، خليك من نص الستة البكرة دي.

سلام

Quote: يازول ياها المحرية فينا، غلبكم دا بدخل فينا السعادة، داير كمان تحرمونا من دا، وحياتك لي أسبوعين بس اذكر مازيمبي حيلعب مع المريخ الفرح يجري في العروق، خليك من نص الستة البكرة دي.

والله ضحكتني ياخي انتا صريح تب

الاخ محمد،

يا فتاتي ما للحب بلد. وعلي وزنها ذهبنا الي المازيمبي.

Quote: تكوين رابطة مشجعي المازيمبي

إنجاز برضك يا عمك .. إختشي علي دقنوسك ده.
..............................................................................................................
تخريمة في شكل حولال:

Quote: ادناءة،

دي جايه من الدناءة وللا شنو؟؟

عبدول سلام

الرابطة دي بعد ماندفن ليك مازمبيي المعقدكم دا

حلها واشرب مويتها

قال رابطة قال

ودعتك الله

Quote: إيمانا منا بحرية التشجيع والمؤازرة للعبة كرة القدم وبعيدا عن السياسة والمتاجرة بالوطنية وإيمانا الكامل في حرية اختيار من نشجع من غير وصاية من احد،

+
أعجبتنى الفقره دى ...
..........
و ده من المفترض أن يكون ...
و الحساب ولد ...
عبدالماجد

الاخ عبد الماجد،

شكرًا علي المرور ، مافهمت من لون الكتابة، مريخابي متفهم ولا اصلا بتكتب بالأحمر

Quote: نحن نعلم ان المازيمبي لا يحتاج منا المؤازرة في هزيمة الحمام الميت باكثر من خمسة اهداف ولكن أملنا وعشمنا في اكثر من ذلك، 1/ خروج المريخ باكثر من خمسة اهداف

سلامات

ما زيمبي.. وما ذنبي...
عشان أداكم الخمسة!!
يا حمام يا ميت..

نحن مش زيكم يا حمام يا ميت
خمسة في الزريبة
فضيجة بجلاجل

لو عندكم قدرة سووها مع فطيسكم الهليل..

صحي الما بتلحقوا جدعو
وفي رواية اخرى شترو

الاخ عبدالعزيز،

يازول انت ماعارف اي حاجة بتكتب هنا ممكن تكون ضدك، يازول كيف تقول انو المريخ ما بخاف من المازيمبي،
ان غداً لقريب، شوف أنا ماعارف النتجية في الحالتين كم، لكن بعرف انو المازيمبي لم ولن يخرج من دور ال16 وبعد دا حسبها يا حبيب.

Quote: عبدول سلام الرابطة دي بعد ماندفن ليك مازمبيي المعقدكم دا حلها واشرب مويتها قال رابطة قال ودعتك الله

السيد مجدي، قلتة تدفن منو؟ ياراجل اختشي، والله الا تدفن الرابطة كوستي ، tomorrow you are going to be out خلاص

الاخ محمد قسم الله،

تقول شنو؟ الدناءة في الجري وراء هزيمة المريخ، خطا لن يتكرر وسببه الاستعجال.

تحياتي يا عبد الرحمن

مع احترامي الشديد لحريتكم في تكوين رابطة المشجعين المزعومة،
لكنني ضد ذلك لأن الهلالاب لا يفعلون ذلك، على الأقل لأنهم عندهم
معشوق واحد هو الهلال ومافاضيين لأحد غيره..
تكوين رابطة مشجعي الفرق الأجنبية عادة اشتهر بها مشجعو فريق
المؤتمر الوطني، لم يتركوا فريقاً عربياً منافساً للهلال إلا ودخلوا
منتداه وكتبوا ما كتبوا عن (كايدهم ومورم فشفاشهم) فأرجو منكم
ألا تقلدوا الصغار وكونوا كما أنتم كباراً كعادتكم..
المريخاب قبل كده أزروا ووقفوا مع كل الفرق التي لعبت ضد الهلال
في منافسات دوري الأبطال، الزمالك، الأهلي، الإسماعيلي، الترجي،
النجم الساحلي، الأفريقي، الصفاقصي، الرجاء وغيرها من الفرق العربية..
وعندنا الآن في منتدى الهلال سيد البلد بوست عن دلقون دخل قبل أيام
لمنتدى الشلف ليكشف لهم فريق الهلال، وقد أحرجه ######ر منه مشجعو
فريق الشلف..
لذلك أقول لكم لا تفعلوا ذلك واتركوا مثل هذه الأفعال لمن اعتادوا
عليها فأنتم أكبر من ذلك..


مع أكيد احترامي لكم،،،


الكلمة المخططة هي و س خ ر منه

الاخ نصر الدين ،
السلام والتحايا،

سيد البلد دا كلام تاني، لكن أصحابك عندهم طولة اللسان،
وتاني حاجة اعشق هذا المازيمبي افريقيا وريال مدريد أوربيا ،
وبصراحة كده، لو خيرت بين فوز الهلال في اي مبارة او هزيمة المريخ من اي تيم لاخترت هزيمة المريخ، ما عارف لية ولكن اكون اكثر سعادة لهزيمة المريخ من فرحي لفوز الهلال،
في الفترة دي أنا مركز مع المازيمبي برشا، وسيد البلد عارف شغلو وين.

Quote: 1/ خروج المريخ باكثر من خمسة اهداف

ولازم تكون فى أستاده

غير كده مافى حاجه بتمسح خمسة الزريبه

أها ... وصلتو وين ؟؟؟

انا رئيس الرابطة دي

الاخ معاوية،

شكرًا علي المرور،

بس وحياتك خليني أكون السكرتير الإعلامي ، عشان الصهاينة ديل أعرفو حاجة.

يا جماعة على مسؤوليتي

سباعية نظيفة


وبركة تشوفو

الاخ اسامة،

تحياتي،

في الحقيقة ماحتكون. في مبارة في امدرمان من اصلو، وحياتك أنا خايف المريخ يتفرتق قبل مبارة الرد، حيتقتقط ستة سريع واعلامكم بعد دا حيشتغل في شي حكام وشي سؤء معاملة وهلمجرا وداك يا حردان.
وكاااااااااااك

Quote: يا جماعة على مسؤوليتي سباعية نظيفة وبركة تشوفو

الاخ جمال،

وحياتك كان ما خليتها ستة بس عشان حقوق الجيرة،

قبل شوية الترجي زبط لي دينموز بستة نظيفة ، الله يستر يا مريخ.

Quote: تي. بي. مازيمبي الاسم الكامل تو بويسان مازيمبي تأسس عام 1939 الملعب ستاد لوبومباشي لوبومباشي، الكونغو الديمقراطية (السعة: 55,000 متفرج) الإدارة موسيس كاتومبي المدرب لامين نداي الموقع الرسمي الموقع الرسمي لتي. بي. مازيمبي الطقم الرسمي الطقم الأساسي الطقم الاحتياطي تعديل  تأسس نادي تي. بي. مازيمبي بالفرنسية Tout Puissant Mazembe عام 1939 وهو أكبر وأعرق الأندية في الكونغو الديمقراطية (زائير سابقا) ويأتي في المرتبة الثانية نادي فيتا كينشاسا ثم موتيما بيمبي. كما يعتبر مازيمبي من أكبر وأعرق الأندية في القارة الأفريقية أيضا فقد صال وجال في الفترة من منتصف الستينات وحتي عام 1980. وأحرز العديد من البطولات الإفريقية وكان يعرف هذا النادي في تلك الفترة باسم (Englebert). محتويات  [أخف]  1 إنجازات فريق كرة القدم 2 عاد مازيمبي وأحرز دوري أبطال أفريقيا 3 ابرز مواجهاته مع الأندية العربية 4 وصلات خارجية [عدل]إنجازات فريق كرة القدم بطل دوري ابطال أفريقيا أعوام 1967 - 1968 - 2009 - 2010 بطل كأس السوبر الأفريقي عامي 2010 - 2011 وصيف دوري ابطال أفريقيا عامى 1969 - 1970 بطل أفريقيا للأندية ابطال الكأس : عام 1980 - بطل الكونغو 2010/2009 - كأس الكونغو 2010. - بطولة سيكافا 2010 [عدل]عاد مازيمبي وأحرز دوري أبطال أفريقيا ضربة رأس قاتلة تعيد لمازيمبي دوري أبطال أفريقيا بعد غياب دام واحد وأربعون عاما منذ تتويجة الأخير بالبطولة عام 1968. وذلك في لقاء اياب نهائي دوري أبطال أفريقيا 2009 الذي جمع الفريق مع نادي هيرت لاند النيجيري الذي نجح في الفوز ذهابا علي ملعبة بهدفين لهدف. وكان مازيمبي يحتاج للفوز بهدف نظيف لاحراز اللقب وتمكن من ذلك بضربة رأس في الدقيقة الثالثة والسبعون من عمر اللقاء ليتسلم الكأس من السيد/ عيسى حياتو رئيس الاتحاد الافريقى لكرة القدم. شاهد ضربة الرأس [1] [عدل]ابرز مواجهاته مع الأندية العربية التقى مازيمبي مع الإسماعيلي المصري في نهائي دوري ابطال أفريقيا 1969حيث كان لقاء الذهاب في كينشاسا وتعادل الفريقيان 2/2 وفي لقاء العودة في القاهرة نجح الإسماعيلي في الفوز 3/1 امام مائة الف متفرج إكتظ بهم ستاد القاهرة الدولي ليصبح الإسماعيلي أول نادي عربي يفوز ببطولة أفريقية للأندية على حساب مازيمبي. التقى مازيمبي مع الزمالك المصري في قبل نهائي دوري ابطال أفريقيا 2002 حيث كان لقاء الذهاب في كينشاسا وتعادل الفريقان 1/1 وفي لقاء العودة في ستاد القاهرة الدولي فاز الزمالك 2/0 بهدفي حسام حسن. التقى مازيمبي مع الهلال السوداني في قبل نهائي دوري ابطال أفريقيا 2009 حيث سحق مازيمبي الهلال في عقر داره بأم درمان 5/2 [2] ونجح الهلال في رد اعتباره وفاز على مازيمبي في عقر داره 2/0 ولكنه لم يتأهل إلى النهائي حيث جاء مجموع اللقائين 5/4 لصالح مازيمبي. يوم 31 أكتوبر 2010، التقى مازيمبي بفريق الترجي الرياضي في لوبومباشي في الدور النهائي ذهاب لكأس رابطة الأبطال الإفريقية، وفاز مازيمبي بنتيجة ساحقة 0/5. لقاء الإياب انتهى في تونس بنتيجة 1/1 وكان يوم 14 نوفمبر 2010 حيث تأهل نادي تي بي مازيمبي إالى نهائي كأس العالم للأندية بعد الفوز إنترناسيونال البرازيلي 2/0 وليكسر رقم الأهلي المصري وأصبح أول نادي من خارج قارة أوروبا وأمريكا اللاتينية يصل للنهائي, واجه مازيمبي إنترناسيونال الإيطالي ولكنه خسر بنتيجة 3/0 [عدل]وصلات خارجية الموقع الرسمي [3]

الاخ عبد العظيم ،

قالو الشينة منكورة، يازول كان تلبد وتدس مريخيك لغاية نهاية المبارة، مالك كاشف نفسك في الظروف دي

الف مبروك للمازيمبي بهزيمة المريخ 2 صفر،

المبارة كانت قون وباك، ربنا يستر من مبارة الإياب ،
لقد تكتل كل المريخ في منطقة دفاعهم طيلة زمن المبارة وكانت نسبة استحواذ المريخ للكرة لا تتجاوز ال10٪.

اذا قدر للمريخ ان يهاجم في مبارة الرد ليعادل النتيجة سوف تلج شباكه الستة الموعودة.
افضل للمريخ ان يحفظ ماء الوجوه بان يتبع نفس سياسة مبارة اليوم ويكتفي بهدف او هدفين في شباكة، ويخرج بعدها لمواصلة دوري السودان.