Post: #1
Title: أيها الرجل :شريكة حياتك تفضلها موظفة ولا ربة بيت ؟
Author: فدوى الشريف
Date: 04-25-2012, 07:50 AM
هناك من يريد شريكة حياته موظفة تشاركه فى مصروفات البيت
وهناك من يريدها ربة منزل تربى العيال وتقوم بواجبات البيت والزوج فقط ؟
|
Post: #2
Title: Re: أيها الرجل :شريكة حياتك تفضلها موظفة ولا ربة بيت ؟
Author: عبداللطيف خليل محمد على
Date: 04-25-2012, 08:08 AM
Parent: #1
الانصرافي الذي يكتب باسم (فدوى)
دا سؤال في وقت زي دا ؟
دا وقت يجيبو فيه (شريكة حياة) ؟
مودين البلد دي وين انتو ؟
و تجيبا عشان تأكلا شنو و تشربا شنو و تسكنا وين ؟
بل : و عشان (تعمل ليها شنو ) ؟
؟
قوم لف ..
الشي التاني :
بعد نسمع ردك .
|
Post: #3
Title: Re: أيها الرجل :شريكة حياتك تفضلها موظفة ولا ربة بيت ؟
Author: فدوى الشريف
Date: 04-25-2012, 08:27 AM
Parent: #2
الاخ عبد اللطيف
موبالغة لكن الفاظك مالا عنيفة كدا
|
Post: #4
Title: Re: أيها الرجل :شريكة حياتك تفضلها موظفة ولا ربة بيت ؟
Author: فدوى الشريف
Date: 04-25-2012, 09:44 AM
Parent: #3
ماشايلين المادة دى ولا شنو (وش ضاحك )
|
Post: #5
Title: Re: أيها الرجل :شريكة حياتك تفضلها موظفة ولا ربة بيت ؟
Author: ismeil abbas
Date: 04-25-2012, 09:46 AM
Parent: #3
ألأخت/فدوى السلام عليكم.
ربة منزل .ربة منزل ربة منزل. ربة منزل.
ولى رأى بأن المرأة العاملة مهما إجتهدت يصعب عليها التوفيق بين عملها. وإدارة بيتها إلا فى ظروف إستثنائية.
تقديرى وإحترامى.
|
Post: #6
Title: Re: أيها الرجل :شريكة حياتك تفضلها موظفة ولا ربة بيت ؟
Author: المر
Date: 04-25-2012, 09:49 AM
Parent: #5
مجاهده
|
Post: #7
Title: Re: أيها الرجل :شريكة حياتك تفضلها موظفة ولا ربة بيت ؟
Author: المر
Date: 04-25-2012, 09:49 AM
Parent: #5
مجاهده
|
Post: #8
Title: Re: أيها الرجل :شريكة حياتك تفضلها موظفة ولا ربة بيت ؟
Author: فدوى الشريف
Date: 04-25-2012, 10:36 AM
Parent: #5
الاخ اسماعيل
لك التجلة والتقدير
شكرا على المرور
طبعا اى زول لى تقديراته الشخصية
لو من واقع التجربة مثلا او من تجارب آخرين ..
|
Post: #9
Title: Re: أيها الرجل :شريكة حياتك تفضلها موظفة ولا ربة بيت ؟
Author: ياسر السر
Date: 04-25-2012, 11:22 AM
Parent: #8
ربة منزل ربة منزل مرفوعة للدرجة المليون يا اخت فدوى وهذا رايي الشخصي لان المراة إذا حاولت تشارك في دفع عجلة حياة الاسرة ماديا تكون قد اغفلت شي اهم من الماديات وهو تنشاة وتربية جيل جديد هي التي تصنعه بتربيتها السليمه وتفرغها له وهذا الشي لا يعوض ، ولكن المال قد يعوض يوما ما ولا شنو رايك ؟؟
وشكرا على البوست الذي اتمنى ان تتلاقح فيه افكار كل المتداخلين للفائدة العامة ..
تحياتي : ياسر العيلفون
|
Post: #11
Title: Re: أيها الرجل :شريكة حياتك تفضلها موظفة ولا ربة بيت ؟
Author: فدوى الشريف
Date: 04-25-2012, 12:05 PM
Parent: #9
الاخ المحترم / ياسر العيلفون
بالطبع الفائدة العامة هى المرجوة من طرح هذا البوست
اذا مسكت الموضوع من جانب تربية وقعادها فى البيت لهذه المهمة لانها الاساس فاكيد دى الطريقة الامثل
ولا يعوض كما قلت وافضل من حاضنات ووو ام بديلة وغيرها لكن اذا كانت فى ظروف قاهرة ومضطرة فأكيد ماعندها خيار غير انها تودى الطفل الحضانة او لى امها .
فى انتظار المزيد من الاراء من اعضاء البورد
|
Post: #10
Title: Re: أيها الرجل :شريكة حياتك تفضلها موظفة ولا ربة بيت ؟
Author: Shawgi Sulaiman
Date: 04-25-2012, 11:54 AM
Parent: #8
الاخت فدوى لك تحياتي
ربة منزل
|
Post: #12
Title: Re: أيها الرجل :شريكة حياتك تفضلها موظفة ولا ربة بيت ؟
Author: مدثر صديق
Date: 04-25-2012, 12:07 PM
Parent: #10
الاخت فدوى
| Quote: هناك من يريد شريكة حياته موظفة تشاركه فى مصروفات البيت |
و في موظفة بتشارك زوجها مصروفت البيت !!!!!كل المتزوجيين من عاملات بقولوا انوا ...المره العاملة بتشتغل عشان تجيب واحدة تطبخ و تنظف ليها و تدخل صناديق ....لشراء حاجات تخصها بالدرجة الاولى و كده ..و كده
|
Post: #13
Title: Re: أيها الرجل :شريكة حياتك تفضلها موظفة ولا ربة بيت ؟
Author: فدوى الشريف
Date: 04-25-2012, 12:53 PM
Parent: #12
الاخ شوقى
شكرا على الحضور ورأيك حول هذا الموضوع
__
الاخ مدثر
ما كلهم واكيد اوضاع الاسر بتختلف فى ترتيب الالويات واحتياجاتهم كل حسب ظروفه
|
Post: #15
Title: Re: أيها الرجل :شريكة حياتك تفضلها موظفة ولا ربة بيت ؟
Author: حمزاوي
Date: 04-25-2012, 01:04 PM
Parent: #13
سيدة أعمال
|
Post: #20
Title: Re: أيها الرجل :شريكة حياتك تفضلها موظفة ولا ربة بيت ؟
Author: فدوى الشريف
Date: 04-26-2012, 07:56 AM
Parent: #15
الاخ حمزاوى سلام
وين الغيبة الطويلة دى والله كنت عايزة افرد ليك بوست اتفقدك لكن القلوب شواهد تقول حسيت كدا
دايرا سيدة اعمال
عشان الضحاكات ممووووش
|
Post: #14
Title: Re: أيها الرجل :شريكة حياتك تفضلها موظفة ولا ربة بيت ؟
Author: صلاح الدين نزلاوى
Date: 04-25-2012, 12:59 PM
Parent: #12
الاخت فدوى
تحياتى
انا افضلها موظفة وربة منزل معا
وكمان اذا كانت طبيبة او صيلانية يكون افضل ( عشان العلاج المجانى )
والنصيحة للكل( ربة البيت فقط اسألونى منها)
|
Post: #16
Title: Re: أيها الرجل :شريكة حياتك تفضلها موظفة ولا ربة بيت ؟
Author: اميرة السيد
Date: 04-25-2012, 02:21 PM
Parent: #14
Quote: )ربة منزل .ربة منزل ربة منزل. ربة منزل.
ولى رأى بأن المرأة العاملة مهما إجتهدت يصعب عليها التوفيق بين عملها. وإدارة بيتها إلا فى ظروف إستثنائية.
|
>>>>>>>>>>>>>>>>>
هذا الرأي الذي كتبه اسماعيل عباس اظنه راي معقول جدا.. وعلى الرغم من اني موظفة واعرف ان مسؤوليات العمل كثيرة وفي نفس الوقت لازم تكون مسؤولية تربية الاطفال كثيرة فمن الصعب على الزوجة ان التوفيق بين الاثنين.. وانا يسعدني ان يامرني زوجي بعدم العمل والتفرغ لشؤون البيت وادارة المملكة الخاصة( المنزل)
والله يديكم العافية
|
Post: #18
Title: Re: أيها الرجل :شريكة حياتك تفضلها موظفة ولا ربة بيت ؟
Author: عبدالله كع
Date: 04-25-2012, 03:27 PM
Parent: #17
لا هذا ولا ذاك .. !!
وريح بالك !
تحياتي يا سيد البوست والساده المتداخلين
|
Post: #19
Title: Re: أيها الرجل :شريكة حياتك تفضلها موظفة ولا ربة بيت ؟
Author: ismeil abbas
Date: 04-25-2012, 03:54 PM
Parent: #17
Quote: هذا الرأي الذي كتبه اسماعيل عباس اظنه راي معقول جدا.. وعلى الرغم من اني موظفة واعرف ان مسؤوليات العمل كثيرة وفي نفس الوقت لازم تكون مسؤولية تربية الاطفال كثيرة فمن الصعب على الزوجة ان التوفيق بين الاثنين.. وانا يسعدني ان يامرني زوجي بعدم العمل والتفرغ لشؤون البيت وادارة المملكة الخاصة( المنزل)
والله يديكم العافية |
شكرأ لك أختى الكريمة.أميرة السيد على دعم رؤيتى وشكراً للأخت فدوى لطرح هذا البوست الجميل.
لو خيرت أكثلر من مرة لأخترت ربة المنزل وذلك ليس تقليلاً من شأن المرأة العاملة ولكن رأفة بها من المعاناة التى تواجهها كما أسلفت.
ربنا أكرمنى بزوجة والحمدالله ربة منزل من الدرجة ألأولى تسعى لأسعادى وسعادة أولادى .
تقديرى لك نساء بلادى عاملة أو ربة منزل.
مع خالص تقديرى للجميع.
|
Post: #22
Title: Re: أيها الرجل :شريكة حياتك تفضلها موظفة ولا ربة بيت ؟
Author: ibrahim alnimma
Date: 04-26-2012, 08:26 AM
Parent: #19
من المؤسف أن الانقاذ قد غرزت عميقاً حتي أضحت الظروف الاقتصادية والمعيشية تؤثر في مشاعرنا ، اذ ان اختيار الزوجة ووفقاً لهذه الخيارات الثنائية (القائمة أ والقائمة ب) اصبح كما البحث عن عمل ، او البحث عن ايجار ، ياستي الواحد في الاول يختار الزوجة علي اساس مختلفة جداً التوافق او الحب ، التفضيل والحب المتبادل .......ثم بعد ذلك يتباحثان امر المعيشة ......بما فيها "إكمال التعليم ههههههههههه) يبدو ان التشوه الاعلامي قد اقعد بمشاعر الكثيرين.
اقول قولي هذا واستند هنا لاحد ضحايا الانقاذ والمولعين بها ........فهو من شدة معاناته في امر العلاج فقد فضلها تعمل في مجال يوفر له مجانية العلاج ...........| Quote: وكمان اذا كانت طبيبة او صيلانية يكون افضل ( عشان العلاج المجانى ) |
انا عرف ان الانسان يختار عمله وفقاً لرغباته ومهاراته وقدراته ........ولكن ان يختار الزوجة وفقاً لحاجته الاقتصادية !!!!!!!!
مع تاميني علي علي مداخلة الاخ عبداللطيف والشايقي اعلاه
|
Post: #23
Title: Re: أيها الرجل :شريكة حياتك تفضلها موظفة ولا ربة بيت ؟
Author: محمد يوسف الزين
Date: 04-26-2012, 08:33 AM
Parent: #19
شوفي يا فدوى يا كوزة يا مرتزقة ..
خياراتك دي..كدا ووب وكدا ووب وربع :)
أولاً المرة يا ستي بما انها كائن نقنـاق ومن فصيلة نقار الخشب، فافضل حالاتها عندما تكون مرهقة ومجهدة وتعبانة ونعسانة :) لانو بالتبعية حتخليك تنوم او تقرا كتاب أو تخش فيس بوك أو تحضر كورة وما حتسألك لانها نايمة
ومرة بالمواصفات دي الا تكون شغالة وعاشت يوم ملئ بعوادم العربات والغلاط
دا بغض النظر عن النقاش حول طبيعة العمل وملائمته الخ. وبغض النظر برضو عن اسباب انسانية استدعت شغل المرأة، مثلن أهلها محتاجين ليها ودايرة تساعدهم، أو الراجل زاتو محتاج دفرة، ودي نظرية البيت البقى زي عنقريب الجنازة وما بشيلوهو الا اربعة خليك من اتنين!
المهم المحصلة انو آخر النهار غدا ظريف لاتنين فترانين وما فاضين لبعضهم وبعديها اي زول يعمل الدايرو في حياتو :)
بدل ما تكون المرة راجية راجلها النهار كلو بسؤال واحد، ويتخلل هذا النهار زي سبعين تلفون يبتدي برايك شنو بعدين نمشي ناس فلان وينتهي بما تنسى قروش الصندوق مع العيش! وبعد تنتهي المكالمات بكون واحد تاني المنو تكون خاشي البيت داك!
عشان كدا لشغل المرأة 8 فوائد اكتر من السفر
لكن هل في housemaid * ؟! لانو احتمال المرة الشغالة اذا عندها شغل + شفع + طبيخ + راجل احتمال تتلحس عادي :)
السطر الفوق دا كتبتو مجاملة ليك ساكت 
لكن في تضحيات مرات ما بتستاهل..في مرأة طلعت للشغل لاثبات ذاتها المنكسرة بدون ما زول يكسرها، شغل جندر يعني واثبات حقوق مهضومة نظام شهاداتها كتيرة :) أها دي مشكلة كبيرة لانو في النهاية ما مستفيدة من مرتبها الرايح في قروش الهاوس ميد (بعد ما الراجل دق جرس بانو تقعدي في البيت وما تشتغلي) ورايحة في قروش صناديق آخرها ستارة ستارتين فرن مفراكتين وقسط قسطين! بالاضافة لاحتمالها لمضايقات العالم السغيل على جميع الاصعدة ورفع الضغط في الفاضي.
لكن في النهاية حتجي تعبانة وتنوم، ودا المطلوب اثباته #
دا محور y بجيك لمحور x
___________________
* ديفنتلي ما فلسفة الواحد بس بتخذ ساتر في البورد العجيب دا!
|
Post: #36
Title: Re: أيها الرجل :شريكة حياتك تفضلها موظفة ولا ربة بيت ؟
Author: عفاف أبو حريرة
Date: 04-26-2012, 03:33 PM
Parent: #19
| Quote: ربة منزل .ربة منزل ربة منزل. ربة منزل. |
Quote: لو خيرت أكثلر من مرة لأخترت ربة المنزل وذلك ليس تقليلاً من شأن المرأة العاملة ولكن رأفة بها من المعاناة التى تواجهها كما أسلفت.
ربنا أكرمنى بزوجة والحمدالله ربة منزل من الدرجة ألأولى تسعى لأسعادى وسعادة أولادى .
|
الاخ العزيز ابو احمد مما لا شك فيه زوجتك اكثر نساء الدنيا حظا
الله يحفظكم من عين خلقه
لكنن للاسف كتير من الرجال يفضلها ربة منزل
ولما يتواجد في موقف تاني يقلل من شانها ويقارنه بينها و الموظفات
وانها اقل شان منهن
صاحبة الدار سلام
|
Post: #21
Title: Re: أيها الرجل :شريكة حياتك تفضلها موظفة ولا ربة بيت ؟
Author: فدوى الشريف
Date: 04-26-2012, 08:19 AM
Parent: #14
صلاح نزلاوى لقيتك واضح والواضح مامنو فاضح
اضافة لقناعاتك دى
عن الطبيبة والصيدلانية فى ناس برفضوها بسبب انوا وقتها ما ملكها
شغل سهر وتعب برا البيت .. غير الواجبات الاصلية
واخرين عشان يتباهوا بيها وسط المجتمع نظام مرتى طبيبة وصيدلالينة والقشرات وكدا
|
Post: #24
Title: Re: أيها الرجل :شريكة حياتك تفضلها موظفة ولا ربة بيت ؟
Author: Shawgi Sulaiman
Date: 04-26-2012, 10:07 AM
Parent: #21
الاخت فدوى لك تحياتي
انا على يقين تام بأن شريكة الحياة من اهم العناصر في المجتمع ولها دور اجتماعي يفوق كل شئ وعلى قناعة انها ملكة ولديها مملكة عظيمة تحتاج لمجهود جبار حتى تستطيع ادارة تلك المملكة وارى ان الوظيفة تشتت جهود تلك المملكة بفضل تركيز شريكة الحياة يخرج للمجتمع الابن الصالح والابنة الصالحة والطبيبة والمهندس والمحامي والسياسي ، عشان كدا لابد ان تكون متفرقة تماما لان الدور اعظم وفوائده تفوق كل الوظائف هذا من جهة. وجود شريكة في المنزل لا للخدمة فقط الادارة شئ مهم وهي من يلم بكل التفاصيل الكبيرة والصغيرة.
ودور الامومة فقط يعادل كل شئ اسال الله أن يحفظ كل الامهات وان يعينهن على اداء هذه الرسالة العظيمة
|
Post: #25
Title: Re: أيها الرجل :شريكة حياتك تفضلها موظفة ولا ربة بيت ؟
Author: فدوى الشريف
Date: 04-26-2012, 10:21 AM
Parent: #24
ود الزين الفردة
حمد الله على السلامة
وين بلودك .
بمناسبة السؤال واحد سالوه قال يعرس الاولى موظفة والتانية ربة بيت .
نقلب البوست ونبدا بيه طبعا فى حالة ما اثبات ذاتها المنكسرة باتفاق بين الطرفين مع انوا هو ماقاعد يدفع حق الصندوق براها دافعاه لانو كلام البرستيج بتاع البيت دا قاعد يعجبكم رغما عن انكم بتظاهروا بانو هندام البيت دا حاجة ########ة ساااااااى .. حسى عليك الله ستارة ستارتين ديل بشكل انيق لمن يجوا قريبك اصحابك لو علقوا حتى سااااى الفضل فى الفكرة دى لمنو .. والصناديق دى ذاتا قاليك الا للستائر والمفاريك
فى حاجات تانية .
أما قراءتى لمدخل البوست ووضع المرا الشغالة والاخرى ربة المنزل
الشغالة عندها متاعب نفسية واسرية لو قلنا انها استفادت ماديا و80% لاجل العمل الباقى للبيت
ربة البيت تحس بفراغ نفسى وتمنى نفسها بالعمل لمن تشوف وضع اخواتها الشغالات
كل من الاثنين يطمحوا الى حياة أفضل
اما الخدامة دى اذا هى شغالة ومرهقة واطفال وراجل وو ضرورية لانو صعب كل الواجبات دى عليها
واخرتا يا ود يوسق استنتاجى انك تفضل الموظفة ... غير ربة البيت (يعنى انت زول انتهازى )
وش ضاحك
|
Post: #26
Title: Re: أيها الرجل :شريكة حياتك تفضلها موظفة ولا ربة بيت ؟
Author: HAIDER ALZAIN
Date: 04-26-2012, 10:31 AM
Parent: #25
| Quote: أيها الرجل :شريكة حياتك تفضلها موظفة ولا ربة بيت ؟ |
افضلها صامتة .. وتاني ان شاء الله تجيب العيد وتجي الأولى..
|
Post: #27
Title: Re: أيها الرجل :شريكة حياتك تفضلها موظفة ولا ربة بيت ؟
Author: Alshafea Ibrahim
Date: 04-26-2012, 10:38 AM
Parent: #26
تحياتي يافدوى
أي شيء بس ما تكون كوزة .. وكمان موظفة ... الحاجتين ديل لو أجتمعا في الزوجة ... نساءل الله السلامة وحسن الخاتمة ..
الشفيع
|
Post: #28
Title: Re: أيها الرجل :شريكة حياتك تفضلها موظفة ولا ربة بيت ؟
Author: ibrahim alnimma
Date: 04-26-2012, 10:41 AM
Parent: #27
| Quote: أي شيء بس ما تكون كوزة .. وكمان موظفة |
بالله يالشفيع دي تجي كيف؟ يعني موظفة في حكومة الانقاذ ، وفي نفس الوقت ماكوزة ؟ غايتو دي الا تكون مهادنة ........او انصارية سنة او او حكومة القاعدة العريضة (هههههههه)
|
Post: #34
Title: Re: أيها الرجل :شريكة حياتك تفضلها موظفة ولا ربة بيت ؟
Author: وضاحة
Date: 04-26-2012, 01:18 PM
Parent: #26
حيدر الظاهر عليك عندك قلاية
|
Post: #29
Title: Re: أيها الرجل :شريكة حياتك تفضلها موظفة ولا ربة بيت ؟
Author: فدوى الشريف
Date: 04-26-2012, 10:41 AM
Parent: #24
والله ياشوقى سليمان بينى وبينك فيه عقلانية ودا الوضع الطبيعى لكن الظروف المحيطة من نمط العيش وغيرها هى البتفرض غير الواقع دا
والامومة بلا شك هى من اقوى الخصائص الاداها ربنا للمراة عشان تعمر الحياة وربنا يعين كل ام على اداء هذه الرسالة
|
Post: #30
Title: Re: أيها الرجل :شريكة حياتك تفضلها موظفة ولا ربة بيت ؟
Author: منال
Date: 04-26-2012, 10:49 AM
Parent: #29
| Quote: افضلها صامتة .. وتاني ان شاء الله تجيب العيد وتجي الأولى.. |
فدوى ازيك ,,,
|
Post: #31
Title: Re: أيها الرجل :شريكة حياتك تفضلها موظفة ولا ربة بيت ؟
Author: Alshafea Ibrahim
Date: 04-26-2012, 11:05 AM
Parent: #30
ود النعمة
يعني تابيتا بطرس كوزة ؟ ههههه ما قالوا حكومة أحزاب وطنية وكده ...
الشفيع
|
Post: #32
Title: Re: أيها الرجل :شريكة حياتك تفضلها موظفة ولا ربة بيت ؟
Author: فدوى الشريف
Date: 04-26-2012, 11:23 AM
Parent: #31
ود النيمة
كلامك دا ذكرنى بنكتة الزول العربيتو اتعطلت فى الشارع والدنيا حر وعرقوا ينقط .. قعد يسب ويلعن فى الحكومة .. اها كمان انت سويت الحكومة غرزة .
اتفق معاك التوافق وتقارب المفاهيم و الريد و غيرها من المبادئ بين الاثنين لكن هى رغبات وطموح ووجهات نظر الرجال لشريكات الحياة فى المستقبل . واى زول بى رغبة بتاعو ولا شنو ...
|
Post: #33
Title: Re: أيها الرجل :شريكة حياتك تفضلها موظفة ولا ربة بيت ؟
Author: HAIDER ALZAIN
Date: 04-26-2012, 01:03 PM
Parent: #30
Quote: (عدل بواسطة منال on 26-04-2012, 11:08 AM)
|
ـــــــــــ
عااادي يا فردة هو لو ماكدة البيخلى الزول يقول كدة لو ما كان كدة شنو؟ ؛)
|
Post: #35
Title: Re: أيها الرجل :شريكة حياتك تفضلها موظفة ولا ربة بيت ؟
Author: اميرة السيد
Date: 04-26-2012, 02:26 PM
Parent: #33
Quote: أولاً المرة يا ستي بما انها كائن نقنـاق ومن فصيلة نقار الخشب، فافضل حالاتها عندما تكون مرهقة ومجهدة وتعبانة ونعسانة :) لانو بالتبعية حتخليك تنوم او تقرا كتاب أو تخش فيس بوك أو تحضر كورة وما حتسألك لانها نايمة
ومرة بالمواصفات دي الا تكون شغالة وعاشت يوم ملئ بعوادم العربات والغلاط
|
<<<<<<<<<<<<<<<<<<<<<<<<<<<<>>>>>>>>>>>>>>
والله يا محمد يوسف ظلمتنا ظلم الحسن والحسين
يعني معقولة تكون المرأة من وجهة نظرك بالصورة القبيحة دي ... وعند ليك سؤال واحد.. انت متزوج ولا عزابي؟ واذا كنت متزوج هل زوجتك قرت كلامك العجيب ده.. واذا انت عزابي.. الله يعلم سفينتكم تمشي لقدام خطوتين...بصراحة احتمال تكون انت سمعت بتجربة او تجربتين من اصحابك العايشين في مشاكل متواصلة مع زوجاتهم .. لكن دي حالات نادرة وما ممكن تعممها على الجميع.. وخليك منصف شوية يعني..
والله يديك العافية ويديك مرة صماء طرشاءوعمياء لا تتكلم ولا تسمع ولا ترى ولا تقول بغم( وجه ضاحك ومكشر)
|
Post: #37
Title: Re: أيها الرجل :شريكة حياتك تفضلها موظفة ولا ربة بيت ؟
Author: Hololy
Date: 04-26-2012, 04:02 PM
Parent: #35
.
.
.
.
.
.
... الراميه في بيتنا اّاّاّه
(ري ...مي ...صول ....لا..)
.
.
.
.
.
.
.
.منال
.
.
.
.
.
.
.
.
.
.
.
.اهلا
.
..
|
|