Post: #1
Title: هذا المنبر يبدو لي كمدرسة من اولى لساتة (توجد نتيجة سنة تالتة 2009)
Author: عبدالله ود البوش
Date: 04-26-2012, 10:07 AM
هذا المنبر يبدو لي كانه مدرسة من ستة سنوات من سنة اولى لحدي ساتة
فاما تتخرج وتبقى صحفي ولا روائي ولا كمان تشوف ليك سعية تسرح بيها
في ناس مجبورين علي القراية اعيدو اولى مرتين تلاتة واعيدو رابعة عشان فيها مسألة السلك
لكن كمان بعد تكمل ساتة حقو تشد حيلك وتتخرج ولا كمان تبيع داندرمة
طبعا الخريجين ديل بجوا في شكل مدربين ولا كمان زايرين ساهي للفصول والطلبة بكونوا معجبين بيهم
في ناس بجوا منتدبين لانهم اصلا هم صحفيين وكتاب كبار فبنتدبوا في المنبر ويحضورا الحصص المهمة
نحن دفعة 2009 اسع في سنة تالتة الان في الاجازة الصيفية بعدما وزعوا لينا النتايج
الاول مشترك الامين البشاري ومحمد ابراهيم علي
الباقين ما بذكركم لكن الطمانطاشر مشترك داليا الكباشي وتمبس العائد من دفعة 2002 لوووووول
داليا شاطرة خلاس مفروض تكون اللولة لكن تمبس لخما لخمة الفورة مليون الفورة مليون
يلاكي نلعب غمديت برا قراية برا كلام فاضي
انا جيت الواحد وخمسين والفصل فوقو تلاتة وخمسين عشان كدي من اسع دي بمشهد في روحي
لسرحة السعية الصوط الفرطاق والجرس كلن كلن كلن للبهائم وحااااااح يا الخلا والصي
كان درت ابو الجبين اجبن
وكان درت لبن الحجر بالكوم
وكان داير اجغم اجغم ولا كان الغف الغف
والعيش ببنقوا والخمجان بندقو
وارتاح من القراية ام دق
كل يوم مدرسة كل يوم مدرسة كل يوم مدرسة
اقصد كل يوم منبر كل يوم منبر
تلاتة سنة خلاس فكينا الحرف وعرفنا play تشغل المسجل و student طالبة تاني في شنو؟
بدل الكبشرة كبش
وبدل الايقونة لعوت
وبدل ابحث ابحت وشوف عيشتك
اخير لي السرحة من الاعادة في تالتة وماشة علي رابعة الفيها مسألة السلك
|
Post: #2
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: فيصل محمد خليل
Date: 04-26-2012, 10:24 AM
Parent: #1
انا بايت في سنة اولى مما جيت
واحسن حصة عندي حصة البيوت
الحصة بيوت
اول واحد بكورك و بجري لباب الفصل
وعندي كعكة في حسن السير والسلوك
|
Post: #3
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: عبدالله ود البوش
Date: 04-26-2012, 10:58 AM
Parent: #2
| Quote: وعندي كعكة في حسن السير والسلوك |
لكن الزول الولوف في طبعوا دائما هادي
|
Post: #4
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: عبدالله ود البوش
Date: 04-26-2012, 11:06 AM
Parent: #3
من ناس دفعتنا امين محمد سليمان دا مما جانا في سنة اولى
جا شايل كترة كتب اها اها اصنقع واقرأ ونحن يا دوب في الف با تا ثا البطلعوا فيها اللسان ديك
تاني ما شفناهو كلو كلو
اسع قالوا عمل بروفوثور لوووووووول
ديل الناس اللستفادوا ما زينا رجرجة وهرجلة
واول زول في كنبتنا واول زول في الفصل واخرا سرحة ورقاد خلا
|
Post: #5
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: عبدالله ود البوش
Date: 04-26-2012, 11:16 AM
Parent: #4
لكن النصيحة فصلنا هادي وحافظين النظام ومنتبهين
لكن الناس الورانا ناس اولى وتانية ديل يا عووووذ بالله رجة شينة
ولا ساعلين في المدرسين ولا ساعلين في المدير بكري ذاتو
ياخي ديل جنبو تلقى الايقونة كوووووفك تحت كرعيهو ولا بشتغل بيهن الشغلة
|
Post: #6
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: Hussein Mallasi
Date: 04-26-2012, 11:35 AM
Parent: #5
| Quote: انا بايت في سنة اولى مما جيت |
و ستظل إلى أن تغادر.
|
Post: #7
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: فيصل محمد خليل
Date: 04-26-2012, 12:08 PM
Parent: #6
| Quote: و ستظل إلى أن تغادر. |
كاااااااااااااك ...... وجع
البوم لحنها
|
Post: #8
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: عبدالله ود البوش
Date: 04-26-2012, 12:12 PM
Parent: #6
| Quote: و ستظل إلى أن تغادر. |
اغادر وين يا استاذ حسين بعد السنين الطويلة دي كلها ؟
عشرة ساهي ما عندكن ؟
.
.
.
عندنا واحد في الحلة شال الحطب المحتفظ بيهو ابوهو لفترة طويلة
عشان اعمل بيهو راكوبة لبقرو
ابوهو جاهو قاليهو يا ولد خت الحطب دا ما تشيلو
ات يا ابوي الحطب دا داير بيهو شنو ؟
داير لولدي الصادق دا
وانا ما ولدك ؟
ما ولدي
طيب ما ولدك عشرة ساهي ما عندك ؟ اربعين سنة عشرة تروح ساهي ؟
.
.
تحياتي لكما
عشرة بضم العين ... لسع ما ادونا التشكيل قالوا في رابعة
|
Post: #9
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: محمد فرح
Date: 04-26-2012, 12:37 PM
Parent: #6
تحياتي ياجميل
الاولاد ان شاءالله طيبين
وحااااة الله بستمتع بي (بوصطاطك) دي متعه شديده
شاحد ربي ماتتخرج كلو كلو
مؤونة عشرة أعوام من الود
|
Post: #10
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: عبدالله ود البوش
Date: 04-26-2012, 12:50 PM
Parent: #9
Quote: شاحد ربي ماتتخرج كلو كلو
|
اراد ان يمدحه فهجاهو ( بلسان استاذ حسين )
.
.
الاولاد طيبين والله وبعافية يا محمد ما سعلت منك شينة
.
.
| Quote: مؤونة عشرة أعوام من الود |
يا اخوي مؤنة الايوقونات دي ما بتأكل بقرنا قصب
شيل ليك عشرة شوالات فتريتة وارميها قدام بيت احمد اخوي
السنة دي ضربنا المحل ( ميم فتحة وحا فتحة ) ويا فتاح يا عليم يا رزاق يا كريم
.
.
شكرا يا معجب
|
Post: #11
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: عفاف أبو حريرة
Date: 04-26-2012, 04:08 PM
Parent: #10
Quote: تحياتي ياجميل
الاولاد ان شاءالله طيبين
وحااااة الله بستمتع بي (بوصطاطك) دي متعه شديده
شاحد ربي ماتتخرج كلو كلو
مؤونة عشرة أعوام من الود |
|
Post: #12
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: عبدالله ود البوش
Date: 04-28-2012, 07:44 AM
Parent: #11
عفاف ابو حريرة طلتك غالية وعزيزة
والله يا عفاف كان ختيتي نقطة بس ارى في هذه النقطة
كل شئ جميل
.
.
.
طبعا خريجة ساتة 2006م ووضح ذلك من تغير البروفايل
مبروك
وان شاء تقرينا في رابعة
يا بختك يا صديق الموج جاياك استاذة عفاف مدرسة انتبه قدام وبطل الهرجلة الكتيرة
|
Post: #13
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: فيصل محمد خليل
Date: 04-28-2012, 07:51 AM
Parent: #12
يا شيخ العرب عاوزين لينا اسبوتنق كارب
نتخارج بيهو من سنة اولى
|
Post: #14
Title: Re: هذا المنبر يبدو لي كمدرسة من اولى لساتة (توجد نتيجة سنة تالتة 2009
Author: عبدالله ود البوش
Date: 04-28-2012, 08:30 AM
Parent: #13
Quote: يا شيخ العرب عاوزين لينا اسبوتنق كارب
نتخارج بيهو من سنة اولى |
صدق اصعب حاجة سنة اولى عشان لانها الاساس
المدير اقول اهم حاجة سنة اولى
المدرسين اقولو كدا
الطلبة القدام اقولو كدا
عشان كدا البعود في سنة اولى بتعب باقي السنين كلها
.
.
المواد ساهلة لكن الخوف والرجفة ساعة اللمتحان
ولبعدين ما تسمع لخمة ناس سنة تانية وتالتة وكواريكم
ما تشتغل بيهم كلو كلو ما اجيك واحد ناطي اقوليك لسع انت في بدر قرأ وامل ما قرأت ؟
طبعا داير استفزك عشان تتكلم فاضي قدام المدير وتاخد كعكعة في السلوك
ودي المشكلة تاني كان كتبت رواية الباشندي والورد الجميل ما بنتجح ولاتشوف ليك بوست معلق فوق
فالحكاية فيها ان وحظ وكدايا من كدايا
يا اخوي انا حاجات سنة اولى دي نسيتا اسعل منها ناس كنبتك وشرطا اكونوا جداد
|
|