Post: #1 Title: الملازم طبيب خالد حسن: تعرضنا للضرب والاهانة واحتجزونا في حاوية ضيقة Author: معتصم محمد صالح Date: 04-26-2012, 03:43 PM Parent: #0
الخرطوم (رويترز) - قال يوم الخميس ضابط سوداني أطلق جنوب السودان سراحه انه و12 من زملائه تعرضوا للضرب والاهانة اثناء احتجازهم في الجنوب في احدث مؤشر على التوترات بين الجارين.
ونفى جنوب السودان بشدة اساءته معاملة 13 جنديا سودانيا أطلق سراحهم يوم الاربعاء بعد ان اسرهم اثناء قتال عند حقل نفط هجليج المتنازع عليه قبل اسبوعين.
وقال وزير الاعلام في جنوب السودان برنابا ماريال بنجامين "هذا غير صحيح. لم يتعرضوا للضرب. الحكومة (في الخرطوم) طلبت منهم أن يقولوا انهم ضربوا" مضيفا ان السودان مازال يحتجز سبعة أسرى على الاقل من جنوب السودان.
وسلم جنوب السودان الاسرى لمسؤولين مصريين نقلوهم الى القاهرة ومن هناك الى الخرطوم التي وصلوا اليها في وقت مبكر اليوم الخميس.
وكان الدبلوماسيون يأملون في ان يؤدي اطلاق سراحهم الى تهدئة التوترات بين الجارين اللذين خاضت قواتهما قتالا على الحدود استمر ثلاثة اسابيع والى عودتهما الى طاولة التفاوض. وقال الملازم خالد حسن أحمد وهو طبيب في الجيش السوداني للصحفيين في مطار الخرطوم أنهم تعرضوا لكل أنواع الاهانات والضرب اثناء احتجازهم هناك.
وأضاف ان جنود جنوب السودان ومتمردي دارفور الذين يقاتلون في صفوفهم اسروهم في مستشفى هجليج قبل اسبوعين ثم نقلوهم من خلال مكان اخر الى بنتيو وهي بلدة نفطية جنوبية تبعد نحو 80 كيلومترا عن الحدود المتنازع عليها.
وقال ان السجناء وضعوا في حاوية خانقة وضيقة وكانت تقدم لهم وجبة واحدة في اليوم والقليل من الماء. وتابع انه يتحدث نيابة عن الجنود الاخرين الذين اطلق سراحهم.
واستطرد قائلا انهم انتقلوا من هناك الى جوبا جوا وانه تم تقييدهم داخل الطائرة وعندما وصلوا الى مطار جوبا قام أفراد من جيش جنوب السودان بفك القيود حتى يظهروا امام وسائل الاعلام كما لو كانوا لاقوا معاملة جيدة وفقا للمعاهدات الدولية التي تتعلق بمعاملة الاسرى. يتبع
Post: #2 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: معتصم محمد صالح Date: 04-26-2012, 04:56 PM Parent: #1
Quote: وقال الملازم خالد حسن أحمد وهو طبيب في الجيش السوداني للصحفيين في مطار الخرطوم أنهم تعرضوا لكل أنواع الاهانات والضرب اثناء احتجازهم هناك.
طيب ماكان يدى الزول الاداه مئة دولار كف ويبصق فى وجهه شالها لييه؟ كلام الشايقى ده ما ترميه واطه،،،
Post: #5 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: متوكل الحسين Date: 04-26-2012, 05:35 PM Parent: #4
سلامات معتصم
إنتا الدكتور بيعين برتبة ملازم يا معتصم ؟؟
Post: #6 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: Zakaria Joseph Date: 04-26-2012, 05:45 PM Parent: #5
شوفتوا الزول دى بيشكو من وجبة واحدة فى اليوم و هو اسير!!!! غايتو برنابا بنجامين و فيلب اقوير و من وراء اطلاق سراح هولاء بطيب خاطر و دون مساومتهم باسرى الجنوب "لو ما اتقزفو من على متن ااطائرات بعد" فقعوا مرارتى.
Post: #7 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: Abd Alla Elhabib Date: 04-26-2012, 06:42 PM Parent: #6
سـواء قال الحقيقة أو كذب كان عليه يثبت لهم فضل أنهم أبقوا علي حياته هـو وزملائه في الأسـر !
Post: #9 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: رشا احمد Date: 04-26-2012, 07:25 PM Parent: #8
ما عارفه ليه ما قادره أصدقوا ...
بعدين شئ طبيعي أي جهة أو حتى على المستوى الفردي الواحد بيلمع نفسو قدام الأجهزة الإعلامية .. و التقييد دا ما اعتقد انو ضد القوانين الدولية و حكومة البشير كانت ح تعمل اسوأ من كدا او في الحقيقة حتكون عملت
ياخ ديل مع بني جلدتهم سيئين و ما حكوا لينا ولا قريناهو شفناهوبعيونا وسمعناهو بي اضنينا .. تجارب شخصية وفردية بحته ...
وجبة واحدة دي حلوة .. شكلو كان عايز 3 وجبات (انتي كونتي نينتي .. على قول عادل إمام) في دولة وليدة عانت من الحروب و المجاعات ماعانت ..
ما في أي معاملة سيئة في كلامو دا .. خليهو يفكر في حاجة تانية احسن .. ماشاف المعاملة السيئة في سجن ابوغريب و في غواتيمالا والا شنو؟!
بعدين ليه ما جاب سيرة القروش الاستلمها دي ؟!! ...نزاهه مافي .. ودا أكبر دليل على انو مؤتمرجي والله هم زاتهم غلطانين الفكوهو بي رباط في الطيارة و وجبة واحدة .. كانوا يوروهوا المعاملة السيئة صحي صحي عشان مايدوهو فرصة يبهتهم
Post: #10 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: سيف النصر محي الدين Date: 04-26-2012, 07:32 PM Parent: #9
Quote: نهبوا كل شيئ إلا ارادتنا و ايماننا بقضيتنا
قضيتك شنو يا دكتور؟ انت كنت هناك بتشتغل و للا عشان قضية؟؟؟
Post: #11 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: عماد موسى محمد Date: 04-26-2012, 07:39 PM Parent: #10
Quote: بعدين ليه ما جاب سيرة القروش الاستلمها دي ؟!! ...نزاهه مافي .. ودا أكبر دليل على انو مؤتمرجي والله هم زاتهم غلطانين الفكوهو بي رباط في الطيارة و وجبة واحدة .. كانوا يوروهوا المعاملة السيئة صحي صحي عشان مايدوهو فرصة يبهتهم
هل هذه ملازم في جيش سلفاكير؟ أم متطوعة؟ الله قادر
Post: #13 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: مها عبد الله Date: 04-26-2012, 07:45 PM Parent: #11
Quote: الله قادر
فعلا الله قادر يا عماد موسي ، رأئيك شنو فى الراجل الكضاب خالد ، فى الفيديو الأول دعا لوقف الحرب ولعن شيطان السياسة والآن أنظر ماذا قال !!!
Post: #16 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: رشا احمد Date: 04-26-2012, 07:54 PM Parent: #11
ونعمة بالله ياعماد ..
متطوعة دي تبع القوات الدولية والا شنو!
Post: #14 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: رشا احمد Date: 04-26-2012, 07:45 PM Parent: #10
بعدين كلامو مامرتب ..يكون من الكضب و التلفيق ياربي (لما نزلنا من الطيارة طلع واحد وفكا قيودنا) دا كلام دا ياحضرة الملازم ..نزلنا و طلع!!!
و وين الضرب هنا ماسمعنا حاجة عن الضرب ... العنوان دا جاء من وين الفيهو الضرب دا والا زوبعة اعلامية وخلاص؟!!
ويعني ناس البشير مانهبوا ؟! .. ديل نهبوا البلد و الناس نايمة ... و لسه بينهبوا .. ولو كنت منهم تكون انت زاتك حرامي كبيـــــــــــر
مرارتي اتفعت لما شفت الفيديو دا..
Post: #12 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: زينب محمد عبدالله Date: 04-26-2012, 07:40 PM Parent: #9
والله غايتو
عالم غريبه
والله يا رشا ضحكتينى
(وجبة واحدة دي حلوة .. شكلو كان عايز 3 وجبات (انتي كونتي نينتي .. على قول عادل إمام) في دولة وليدة عانت من الحروب و المجاعات ماعانت .. )
قلت لى انتى كونتى نينتى ههههههه يا اختى ديل اولاد المصاريين البيض ما متعود على الوجبه الواحده يا اخى ده لو انسان واعى ومتديين كان صلى ركعتيين لله وشكر حكومه الجنوب ودعا لوقف الحرب انتى قايله السودان دا انتهى بسبب شنو
Post: #17 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: مها عبد الله Date: 04-26-2012, 08:04 PM Parent: #12
Quote: ودعا لوقف الحرب
لقد دعا لوقف الحرب يا زينب عندما كان أسيرا ولعن السياسة ودعا الطرفان للتفاوض !!!
الكيزان ديل بعملوا ليك شيزوفرينيا يا زينب
Post: #19 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: رشا احمد Date: 04-26-2012, 08:19 PM Parent: #12
يا زينب أزيك،
أصلاً أنا استغربت للتعليق بتاع الوجبة الواحدة دا ...لأنو أغلب السودانيين العايشين في الشمال ناهيك عن الجنوب و الغرب اللي فيهم شح في الغذاء اصلاً
بيعيشوا على وجبة واحدة بقوا .. مش لعدم توفرها و بس .. لأنو اصلاً بقى مافي زمن لوجبتين طبعا زمن التلات وجبات ولى زماااااااان ..
ما كان ناقصو الا يقول وين الشاي و القهوة ...!!!! و الغريبة هدومو كانت نضيفة و مكوية .. يعني أبداً ماكان باين عليهو الإعياء و الارهاق
و لا حتى الذل الكان بادي على سامي الحاج لما كان أسير.. طيب كان اقلاها يمثل .. والا بليد في التمثيل؟!
إمتعاضي لمجرد اني حسيت انو كوز و مفبرك الكلام كان أكبر من فرحتي بي انو أسير و رجع .... قطيعة تقطع الكيزان من هنا للمشترى
Post: #15 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: Nasruddin Al Basheer Date: 04-26-2012, 07:53 PM Parent: #9
تحياتي يا معتصم وعساك بخير
الحمد لله على سلامة الأسرى الذين عادوا سالمين إلى أهلهم.. سعادة الدكتور ده المفروض يحمد الله على عودته سالماً.. والمفروض أي إنسان يدافع عن هذا النظام لا يتكلم عن سوء المعاملة.. نظام يقتل الناس في شهر رمضان المعظم، لا يحق لمناصريه أن يتكلموا عن سوء المعاملة والضرب والإهانة.. دي مفارقة لذيذة خالص.. كيزان عيونهم قوية، يعذبون الناس في بيوت الأشباح ويغتصبون المعارضين ويشوهون أجسادهم، ويحيلون الناس إلى الصالح العام ويجبرون المعارضين على الحضور يومياً ًلمكاتب الأمن لرفع التمام ويقتلون الطلاب ويسجنون من شيعوهم بقانون النظام العام، ويتكلم أسرى الحرب منهم المطلقي الصراح عن سوء المعاملة!!!
قال الزعيم مارثن لوثر كينج: غريب أمر هؤلاء البيض، وجوههم بيضاء وعيونهم خضراء وشعرهم أشقر وخدودهم وردية، ويقولون عنا بأننا ملونون!!!
هو خالد دا فاكر الحكايه بعثة طبيه ولا رياضيه ...يا اخي بعثة الهلال في بانقي للذهاب ضد الدبلوماسي واجهوا اسوي مما ذكرته ياخالد... دي حرب وكان ممكن تموت في اي لحظه ولا من شاف ولا من دري ...
غيرت اقوالك بشكل مخجل ومازال هناك بعض الاسري بالجنوب ....
Post: #22 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: محمد إبراهيم علي Date: 04-26-2012, 10:16 PM Parent: #21
مكسب قصير الامد بتشويه صورة حكومة جمهورية جنوب السودان دولة انت معها في حالة حرب ولا زالت لديك عمليات عسكرية قائمة ويتوقع وقوع بعض جنودك في الاسر فالمرة القادمة ستحرص حكومة جنوب السودان على اساءة المعاملة واظهار علاماتها
والله لكن الاسر عندكم يا حكومة الجنوب ..الظاهر عليكم ما إتعلمتوا أي حاجة من دولة الشمال في فترة المشاركة بعد نيفاشا..ياخي أنا دي كنت مواطنة في دولتي ولم أحمل سلاح كانوا بجيبوني كل يوم في مكاتب أمن بحري من تمانية صباحا لي تمانيه مساء كل يوم وانضرب وأتشتم زي الترتيب ويوم واحد ما ادوني كباية موية زرقا خليك من وجبة واحدة وبعد ده بركب المواصلات ماشي وجاي من جيبي يعني ما ادوني مية دولار والله الشعب السوداني كله بعد ده يتمني يكون أسير في الجنوب
Post: #24 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: عبدالكريم الامين احمد Date: 04-27-2012, 00:10 AM Parent: #23
- الدكتور الاسير ده لمن كان في جوبا وكاتل حيلو وعامل فيها حمامة سلام قال في تصريحاته فيما معناه(نسال الله ان يجنب الشمال والجنوب الفتن) وبمجرد وصوله الخرطوم اطلق العنان لتصريحات موغلة في الفتنة وعكس كورة تصريحاته الاولي 180 درجة ..
عالم جبنة
Post: #25 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: Adil Hamza Date: 04-27-2012, 02:53 AM Parent: #24
الملازم ده حقو يحمد الله و يشكر حكومة الجنوب
حكومتك ما سلمت اى اسير للجنوب و الملازم ده معترض على الوجبة الواحدة .. الزول ده ابدا ما نصيح
Post: #26 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: Mohamed Yassin Khalifa Date: 04-27-2012, 06:55 AM Parent: #25
Quote: بعدين كلامو مامرتب
فعلاً يا رشا... كلامك في محلو!
لاحظي وقوفه أمام الصوارمي الكان بينهر فيهو بالتعليمات: تقول شنو... وما تقول شنو! العجيب إصرارهم على الإختطاف! أها طالما قلتوا خطفوهم... دفعتوا كم عشان تحرروهم؟
Post: #27 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: عصام دهب Date: 04-27-2012, 07:14 AM Parent: #26
حمداً لله على سلامة الأسرى .. و الذين ينكرون سوء معاملة الأسرى بحسبان تصريح الدكتور / خالد في جوبا .. فعليهم أن يعلموانه في ذلك الموقف كان مضطراً لأن يقول ما يريدون له أن يقول .. و إظهار حسن معاملة الأسرى أمام كاميرات التلفزة هو أسلوب دعائي ليس إلا لحكومة الجنوب .. و دونكم ما بثه تلفزيون الجنوب ـ عن غير قصد ـ عن معارك هجليج .. إنزال أسير من العربة التي كان يوجد بداخلها و رميه على الأرض و تصفيته .. تصفية أسير جريح أمام الكاميرا و هو ملقي على الأرض .. ألم تشاهدوا هذه المناظر المخزية .. ألم تحرك ساكناً في أنفسكم الأمارة بالعمالة و الخيانة .. أقول لكل المدافعين عن حكومة الجنوب هنا .. هل من بينكم من إمتلك الشجاعة ليدين ذلك العمل الإجرامي ؟؟ كراهيتكم و معارضتكم للإتقاذ عرفناها .. الخيانة و إنعدام الوطنية لزوم إظهارها هنا شنو ؟؟ ليت كل من يدعم هذه الإنتهاكات كان في محل أولئك الأخيار ممن تم تصفيتهم ظلما و غدرا .. كان على الأقل قل عدد الخونة و العملاء ..
Post: #28 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: عصام دهب Date: 04-27-2012, 07:57 AM Parent: #27
تصفية جريح من الجيش السوداني من قبل أحد كـلابـ الجيش الشعبي
Post: #29 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: Tragie Mustafa Date: 04-27-2012, 08:12 AM Parent: #28
انا كنت عارفه انه هذا الطبيب الامنجي ا ل ك ل ب حيبوظ على كل الاسرى المستقبلين كما قال محمد ابراهيم...لسه متوقع الكثير بين البلدين في داعي لنوع التصريحات الضحله و الغبيه دي؟!
اها غطس حجر كل حاجه ايها اللعين!
Post: #30 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: Kabar Date: 04-27-2012, 08:23 AM Parent: #29
المؤتمر الوطني اخر من يتحدث عن معاملة الأسرى.. الحرب ما عندها اخلاق يا اهلنا.. و كلو غـــــــلط..
كبر
Post: #32 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: صديق الموج Date: 04-27-2012, 08:48 AM Parent: #30
ماكوز فعلاً بدل يشكر الله على انه عاد حياً جاء الخرطوم وقال جردوه من كل شى ما عدا قضيتنا بعين ماهيته كامله ما 100 دولار لما ادوهو ليها شالها زى الكديسه وبعدين لاحظو نزل من الطيارة الايدين ناعمات لا عليهن اثر ربيط لا وثاق الا يكون مربوط بى مناديل تشوز وصورتو وهو مغادر جوبا تظهر فيها جزمته ملمعه لاحظو ذلك وهو يستلم المائة دولار.. زى ما قلت يا محمد ابراهيم الاسرى الباقين يشيلو شيلتهم ، بعدين هم ما بفهموا كانوا يجيبوا اى واحد من الاربعتاشر ويحفظوه اى كلام مادام الشغل بوربقاندا. لكن خالد ده حتى من طريقة كلامه يظهر انه كوز منظم من الثانوى العام ،،،
Post: #31 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: Mohammed Taha Date: 04-27-2012, 08:36 AM Parent: #29
Quote: انا كنت عارفه انه هذا الطبيب الامنجي ا ل ك ل ب حيبوظ على كل الاسرى المستقبلين
على الأقل الوصفتيه بال ك ل ب كان بدافع عن تراب وطنه من ال خ ن ا ز ي ر أمثالكـ
Post: #33 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: خالد عبد الحليم سعيد Date: 04-27-2012, 12:19 PM Parent: #31
قدر ما حاولت اتعاطف معاو غلبنى والله. ياخ اليحمد الله انو رجع لى اهلو تريان و مندى. طبعا هو منتهز الفرصه تماما فى التلميع. وما تستغربو لو طلع ليو كتاب و سماهو ايامى فى الاسر ، ويطلع بطل.
Post: #35 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: متوكل الحسين Date: 04-27-2012, 06:05 PM Parent: #34
الملازم خالد أب راسين
نموذج حي لشخصية الإسلامي الإنقاذى . كذب عفوى و متجزر . قد كان صادقا فى جوبا كما كان صادقا فى الخرطوم بوجود المتحدث بإسم عصابات البشير . و سوف يكون صادقا مع أهله و أيضا صادقا مع أصحابه . لكنه لن يستطيع أن يكون صادقا مع نفسه يوم من الأيام ..
Post: #36 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: بشير أحمد Date: 04-27-2012, 09:54 PM Parent: #35
والله ماغايظني إلا المندكورو الفوق ديل!!!
ياخي قوموا لفو لفاكم بلا يخمكم
الانقاذ ح تحكم دشليون سنة .
والله عاد الجنوبيين بقي عندهم ضمير كمان؛
شفت ليكم ....فيهو خير؟
والله ديل يجوكم جوة بيوتكم لمن تعرفوا حاجة ؛قال تخويف قال ___ النصيحة الجنوبيين معارضين علي حكومة بقوا علي كلمة واحدة في الحرب ؛ المندكورو طلعوا اي كلام.
Quote: قضيتك شنو يا دكتور؟ انت كنت هناك بتشتغل و للا عشان قضية؟؟؟[/QUOTED
Post: #38 Title: Re: الملازم طبيب خالد حسن: تعرضنا للضرب والاهانة واحتجزونا في حاوية ضي Author: د.يوسف محمد طاهر Date: 04-28-2012, 07:31 AM Parent: #37
أخجل يا د. خالد وأحمد الله إنك رجعت لأهلك سالم ... بعدين عندي سؤال وين آثار الضرب والتعذيب ؟ وكما تعرف الزميلة نجلاء سيد أحمد لما جاءت بالدليل الدامغ وكشفت ظهرها لتثبت الإعتداء عليها ...
