Post: #1
Title: سعر الـ$ــدولار اليوم
Author: Ashraf el-Halabi
Date: 04-26-2012, 03:44 AM
Parent: #0
ورونا الأسعار يا ناس السودان
|
Post: #2
Title: Re: سعر الـ$ــدولار اليوم
Author: Ashraf el-Halabi
Date: 04-26-2012, 03:45 AM
Parent: #1
طبعاً سعر السوق الموازي، ما المزوزي
|
Post: #3
Title: Re: سعر الـ$ــدولار اليوم
Author: Ashraf el-Halabi
Date: 04-26-2012, 03:48 AM
Parent: #2
زمان محمد معتصم كان مريحنا
|
Post: #4
Title: Re: سعر الـ$ــدولار اليوم
Author: elhilayla
Date: 04-26-2012, 05:28 AM
Parent: #3
7.15
|
Post: #5
Title: Re: سعر الـ$ــدولار اليوم
Author: abuguta
Date: 04-26-2012, 05:36 AM
Parent: #3
سلام يازول انت تاجر عملة
سعر الكلاكلة اللفة حتى العاشرة ليلا 5800 للدولار
سعر الريا ل حسب شارع غبيرا العام قفل على 1510
سعر الريا ل فى سوق اب قوته 1550
سعر سواكن 1600
على كدا
سعر دبى
سعر بومبى
سعر كوانزو الصين
دى كلها اسواق تتحكم فى الاقتصاد السودانى مش الانقاذ جاءت من اجل الدولار اها الذى يطيح بها
هو الدولار
اخوك صديق قديم,,متابع لحال البلد المايل
|
Post: #6
Title: Re: سعر الـ$ــدولار اليوم
Author: Ashraf el-Halabi
Date: 04-26-2012, 11:44 PM
تشتري في 7؟
يا الحليلة ياخ باركها عشان ما نقعد نحلم لمن نكسر جرة العسل
|
Post: #7
Title: Re: سعر الـ$ــدولار اليوم
Author: Ashraf el-Halabi
Date: 04-26-2012, 11:52 PM
Parent: #6
| Quote: سلام يازول انت تاجر عملة |
يا أبو لدن دا شكل تاجر عملة ياخ!
تاجر العملة هو البحدد السعر، ما بيجي يضهب زينا كدا كايس أعلى سعر
كل الحكاية إنو الساحوتة الاسمها السودان دي دايرة ليها مبلغ كدا وما بقدر أوفيه إلا لو السعر كان فوق الستة
|
Post: #8
Title: Re: سعر الـ$ــدولار اليوم
Author: tasneem
Date: 04-26-2012, 11:59 PM
Parent: #7
بالجد عاوزين نعرف سعر الدولار كم اليومين ديل عشان ماشين
السودان عاوزين نجهز الميزانية
وفي انتظار ابونون للخبر الاكيد
تحياتي
|
Post: #9
Title: Re: سعر الـ$ــدولار اليوم
Author: Ashraf el-Halabi
Date: 04-27-2012, 00:20 AM
Parent: #8
أبو نون دا لو معتصم بتاع الدهب يبقى عنده الخبر أكيد
إجازة سعيدة يا تسنيم
|
Post: #10
Title: Re: سعر الـ$ــدولار اليوم
Author: عادل نجيلة
Date: 04-27-2012, 00:58 AM
Parent: #9
دي المواضيع المهمة والمفترض أن تداولها في الإعلام الرسمي بدلآ عن الظواهر الهتافية والحماسية التي يتناولها الإعلام في السودان .. الإقتصاد هو حياة الناس .. الكل يعرف بأن سعر الجنيه الرسمي الآن في السودان لا يعكس السعر الحقيقي له في السوق الحر للعملات (الموازي) .. وواحدة من شروط الإقتصاد الحر هي إبعاد الدولة من تحديد الأسعار بل تحدد بحسب قانون العرض والطلب ..
فالواقع بأن في السودان عجز كبير في ميزان مدفوعاته المعروف بال PAYMENT BALANCE .. وهو الميزان الذي يحكم الصادرات بكفة الواردات .. البلاد في حالة حروبات متصلة منذ ثماني أشهر .. موارد البترول في هجليج تعرضت لتدمير كامل
ومريع غير محددة الفترة لإعادة التشغيل .. إنتاج الجزيرة كمشروع قومي معروف بساهمته في الإقتصاد ضعيف .. وأنا أعتقد بأن الزملاء في سوق الأوراق المالية لايقدمون أسعارآ صحيحة للأسهم في هذا الوقت .. نعم نريد أن نرى نشرة يوميآ على صفحات الموقع بكل الأسعار بدءآ من الذهب الدولار(السعر الحر) لأن سعر السوق الأسود هو السعر الحقيقي وليس بنك السودان.
شكرآ لصاحب البوست.. وتحياتي
|
Post: #11
Title: Re: سعر الـ$ــدولار اليوم
Author: Ashraf el-Halabi
Date: 04-27-2012, 05:01 PM
Parent: #10
سلامات أستاذنا عادل
فعلاً عندنا القاب كبير بين السوق المعلن والمتداول
جيراننا المصريين القراب ديل عندهم بورصة متحركة كويس، ممكن من الويب سايت بتاعهم (البورصة المصرية) تعرف حركة الأسهم في البلد
بتاعتنا الويب سايت بتاعا (بورصة الخرطوم) عاضي، كأنها ما بورصة!
|
Post: #12
Title: Re: سعر الـ$ــدولار اليوم
Author: ناذر محمد الخليفة
Date: 04-27-2012, 08:16 PM
Parent: #11
5800
دي النجيضة لحدي الليلة الساعة 4 عصر ..
لمعلومية الجميع والباحثون عن سعر الدولار حينما لا يجدون ابو نون :
سعر الدولار يساوي سعر طن السيخ ..!!
دي قاعدة ماشين بيها التجار هنا ..
سعر طن السيخ الليلة 5800 جنيه (خمسة مليون وتمنمية بالقديم) ..
ودي بيعادلا ألف دولار ..!!
يعني الزول الماعارف سعر الدولار يسأل عن سعر طن السيخ في السوق وبي كدة بيعرف الحاصل ...!!
دا حساب عرب ساي ..!! لكن أهو ماشي اليومين ديل ..!!
|
Post: #13
Title: Re: سعر الـ$ــدولار اليوم
Author: Dr. Ahmed Amin
Date: 04-27-2012, 08:35 PM
Parent: #12
ناذر كيفنك يا حبــوب ..
ياخي ده أخبار شنو دي
إنت قاعد تتاجر في الدولار ولا شنو ؟؟
بعدين ياخ السيخ ده كلللله سعرو واحد ؟
السيخ الصيني زي السيخ الألماني زي المصري ؟؟
ولا كيف ؟؟
بعدين أسعار زي ده أخير نمشي نقضي إجازتنا في (بانكوك) 
|
Post: #14
Title: Re: سعر الـ$ــدولار اليوم
Author: Ahmed musa
Date: 04-27-2012, 08:43 PM
Parent: #13
Quote: دي قاعدة ماشين بيها التجار هنا ..
سعر طن السيخ الليلة 5800 جنيه (خمسة مليون وتمنمية بالقديم) ..
ودي بيعادلا ألف دولار ..!! |
كلام صاح مية المية
كلمني تاجر سيخ قال لي بكون عندنا كم سعر للسيخ في اليوم
سعر افتتاح
وسعر نص اليوم
وسعر اغلاق !!!!
|
Post: #15
Title: Re: سعر الـ$ــدولار اليوم
Author: ناذر محمد الخليفة
Date: 04-27-2012, 08:45 PM
Parent: #13
سلام دكتور أحمد أمين ..
Quote: بعدين ياخ السيخ ده كلللله سعرو واحد ؟
السيخ الصيني زي السيخ الألماني زي المصري ؟؟
ولا كيف ؟؟
|
شوف... نحنا في البلد دي ما شين بي قاعدة كلو عند العرب سيخ ..!!
بعدين نحن ما عندنا لا صيني لا ألماني لا مصري ..!
السوق فيهو زي خمسة أنواع .. اشهرها الأمجد والأسعد ...!!
في واحد رخيص كان إسمو (سيخ دبي) ..!
هسي بقى كلو سعرو واحد ...!
لكن عشان اكون معاك دقيق أكتر : أسأل في الخرطوم عن سعر طن سيخ الأسعد 5 لينية ..!
وسعرو بيديك بالضبط سعر الدولار في السوق الموازي ..!
عرفت ليه أنا لحدي يوم الليلة ما قادر أديك اسعار لي شغلانيتك ديك ؟!
أهوندي قدامي بتاعاتك وقياساتك بتقرا في كلامي دا ؟ لكن بس تقول شنو ؟؟!!
نسأل الله السلامة بس ..!!
|
Post: #16
Title: Re: سعر الـ$ــدولار اليوم
Author: Dr. Ahmed Amin
Date: 04-27-2012, 08:52 PM
Parent: #15
| Quote: عرفت ليه أنا لحدي يوم الليلة ما قادر أديك اسعار لي شغلانيتك ديك ؟! |
والله لكن ده مشكلة؟ يحلها الحلً (الإسمه منو داك)http://www.sudaneseonline.com/db/attention/010_Smile.gif
كدي أنا جايك أواخر شهر 6 كان الله هون .. وعندي إقتراح ببدائل تانية ..
بديك (سلك) ونتناقش فيها .. ونبقى على (البيضاء)
تقديري ...
|
Post: #17
Title: Re: سعر الـ$ــدولار اليوم
Author: Ashraf el-Halabi
Date: 04-27-2012, 11:34 PM
Parent: #16
ناذر
د. أحمد أمين
أحمد موسى
سلامات
ما قدرت أعرف العلاقة شنو بين سعر السيخ وسعر الدولار، إلا كان الحديد هو الغطاء النقدي لعملتنا!!
والله يا ناذر ما في شي جايب الحر للخرطوم غير السيخ دا!
|
Post: #18
Title: Re: سعر الـ$ــدولار اليوم
Author: ناذر محمد الخليفة
Date: 04-28-2012, 08:35 AM
Parent: #17
سلام اشرف ..
Quote: ما قدرت أعرف العلاقة شنو بين سعر السيخ وسعر الدولار، إلا كان الحديد هو الغطاء النقدي لعملتنا!!
|
أنا برضو ما عارف العلاقة (بط إت ووركس) ..!!
احمد موسى مكتبك على بعد شارعين من تجار السيخ وكلامك صاح سعر الصباح براو وسعر الضهر براو وسعر نهاية اليوم براو ..
زي الدولار بالضبط ..
دكتور احمد امين .. يعني ضروري تشد (سلك) في ظروف اليومين دي ههههههههه
|
Post: #19
Title: Re: سعر الـ$ــدولار اليوم
Author: عبدالله احيمر
Date: 04-28-2012, 09:38 AM
Parent: #17
Quote: لكن عشان اكون معاك دقيق أكتر : أسأل في الخرطوم عن سعر طن سيخ الأسعد 5 لينية ..!
وسعرو بيديك بالضبط سعر الدولار في السوق الموازي ..! |
يا ناذر
أها لو الدولار نزل , الجماعة بنزلو الســعر
ولا خلا بكونوا صبوا على الســعر دا
|
Post: #20
Title: Re: سعر الـ$ــدولار اليوم
Author: ابن عفان
Date: 04-28-2012, 11:24 AM
Parent: #19
.
نقة كتيره و ما عرفنا لا سعر الدولار و لا الريال.
فى جوووطة و عدم إستقرار حاصل.
غايتوا إتنورنا بمعلومات سيخية.
.
|
Post: #21
Title: Re: سعر الـ$ــدولار اليوم
Author: هيثم التوم
Date: 04-28-2012, 11:57 AM
Parent: #20
الواحد خاتى قروشو تحت المخدة ومتابع بوستيكم ده
ما عارف ساعة الصفر متين شايف كل دقيقة بلقى لي خبرا ملفوف
الواحد ما فضل ليهو الا يلف القريشات دي سيجارة !
محروق ابوالدولار ( الريال لا )
كلما ( اتبن) القريشات القى بالاً تاني
الله يهون ..
عندنا بُنا وعاوزين نشتري سيخ
يعنى هسي نشتري دولار بدل السيخ واللا شنو؟
طيب المعلمين بقتنعوا بانو الدولار دا هو السيخ زاتو كيف؟
غايتو جنس جن !!
|
Post: #22
Title: Re: سعر الـ$ــدولار اليوم
Author: ناذر محمد الخليفة
Date: 04-28-2012, 03:33 PM
Parent: #21
عبد الله احيمر ..
Quote: يا ناذر
أها لو الدولار نزل , الجماعة بنزلو الســعر
ولا خلا بكونوا صبوا على الســعر دا |
صدق بينزل معاو ..! ودا عن تجربة مش كلام ساي ..!!
أبو عفان ..
Quote: نقة كتيره و ما عرفنا لا سعر الدولار و لا الريال.
|
مش عرفت سعر طن السيخ ؟!!
وتيب ؟!!!!
هيثم التوم ..
Quote: عندنا بُنا وعاوزين نشتري سيخ
يعنى هسي نشتري دولار بدل السيخ واللا شنو؟
|
بالمناسبة ..
سعر سيخة الأقاشي بي خمسة جنيه .. ودا سعر بورصة الشامية في محطة سبعة ..!!
|
Post: #23
Title: Re: سعر الـ$ــدولار اليوم
Author: Al Sunda
Date: 04-28-2012, 04:45 PM
Parent: #22
| Quote: سعر الدولار يساوي سعر طن السيخ ..!! |
أضبط
ناذر يروج لبدائل السيخ
او الـ 3D panel
كمان شوية الناس حتفتش بعد الدولار الطالع نازل على ناذر وليس لسيخ
|
Post: #24
Title: Re: سعر الـ$ــدولار اليوم
Author: ناذر محمد الخليفة
Date: 04-28-2012, 06:40 PM
Parent: #23
|
Post: #25
Title: Re: سعر الـ$ــدولار اليوم
Author: محمد قرشي عباس
Date: 04-28-2012, 07:19 PM
Parent: #24
سألت ليكم من السعر الليلة شمار ساي
لقيتهو مابين 5600 و 5750
دي فوايد الفلس و الوطن
ما بيهمك تقلبات السعر كتير
أصلا كده كده كل حاجه ماشه كعبه !!
|
Post: #26
Title: Re: سعر الـ$ــدولار اليوم
Author: ناذر محمد الخليفة
Date: 04-28-2012, 07:30 PM
Parent: #25
لو كان سألت من السيخ يا دوك حا تلقاهو نفس الشي ههههههههه
|
Post: #27
Title: Re: سعر الـ$ــدولار اليوم
Author: ابن عفان
Date: 04-29-2012, 09:46 AM
Parent: #26
.
سؤال: المسافرين اوربا بدون كم يورو؟ كانت 2500 نقصوها و لا زى ما هى؟
.
يا ربى فى علاقة بين سعر الطوب و الريال؟
.
|
Post: #28
Title: Re: سعر الـ$ــدولار اليوم
Author: Hisham Ibrahim
Date: 04-29-2012, 12:44 PM
Parent: #27
| Quote: ولا خلاص بكونوا صبوا على الســعر دا |
صـّبوا على السعر دا وعلى البعدو كمان ..!
|
Post: #29
Title: Re: سعر الـ$ــدولار اليوم
Author: أيمن دياب
Date: 04-29-2012, 03:39 PM
Parent: #28
سعر الريال في الرياض اليوم 1530 جنيه
|
Post: #30
Title: Re: سعر الـ$ــدولار اليوم
Author: Ashraf el-Halabi
Date: 04-30-2012, 11:36 PM
Parent: #29
عبد الله احيمر
ابن عفان
هيثم التوم
Al Sunda
د. قرشي
Hisham Ibrahim
أيمن دياب
سلامات يا شباب
حتى الآن السعر القالو محمد قرشي دا هو السعر الأخدتو في اتصال بالخرطوم
ـــــــــــــــــــــــــــــ
| Quote: لو كان سألت من السيخ يا دوك حا تلقاهو نفس الشي |
زكرتني الضفدع "ونجيب بنات!" في النكتة.. ههههه
قلت لي مكتب أحمد سيخة قريب من السيخ!
الزول دا يكون كوز!
|
Post: #31
Title: Re: سعر الـ$ــدولار اليوم
Author: Elawad Eltayeb
Date: 05-01-2012, 00:10 AM
Parent: #30
كشف الأمن الجغمسي أن السر في إرتفاع الدولار هو في إختفاء السيخ من الأسواق - وفي تتبع سري لهذه السلعة الحيوية والمرتبطة إرتباط أخلاقي روحي بالنظام الحاكم (وفي عملية سرية سميت "يستسلخون") وجد أن هناك جهة عليا تشتري السيخ بكميات مهولة في ثلاث أوقات من اليوم(عقب صلاة الصبح والظهر والمغرب - وفي كل وقت بسعر مختلف، وفق فتوى مجمع العلماء) وبالتتبع الدقيق والمكثف تم اكتشاف طبقة سيخية نايمة في المجتمع هم
طلبة الحزب الحاكم
في
الجامعات.
وقد تم رفع توصية عاجلة لرئاسة الحزب الحاكم بقفل الجامعات حتى تهدأ أسعار الدولار.
|
Post: #32
Title: Re: سعر الـ$ــدولار اليوم
Author: Ashraf el-Halabi
Date: 05-01-2012, 00:34 AM
Parent: #31
النملة
بالمناسبة يا العوض: جلد النمل السلخناو دا نوديو وين؟
|
Post: #33
Title: Re: سعر الـ$ــدولار اليوم
Author: معتصم مصطفي الجبلابي
Date: 05-01-2012, 03:36 AM
Parent: #32
| Quote: بالمناسبة يا العوض: جلد النمل السلخناو دا نوديو وين؟ |
إتبرعو بيهو لدعم الجريح
|
Post: #34
Title: Re: سعر الـ$ــدولار اليوم
Author: هيثم التوم
Date: 05-01-2012, 07:26 AM
Parent: #33
هسة دا كلو هين ..
.
.
.
.
.
.
نحول بي كم يعنى؟
دايرين سعر نجيض يا شاباب
بتاع اليوم
طازج يعنى !
|
Post: #35
Title: Re: سعر الـ$ــدولار اليوم
Author: abuguta
Date: 05-01-2012, 08:03 AM
Parent: #34
Quote:
سعر الريال في الرياض اليوم 1530 جنيه |
سالت منو يازول كلامك د مو صالح
ما بين 1515- 1520 ,,,مهما يكون المبلغ
على حسب سعر شارع غبيرا والبطحاء
الا زولك دا عندو قروش هناك عاوز يلمها
لكن ناس الامن الاقتصادى ما خلو زول بشترى عملة فى السودان الا عكشوه
وما زال الدولار مكنكش والريال كذالك,,,
عموما الريال دا ما بنزل من ال 1500 دى تانى
بس حقو يقيفوا ليه فوق عشان ما يرتفع
|
Post: #36
Title: Re: سعر الـ$ــدولار اليوم
Author: Ashraf el-Halabi
Date: 05-01-2012, 05:57 PM
Parent: #35
| Quote: إتبرعو بيهو لدعم الجريح |
والباقي نوديو وين يا جبلابي؟، فالكمية أكبر من حوجة الجرحى
|
Post: #37
Title: Re: سعر الـ$ــدولار اليوم
Author: Ashraf el-Halabi
Date: 05-01-2012, 06:47 PM
Parent: #36
يا هيثم لو لقينا مراسل للبوست من أمام وول ستريت (بس يكون مدردح زي مراسلنا من شارع غبيراء الشهير بأبو لدن) بـ "ننجض" ليك أمر أبو الجورج
لكن لغاية الآن كلام قرشي هو السعر المعتمد في بورصة البوست
ـــــــــــــــــــــــــــــــ
يا معتصم أظهر، فعندك الخبر اليقين
|
Post: #38
Title: Re: سعر الـ$ــدولار اليوم
Author: Ashraf el-Halabi
Date: 05-05-2012, 05:44 AM
Parent: #37
5800 حسب بورصة سوق الساتة اليوم عند الإغلاق
|
Post: #39
Title: Re: سعر الـ$ــدولار اليوم
Author: الزنجي
Date: 05-05-2012, 10:50 AM
Parent: #38
أنتو الطيب سيخة وين ؟؟
وعلاقتو شنو بي صلاح دولار !!
بلد عجيبة ما تفهم فيها اي حاجة
واي حاجة ما عندها أي قاعدة
اشاعه ساكت ممكن تزيد سعر الدلاور وممكن تنقصوا
مافي اي فهم للاقتصاد
علي العموم سعر الدرهم الاماراتي اليوم فى دبي اليوم 5\5\2012 يساموي 1570 جنية
|
Post: #40
Title: Re: سعر الـ$ــدولار اليوم
Author: عبدالرحمن الحلاوي
Date: 05-05-2012, 04:34 PM
Parent: #39
now derham is 1574
|
Post: #41
Title: Re: سعر الـ$ــدولار اليوم
Author: Ashraf el-Halabi
Date: 05-06-2012, 05:30 AM
Parent: #40
الزنجي والحلاوي سلامات
يا زنجي تمشي بأسئلتك دي لناس عب سميع ههههههه
|
Post: #42
Title: Re: سعر الـ$ــدولار اليوم
Author: ناذر محمد الخليفة
Date: 05-06-2012, 08:49 AM
Parent: #41
سعر طن السيخ اليوم 5900
وعلى ذلك قس ..!!
|
Post: #43
Title: Re: سعر الـ$ــدولار اليوم
Author: Ashraf el-Halabi
Date: 05-07-2012, 10:08 PM
Parent: #42
كان ما سارت عليك (ناذر سيخة) ما تديني يدك
سعر الدولار اليوم: 5800
|
Post: #44
Title: Re: سعر الـ$ــدولار اليوم
Author: ناذر محمد الخليفة
Date: 05-08-2012, 08:50 AM
Parent: #43
سلام اشرف ..
| Quote: سعر الدولار اليوم: 5800 |
وطن السيخ تراجع الليلة لي 5800 والله صحي ..
غايتو كان ما جددتها معاكم في نظريتي دي تعال اسألني هههه
|
Post: #45
Title: Re: سعر الـ$ــدولار اليوم
Author: Ashraf el-Halabi
Date: 05-08-2012, 11:34 AM
Parent: #44
تخيل يا ناذر الشغلة دي وراها سر
دولار ريـال سيخ سياحي؟ لووول
|
Post: #46
Title: Re: سعر الـ$ــدولار اليوم
Author: هيثم التوم
Date: 05-08-2012, 11:55 AM
Parent: #45
ashraf
متابعين
Quote: يا هيثم لو لقينا مراسل للبوست من أمام وول ستريت (بس يكون مدردح زي مراسلنا من شارع غبيراء الشهير بأبو لدن) بـ "ننجض" ليك أمر أبو الجورج
لكن لغاية الآن كلام قرشي هو السعر المعتمد في بورصة البوست
|
وماقصرت طب !
غبيرا من هنا (فنة حجر)
والريال تشم ريحة شيتو من هنا
كلما اقول اختف لي لقمة منو
اقول الشية اطعما المجمرة
ونلوك الصبر!
شغالين بالقطارة لا هسي غايتو!
متابعين هنا برضو..
علا الــ 5800 دا سعر صحي ؟
|
Post: #47
Title: Re: سعر الـ$ــدولار اليوم
Author: Ashraf el-Halabi
Date: 05-08-2012, 10:32 PM
Parent: #46
يا ود التوم: شيتكم دي جمر ولا سيخ؟
ناس البيت كل إجازة بسيب ليهم مبلغ وأقول ليهم أصرفوا منه قدر حاجتكم
يقوم يرتفع ارتفاع طفيف يروحوا فاكين القروش كلها
ليه عملتوا كدا؟: خفنا يقوم ينزل تاني
أبو الجورج دا لا خوف عليه ولا هم يحزنون، لو نزل الليلة سنت بكرة بيرتفع إتنين
القعد ينزل بس هو جنيهكم السجمان دا
فنصيحتي ليك يا هيثم: قدر ما تقدر أصبر، فالريـالات الصابرات روابح
|
Post: #48
Title: Re: سعر الـ$ــدولار اليوم
Author: خال فاطمة
Date: 05-09-2012, 04:52 AM
Parent: #44
يا ناذر سيخ سلام
لي 4 لينية اغلى من 5 لينة ؟ و لا عشان الصغار رخوص زي العجور لوووووووووووووو
اشرف دو لار الله يزيدك سيخ ياخ قصدي دولار كلو من صاحب المغلق ناذر
|
Post: #49
Title: Re: سعر الـ$ــدولار اليوم
Author: ناذر محمد الخليفة
Date: 05-09-2012, 08:26 AM
Parent: #48
سلام خال فاطنة .. وينك يا راجل مطول من البورد ..! جيت المسلمية ولا شنو ههههه
| Quote: لي 4 لينية اغلى من 5 لينة ؟ |
الأصل في السيخ إنو كلو سعرو واحد الفرق في عدد السيخات .. لكن احيانا سعر 4 لينية أو تلاتة لينية بيكون ارخص بي فارق بسيط ودا مردو سبب واحد الوفرة مع إنعدام الطلب حيث يكون الطلب متركزا فقط في خمسة لينية ..
|
Post: #50
Title: Re: سعر الـ$ــدولار اليوم
Author: محمد فرح
Date: 05-09-2012, 08:49 AM
Parent: #49
الليله الدولار 5.700
وفي توقعات كبيره إنو سعر الدولار حينزل شديد
|
Post: #51
Title: Re: سعر الـ$ــدولار اليوم
Author: محمد إبراهيم علي
Date: 05-09-2012, 09:02 AM
Parent: #50
| Quote: وفي توقعات كبيره إنو سعر الدولار حينزل شديد |
اذا سيرتفع
|
Post: #52
Title: Re: سعر الـ$ــدولار اليوم
Author: أيمن دياب
Date: 05-09-2012, 09:09 AM
Parent: #51
Quote: الليله الدولار 5.700
وفي توقعات كبيره إنو سعر الدولار حينزل شديد |
صاحبنا ود فرح:
ينزل شديد كمان.. يعني ما براحة.. ولا حتى نزول متدرج..
انت قلت توقعات.. يعني مافي حاجة حسابية ولا منطقية ولا صادر ولا إنتاج..
صديقي العزيز ود فرح..
شكلك ما سمعت (الشمطة) الكانت في البرلمان أمبارح..
العضو القال البلد ما معقول تمشي بالضرائب والتوقعات..
والوزير القال ما بقدر يوقفل ارتفاع الأسعار..
والزول التاني القال ليكم استغفروا استغفروا استغفروا..
الفشل ما مشكلة.. المصيبة الكبرى الإصرار على الفشل..
|
Post: #53
Title: Re: سعر الـ$ــدولار اليوم
Author: ناذر محمد الخليفة
Date: 05-09-2012, 09:11 AM
Parent: #51
محمد فرح إنت بالذات ما تتكلم ..!!
ما دام قلت حا ينخفض كدة بتكون كجيتا وبكرة سعر الدولار بيصل 15 جنيه ...
إنت فاكر ناس المنبر دا نسوا ليك كلامك في كهربة سد مروي ولا شنو هههههههههه
|
Post: #54
Title: Re: سعر الـ$ــدولار اليوم
Author: الحاج حمد الحاج
Date: 05-09-2012, 09:25 AM
Parent: #53
Quote: الليله الدولار 5.700
وفي توقعات كبيره إنو سعر الدولار حينزل شديد |
يا محمد فرح ما في توقعات لنزول شديد لأنو الأسباب البتنزل نزول شديد غير موجودة ، يعني ما في عائد من التصدير يؤدي لتوفر نقد اجنبي و كل المتوفر ياتي من قروض و دا حبل قصير لا يعول عليه في نزول سعر الدولار ، الدولار لو نزل نزول بطئ ح ينزل اذا كان في انتاج و تصدير زراعي و صادر مواشي و صمغ عربي مع ازدياد في الانتاج البترولي و دا كلو ما موجود.
|
Post: #55
Title: Re: سعر الـ$ــدولار اليوم
Author: هيثم التوم
Date: 05-09-2012, 09:34 AM
Parent: #53
ashraf
| Quote: فنصيحتي ليك يا هيثم: قدر ما تقدر أصبر، فالريـالات الصابرات روابح |
حلووووة روابح دي
اوزن لي منها ريالين تلاتة !
اهو ماسكين حبل الصبر
يا غرق
يا جيت حازما غايتو
|
Post: #56
Title: Re: سعر الـ$ــدولار اليوم
Author: Ashraf el-Halabi
Date: 05-10-2012, 05:38 AM
Parent: #55
خال فاطمة: أساساً (لينيا) دي تبع ياتو وحدة قياس؟
ناذر: شايفك متبحر في السيخ يا شيخنا، معناتو معلومة المغلق دي ما إشاعة!
فرح: "ينزل شديد" دي تقولها لي زول ما عندو سيخة
ود أبراهيم: إنتا فاقس الفولة
أيمن دياب والحاج حمد: كلامكم سليم مية المية. حكومتنا أهملت أي مصدر للنقد الأجنبي خلاف البترول،بقى هو البجيب لينا أبو الجورج، والبترول تلتينه مشت مع الدولة المشت، والمشكلة ناسنا ديل كانوا بيصرفوا صرف من لا يخشى الفقر، يبقى ما في أي سبب ينزل دولار الجن دا، لا نزول شديد لا بالراحة، وفوق فوق دولارنا فوق
يا ود التوم "كان غلبك الصبر أصبر" هههههه
|
Post: #57
Title: Re: سعر الـ$ــدولار اليوم
Author: Elawad Eltayeb
Date: 05-10-2012, 09:16 AM
Parent: #56
Quote: الليله الدولار 5.700
وفي توقعات كبيره إنو سعر الدولار حينزل شديد |
إن شاء الله تكون بعت
أبشرك قبل نهاية السنة سعر الحديد يمكن يحصل 7000
|
Post: #58
Title: Re: سعر الـ$ــدولار اليوم
Author: خال فاطمة
Date: 05-10-2012, 02:03 PM
Parent: #49
ناذر ود اخت استاذنا احمد على بابكر ازيك يا المافي زيك
الربه الربه مسليمة خور نوى جبنا
| Quote: الأصل في السيخ إنو كلو سعرو واحد الفرق في عدد السيخات |
كيف يعني موش طن 4 لينية و 5 لينية (52 سيخة) في كل طن ؟ ولا عدد 5 لينية اكثر من 4 لينية؟
| Quote: لكن احيانا سعر 4 لينية أو تلاتة لينية بيكون ارخص بي فارق بسيط ودا مردو سبب واحد الوفرة مع إنعدام الطلب حيث يكون الطلب متركزا فقط في خمسة لينية .. |
تصدق لقيت 4 لينية للطن بي (5450) و 5 لينية للطن بي (5350) و الاسعد كمان كما قلت الفرق ما كبير (100) بين الاثنين .. بس الظاهر طلب 4 اكثر من 5 عشان رخوووووووص لوووووووو رخوص
سيد الحوش أشرف معليش كلو من ناذر الشين دا ملينا ليك حوش سييييييييييييخك
زمان يا ناذر الواحد بقو ليك انا راكب سيخ في اللوري بدفع نص التمن بتاع المواصلات في اللوري
|
Post: #59
Title: Re: سعر الـ$ــدولار اليوم
Author: ناذر محمد الخليفة
Date: 05-10-2012, 08:09 PM
Parent: #58
سلام خال فاطنة ..
Quote: كيف يعني موش طن 4 لينية و 5 لينية (52 سيخة) في كل طن ؟ ولا عدد 5 لينية اكثر من 4 لينية؟
|
طبعا لا ... القصة قصة وزن .. اسأل ود خالي محمد في سوق المسلمية في مغلق شبك النور يوريك الفرق هههههه
طبعا أسم المغلق (شبك النور) ودي حبوبتي والدة والدتي ووالدة خالي أحمد علي بابكر ..
4 لينية عدد السيخ فيهو اكتر .. لكن لمن نجي نوزن 5لينية و4 لينية بنلقى وزن الطن واحد لكن عدد سيخات 4 لينية أكتر من سيخات خمسة لينية بحكم وزن السيخة في كل مقاس ..
Quote: تصدق لقيت 4 لينية للطن بي (5450) و 5 لينية للطن بي (5350) و الاسعد كمان كما قلت الفرق ما كبير (100) بين الاثنين .. بس الظاهر طلب 4 اكثر من 5 عشان رخوووووووص لوووووووو رخوص
|
زي ما كتبت فوق .. الإختلاف في السعر عندو علاقة بي مواسم الشغل وبي المشاريع المنفذة وكمية الطلب .. أحيانا الطلب على خمسة لينية كتير وأحيانا على 4 لينية اكتر .. بحسب المشاريع والعطاءات ومواصفات العطاءات ..
| Quote: سيد الحوش أشرف معليش كلو من ناذر الشين دا ملينا ليك حوش سييييييييييييخك |
انت يا اشرف البوست دا اسمو سعر الدولار اليوم ولا سعر السيخ اليوم ؟؟!!
غايتو عندي طلو صابون ههههههههه
|
Post: #60
Title: Re: سعر الـ$ــدولار اليوم
Author: Ashraf el-Halabi
Date: 05-10-2012, 10:29 PM
Parent: #59
العوض وخال فاطمة
بالله شوفوا قوة العين
| Quote: انت يا اشرف البوست دا اسمو سعر الدولار اليوم ولا سعر السيخ اليوم ؟؟!! |
البوست أنا استعوضت الله فيه، لكن بلاقيك.. ههههههههه
|
Post: #61
Title: Re: سعر الـ$ــدولار اليوم
Author: خال فاطمة
Date: 05-11-2012, 03:18 PM
Parent: #59
| Quote: 4 لينية عدد السيخ فيهو اكتر |
ياخ اتا ياناذر مالك دغيل كده ما تقول لينا 4 لينية فيو كم سيخة ولا دا سر المهنة هههههههه
اشرف اتا موش حلبي ? مفروض تكون بتاع سيخ ياخ هههههه
|
Post: #62
Title: Re: سعر الـ$ــدولار اليوم
Author: Ashraf el-Halabi
Date: 05-11-2012, 08:39 PM
Parent: #61
| Quote: اشرف اتا موش حلبي ? مفروض تكون بتاع سيخ ياخ هههههه |
اييييه، حليل زمن (سراير حديد) يا خال
ياخي السراير في السودان بقت معمولة من مصيبة كدا اسمها سكسبندا ولا شنو ما عارف
|
Post: #63
Title: Re: سعر الـ$ــدولار اليوم
Author: ناذر محمد الخليفة
Date: 05-11-2012, 08:52 PM
Parent: #62
92 سيخة يا خال فاطنة وبعض المصانع والشركات تعطي 93 وأحيانا 94 سيخة لجذب الزبائن ..!
|
Post: #64
Title: Re: سعر الـ$ــدولار اليوم
Author: خال فاطمة
Date: 05-13-2012, 06:09 AM
Parent: #63
| Quote: وأحيانا 94 سيخة لجذب الزبائن ..! |
اي يا ناذر اجذبنا لمن يصل الطن (4000) ما تنسا جر لي سيخة ياخ قصدي سلك ههههه موش سلك كانات عارف راسك كلو سيخ ههههههههههه
والحلبي دا رشو بسيخة هههههههه
|
Post: #66
Title: Re: سعر الـ$ــدولار اليوم
Author: د.عبد المطلب صديق
Date: 05-14-2012, 02:58 PM
Parent: #65
العلاقة بين السيخ والدولار علاقة طردية قوية بمعنى كلما زاد سعر الدولار زاد سعر السيخ والعكس صحيح ، وهذا ما اتفق عليهالمتداخلون
السبب يعود الى ان السيخ سلعة مستوردة والاستيراد يتم بالعملة الاجنبية والمستوردون قلة من الناس ولديهم المعلومات الكاملة عن اتجاهات سعر الصرف ومعلوماتهم تتفوق على ادارة النقد الاجنبي ببنك السودان .
الحديد المصنع محليا هو في الواقع مستورد حيث لا توجد صناعة حديد حقيقية في السودان وما يوجد هو عملية تدوير للخام ليس الا recycling
وبالتالي فالخام ايضا يتم استيراده ويجب ان يباع بسعر يوم الاستيراد على الاقل.
الموردون ومنذ تحرير الاقتصاد السوداني والتحرير بالمعني الاجرائي وليس الاقتصادي البحت أي بمعنى رفع الدعم الحكومي عن السلع وعدم تركيز العملة- منذ ذلك اليوم- المورد يبيع لكبار التجار والموزعين المعتمدين السلعة بسعر الدولار وليس بالجنيه السوداني ، لذلك التاجر المشتري يدفع السعر للمورد اجلا ولكن بالسعر الحقيقي للدولار في السوق ، ومن هنا اصبح تجار السوق اعلم الناس باتجاهات اسعار النقد الاجنبي هبوطا وارتفاعا.ومن يدقس في ذلك يخرج من السوق فورا لان المورد لن يعطيه سيخ مرة اخرى .
لذلك وخلال سنوات التحرير الاقتصادي اصبح لدينا علماء في التحليل الاقتصادي وتحليل اتجاهات النقد الاجنبي ولكن خططهم لمصلحة انفسهم وليس للدولة وهؤلاء لا يحملون اي مؤهل علمي يذكر لكنهم يحملون اخطر مؤهل هو الخبرة الطويلة الممتازة.
والسبب الاخير ان السيخ والحديد أو حديد التسليح كما يطلق عليه احيانا سلعة راسمالية ومخزن للعملة وليس سلعة استهلاكية والنشاط الاقتصادي الراسمالي يرتبط مباشرة بالسيولة وبالسياسات الاقتصادية الكلية.
|
Post: #67
Title: Re: سعر الـ$ــدولار اليوم
Author: ناذر محمد الخليفة
Date: 05-14-2012, 07:19 PM
Parent: #66
يا سلام عليك يا دكتور عبد المطلب ..!!
صدق كلامك المرتب دا غلبني اصيغوا .. لكن الحمد لله إنت وضحت بالضبط العلاقة بين سعر السيخ وسعر الدولار ..!
لكن بعد شرحك عن حال السوق داير أسألك سؤال محيرني ..!!
إنت دكتور في ياتو مجال ؟؟!
|
Post: #68
Title: Re: سعر الـ$ــدولار اليوم
Author: وضاحة
Date: 05-14-2012, 07:57 PM
Parent: #67
الدولار بكم اليوم يا جماعة ؟؟ سرييييع
|
Post: #69
Title: Re: سعر الـ$ــدولار اليوم
Author: ناذر محمد الخليفة
Date: 05-14-2012, 08:13 PM
Parent: #68
السيخ بي 5850 يا وضاحة ..
في أسرع من كدا ؟؟!!
|
Post: #70
Title: Re: سعر الـ$ــدولار اليوم
Author: ashraf mukhtar
Date: 05-14-2012, 08:19 PM
Parent: #69
الاثنين14/5/2012
الدولار يساوي 5850 للبيع
|
Post: #71
Title: Re: سعر الـ$ــدولار اليوم
Author: وضاحة
Date: 05-14-2012, 08:19 PM
Parent: #69
مكسب
وحاتك اديتن 5200
ادعى لى
|
Post: #72
Title: Re: سعر الـ$ــدولار اليوم
Author: Ashraf el-Halabi
Date: 05-15-2012, 02:32 AM
Parent: #71
سلامات د. عبد المطلب
تحليل سليم
في 2008 دخلت شراكة في مشروع صغير مع صديق في السودان، لحال السودان المعلوم المشروع خستك وبقى دخله أقل من المنصرف.
قررنا نفض المشروع وكل زول يشيل نصيبه. لما جينا لحتة أصول رأس المال بقى المبلغ الحأسترده بالسوداني مقابل سهمي في رأس المال يعادل أقل من نص المبلغ بقيمة الدولارات الساهمت بيها
من ديك قررت أي تعامل تاني لقدام أحسبه بالدولار
ـــــــــــــــ
بالمناسبة يا ناذر مشروعك الزمان داك وصل وين؟
|
Post: #73
Title: Re: سعر الـ$ــدولار اليوم
Author: Ashraf el-Halabi
Date: 05-15-2012, 02:40 AM
Parent: #72
Quote: الاثنين14/5/2012
الدولار يساوي 5850 للبيع |
يا أشرف دا الخالق الـ (ناذر) سعر طن السيخ!!
أعرشي على خمستون وثمانوماءة وخمسون مما يعد وينقد أهل السودان يا وضاحة
|
Post: #74
Title: Re: سعر الـ$ــدولار اليوم
Author: Abdlaziz Eisa
Date: 05-15-2012, 07:34 AM
Parent: #73
Quote:
ما قدرت أعرف العلاقة شنو بين سعر السيخ وسعر الدولار، إلا كان الحديد هو الغطاء النقدي لعملتنا!! |
ههههههههههههههههههههههههه
يا أشرف
انت تحفة ومكانك بوست الموج ولا شنو كدا نورة!!!!!!!!!!
|
Post: #75
Title: Re: سعر الـ$ــدولار اليوم
Author: عبدالله احيمر
Date: 05-15-2012, 09:59 AM
Parent: #74
| Quote: خال فاطمة: أساساً (لينيا) دي تبع ياتو وحدة قياس؟ |
اشــرف
خلينا نخت لينا ســيخة مع خال فاطنة
اللينية هي من البوصــة
البوصـة فيها 8 لينيات , و على كدا الينيا = واحد / تمانية من البوصة
يعني لما يقول ليك 4 لينيا يقصـد نص بوصـة = 12.7 ملم ( تقريبا )
و الله اعلم
|
Post: #76
Title: Re: سعر الـ$ــدولار اليوم
Author: Ashraf el-Halabi
Date: 05-15-2012, 11:11 PM
Parent: #75
يا عزيز بوست حبيب نورة داك شفتو لكن خجلت أخش
الود دا من قعادو مع الميتين بقى حلبي عديل وما عندو أي خشى!!!!! ههههههه
|
Post: #77
Title: Re: سعر الـ$ــدولار اليوم
Author: Ashraf el-Halabi
Date: 05-15-2012, 11:42 PM
Parent: #76
سلامات ود أحيمر
الكسور داخل البوصة دي أنا ما لقيت ليها تسمية غير الشائع (one eighth of an inch)
لكن أرجح إنها (Linear) بنطق البرتش
|
Post: #78
Title: Re: سعر الـ$ــدولار اليوم
Author: خال فاطمة
Date: 05-16-2012, 01:08 AM
Parent: #77
يا ناذر والحلبي
سلام يحمل اشواق واسياخ
ود احيمر كلامك صاح وشكرن على المعلومة
ناذر ما مشيت المسلمية قريب مشتاق لها
|
Post: #79
Title: Re: سعر الـ$ــدولار اليوم
Author: Ashraf el-Halabi
Date: 05-16-2012, 10:50 AM
Parent: #78
يا خال فاطمة أنا كل ما أسمع سيخ دي أطرى الشية
يا بو النيذ أخبار السيخ شنو
هجص زي أبو الجورج ولا وهمة نزل دي هجص ساي
|
Post: #80
Title: Re: سعر الـ$ــدولار اليوم
Author: عبدالله احيمر
Date: 05-16-2012, 11:38 AM
Parent: #78
دققان الدلجة المفاجيء للدولار ده شنو ؟
ارتفاع كبير للدولار ...... $$$$$$
يا ناذر بوسـتين واحد عن دققان و الآخـر عن رفعان
يلا جيب خبـر الســيخ عشــان نشـوف هل في دققان و لأ رفعان
|
Post: #81
Title: Re: سعر الـ$ــدولار اليوم
Author: الامين جبارة الله التوم
Date: 05-16-2012, 11:43 AM
Parent: #73
آهٍ لو تَصْدُق الحكومة.... ماذا إذا انخفض الدولار؟ عادل الباز أمس الأول بشّرنا السيد وزير المالية بأن الدولار سيشهد انخفاضاً هائلاً وقال إن الدولار يمكن أن يصل إلى ثلاثة جنيهات!!. وبحسب الوزير بناء على ما أوردته الغراء (المجهر) أن جهة ما أو دولة ما ضخّت في شرايين الاقتصاد مبلغاً مالياً ضخماً وهو ما من شأنه أن يؤدي إلى انهيار سعر الدولار في السوق الأسود. أمس الأول أكد البنك المركزي تصريحات السيد الوزير وأشار لقدرته على توفير النقد الأجنبي للقطاع الخاص بما يكفي وارداته. ماذا لوصحت هذه التصريحات التي يبدو أن هناك ما يؤكدها خاصة بعدما راجت معلومات حول مبلغ مالي ضخم أودعته الحكومة الليبية في خزنة الدولة، لو صحت المعلومة فإن أهدافاً كثيرة ستتحقق عاجلاً وأخرى آجلاً. على المدى القصير ستنخفض أسعار الدولار في السوق الأسود وقد يصل لحدود ثلاثة جنيهات ونصف أو أربعة وهو انخفاض كبير سيكون وبالاً على المضاربين في الدولار والذين اتخذوا منه سلعه لتخزين القيمة. ولكن الأثر الآخر غير المباشر هو استقرار أسعار كثير من السلع وربما أدى خروجها من المخازن وطرحها في الأسواق لانخفاض مقدر في أسعارها خاصة إذا ما ضمن المستوردون استقرار سعر الدولار واستطاعت البنوك الإيفاء بالتزاماتها تجاه البنوك الخارجية؛ والتي ظلت تشكو في الفترة الماضية من تعثر البنوك السودانية من الوفاء بالتزاماتها. إذا صدقت وعود الحكومة الخاصة بتمويل القطاع الخاص يعني ألا أحد سيسعى لشراء الدولار من السوق الأسود الذي مهما وصل سعره لن يكون في إغراء السعر الرسمي ولو ارتفع قليلاً. ما يجب الإشارة إليه هنا هو أن الحكومة قد استطاعت من خلال عائدات الذهب وبعض القروض الأخرى منها القطري (اثنين مليار دولار المستلم منه 400 مليون دولار) أن توفر تمويلاً منتظماً لاستيراد السلع الأساسية والتي حصرتها في ثماني سلع أهمها السكر والقمح والأدوية والجازولين.. ولذا فإن احتياطياتها من هذه السلع يجعل وضعها جيداً ولن تنافس القطاع الخاص في أخذ نصيب كبير من الدولارات التي ضُخت في خزينة البنك المركزي. مع استقرار سعر الصرف لفترة معقولة بالإمكان تدفق مزيد من الدولارات في خزينة الدولة؛ فالمستثمرون الذين أحجموا عن البدء عن مشاريعهم في انتظار استقرار الأوضاع بإمكانهم ضخها إذا اطمأنوا إلى ذلك. المستثمرون ليسوا بمجانين ليدلقوا مليارات الدولارات في بلد تحفها الحروب من كل حدب وصوب.. ومن يشاهد التلفزيون يظن أن البلد كلها مشتعلة من أقصاها لأقصاها، ثم على أي أساس يمكن للاستثمارات أن تنجذب لبلد عملته غير مستقرة؟!. ليس ذلك فحسب بل إن المستثمرين يشكون بأنهم لا يستطيعون تحويل أرباح استثماراتهم للخارج فمن هو ذلك المستثمر المجنون الذي يستثمر في بلد لا يستطيع أن يحول منها مليماً من عائداته؟!. الغريب أن هناك شكوى من شركات الاتصال التي تحول ملايين الدولارات إلى الخارج رغم أن هذا ليس صحيحاً مطلقاً بشهادة بنك السودان، ولكن السؤال أليس من حق المستثمرين الكويتيين مثلاً الذين دفعوا مليارات الدولارات في (زين) أن يأخذوا عوائد أموالهم تلك؟. حاجة عجيبة. من أكثر القطاعات التي ستستفيد من استقرار سعر الصرف هو القطاع العقاري. فبعد ارتفاع سعر الدولار شهد هذا القطاع تدنياً ملحوظاً في حركته بيعاً وشراءً، وتكاد تكون أسعاره تجمدت في نقطة معنية، فأسعار الأراضي ظلت كما هي منذ مدة طويلة وتوقف البناء لتأثره بارتفاع أسعار الأسمنت الذي شهد ارتفاعاً جنونياً رغم تدفق إنتاج أكثر من مصنع للأسواق. إضافة لتجميد الإنشاءات الحكومية الجديدة مما أدى لتوقف كثير من شركات هذا القطاع عن العمل وخاصة بعد أن تراكمت مديونياتها على الحكومية وأصحبت سنداتها وضماناتها بلا قيمة. أكبر الخاسرين من تراجع أسعار الدولار في المدى القصير هم المضاربون والمغتربون الذين استفادوا من زيادة سعر الدولار في السوق الأسود في تحويلاهم لذويهم بالداخل. العجيب أن بعضهم رغم الارتفاع الذي شهده الدولار فضّل الاحتفاظ بمدّخراته بالخارج ريثما تتضح الرؤية أكثر في انتظار فوائد أكبر. إذا انخفض الدولار بحسب وعود الحكومة فإن ضرراً بالغاً سيصيب هؤلاء الذي فضّلوا بقاء دولاراتهم بالخارج. لو صدقت الحكومة فإن أوضاعاً شتى ستتحسن وتعود لطبيعتها.... آه لو تصدق الحكومة. الاحداث
عادل الباز
|
Post: #82
Title: Re: سعر الـ$ــدولار اليوم
Author: Ashraf el-Halabi
Date: 05-17-2012, 01:47 AM
Parent: #81
ود أحيمر والأمين سلامات
ناذر يبدو إنو نظريتو فشلت وظهر فرق سعر بين الدولار والسيخ فزاغ
لكن يا ناذر لو الدولار نزل والسيخ ما نزل دا طيبعي، لأنو السيخ أكيد جا بقيمة الدولار قبل الاستعانة بصديق
|
Post: #83
Title: Re: سعر الـ$ــدولار اليوم
Author: خال فاطمة
Date: 05-26-2012, 09:44 AM
Parent: #82
رأيك شنو يا ناذر ؟
Quote: ناذر يبدو إنو نظريتو فشلت وظهر فرق سعر بين الدولار والسيخ فزاغ
|
|
Post: #84
Title: Re: سعر الـ$ــدولار اليوم
Author: ناذر محمد الخليفة
Date: 05-26-2012, 01:28 PM
Parent: #83
سلام شباب ..
خال فاطنة كيفك ...
رأي موجود في ثنايا مداخلة اشرف ..
| Quote: لكن يا ناذر لو الدولار نزل والسيخ ما نزل دا طيبعي، لأنو السيخ أكيد جا بقيمة الدولار قبل الاستعانة بصديق |
وطبعا دي من عيوب التخزين لسلعة خالية الثمن وغير مضمون ثبات أسعارها
لكن هنالك انباء عن انخفاض مؤكد خلال الايام القادمة في أسعار السيخ والحديد عموما ..
|
Post: #85
Title: Re: سعر الـ$ــدولار اليوم
Author: Ashraf el-Halabi
Date: 05-26-2012, 09:47 PM
Parent: #83
ناذر فرقت معاه يا خال وشكله راسو سخن
|
|