محمد عبد الماجد الصايم مطلوب حضورك...الان....بل امس.

ليه يا اخى تعمل كده؟؟؟؟
انا عملت ليك شنو؟؟؟؟

تحياتي وسلامات مهندستنا إسمارت إنتي

Quote: ليه يا اخى تعمل كده؟؟؟؟ انا عملت ليك شنو؟؟؟؟

مالو ؟؟
هبب شنو ؟؟
النصيحة لى الله الزوول دا ما زوول مشاكل ،
إلا يكون حرشوا عمر الفاروق أب صلعة




___________________

في زوول عاوز ليهو زوول في السعودية ( وعاوزو أمس )
يقوم يفتح ليهو بوست أنصاص الليالي ( بتوقيت السعودية )
يمين الله بوستك دا لقطتو ليك من على بعد خطوات من الغطسي

سلامات يا بشمهندس. و شكرًا علي رفع البوست.
انا قلت انزله نص الليل في السعودية عشان لما يصحي تكون القارات الخمسة عرفت بانه متلوِم.

غايته انا ملوّماه في موضوع تاني كده واديته شكله امس... غايته للضمان كده، كان ما قدرتي لوّمتيه في موضوعك بسلّفك موضوعي...

اعتقد انه خطاء في العنوان او عمل اراد به خير او خطاء قصد منه خير و لله اعلم

سمارت وبت الحسين!!
معناها الواحد يستسلم عديل كـدا!!










_
أيووووووا!

انا لما حذرتك منو ما سمعتى كلامى
دى اخبث ضحكه بعد ضحكت شيخ الترابى المعروفة
اهلنا قالوا السعيد يشوف فى اخوانه
اها خمى وصرى..
شفتى كعوبية الزول ده نستنى السلام ، المعنى كيف حالك ،،،

Quote: سمارت وبت الحسين!! معناها الواحد يستسلم عديل كـدا!!

يا ود الصائم إنت أخ عزيز هنا، وكان
بودي أقيف معاك، لكن أنا شغال بقاعدة
معرفة الضكير للضكير النوم أخير
علشان كدا أنا ح أقيف مع أخواتي سمارت
وبت الحسين، وح نرشك في البوست دا لمن تفهم حاجة
بس منتظر سمارت تورينا إنك هببت وعملت شنو؟!

في فيلم الافوكاتو عادل امام بيدافع عن حسين الشربيني وبيتهم رجل اعمال ذو نفوذ بانه هو من دبر كل هذه الجرائم، رجل الاعمال اعترف بس قال عنده شريك وهو عادل امام نفسه، القاضي المتضايق من عادل امام قال له وشرفى لو جبت شاهد واحد لاحبسو معاك، نط حسين الشربيني وقال انا شاهد
تحين على ود الصائم انا حسين الشربيني ومن دون ما اعرف الموضوع شنو ذاتو

البوست دا مسكول ولّ شنو؟

غايته ارجى الراجيك... سمارت فتته لي عبر الiPhone... انتظرها بس تصحى... انا غايته بتأكد انه البوست ده نوهائي ما ينزل.....

همّتكم معانا بالله يا شباب....

Quote: سمارت فتته لي عبر الiPhone..

بت الحسين .. طيب قولي ليها تختصر الموضوع
وتفتو لي في أيفوني برضو .. وبالعدم في الأيباد!!

غايتو سمارت لو قاصد مداخلة حموودي في بوست السكري, انا معاها تماما
مالك يا ولدي ... مداخلتك أغمتنا من الصباح وجا برشلونة كمّل الناقصة بالليل

أما لو طلع شي تاني فا أنا مع حموودي - ضكير واقف مع أخيه الضكير - كيتا عليك يا نذير

ترسل ليك في الiPhone! وعرض الحال الكاتباه ليك ده يمشي سااااي كده! عاد دي تلقاها عند الزول ما المنتبه نوهائي....

غايته سمارت دي رباطابية، اعمل حسابك..

ود الصايم زول فردة ... لكن في البوست دا كلنا سمارت

جبت لينا الهوا ... الواحد زايغ ليهو مدة من بوست الرابح الاكبر (مريم حتشيل حسي بيجاي)

ود البشرى و النذير .... مشتاقين و الله


____________
سمارت ... حنفي كيفنو؟

بركه الفتحتي البوست .. غباشي عامل لينا فيها مشغوووووووووول.. وهو شكله كده مخستك وزايد وزن والخواجايه فازت عليه في السباق وخسر القروش وعنده اكتئاب!

Quote: بركه الفتحتي البوست .. غباشي عامل لينا فيها مشغوووووووووول.. وهو شكله كده مخستك وزايد وزن والخواجايه فازت عليه في السباق وخسر القروش وعنده اكتئاب!

ههههههههههههه و الله ضحكتيني يا مريم (و أنا زعلان) ...
كلامك دا كلو مافي محلو ما عدا أول و آخر جملة ...
بالجد عندي اكتئاب حاحكيهو ليكم هناك عشان القى المزيد من التضامن و المؤازرة و رفع المعنويا ت
هههههههههه

Quote: ود البشرى و النذير .... مشتاقين و الله

العزيز غباشي، سلامات وأشواق ووينك يا راجل مختفي من البورد
وعاش من سمع صوتك.

Quote: العزيز غباشي، سلامات وأشواق ووينك يا راجل مختفي من البورد وعاش من سمع صوتك.

تسلم يا نذير ... و الله مشغول مع الدراسة و القراية أم دق ,
و بالنسبة للبورد فانا قارئ اكثر من مشارك ما عدا بوست النصري المذكور أعلاه
متابع بوستاتك خصوصاً بتاع اسير المهدية , روعة و الله
دعواتك يا حبيب

النبي فوقك ما تتأخر، القصة فيها اكتئاب ياخ... ما تنشغل بأي شي تاني عليك الله، امشي اكتبها لينا سرييييييييييييييع... عشان نآزرك في مصيبتك وكده..


ابداً ما حيكون في اي شماته والعياذ بالله..

هسي انا المزعلنى انه ما شغال بالموضوع....
تتلوم اللوم ده كلو و ما تجى البوست تقول معليش يا جماعة ؟؟؟؟

غايتو يا ود الصايم الحكاية شكلها زعلة (تكنلوجية)
ليها علاقة بالآيين, يعنى الآى فون والآى باد,
إسمارت دى ما بترضى فيهن تب, تلاقيك (مهملُن),
أو شكلك عاوز (تجلكس), أى تجيب ليهم ضرة جلاكسى,
"حأه لو كان ده صحيح, دانت تستاهل الدبح على كده, يا خلبوص"
إعترف, نيّلت إيه؟؟!!!!

مريوم...شكرا يا اختى على لوم ود الصائم معاى...عارفاك ما بتقصري....

حاتم تاج السر المبارك, ما فى اى غلط فى العنوان. هو ود الصائم و افعاله الغير محتملة.

صديق الموج....شكرا جزيلا...فعلا السعيد يشوف فى اخوانه. لكن عاد صاحبنا ده ادى زول واحد فرصة؟؟؟؟

النذير...وينك يا رجل؟؟؟
زمان ما كنت بتقول على اجدع من ايوها راجل!! هسي بقيت فى شنو كده ما عارفه؟؟؟
بالمنسبة انت و محمد البشري ذاتكم محتاجيين شكلة. لكن خلينا نخلص من ود الصائم فى الاول

محمد عمر الفكي ما بتقصر و الله.
ود الصائم باين عليه كتيرين عاوزين فيه فرصة. خلاص غايتو...خليك قريب


محمد البشرى ما تستعجل ساى...انت ذاتك دورك جاى

غباشي...

Quote: ود الصايم زول فردة ... لكن في البوست دا كلنا سمارت

ايوه كده ده هو الدعم الغير محدود. و الله يا ولدنا ما بتقصر.
لكن بالجنبه كده (من غير ما زول يسمع)..كلام مريم ده صحى؟؟؟؟اعمل حسابك من الخواجية...
مريم تعرفى يكون غباشي ده قبض القروش و عامل لينا فيها عندو اكتئاب عشان ما نقول عاوزين حقنا.

Quote: سمارت ... حنفي كيفنو؟

و الله انا يا غباشي ذاتى عندى اكئتاب...و السبب حنفى
حنفى لما جبتو البيت اهلوه قالوا انه ما محتاج غير كوره صغيرة و موية و اكل. يا زول جبناه البيت اديناه اوضة ظريفة و صورناه و نزلنا صوره فى النت. و سميناه و ضبحنا الخروف و اكلنا السماية. و كلو تمام. تانى يوم حنفى بقى مضايق. فتشتف فى النت. طلع حنفى بيجيه استرس لو قاعد فى كورة..و لازم يقعد فى حوض سعته 10 جالون بطرمبة و فلتر. او بالعدم لازم مويته تتغير كم مرة فى اليوم. و المويه لازم تكون مياه مفلترة (ما فيها كلور)و لازم يتكب فيها كوندشنر. و لازم تتغير براحة و الا حنفى ح تجيه نفسيات. و حنفى لو كبيت ليه اكل كتير بياكله كله و ممكن يموت من الشبع.المهم الموضوع طلع برناااامج. و شغل كتير انا ما عندى ليه اخلاق. قمت قلتا خلاص انا استحمل لحدى ما حنفي يموت باسباب طبيعية ( عامل السن و كده) و مع بحث شويه كده لقيت ان حنفى و اهله ممكن عادى يعيشو 20 سنة
يا لهوتى....20 سنة. انا اولادى اول ما يتموا 18 سنة و يمشوا الجامعات تانى ما عاوزه اخدم واحد فيهم. يجوا هم يخدمونى. ح اخدم حنفى 20 سنة؟؟
يا زول ضربت تلفون لاى زول بعفوا فى امريكا دى...يا جماعة زول عاوز حنفى؟؟؟كل الناس طلعوا فاهمين اللعبة. ناس المكتب قالوا لى انتى ما نصيحة ؟؟؟كلنا حصل لينا الفلم ده. و الحل؟؟قالوا لى ادعى بس ان حنفى يموت براه.ما تشتغلى بيه كتير و ح يموت من الزعل. انا حقيقى ما هاين على. و حاليا بغير لحنفى المويه كل كم ساعة و بصحى نص الليل اشوفه عامل شنو. و شكله من ما يشوفنى جايه بيمثل انه مضايق و عندو نفسيات.
الان انا ما عارفه اعمل شنو مع حنفى. ما فى زول عاوزه و انا ما بقدر على الخدمة دى كلها. و عندى اكتئاب.


________________
حنفى ده سمكة

رشيه رشت بشه ولا رشة البرشاء زاتو

عبدالله شمس الدين

Quote: غايتو يا ود الصايم الحكاية شكلها زعلة (تكنلوجية) ليها علاقة بالآيين, يعنى الآى فون والآى باد,

{الآيين} دى بالغت فيها.
تعرف؟ المشكلة انه ما عاوز يعترف و يتاسف...

abas

Quote: رشيه رشت بشه ولا رشة البرشاء زاتو

..ما تشيل هم ..ما بقصر معاه كلو كلو

كامل تضامني مع اخي وصديقي ود الصايم



ـــــــــــــــ

بس وريني هببت ايه عشان ما اتورط معاك ساي

Quote: دى اخبث ضحكه بعد ضحكت شيخ الترابى المعروفة

يعني

لو رايت انياب ود الصايم بارزة تنا

فلا تظننه يبسم

ولا شنو

اسمارت عندي سوال عن الاياي باد 3

بس بعد ما تخلصي من جلدة ود الصايم !!!

كامل التضامن معاي والله!!

معقولة يا سمارت الراجل المبتسم دائما ده بيوجهو ليه لوم .. وحتى اذا غلط في حقك يكون ما قاصد وبيهظر...
شوفي هو اظنه طول ما شارك في المنبر العام عشان مكسوف يقرا لومك.. والحمد لله ظهر من جديد..
والله يديكم العافية

هسع بالله عليك يا سمارت مساهرة بينا من أمس... ود الصايم.. ود الصايم لحدي ما ( فرحنا ) لمشاهدة ( شكلة كاربة مكربة )
يقوم ود الصايم يجي ناطي بشحمو ولحمو
تقوم شكلتكم تطلع زي ( شكلات حناكيش الخرطوم ) في السبعينات والثمانينات
- اضربني .. لو راجل..
- لاأا ...أبدأ إنت وأنا ح أوريك
- لاأا.. أنا ما ح أبدأ عشان ما أكون خاتي عليك
- ....
-.....

وهكذا حتى يأتي من ( ينهرهما ويتفرقان )


___________________

عندكم شكلة ولا نمشي ننوم ؟؟

Quote: كامل التضامن

غايتو

التضامن دا بعرفو

لكن كامل دا منو ؟؟؟!!!

زرة .. زرة

اوع يكون كامل الدسم

او كامل الاوصاف

ساميه حامد اهلين بيك. انا متاكده انك ح تضامنى معاى.

عماد الشبلي...اسال طوالى. اصلوا ود الصائم موضوعوا ده ح يكون طوييييل

ود الصايم..

Quote: كامل التضامن معاي والله!!

ايوه....حاول تجمع اكبر قدر من التضامن. ح تحتاج ليه

عاطف عمر

Quote: وهكذا حتى يأتي من ( ينهرهما ويتفرقان ) ___________________ عندكم شكلة ولا نمشي ننوم ؟؟

ديل بالغت فيهم و الله.
احنا شكلتنا دى ح يكون ليها ضل.

طيب يا جماعة....شكلكم كلكم بيهمكم امر ود الصايم ده....او كمان جايين شماته ساى

نجى للجد....
للبهمهم امره...عاوزاكم تشاكلوه معاى.

من مداخلات ود الصايم فى البوست ده :
بشرى لمرضى السكر والمؤهلين للسكر‍ هانت
و رد مريم عليه هناك....مفروض كل البيهمهم امر ود الصايم يلزوه لينا هنا:
Sudaneseonline Biggest Loser

الموضوع ده ما ساهل يا ود الصايم. تعال لينا بهناك و ح نونسك و ندعمك معنويا
اها ...قلتا شنو؟؟؟؟؟؟؟
________________________________________
انا عارفه انك ممكن هنا ده تجى تقول لى المضوع ده ما بيخصك. و ما تتحشري فى ما لا يعنيك. و عندها ح اعتذر و اقفل البوست.

Quote: انا عارفه انك ممكن هنا ده تجى تقول لى المضوع ده ما بيخصك. و ما تتحشري فى ما لا يعنيك. و عندها ح اعتذر و اقفل البوست.

غايته سياسة تحسيس الزول بالذنب حقتك دي، بتخليني اتضامن مع برعي جداً....

ما اعتقد انه بفوز ليه في نقاش معاك....


ود الصايم

اسمك
عمرك
طولك وزنك

وانا ما حأقبل no as an answer، ما حأتحسس زي سمارت صاحبتي دي... ود حساده عديييييييييل سببها الكنتاكي الاسبوعي!

سحّار أنا
_____________________

الله يديك العافية و الصحة يا حموودي و يبعد عنك الألم و التعب
بالله أخد كلام خالاتك سمارت و بت الحسين دا بجدية

Quote: بالله أخد كلام خالاتك سمارت و بت الحسين دا بجدية

يا هندسة
الكضب خيبة
سمارت الـ إنفيسيبل دي ممكن تكون صحي صحي خالتو وممكن تكون ظلمتها
لكن بت الحسين دي ظلمتها ظلم الحسن والحسين
الله عالم وشاهد ..
( نهاية الثمانينات ) القريبة دي وأنا عريس جديد أخونا د. أحمد مصطفى الحسين عمل لينا دعوة فخيمة.. وأختنا علوية ( الفنجرية ) أبدعت في المطايب من كل صنف ولون.. مريومة دي طفلة صغيرة كانت نجمة الحفلة من يد ضيف ليد ضيف آخر .

تقول لى خالة ود الصايم
الزمن داك ود الصايم يكابس في تأشيرة الخروج

يا هندسة ولا يهمّك نعدّلها لـ أخواتك
و العتبى لبت الحسين و سمارت

ود الصائم، انا و مريم ما ح نخليك.


و يا بشمهندسين، و الله ما فارق معاي، خالتوا، عمتوا، يا ود الصائم لو عاوز ممكن تقول لي حبوبة.
يا اخي انا و كوستاوي قرينا الابتدائي في كوستي الابتدائية المختلطة، بكون في مقام خالتك. ^_^

إذن العتبى لبت الحسين فقط

كدي النسالك يا محمد البشري انت اي دفعة في هندسة؟
تلاقيك هسي دفعة د. عبد الرحمن كرار. او كمان سامي شريف^_^

Quote: كدي النسالك يا محمد البشري انت اي دفعة في هندسة؟

رد يا ود البشرى
القال ليك تتشالق وتقول (خالتو) منو!
____________
يا سمارتينـا بستـفة ود الصايم انتهت ولا التقيل جاي ورا؟!
صلحي النهاية عشان الفلم يطلع سمح :)

النصيحة لله يا محمد يوسف يا اخي ما دايره أطول لساني شديد يقوم يقول لي و انتي اصلا مالك و مالي!!
عاوزه يجي و يدينا ( حبة) وش كده و بعدها عينك ما تشوف الا البشتنه و البستفه^_^
بعدين ( ود اختنا) ود البشري ده ذاتو مفروض يشرفنا في البوست إياه.

Quote: ليه يا اخى تعمل كده؟؟؟؟ انا عملت ليك شنو؟؟؟؟

إزيّيك يا سمار
إزيّيك يا صايمنتود

الراجل ده عمل شنو يا بتنا .. شليفكم صارفين عربي كتيييير في البوسط ده لذلك ما قدرتا اتابع

ناس البورد , بقيتوا تنقوا كتييييير كده مالكم ؟!

يا سمارت طالما اتطمنا على لياقتك بيجاي، ساعدونا باللينكات بس

Quote: ما دايره أطول لساني شديد يقوم يقول لي و انتي اصلا مالك و مالي!! عاوزه يجي و يدينا ( حبة) وش كده و بعدها عينك ما تشوف الا البشتنه و البستفه^_^

غايتو ( الإستدعاء ) العملتو مهندستنا سمارت من أول أمس دا ،
كان عملوهو أهل المشاكل الصحي صحي
زى الوكت دا البوست كان في الخور.... في أماااان الله
سمارت لسع في ( التكتيكات )


جالك كلامي ....؟؟

المثال أعلاه ظابط ولا لا ؟؟

ههههههه انت زعلت يا سمارت
انا دفعة تسعين الدفعة المنحوسة اول ناس اتطبق فيهن التعريب و الدفاع الشعبي و الغاء السكن و الإعاشة
يعني انا اطلع خالك انت و جدو لي حموودي - بإعتبارك خالته

بعدين خالاتو الفوق البلّعني ليها عاطف ما القصد فيها بالعمر بل بالمحنّة و الإهتمام الفي الموضوع
كلّنا والله هزّتنا مداخلتو و خاصة بعد ترحّمو على دكتور مجدي في آخر المداخلة
لكن انت مشكورة اهتميتي بإنك تكتبي بوست

اها يا خوانا نرجع للموضوع بعد دا و اضمن ليك حموودي ما ح يقول ليك مالك ومالي
كان بالغ ممكن يدخّل الكلام باليمين ويطلّعو بالشمال, لكن ما بغلّت عليك - حفيدي وانا عارفه هههههههههه

عارف يا ود البشرى أنا يا دوبك البوست والشغلانية كلها وقعت لي
عملت تريسنق من مداخلتك الفوق ومشيت لبوست السكر ومداخلة ود الصايم الصافية

سامحيني يا سمارت

ونحاول نرجع للموضوع
أبداهو أنا

بدأ مرض السكري مع المدام أثناء حملها بكريمتنا الأولي واختفى تماماً بعده ( يعني القابلية موجودة .. هكذا فهمنا وهيأنا أنفسنا )
مع كريمتنا الثانية إستمر نفس الفيلم .. سكري وأنسولين أثناء الحمل وإختفاء تماماً بعد الولادة
بعد ولادة إبننا ( أمين ) في 1998 لم يختفى السكر بل إستمر معها ...
أجهزة القياس كانت متاحة لدينا في المنزل .. نفحص بصورة دورية
ورغم ذلك .. تفاجأت في العام 2001 أنني مصاب أيضاً بهذا المرض ( وتلك قصة فيها من الطرفة الكثير )
منذ ذلك التاريخ ونحن نتعامل مع السكري بما ينبغي أن يكون عليه الإلتزام من تناول الأدوية في مواعيدها وتجنب ما يقود للإخلال بمستوياته.
لا نكذب ( النفس غلابة )... تخذلنا مرات ومرات بشهواتها
نضعف أمام المجاملات الأسرية والأخوانية ( عليكم الله أكلوا دي وأمشو أبلعوا حبتكم )
لكن نحاول ما استطعنا سبيلاً أن يكون المعدل التراكمي أقل من ( 7 ) كما ينصح الأطباء ... حتى الآن ناجحون بمقدار كبير والحمد لله

يمكنني أن أقول أننا قد تعاملنا معه بجدية تامة .. وبدون تهويل وتضخيم وربما بسخرية ( دون إستهتار ) .
أظن أننا قد تصالحنا معه وربما صادقناه

لم يكن في الأسرة من ناحيتي أو من ناحية المدام أى تاريخ لمرض السكري

نحن من بدأ هذا التاريخ ... ولله حمداً كثيراً

نحاول وفق ما نستطيع أن نجنب أبناءنا هذا المرض .. أتمنى أن نوفق

ود البشري... قلت لي خالة ود الصايم.... غايته الحمدلله، استاذ عاطف جاب النجيضة ووضح ليك بلا يقبل الشك انك بهتني لياتو درجة....

سمارت بالله ود البشري ده ما تخليه...

استاذ عاطف.. والله اثّرتني مداخلتك وخوّفتني في نفس الوقت.. لانه احنا برضه ما عندنا تاريخ سكري وراثي في اسرتنا، لكن عندي عمّي جاه (مكتسب)... وانا لما ولدته محمود ولدي كان عندي سكّري.. وهو اتولد طفل كبير بسببه، واخد انسولين اول ساعتين من حياته عشان يوازنو مستوى السكر في دمه.. لكن طبعا الاتنين ما استمر معانا وبقينا كويسين... ما كان سكّري محتاج أدوية، كان بس محتاج منّي محافظة، ونجحت بصورة كبيرة في اني احافظ... الحمدلله بي ليلى ما جاني... لكن زي ما قلت القابلية موجوده... غايته بشكل عام انا ما بشرب سكر مع الشاي... وباعده نفسي عن الحلويات بشكل عام عشان خاطر احافظ على وزني... بعمل رياضة بأكبر انتظام اقدر عليه مع مسؤوليات البيت والاولاد... لكن بقدر اقول اني راضية عن مستوى اهتمامي بالموضوع ده... مشكلتي الcarbs... دي عايزه ليها وزنه شويه...

ود الصايم... تعال نعمل اتفاق، معاك لحدي الجمعة الجاية دي، اكل الكنتاكي بتاعتك وودّعها تماااااام... ونحدد ممكن تاني كل مره في الشهر تاكلها بعد ما تبدا تتابع السكّر بتاعك ومستوياته....

ما تطنّش عليك الله... ما اعتقد سمارت كتبت البوست ده لو ما خاااايفه عليك... وبالجد اتخلعنا من مداخلتك...

انا غايته باخد رقم المدام وبحرّشها ... اخير تجي بالحُسنى...

خالتو سمارت خدي راحتك ع الآخر
آخر الأسبوع بكون معصور شوية بره النت

شرحو لخالتو بت الحسين وجدو أبو حتوت

Quote: شرحو لخالتو بت الحسين وجدو أبو حتوت

ههههههههه وا حلاتي دي يا ناس


بت الحسين ما قلنا لك العتبى

Quote: لكن زي ما قلت القابلية موجوده... غايته بشكل عام انا ما بشرب سكر مع الشاي... وباعده نفسي عن الحلويات بشكل عام عشان خاطر احافظ على وزني.

كويس مادام الموضوع وصل للحته الجميلة دي
خلوني أشارك شوية ..

السبب الرئيسي لظهور السكري النوع الثاني هو الدهون
(زيادة الأحماض الدهنية بالبلازما)
و ليس الإفراط في تناول السكر كما هو منتشر شعبيا ..

الأبحاث الحديثة تتكلم عن قابلية وراثية للإختلال في عمل خلايا الإنسولين
كسبب أولي و رئيسي أكثر من قلة فعالية الإنسولين المنتج Insulin - resistance

يمكن أن يكون المرء مفرط الوزن Obese بدون أن يطور السكري إذا سلم من إختلال خلايا الإنسولين
و لكن زيادة الوزن لا تزال هي عامل الخطر Risk Factor الأكبر في ظهور المرض
(تعكس مستوى الدهون بالدم التي تؤثر على مستقبلات السكر بالخلايا)

لمن كانت له قابلية للمرض ..
يمكن إستهلاك المقادير العادية من السكر في الشاي و الحلويات
و يجب تجنب الدهون المشبعة saturated fatty acids
مع الحفاظ على الوزن الطبيعي و ممارسة الرياضة بإنتظام


لو الله هون حأجي أتكلم ليكم عن الفسيولوجيا المرضية Pathophysiology للمرض
و سبب ظهور المضاعفات المزعجة و المدى الزمني المتوقع لها ..



شكرا يا إسمارت على هذه الهمة
نحن كلنا بنحب ودالصائم ده
لكنك كنت المبادرة فـ well done


تحياتي للجميع

مريوم...شفتى الرجال و حركاتهم؟؟؟؟
ناس مسكوا فى خالتى و خالتك. و ناس قالوا الفلم اخراجوا ما كويس. و ناس تانيين جوا قالوا اخدوا راحتكم و شتتوا


محمد يوسف الزين
لا ...ما تشيلم هم...لسه براية و شكالة
الحاصل يا سيدى انه فى بوست جنى ده:
بشرى لمرضى السكر والمؤهلين للسكر‍ هانت
ود الصايم دخل قال:

Quote: غايتو أنا عامل خرمجة تقيييلة!!! كان جاكم خبرو قريب ما تستغربوا عضو أساسي في النادي من كم وكمين سنة!! + الأم + الأخت الكبيرة + الزوجة + أبوي الله يرحمه + 8 من خيلاني حفظهم الله + 7 من أعمامي ـ أبقاهم الله! غايتو ديل القدرت أحسبم سريعا مارش!!! المشكلة إني متزوج بت خالتي (عضو أصيل في النادي) وأمها محسوبة في القائمة بالإضافة لأبوها وأختها الكبيرة برضو وأختي متزوجة ود عمي (برضو تبع المنتخب)! الجميع يستخدم إنسولين وعاملين أزمة في الصيدليات أها ديل تايب كم يا ربي _ رحم الله د. مجدي الشيخ

و دخلت مريم اختى و قالت ليه:

Quote: انا قلت اقدّم دعوة للجماعة العايزين ينقصوا وزن انهم ينضموا لينا في البوست بتاع النصري Sudaneseonline Biggest Loser دعوة خاصة لود الصايم، وتعال النشاكلك كمان! انت مفروض تكون شغال مسلوق في مسلوق... ده غير انه اطفالك حيكون عندهم قابلية عاليه بسبب الوراثة (بعيد الشر عنهم)... فإنتو مفروض في البيت يكون عندكم نظام غذائي صارم عشان الاطفال الله يحفظهم... انا غايته ما بعرف طريقة أكلك كيف، لكن غايته مااااااا اعتقد انك متبع النصايح الفوق دي....

و حقيقى باين انه فى ناس كتار انتبهوا للمداخلة و منهم اخونا السحار ود البشري.
و انا شخصيا قررت اعمل حاجه . و الحاجه الوحيده اللى ممكن اعملها انى افتح بوست اشكاله و و نلزه لبوست النصري ده:
Sudaneseonline Biggest Loser
و نحاول انا و مريم و النصري و العوض و نجاة وغباشى و ابتهال و امير و محمد الحاج طحنية و القلب النابض و كل المشاركين فى البوست نساعده.

محمد البشرى الخضر اكيد يا اخى انا و مريم فهمنا قصدك بخالات دى. و حتى لو قاصد جد, العمر و الكبر ما عيب يا اخى...طول ما الزول عاش حياته بما يرضى الله (و استمع فيها)...احم احم.
مداخلة ود الصايم فعلا هزتنى جدا. و اقل حاجه ممكن نقدمها ليه هنا اننا ندعمه معنويا انه يعمل حاجه.
بالمناسبة احتمال نكون اتلاقينا فى الجامعة...لو كنت من نوع الناس اللى بيجوا يتحاوموا بعد التخرج و قبل استلام الشهادات

سلامات يا عاطف عمر
شكرا جزيلا على مشاركتنا تجربتك و ام الاولاد مع السكرى. اظن ان المفتاح فى :

Quote: يمكنني أن أقول أننا قد تعاملنا معه بجدية تامة .. وبدون تهويل وتضخيم وربما بسخرية ( دون إستهتار ) . أظن أننا قد تصالحنا معه وربما صادقناه

ربنا يديكم العافية.

اسمارت

السوال هو

هل الاي باد 3

بيسخن والبطارية ضعيفة ؟؟؟

واحد زميلنا اشتراهو ورجعو

بعد اكتشافة لهذا العيب

ود الصايم انجلد ولا لسا .؟؟؟

سلامات يا محمد قرشي عباس...
طبعا بعد ما شفتا تنظيرتك الطويلة * دى مشيت فتحت البروفايل....طلعتا دفعة يا اخى. صحباتى العزيزه جدا(حقيقى احنا صحبات من تانية ابتدائي لحدى الان) دفعتك فى طب الجزيرة.

طيب....شكرا على المداخلة المهمة و المفيده. لكن عندى اسئلة. انت قلت:

Quote: السبب الرئيسي لظهور السكري النوع الثاني هو الدهون (زيادة الأحماض الدهنية بالبلازما) و ليس الإفراط في تناول السكر كما هو منتشر شعبيا ..

و قلت:

Quote: و لكن زيادة الوزن لا تزال هي عامل الخطر Risk Factor الأكبر في ظهور المرض

احنا (العامله) بنقلل اكل السكر عشان ننزل وزننا اللى هو اكبر عامل لظهور المرض. عدم اكل الدهون كتيرة و اكل الخضار و الفواكه مفروض تكون من نظامنا الغذائي اليومى.

قلت برضو:

Quote: لمن كانت له قابلية للمرض .. يمكن إستهلاك المقادير العادية من السكر في الشاي و الحلويات و يجب تجنب الدهون الغير مشبعة unsaturated fatty acids مع الحفاظ على الوزن الطبيعي و ممارسة الرياضة بإنتظام

عادية دى كلمة نسبية جدا. و احنا فى السودان عموما استهلاكنا للسكر كبير جدا (مقارنة بباقي شعوب العالم). عشان كده تعليق ذى ده من دكتور خطر جدا جدا. و ممكن لو ربنا هون ندخل فى التفاصيل.
حقيقى انا كنت فاكره ان ال saturated fatty acids هى المضرة جدا و يجب تجنبها. ام ده موضوع تانى !!!

Quote: لو الله هون حأجي أتكلم ليكم عن الفسيولوجيا المرضية Pathophysiology للمرض و سبب ظهور المضاعفات المزعجة و المدى الزمني المتوقع لها

يا ريت..و كلنا ح نستفيد
شكرا جزيلا تانى


___________________________________________
* و الاكيد مفيدة جدا جدا.

الاخ محمد عبدالماجد الصايم
نوجه لسعادتكم دعوة رسمية للانضام الى مجموعة الخاسرين العظام....
نلفت انتباهكم ان اعضاء المجموعة لهم كل الصلاحيات فى استخدام كل
الوسائل القانونية وغير القانونية لتحفيز باقى الاعضاء لتحقيق
اهدافهم المرجوءة .....
نحن فى المجموعة نستفذ بعضنا البعض حتى نساعد فى افتعال ثورة داخلية
ضد الكسل والركسلة والترطيب .....

انا ..مثال بسيط... استطعت تحقيق معجزة ما كان لى ان احقهها بدون دعم
واستفذاذ اعضاء المجموعة ..المعجزة هى توقفى التام عن استهلاك اى سكر
مع انى لا اعانى من مرض السكر ...يمكننى ان اشرب كباية شوب كاملة من موية
السكر تلاته مرات فى اليوم ولا اخاف من اى مضاعفات ...رغم ذلك استطعت بفضل
الله ودعم اللوزس الاخرين الاقلاع تماما من تناول السم الابيض الاسمه سكر ....
تعال بهناك ... اخد ليك هرشة هرشتين لكن فى مصلحتك ..
ومن حسى اقول ..حكاية انا مشغول وانا جارى دى ما بتاكل عيش...
ابقى راجل ودق صدرك وطالعنا وراء الميدان الورا...
لا قرضتنا لا قرضناك
والله الموفق

عماد الشبلي

Quote: هل الاي باد 3 بيسخن والبطارية ضعيفة ؟؟؟ واحد زميلنا اشتراهو ورجعو بعد اكتشافة لهذا العيب

ايوه. ال اى باد 3 بيسخن اكتر من 2. ابل قالت انها عاااارفه بالموضوع ده و بانه ما مشكلة. و الجهاز بيسخن لما تكون شغالة فيه العاب فيها قرافك كتيرة.
البطارية ضعيفة ده ما شئ طبيعى. معروف ان بطارية 3 افضل من بطارية 2 لكنها بتدى نفس زمن التشغيل بتاع 2 لانه الشاشة بتاعة 3 خرافية و بتحتاج طاقة اكتر عشان الالوان تظهر بالجمال داك كله.
احتمال فى عيب فى بطارية الجهاز اللى اشتراه صحبك. مع ان الاحتمال ضعيف جدا لكنه وارد.

شكرا يا النصري .....عليك الله حاول معانا تانى لو الصايم ده

سمارت شكرا

زميلي قرا الان معي اجابتك وبيشكرك

وانا كمان ...

واصلي جلدك لود الصيايم

وعين الله ترعاك

نجى لاخونا ود الصايم...

ليه كده يا اخى؟؟؟ (أن لبدنك عليك حق). ان ما بحب النقة (او متخيلة روحى ما بحبها) عشان كده ما ح انق فى اللى فات. القالته مريم كفاية. لكن عاوزه اقول ليك ذى ما قال النصري:

Quote: ابقى راجل ودق صدرك وطالعنا وراء الميدان الورا...

و ما تقول ما عندى زمن. احنا كلنا شغالين و عندنا مشغوليات. مريم دى ماشاء الله عليها عندها اولادها فى ايدها و شغالة و بتقرا. انا عندى بيبى عمره شهور و اطفال تانين غيره و ح انزل الشغل بعد كم شهر.النصري عندوا وظيفة غير الشغل البزنس بتاعه. غباشى طالب دكتوراة و مزنوق زنقة شديده. ابتهال و نجاة و العوض كلنا عندنا مشغوليات كتييرة. انا عشان اتريض الان ببدا الرياضة الساعة 10 مساء. و سببى انى بيجينى سكرى مع الحمل. عشان كده لازم اعمل حسابى شديد و اتريض.
انا عارفه ان كسر العادات من الحجات الصعبة جدا. الان ما عاوزين منك غير انك تتمشى كل يوم ربع ساعة. ربع ساعة بس. و تكتب اى شي بتاكله فى ورقة. ما ضررووى تنزلوا لينا...بس اكتبه انت و كل يوم عاين اكلتا شنو و متين. مطلوب منك تمر كل يوم على البوست و تقول عملتا شنو. حتى لو ما اتريضت قول انك ما اتريضتا و استحمل البرى.

هنا يا ود الصايم و امام كل جمهاير سوانيزاونلاين...كل الناس اللى فى البورد (و عزيزى القارى برضو ) احنا اللوزرس بنتحداك....ح تقبل التحدى؟؟؟؟؟؟

العزيزة سمارت*
سلامات كتيرة ..

و أول حاجة خليني أعتذر عن اللخبطة الفاتت علي دي**

Quote: حقيقى انا كنت فاكره ان ال saturated fatty acids هى المضرة جدا و يجب تجنبها. ام ده موضوع تانى !!!

كلامك صاح تماما !!
الدهون المشبعة (أي كل روابطها مشبعة بالهايدروجين) هي الضارة
لأن الجسم ما بيقدر يحولها لغير مشبعة و بيتورط معاها شديد

لكن رب ضارة نافعه ..
لأنك ذكرت الكلام ده برضو في معرض التنبيه المفيد

Quote: عدم اكل الدهون كتيرة و اكل الخضار و الفواكه مفروض تكون من نظامنا الغذائي اليومى.

ذكرتيني بحث قريته من مدة حول فائدة الدهون الغير مشبعة في الحماية من أمراض القلب و السكري
و الجميل إنهم بيحاولوا يصلوا للكمية المناسبة منها (شكلها كتيرة نسبيا)***

فموضوع التغذية في السكري ده محتاج ليهو مختص تغذية بالجد
ممكن جدا يكون في نظام معتدل يوازن بين السلامة و المتعة بالطعام

Quote: عادية دى كلمة نسبية جدا. و احنا فى السودان عموما استهلاكنا للسكر كبير جدا (مقارنة بباقي شعوب العالم). عشان كده تعليق ذى ده من دكتور خطر جدا جدا. و ممكن لو ربنا هون ندخل فى التفاصيل.

كلامك صاح طبعا ..
و لكن بالنسبة لزول ما عنده سكري
مخاطر الدهون بالأكل السوداني أكبر من مخاطر السكر بكتير
لأن الأولى ليها علاقة مباشرة بتطور المرض
أما التانية فعبر آلية زيادة الوزن ..

يعني لو في زول بيحرص على الرياضة مثلا و وزنه ما بيزيد من الطبيعي
ممكن ياكل سكر و حلويات من غير ما يجيه سكري!!

يعني أنا قاصد بس إن السكر الكتير ماهو سبب الإصابة بالسكري
المرض آلياته معقدة و من المفيد فهمها لمحاربته و الوقاية منه

Quote: .طلعتا دفعة يا اخى . صحباتى العزيزه جدا(حقيقى احنا صحبات من تانية ابتدائي لحدى الان) دفعتك فى طب الجزيرة.

كده معناها حيقولوا لي خالو بعد ده
أنا من الدفعة 16 بالجامعة
و إتخرجت مع الدفعة 17
لأني حردت الجامعة فترة كنت حأخلي فيها الطب و أقرأ كومبيوتر !!
(بس ماتقولي ده سبب بلادتي في تذكر المعلومة صاح )
و سلامي موصول لزميلتي الغامضة !!

أطيب التحايا

_________________________________________
* 'طبعا مع جو الشكلة بتاعة ودالصايم
أول حاجة جريت أشوف الهامش
** حاعدل مداخلتي علشان ما أجوط للناس فهمها الصاح
*** البحث

سمارت وبت الحسين والنصري وبقية الشباب
المدعو دا ليو سنة واعدني بتذكرة على القطرية ومطنش
لذلك نيفسي أشوفو بق لووزر كبير
فليكم اللحم والعضم ولينا الجلد
من الآخر كدا "أكلو ني"
بندويدث "باظ الجريف" ما ناقص "أي عبء إداري"

Quote: حتى لو ما اتريضت قول انك ما اتريضتا و استحمل البرى.

والله هو بري... البري ساي يخليك تكون fit.... اسأل النصري ده....

اهم مافي موضوع المحافظة على الوزن والصحة بشكل عام هو الاستمرارية... يعني احنا شغالين في البوست بتاع النصري من شهر تسعة الفات، وقاعدين ننقص بشويش... لو ما كان الموضوع مستمر الفترة دي كلها، كان زماااااان سبناه ورجعنا لأوزانا البدينا بيها... اي برنامج حاولت اطبّقه براي كنت زهجته منّه بعد شهر بالكتير... بمافي ذلك الرياضة او حتى المحافظة العادية في الاكل... لو ما لقيت زول ينقك في راسك، وزول تكون شايل الهم انك تجيب ليه خبرك، ما بتقدر تستمر... لكن الاستمرار بوجود دعم من المجموعة ساهل... وبخلي العملية ممتعة.... ممكن تحصل ليك لخبطات، والناس بسخّوك لمن تندم على اللخبطة زاتها... لكن ما دمت موجود وبتجي تكتب للناس، لخبطتك عمرها بكون قصير... وبرضه اسأل النصري

لأني حردت الجامعة فترة كنت حأخلي فيها الطب و أقرأ كومبيوتر !!
(بس ماتقولي ده سبب بلادتي في تذكر المعلومة صاح )
hummmmmmm




سلامات Ashraf el-Halabi
كدى فهمنى موضوع القطرية ده شنو؟؟؟انا ذاتى عاوزه يا اخى

مريوم دى اسمع كلامها سممممح يا ود الصايم

Quote: هل الاي باد 3 بيسخن والبطارية ضعيفة ؟؟؟ واحد زميلنا اشتراهو ورجعو بعد اكتشافة لهذا العيب

.....................
وكمان الخبراء اكتشفوا انو ما فرق كبير خالص بين الأي باد 2 والأي باد 3 وان الأي باد 2 يمكن يكون اقوى تكنلوجيا من الجديد..

وي ود الشبلي طولنا ما شغنا لقطاتك لمجموعات ناس الدوحة وعزائمهم في الفنادق الخمس نجوم
والله يديك العافية

انا غايته دبرسته من حالة الطناش دي.... وانت يا سمارت؟

اميرة السيد




سلام وتحية

وشكرا علي المعلومة الاضافية

بورداب الدوحة

يا شكلهم فلسو

يا شكلهم بقو بخلاء

مشكورة

Quote: وكمان الخبراء اكتشفوا انو ما فرق كبير خالص بين الأي باد 2 والأي باد 3 وان الأي باد 2 يمكن يكون اقوى تكنلوجيا من الجديد.. وي ود الشبلي طولنا ما شغنا لقطاتك لمجموعات ناس الدوحة وعزائمهم في الفنادق الخمس نجوم والله يديك العافية

يا سمارت موضوع القطرية دا موضوع مجلي
المدعو من سنتين تقريباً دعاني لسحب على تذاكر (لأي بلد) على الخطوط القطرية
كلمتو قلت ليه أنا كج وما بفوز قال لي المسألة دي ضمان ولو ما فزت تذكرتك علي أنا
بعد مليت استمارة من أربع صفحات طبعا ما فزت غير بكمية من الجنك ميل من القطرية
كل البعملوه إنهم يرسلوا لي ويقولوا الليلة وبكرة عندنا تخفيض 10% على التذاكر فأعمل حجز بسرعة حتى لا تفوتك الفرصة.

فبالله ما تتوصوا بالزول دا، ركبو التونسية :)

سلامات اميرة السيد

Quote: وكمان الخبراء اكتشفوا انو ما فرق كبير خالص بين الأي باد 2 والأي باد 3 وان الأي باد 2 يمكن يكون اقوى تكنلوجيا من الجديد..

حقيقي انا ما عارفه انتى قاصده شنو ب ( تكنلوجيا ).

لكن اهى فرصة نوضح الفرق في التكنلوجى بين اى باد 2 و الاى باد الجديد. بالمناسبة ابل سمته رسميا :The New iPad

اهم فرق بين الجهازين في الشاشةاو ال Resolution. التكنلوجى المستعملة عشان تخلى ال اى باد الجديد تكون شاشه بالجمال ده كلو تكنلوجىا جديده لنج.
ipad2 : 1024 x 768
The New iPad: 2048 x 1536 "Retina Display"1
و ده بخليه اوضح جهاز (ممكن تشيله في ايدك )صنع حتى الان.

الفرق الاساسي التانى ف القرافكس Graphics
ipad2:PowerVR SGX 543MP2
The New iPad::Quad-Core,"s a PowerVR SGX MP4+ 1
و ده بيضاعف جودة القرافك بصورة ملاحظة. اى شيء اوضح و اجمل

من الحجات المهمة برضو ال CPU:
ipad2::1GHz dual-core Apple A5
The New iPad::1GHz dual-core Apple A5X

الكامير:
اى باد 2 كمرنه بطااالة. ال اى باد الجديد فيه iSight, 5-megapixel camera و دى برضو بتخلى الفرق كبير جدا فى نوع الصورة بين الجهازين
ده غير ان ال اى باد الجديد بيدعم شبكات الاتصال الجديدة LTE 4G و سرعتها لا تقارن ب 3G . و اشياء اخرى كتيرة.

مع ده كلو الفرق فى السعر 100 دولار بس.
من ناحية فى فرق فى الجاهزين...فى فرق. احتمال الفرق يكون ما كبير اذا كان المستعمل بيتصفح النت بس.
اما حكاية ان التكنلوجيا القديمة اقوى فده كلامح ما صحيح
المشكلة بعد جيلين تانى (سنتين او تلاته سنوات ) مشغلات ابل الجديدة ما بتدعم الاجهزة القديمة.

اكضب عاد يا مريم...دبرسته. لكن الصبر طيب. و هو قال الويك اند بيكون مشغول.
لكن كدى خلينى اشوفه حايم فى بوستتات تانية. ح نجيب تلفون الحكومة و نقلب حياته جحيم


عماد الشبلي
تشكر ساى انت.؟؟؟؟
الكلام ما صحيحح يا اخى

Quote: لأني حردت الجامعة فترة كنت حأخلي فيها الطب و أقرأ كومبيوتر !! (بس ماتقولي ده سبب بلادتي في تذكر المعلومة صاح ) hummmmmmm

مادي الشكلة اللي كنت خايف منها زاتو

يعني أسي خلاص ..
إتعاقدتوا مع دكتور تاني* ؟!



طبعا أنا في عمري كله و لحدي ما خلصت الجامعه وزني ما وصل الـ 40 كيلوجرام
فعلشان كده مستمتع تماما بشوية الكرشة العندي عندي ..
رغم إن وزني مناسب جدا لطولي

يعني لو لقيت لي بوست بتاع زيادة وزن بكون لافق معاي !!
___________________________________________________________
* و كيتا فيك الجالاكسي أحسن من الآيفون ألف مرة

سلامات اميرة السيد
ود الصائم ده شكلو مجرم كبير. ما تشوفي الابتسامات الوديعة في الصور البختها لينا هنا.
هسي ليه قريب الاسبوع مختفي من المنبر عاوزني اقنع. لكن كان ليه.
خليكي قريبة بس.


اشرف ، اطمئن لنا تأخذنا به شفقة. و ح ناخد ليك حقك تالت و متلت.
اي جنك ميل جاك بشكلة و هي ليلة قضيتها تحلم بالرحلة المجانية برية.


د. محمد قرشي.
بكلامك عن الجلاكسي يا داب ح تخلينا نتعاقد مع دكتور غيرك.
قلت لي حرتا الجامعة؟ و رجعتا تاني ذي العجب؟ ^_^
بعدين في موضوع الوزن ده ما تستعجل علي قدرك. اول ما تعرس ح تسمن. و اسأل اعمامك الكبار ديل كلهم.
و د البشري ده قالوا كان غزال بس من الرشاقة في الجامعة ^_^*

Quote: بكلامك عن الجلاكسي يا داب ح تخلينا نتعاقد مع دكتور غيرك.

في الحالة دي حأضطر أعترف !!
أنا عندي تلفوني آيفون 3G
قلعته من محسن خالد في جيته الأخيرة ..

لأنو قام وداهو محل عمل ليه Jail Break
علشان يشتغل بيهو في السودان
قام الفالح حاول يعمل update ليه من السودان
و طبعا التلفون حرد ليه و قفل ..

أها .. مع إني أول مرة أتعامل مع آيفون
قعدت فيهو يومين بس و رجعته زي العجب
و كمان ما خليت لي برنامج و لا Tweak إلا و أضفتها ليه !!

كده ممكن أقدم أوراقي للوظيفة

Quote: بعدين في موضوع الوزن ده ما تستعجل علي قدرك. اول ما تعرس ح تسمن

و إنت قايلاني وصلت الوزن الطبيعي كيف عاد
ما ياها زاتها العناية المنزلية اللصيقة !!

و لا ننسى التنديد بزوغان ودالصايم
الشعب يريد حضور ودالصايم

Quote: طبعا أنا في عمري كله و لحدي ما خلصت الجامعه وزني ما وصل الـ 40 كيلوجرام فعلشان كده مستمتع تماما بشوية الكرشة العندي عندي .. رغم إن وزني مناسب جدا لطولي محمد القرشي

كنت دايرة اقول ليك و الله يا محمد صورك البشوفها بتنزل في سودانيز دي، اكيد طولك اكتر من اربعين او تلاتين سنتي عشان وزنك يناسب طولك ابو اربعين ده، و غلبني اتخيلك بكرش بالطول ده، ههها
لكن عرفتك قاصد انك بتتكلم عن حالك الان، لوول


يا سمارت انا ناديكم ده محارباه، لانه كان زمان اهلي بيقرقو علي في حكاية الوزن دي من شدة الضعفه، و ما سابو دكتور ما ساقوني ليه و مشهيات و ما ادراك، الان بقو هم بيسالوني، نضعف كيف


بخصوص ود الصايم، و بالرغم من معزته الخاصة، لكن انا معاك و بت الحسين قلبا و قالبا، و اي حاجة ممكن تعمل عشان هو يتابع و يتحسن، انا معاكم، ان شاء الله زيارات ميدانية، ما تقولي هو اصلا بيلاوز مني و ما بيدخل لي بوستات :)

Quote: و د البشري ده قالوا كان غزال بس من الرشاقة في الجامعة ^_^*

ولا زال

سلام للجميع
والله يا ود الصايم كلام ناس خالتي سمارت و خالتي مريم دا ما ترميه الواطة. الأعمار بيد الله و أي حاجة لكن لازم نتذكر إنه عندنا مسئولية كان ما تجاه نفسنا فتجاه أولادنا و أسرنا و المفروض نحاول نكون موجودين أطول فترة ممكنة عشان نقوم بالمسئولية دي و بعداك الربنا كاتبها بتبقى بس نحن نعمل العلينا. صراحة نحن قاعدين نقصر كتير في الحكاية دي و أنا هنا بتكلم عن نفسي. و المشكلة الأكبر إنه بعد ما نمرق من السودان و أسلوب حياتنا يتغير ما بنحاول نعمل التعديلات اللازمة للمحافظة على صحتنا. يعني هسع في السعودية دي تلقاك كان داير تمشى أقرب محل تركب العربية و الأكل دسم و طبعية الشغل ما فيها حركة و دي كلها بتزيد مخاطر عدد من الأمراض. واحدة من الحاجات العا########ي في الخواجات اهتماهم بالرياضة و صحة أجسامهم تلقى الواحد عمره أكبر منك بعشرين سنة و في الشتاء في درجة حرارة ناقص تلاتين و الشمس بتطلع بعد الساعة تسعة لكن مع دا كله يصحى ستة صباحا يوميا عشان يغشى الجم ولا السباحة قبل الشغل.
جرب بوست النصري القالوا ليك دا و ما بتندم إن شاء الله. عارف أنا بفضل الله نقصت قريب العشرين كيلو في أقل من أربعة شهور مش كدا و بس لي أكتر من شهرين استغنيت من حبوب الضغط و أرجو إنه دا يكون استغناء نهائي إن شاء الله. و دا كله بفضل الله أولا ثم بفضل الدعم و التشجيع و النصايح الفي البوست دا. يا زول أعمل الحكاية دي ما لروحك بس إتذكر بناتك و حتلقى نفسك جاك حماس ما طبيعي بإذن الله.
بمناسبة خالتي سمارت و خالتي مريم دي طبعا ما محتاج أقول إنه لو كنا في زمن أجدادنا القدماء و الواحد بتزوج في عمر خمستاشر ولا حاجة براحة ممكن يكون عندي بنات قدرهم. أحكي ليكم حكاية حكيتها قبل كدا لكن كل ما أتذكرها بضحك عشان كدا حأحكيها تاني... واحد صاحبنا جا يركب في الحافلة قامت جات واحدة فحب يعمل ظريف زح ليها من الباب و قال ليها اتفضلي يا خالة عاينت ليه و ركبت و قعدت في محلها... أها هو جا يركب بعدها و الظاهر عليه طويل شوية ضرب راسه بالباب طوالي الولية عاينت ليه و قالت ليه تستاهل. أتاريها محروقة من كلمة يا خالة.

Quote: كنت دايرة اقول ليك و الله يا محمد صورك البشوفها بتنزل في سودانيز دي، اكيد طولك اكتر من اربعين او تلاتين سنتي عشان وزنك يناسب طولك ابو اربعين ده، و غلبني اتخيلك بكرش بالطول ده، ههها لكن عرفتك قاصد انك بتتكلم عن حالك الان، لوول

سحبنا الصور ..
علشان بت الحسين تشتغل بيرأيي ..

لا حولاااااااااااااااا... بري، تاني ما بشتغل بي رأيك..... دي حالة زول يقرا طب ولا يمشى يتغذّى...




انا اتأثرته بي الكُبري ده يا اخوانا وبديت اتحسس!

تسجيل حضور نفيا للزوغة!

Quote: لا حولاااااااااااااااا... بري، تاني ما بشتغل بي رأيك..... دي حالة زول يقرا طب ولا يمشى يتغذّى...

طبعا يا مريم ما نشتغل بيه. يا اخى دكتور سمن و ات######ظ كده... و بتاع كومبيوتر (متسلبط) و قال الجلاكسى احس . صاحبنا يا مريم سبع صانيع و البخت ضايع ^_^
الكبرى ما لذيذ ....لكن ما ح نسقط الموضوع بالتقادم..يا جي يقول ماليكم دخل بي...او ح تستمر الحملة

د.محمد قرشي عباس

Quote: في الحالة دي حأضطر أعترف !! أنا عندي تلفوني آيفون 3G قلعته من محسن خالد في جيته الأخيرة .. لأنو قام وداهو محل عمل ليه Jail Break علشان يشتغل بيهو في السودان قام الفالح حاول يعمل update ليه من السودان و طبعا التلفون حرد ليه و قفل .. أها .. مع إني أول مرة أتعامل مع آيفون قعدت فيهو يومين بس و رجعته زي العجب و كمان ما خليت لي برنامج و لا Tweak إلا و أضفتها ليه !!

لو الكلام ده صح...افتكر قرارك بترك الطب كان قرار حكيم...عشان صحة الناس و كده
just kidding, man
عارفين انك دكتور جد جد

Quote: و إنت قايلاني وصلت الوزن الطبيعي كيف عاد ما ياها زاتها العناية المنزلية اللصيقة !!

و الله يا الرجال حالتكم حالة ...الواحد لو ضعف السبب الزوجة...ما مهتمه بيه. و لو سمن برضو السبب الزوجة....

رحاب....وينك يا اخى؟؟؟

Quote: يا سمارت انا ناديكم ده محارباه، لانه كان زمان اهلي بيقرقو علي في حكاية الوزن دي من شدة الضعفه، و ما سابو دكتور ما ساقوني ليه و مشهيات و ما ادراك، الان بقو هم بيسالوني، نضعف كيف

قولي ليهم دى نعمة من رب العالمين. بختك يا رحاب. انا قابلة جدا للسمنة. و انا شخصيا بعز الاكل جدا. الحمد لله انى برضو بحب الرياضة. بحب الجرى جدا جدا. و شكلى مدمنة للشعور اللى بيجيك بعد ما تخلصى جرى. هسي انا مدبرسه لانى ما جريت لاكتر من سنة و بحاول ارجع شويه شويه.

محمد البشرى الخضر
دى طيب صور منو اللى قاعد تختها لينا هنا؟؟؟؟


العوض

Quote: جرب بوست النصري القالوا ليك دا و ما بتندم إن شاء الله. عارف أنا بفضل الله نقصت قريب العشرين كيلو في أقل من أربعة شهور مش كدا و بس لي أكتر من شهرين استغنيت من حبوب الضغط و أرجو إنه دا يكون استغناء نهائي إن شاء الله

ما شاء الله تبارك الله يا العوض.
سامع الكلام ده يا ود الصايم؟؟؟

Quote: و الله يا الرجال حالتكم حالة ...الواحد لو ضعف السبب الزوجة...ما مهتمه بيه. و لو سمن برضو السبب الزوجة....

على قول الحكماء الفرنسيين ..
Cherchez la femme

Quote: دكتور سمن و اتـكـلـبـظ كده... و بتاع كومبيوتر (متسلبط)

سلبطة بشهادة لو سمحت
هنئوني .. حصلت على شهادة من مايكروسوفت في قواعد البيانات

و علشان ما تكونوا مفترين ساي ..
ياها دي صورتي تاني مع محسن خالد







بس في دي صدقت و الله !!

Quote: صاحبنا يا مريم سبع صانيع و البخت ضايع ^_^

كان لاقاكم أدوني خبر

أطيب التحايا

أخيرا .. الزنقة فكّت شوية


ياخ مشكورين جدا سمارت وبت الحسين والجميع على الاهتمام
والبحث عن مخارج لأخوكم في الله المعصور حتى بانت نواجزه
والشكر لجميع المشاركين على الاهتمام .. وماف شيء شخصي أخدو راحتكم تمام التمام!!


المشكلة إنو أخوكم داخل في قصة معادلات كـدا ما أنزل الله بها من سلطان!
أها بديت أفكر ـ فعليا ـ في قصة المشي ربع ساعة في اليوم لأنها ممكن
تكون الوحيدة المتاحة حاليا ـ على مضض ـ لكن برضو زي ما قلتو
البداية بتكون كويسة!

المشكلة الجد جد إنو حسابيا كـدا وعشان تزبط لازم اليوم
يزيدوهو لينا رُبع ساعة عشان الأمور تكون ماشية كويس!!


وعشان نلاقي حل للأزمة التاريخية دي دايرين حلّ للمعادلة دي:
دوام مكتبي 15 ساعة يومياً (دوامين منفصلين) + حق الطريق
ياهو بقت 16 إلى 17 ساعة دوام دا إذا الخط السريع كان فاتح!!
الإجازة الأسبوعية في الدوامين مختلفة يعني كلللل يوم ماشي الشغل!!


_
الكلام دا من حوالي 5 سنوات .. لكن قرّررربت تخلص إن شاء الله

المشكلة التانية .. والحمد لله على النعمة
إنو رغم إني (حلو) من 14 سنة إلا إنو الوزن ما شاء الله
ثابت في مكانو .. ومرات مرات بزيد (أووع تهرشوني)!
ياخ عملت أي حاجة عشان أنزل الوزن .. ومرات مرات كنت بلعب
في السكري عشان يرتفع وينزل الوزن لكن أبت تنزل من الـ 100 كلو كلو
حاليا الوزن متأرجح بين الـ 105 ـ 110!!


قبل سنة تقريبا جاتني زهجة وقررت أتخلص من الدوام التاني وعملتها
وأمي ما قصّرت درشتني ليكـ طوالي في موضوع بتاع مشي واستمريت فيهو
كويس .. يوميا كنت بمشي ساعة إلى ساعتين .. ووصلت مرحلة الجري
عديل (والله صحي) لكن ما لقيت نتائج
ملموسة وسريعة .. وبرضو كنت مواصل لحدي ما (قبضوني في بارتايم تاني)



_
نسيت أقول ليكم عندي (قطع في الرباط الصليبي)!!
+ قاعد أبني البيت

و د الصايم .. العافية درجات ... تعال لينا بيغادي و اخوك حيكون الكوتش
و ما تلاوز .. في حمام كتير بيغادي ... لو شديت حيلك بتجرهم عدييييييييل

Quote: نسيت أقول ليكم عندي (قطع في الرباط الصليبي)!!

أها يا فان باستن .... I'm kidding
و الله انا زاتي بقيت خايف يكون عندي نفس الشي الفوق ... و كلو بسبب كورة الجن دي , لكن في حلول تانية
و اهم حاجة انك تغير في الدايت بتاعك و ما تستعجل النتايج ... خت في بالك ان النظام دا حيكون life style عشان ما تبدرس في حالات الاخفاق
أهم حاجة يكون عندك العزيمة الكافية و التشجيع من الناس الحواليك
و لو محتاج تشجيع بتاع خواجات قووول عووك بنكلم ناس كارين و ايما


اسمارت
ود البشرى ده من ديناصورات هندسة ده بالاضافة انو كان دفعة اخوي الكبير (في المدرسة)
زمااااااان كانوا هم (رجال كباااااااااااار بي شنباتهم) في رابطة ابناء الصحافة بجامعة الخرطوم ... كانوا بينظموا لينا مسابقات المدارس ...
و بسببهم خسرنا الفاينال مع مدرسة بنات (كانوا بيدوا الجيكس اسئلة ساهلة .... و يهرونا بي أسئلة عضم)

أها يا تفصيليا كـدا:
7.30 ـ 3.30 المرحلة الأولى
تصل البيت 4 غدا ولوازمه 5
5.30 إلى 12.30 مرحلة تانية!
تصل البيت 1 ـ عشا ولوازمه
تنوم 2 عشان تصحى 6.30
هسي ربع الساعة بتاعكم دا أختو وين؟

Quote: محمد يوسف الزين لا ...ما تشيلم هم...لسه براية و شكالة الحاصل يا سيدى انه فى بوست جنى ده: بشرى لمرضى السكر والمؤهلين للسكر‍ هانت ود الصايم دخل قال: Quote: غايتو أنا عامل خرمجة تقيييلة!!! كان جاكم خبرو قريب ما تستغربوا عضو أساسي في النادي من كم وكمين سنة!! + الأم + الأخت الكبيرة + الزوجة + أبوي الله يرحمه + 8 من خيلاني حفظهم الله + 7 من أعمامي ـ أبقاهم الله! غايتو ديل القدرت أحسبم سريعا مارش!!! المشكلة إني متزوج بت خالتي (عضو أصيل في النادي) وأمها محسوبة في القائمة بالإضافة لأبوها وأختها الكبيرة برضو وأختي متزوجة ود عمي (برضو تبع المنتخب)! الجميع يستخدم إنسولين وعاملين أزمة في الصيدليات أها ديل تايب كم يا ربي _ رحم الله د. مجدي الشيخ و دخلت مريم اختى و قالت ليه: Quote: انا قلت اقدّم دعوة للجماعة العايزين ينقصوا وزن انهم ينضموا لينا في البوست بتاع النصري Sudaneseonline Biggest Loser دعوة خاصة لود الصايم، وتعال النشاكلك كمان! انت مفروض تكون شغال مسلوق في مسلوق... ده غير انه اطفالك حيكون عندهم قابلية عاليه بسبب الوراثة (بعيد الشر عنهم)... فإنتو مفروض في البيت يكون عندكم نظام غذائي صارم عشان الاطفال الله يحفظهم... انا غايته ما بعرف طريقة أكلك كيف، لكن غايته مااااااا اعتقد انك متبع النصايح الفوق دي.... و حقيقى باين انه فى ناس كتار انتبهوا للمداخلة و منهم اخونا السحار ود البشري. و انا شخصيا قررت اعمل حاجه . و الحاجه الوحيده اللى ممكن اعملها انى افتح بوست اشكاله و و نلزه لبوست النصري ده: Sudaneseonline Biggest Loser و نحاول انا و مريم و النصري و العوض و نجاة وغباشى و ابتهال و امير و محمد الحاج طحنية و القلب النابض و كل المشاركين فى البوست نساعده. محمد البشرى الخضر اكيد يا اخى انا و مريم فهمنا قصدك بخالات دى. و حتى لو قاصد جد, العمر و الكبر ما عيب يا اخى...طول ما الزول عاش حياته بما يرضى الله (و استمع فيها)...احم احم. مداخلة ود الصايم فعلا هزتنى جدا. و اقل حاجه ممكن نقدمها ليه هنا اننا ندعمه معنويا انه يعمل حاجه. بالمناسبة احتمال نكون اتلاقينا فى الجامعة...لو كنت من نوع الناس اللى بيجوا يتحاوموا بعد التخرج و قبل استلام الشهادات سلامات يا عاطف عمر شكرا جزيلا على مشاركتنا تجربتك و ام الاولاد مع السكرى. اظن ان المفتاح فى : Quote: يمكنني أن أقول أننا قد تعاملنا معه بجدية تامة .. وبدون تهويل وتضخيم وربما بسخرية ( دون إستهتار ) . أظن أننا قد تصالحنا معه وربما صادقناه ربنا يديكم العافية.

الله يسامحكـ، ياخ انا لمن دمعت

في داعي للبوستات الانسانية دي في الاوقات الحرجة دي!

هوووي يا حمودي هلاّ هلاّ ع الجد
ابدأ أول حاجة إنك تجلّي العشاء واكتفي بفاكهة أو سلطة
و في الغدا كتّر من السلطة واشبع فيها بتلقى تلقائيا كميات النشويات و الدهنيات قلت
بالنسبة للمشي و الجري مع حر الرياض مشكلة جيب ليك عجلة ولا مشاية في البيت ممكن تبدّل أو تتمشى قدام التلفزيون وانت بتتفرج في طيران الريــال أو زعمطة المريخ الليلة
واهو شوية شوية الأمور بتتباصر

غباشي طبعا انت ود الصايم بكون في مقام خالك فبالتالي انا اطلع ليك جد جدك
وياخي لسة متذكر المسابقة نعمل ليكن شنو البنات مذاكرات احسن
تحياتي لحاتم

سلام يا ود الصايم
اقتراحات محمد الفوق دي مناسبة جدا. أهم حاجة إنه تعديلاتك المفروض تعملها في نمط حياتك تكون قابلة للتطبيق. لو جبت مكنة رياضة ممكن تتريض أثناء عمل حاجة تانية زي مشاهدة التلفزيون. الربع ساعة دي ممكن تكون مقسمة و تصل ليها بسهولة يعني مثلا ممكن بدل ما تطلب الشاي في مكتبك تمشي للمطبخ و تجيب شاييك بنفسك... استخدم السلالم بدل الأسانسير... بركنق عربيتك أبعد شوية من المكان الإنت ماشيه.... سوق الأولاد بعجلاتهم لحديقة و ما تقعد تتفرج عليهم خليهم يركبوا العجلة و إنت أمشي معاهم. في حاجات كتيرة ممكن تعملها و تكون داخل جدولك العادي و تكون مفيدة. لو عندك زمن في الكمبيوتر في مواقع مفيدة جد ممكن تقيم بها نظامك الغذائي و تحدد المشاكل الفيه و تبدا تعالجها.

,الله حيرتني في ربع الساعة يا ود الصايم....

طيب ما ينفع تشتري ليك treadmill او عجلة وتختها في مكتبك؟ والله جد!

اهلا اهلا يا ود الصائم
حقيقي كلام محمد البشري و العوض تمام التمام.
الموضوع شكله صعب في البداية. لكن ممكن تتعود. جيب ليك عجلة او تريد مل. و أبدا توعد روحك ما تتفرج علي التلفزيون لو ما مشيت فيها شوية.
خلي هدفك يكون ان تتريض و تأكل اكل صحي. و نزول الوزن بيحصل براه. السكر بيتوزن بالرياضة تمام.
تعال لينا بهناك و ح تلاقي كلام مفيد كتير.
في ناس كتار عملوها و أكيد انت ح تقدر.
ما تقول ح أبدا لما يبقي عندي دوام واحد. ابد اليوم. او عد روحك ان ما ح تستعمل مصعد لأي شي اقل من 6 طوابق. و باقي الحجات اللي قالوا العوض و ود البشري.
بكره دي امشي اشتري المكنة. عارفاك قلت انك بتبني. لكن صحتك استثمار اهم من البني.

اهلا اهلا يا ود الصائم
حقيقي كلام محمد البشري و العوض تمام التمام.
الموضوع شكله صعب في البداية. لكن ممكن تتعود. جيب ليك عجلة او تريد مل. و أبدا توعد روحك ما تتفرج علي التلفزيون لو ما مشيت فيها شوية.
خلي هدفك يكون ان تتريض و تأكل اكل صحي. و نزول الوزن بيحصل براه. السكر بيتوزن بالرياضة تمام.
تعال لينا بهناك و ح تلاقي كلام مفيد كتير.
في ناس كتار عملوها و أكيد انت ح تقدر.
ما تقول ح أبدا لما يبقي عندي دوام واحد. ابد اليوم. او عد روحك ان ما ح تستعمل مصعد لأي شي اقل من 6 طوابق. و باقي الحجات اللي قالوا العوض و ود البشري.
بكره دي امشي اشتري المكنة. عارفاك قلت انك بتبني. لكن صحتك استثمار اهم من البني.

Quote: ما تقول ح أبدا لما يبقي عندي دوام واحد. ابد اليوم. او عد روحك ان ما ح تستعمل مصعد لأي شي اقل من 6 طوابق. و باقي الحجات اللي قالوا العوض و ود البشري. بكره دي امشي اشتري المكنة. عارفاك قلت انك بتبني. لكن صحتك استثمار اهم من البني.

غايته حقو من دربك ده وعلى ساكو تشتري المكنه... اسعار الtreadmill في حدود 1000-1800 ريال (أرخص من iPhone).. طبعا في اغلى.. لكن الrange ده البتلقاه في U-Mark ... ساكو حقاتهم اغلى لكن نوعيتهم ممتازه... اهم شي تشوفه في الآله انها تكون مناسبة لوزنك.. لانه الآلات عندها حدود للوزن... خلى الآلة تكون قدام التلفزيون.. وانت بتتفرج ممكن تمشي من غير ما تحس... برضه ما عارفه لو عندكم الوهمه حقت 220-110 بتاعتنا دي في الرياض ولا لأ... لكن لو عندكم، اوعك تشتري واحده 110، هي ارخص بكتير، لكن بتخرب سريع... ابعد عن الملحقات، بتزيد السعر وما حتستفيد منها حاجه (نادر جاب لي جهاز مساج معاها، هدااااااك يعاين لي!)... الخيار التاني انك تشتري عجلة... دي بتكون في حدود 300-600 ريال... زي دي كده:



دي صحي أرخص... لكن الشغل عليها متعب وهي فعلا بتحرق كالوريز اكتر... لكن عضلاتك حتتعب وممكن تمل من الحاجه دي (ده عن تجربتي انا)... لكن لو عايز او بتناسب الميزانه، ما تتردد.. هي في نص ساعة ممكن تحرق فيها قدر البتحرقه في المشي لمدة ساعة...

الحركة بتاعت السلّم دي حل كويس خالص، شراب المويه (دي نفعت معاي انا ونادر) الشاي الاخضر من غير سكّر شايفه برضه اخونا محمد الفكي شكّره (انا ونادر نافعه معانا جداً)... انت كدي تعال بهناك... والله ما بنخوّف... بننق كتير بس... لكن حتكون فخور بي نفسك وانت بتنجز...



سمارت، فووووووق غباشي شايفاه مهزئنا كده، ولا انا صاحية مطششه؟

تعرفي يا بت الحسين
الجهاز دا جبتو .. قاعد بي أكياسو تلاتة سنين في البيت!
أمي الله يديها العافية قالت بدل ما رامينو كـدا أدهوهو
لزول يستفيد منو .. جا خالي شالوا في عربيتو ومشى!!
يمكن الوحيدة المشت عليهو هي شذى .. وأنا ما قصرت معاها
قعدت أعلّق عليها لحدي ما خلتو



_
الفكرة بتاعت العجلة دي يمكن تكون معقولة شوية!

العذر بتاع ما عندى زمن وماعندى ربع ساعة ده ما بياكلك عيش..
بهناك عندنا اعذار رهيبة

اسمارت مرة قالت التريدميل بطاريارتها نزلت ..
العوض قال هو مسافر..
مريم قالت كتفى واجعنى..
انا منتظر الانتفاضة عشان ارجع للرياضة
غباشى قال عنده اكتئاب
نجاة قالت لمن ما تتريض وزنها بنقص
وغيرها وغيرها من الاعذار

لكن فى النهاية اى زول حبكتشف انه الاعذار هى تبريرات ساكت
هى مرحلة وبتعدى لانو الشغلانة دى قائمة على فرضية واحدة
يوم تكون فوق ويوم تدق الدلجة ..بس لمن تدق الدلجة بتقوم (مهما طال الزمن)

والله يا عمكـ النصري الكلام مشجع .. وأهو
الواحد كل شوية بطاريتو قاعدة تتملي ..
لحدي ما العجلة تتحرّك إن شاء الله!!

جداً يا اخت مريم سحبنا الصوره

Quote: فووووووق غباشي شايفاه مهزئنا كده، ولا انا صاحية مطششه؟

يا مريم ... انا قلت حمام كتير ما قلت كلهم حمام
بعدين الحمام الانا قاصده من الذكور
يعني كان طلعنا العوض برة الحسبة دي ...
عليك الله الباقي مش فيهو حمام كتير
انتي مالك خاتة نقرك من نقري كدة

Not funny يا أمين ....


غباشي، انت برااااااااااااك البتجدّع... احنا بنشجع في ود الصايم، الجاب سيرة الحمام منو... بعدين مالك قلبته الحصة عربي، حمام شنو الذكور كمان... ما تقول النصري وأمير...

Quote: جداً يا اخت مريم سحبنا الصوره

شكرا يا امين

ود الصايم، ما شايفاك وقّعته حضور بهناك.... يلا عشان نخلي البوست ده يمشي... (لقيتني شِبكة، موش)

Quote: ود الصايم، ما شايفاك وقّعته حضور بهناك.

ود الصايم ... اخونا العوض خلاص دربو مرق بيغادي و اخونا ابن النخيل مسك الدرب
و زي ما عارف الفصل الفيهو الطيَّشة بشتاق لزول يجي فيهو الاول
عشان كدة بقول ليك الطريق مفتوح و الدرب ممهد فلبي النداء

أيوااا .. يعني دايرين (تنقلوني) رسمي!!!!


بالمناسبة شايف القصة بدت كـدا تخش شوية شوية!
طبعا بي حاجات بسيطة يعني زي ملاحظات عمكـ العوض!


غايتو بقيت أجازف شوية و(أبركن) بعيد من المكتب!!

Quote: ود الصايم ... اخونا العوض خلاص دربو مرق بيغادي و اخونا ابن النخيل مسك الدرب و زي ما عارف الفصل الفيهو الطيَّشة بشتاق لزول يجي فيهو الاول عشان كدة بقول ليك الطريق مفتوح و الدرب ممهد فلبي النداء

يخوانا غباشي صاحبي دا بتكلم عن بوست النصري ولا عن بوست شيخ طريقة ^_^

محمد يوسف الزين

Quote: الله يسامحكـ، ياخ انا لمن دمعت

و الله؟؟؟؟؟

محمد الصايم

Quote: بالمناسبة شايف القصة بدت كـدا تخش شوية شوية! طبعا بي حاجات بسيطة يعني زي ملاحظات عمكـ العوض! غايتو بقيت أجازف شوية و(أبركن) بعيد من المكتب!!

بطل حركات...هسسى الدنيا ح تشخن فى بلدكم دى و تجى تقول ح اموت من الحر.
اتوكل على الله و شوف خالك ودى المكنة وين؟؟؟؟؟ او اشترى تريدميل. المكنة اللى فى الصورة احسن من التريدميل لزول عندو مشاكل فى الركب او الرجلين. و ذى ما قالت مريم بتحرق سعرات حرارية اكتر لنفس الزمن.
فى كمية من الوصايا ممكن نقولها ليك ...بس تعال بهناك يا اخى. تعبنا من الشلهتة بين البوستين...
اجبر بخاطرنا يا اخى....جاملنا ساى كده و تعال. ما سمعنا عنك انك زول مسيخ...ليه بتتماسخ لينا كده؟؟؟؟

أنا فاهم شعور محمد يا سمارت دي الخوفة البتجي للواحد قبل ما يبدا الرياضة ولا الريجيم. محمد إتشجع ياخي والله وعد مني لو جيتنا في البوست داك ما حاناكلك:). فضي ليك شوية زمن و أقرا البوست من أوله لآخره حتلقى فيه كمية من المعلومات و التجارب المفيدة. بعدين ياخي إنت مرشح تجي تفوتنا كلنا إن شاء الله.

Quote: أيوااا .. يعني دايرين (تنقلوني) رسمي!!!! بالمناسبة شايف القصة بدت كـدا تخش شوية شوية! طبعا بي حاجات بسيطة يعني زي ملاحظات عمكـ العوض! غايتو بقيت أجازف شوية و(أبركن) بعيد من المكتب!!

دي فكرة ممتازة، كنت عايزه اقترحها لكن ما كنت عارفه الجو عندكم في الرياض عامل كيف..

اسمارت معليش

سوال تاني لوسمحتي

ود الصايم انجلد كم جلدة ؟؟؟؟!!!