Quote: ذكر البرازيلي ريكاردو المدير الفني لفريق المريخ أنه يسعى إلى الفوز على مازيمبي الكنغولي خارج القواعد وقال: نؤكد أننا ذاهبون إلى الكنغو من أجل الفوز وفي كرة القدم ليس هناك مستحيل وأبان ريكاردو أن فريقه جاهز للمباراة وقال إنه يريد أن يفاجئ المتشائمين ويفاجئ أنصاره بأداء قوي وتحقيق نتيجة إيجابية وذكر المدير الفني للفرقة الحمراء أن معرفة مازيمبي بالمريخ لن تفيده وقال: نحن أيضاً نعرف الكثير عن المنافس والآن المعلومات أصبحت متاحة ولكنها لا تحسم المباريات وأتساءل: ألم يكن برشلونة يعرف كل شئ عن تشلسي وماذا استفاد عن معرفته بالبلوز؟
أنتو ريكاردو دا جني ولا شنو؟ اذا كان تشيلي هزم برشلونة لا يعني انو الحمام الميت دا ممكن يهزم المازيمبي، لانو ببساطة الكرة الأوربية متقاربة جداً في المستويات ومعظم اللاعبيين محترفين،
تغلب المازيمبي عاد بالشغيل ولا موسي الزومة، ياراجل اختشي وشيل الصبر الخمسة محمداك محمداك، وبصراحة كدة أنا واقف قلبا مع المازيمبي والرهيفة التنقد.
كدي يا فتحي اخوي، دحين المازيمبي كان طقطق الصهاينة ديل بأربعة ذي السم، بتكون متكيف ذي اخوك دا؟ ولا بتمشي فيني مكنة الوطنية وهلم جرا،؟ عندي زملاء شغل من اسبانيا وبالتحديد من برشلونة التقينا امبارح في ميونخ المانيا لزوم لقاء شهري بخص الشركة، وجاء النقاش عن مبارة ريال مدريد وبايرن ميونخ، وحياتك الشباب ديل واقفين مع بايرن ميونخ من الأعماق ، قمت بهبالتي السودانية دي قلت ليهم أنتو ناس ما عندكم وطنية كيف تساندو فريق ألماني ضد فريق إسباني ،بالرغم أنكم إسبان ؟ قالو لي يازول هوي فرق بين التيم الوطني وريال مدريد، مأعندنا مانع نقيف مع الفريق القومي لكن الريال دا لو ادوهو عشرة حيكون يوم السعد لينا، عشان كدا المريخاب ديل اقل من اربعة ما بتريحني.