السودانيين فى الخليج بخجلوا من ركوب الباصات

لا عمة لا طاغية

دي ياالمر بيسموها الفلهمة العورا وشيل البطارية في القمرا

يا اخي ما احلي ركوب البصات والتحدث وفتح مواضيع مع الركاب والله انحنا في امريكا نوقف العربية ونركب البص والمترو
تقول لي لا عمة لا طاغية
دي زي ما قال شوقي بدري محن سودانية

أنا شخصيا بتكلم عن تجارب شخصية وخاصة بمنطقة الرياض
لقد كانت وسيله انتقالي الوحيدة لفترة هي باصات النقل ولكني لم ارتاح معها لأسباب وجيهه ليس من بينها الخجل
اولا الباص بيأخد وقت طويل جداً في الذهاب والاياب فقد كنت اخرج من العمل في العاشرة لأصل البيت بعد منتصف الليل بسبب ركوب حافلتين رغم ان المسافة
ما بعيدة بين الربوة وشارع العليا العام
كل من سكن الرياض يعلم ان النقل العام لا يصل كل مناطق المدينه وبالتالي لا احد يعتمد علية
هل اعتمد الكاتب علي دراسة تبين ما ذهب الية ام عي مشاهداته الخاصة

Quote: أنا شخصيا بتكلم عن تجارب شخصية وخاصة بمنطقة الرياض لقد كانت وسيله انتقالي الوحيدة لفترة هي باصات النقل ولكني لم ارتاح معها لأسباب وجيهه ليس من بينها الخجل اولا الباص بيأخد وقت طويل جداً في الذهاب والاياب فقد كنت اخرج من العمل في العاشرة لأصل البيت بعد منتصف الليل بسبب ركوب حافلتين رغم ان المسافة ما بعيدة بين الربوة وشارع العليا العام كل من سكن الرياض يعلم ان النقل العام لا يصل كل مناطق المدينه وبالتالي لا احد يعتمد علية هل اعتمد الكاتب علي دراسة تبين ما ذهب الية ام عي مشاهداته الخاصة

الأخ الزبير سلام"

هل تدرى معظم الناس فى الخليج ،اقصد الجنسيات الاخرى يرتجلون الباصات، أقتصاديا، وبوفرو مش أشان يعرسو اشان يعملو بيوت

أنا شخصيا بتكلم عن تجارب شخصية وخاصة بمنطقة الرياض
لقد كانت وسيله انتقالي الوحيدة لفترة هي باصات النقل ولكني لم ارتاح معها لأسباب وجيهه ليس من بينها الخجل
اولا الباص بيأخد وقت طويل جداً في الذهاب والاياب فقد كنت اخرج من العمل في العاشرة لأصل البيت بعد منتصف الليل بسبب ركوب حافلتين رغم ان المسافة
ما بعيدة بين الربوة وشارع العليا العام
كل من سكن الرياض يعلم ان النقل العام لا يصل كل مناطق المدينه وبالتالي لا احد يعتمد علية
هل اعتمد الكاتب علي دراسة تبين ما ذهب الية ام علي مشاهداته الخاصة

المر اخوي

ليهم حق

الزول وقت اصلو داير يركب الباظات مارق من اهلو لي شنو؟؟؟؟

الباظات في السودان رااااااقدة

Quote: الزول وقت اصلو داير يركب الباظات مارق من اهلو لي شنو؟؟؟؟ الباظات في السودان رااااااقدة

فى باظات فى السودان ياقولك، بس فى شوارع ذى دى للباظات؟

عزيزنا المر
سلامات
الخجل في شنو ؟
نحنا غايتو في هادي البلاد ناس مترو ساكت .
المتروهات والبصات ما بتكلف المهاجر المسكين زي حالتي كتير .
وبعدين سريعة و لا حركات فرامل لا جن احمر .
مشيت للخليج في كم رحلة عمل والله البصات عندهم تعجبك .
تحياتي

اعتقد انو صاحب البوست قصدو ان مغتربين الخليج لمن يجو اجازة يخجلو يركبو الباصات في السودان....لانو عموما كدا
وفي السعودية لايوجد مايسمي بالباصات الا في جزء من الرياض وجدة..

مررت بنفس التجربة وياريتها من تجربة

الايام الاخيرة من مغادرتي للرياض قمت بالتصرف من السيارة وكان هذا قبل مدة طويلة

من تاريخ السفر وفي بعض المرات حاولت ان اجرب المواصلات العامة .

اولا مافي حاجة اسمها مواصلات عامة

هي مواصلات ابو ريالين وكلها تصب في البطحاء

واجارك الله فيها .. زحمة وقرف

ومواصلات غير نظامية

ومرات فجاة السواق وبعد تحرك السيارة يقرر ان الاجرة 3 ريال وبرضو الراكبين يدفعو

المهم كانت تجربة شاقة ومقرفة

من شارع الحجاز للبطحاء

ومن الروضة للبطحاء

وقدمت للقاهرة ....................

شفت العجب

مواصلات اشكال وانواع

مترو ، اتوبيسات ، تكاسي

مترو ينقلك من اي حتة لاي حتة

اول امس مشيت السفارة وانا ساكن الدقي

ركبت المترو من محطة الدقي الى محطة انور السادات ( التحرير )

وقضيت مصلحتي في السفارة في قاردن سيتي ورجعت تاني

من محطة انور السادات الى الدقي الى الشقة

الرحلة كلفتني فقط مع شراء جريدة ( الاهرام ) 3 جنيهات

يعني بحساب الدولار اقل من نصف دولار ......

صلاح غريبة - القاهرة وملهم بتاع متروهات من ايام مترو حلوان زمان في سبعينات القرن الماضى

Quote: صلاح غريبة - القاهرة وملهم بتاع متروهات من ايام مترو حلوان زمان في سبعينات القرن الماضى

غريبة سيرتك الاغترابية " باصية" بحتة، يحي النضال

الأخ المر

لا أعتقد أن المسألة مرتبطة بالخجل...

ركوب المواصلات كما له أيجابيات من الزخم الذي يكون داخل المركبة ونزول وركوب الركاب ووقوفه في محطات مختلفة..وخصوصا أذا

كانت البلد منظمة و مخضرة...

لكن من سلبياتها أنها لاتختصر عليك الزمن اذا كنت مرتبط باماكن عمل بعيدة .. علما أن في الخليج أمتلاك السيارة الخاصة


سهل ويسير من ناحية أقتصادية يغنيك عن ركوب المواصلات خصوصا أذا كانت معك أسرتك وعائلتك....

Quote: لا أعتقد أن المسألة مرتبطة بالخجل...

تشارط

Quote: اعتقد انو صاحب البوست قصدو ان مغتربين الخليج لمن يجو اجازة يخجلو يركبو الباصات في السودان....لانو عموما كدا وفي السعودية لايوجد مايسمي بالباصات الا في جزء من الرياض وجدة..

قصدى الموجودين فى الخليج اسع، موش البمشو السو دان؟

Quote: مشيت للخليج في كم رحلة عمل والله البصات عندهم تعجبك . تحياتي

اها بعد العجب دة، فى ناس بتخجل وناس بتختشى

Quote: ياالمر بيسموها الفلهمة العورا وشيل البطارية في القمرا يا اخي ما احلي ركوب البصات والتحدث وفتح مواضيع مع الركاب والله انحنا في امريكا نوقف العربية ونركب البص والمترو تقول لي لا عمة لا طاغية دي زي ما قال شوقي بدري محن سودانية

متولى سلام

المترو ما ذى " السيارة" لو ســـــــــــــــــــــــــمحت

انا عندى "كا رنية" ركب جمبى سودانى من اصحاب "اليمين" قال ومن غير ماأساله سيارتى فى المكنيكى؟؟؟

من المعلوم ان المواصلات العامة في جدة والرياض تحديدا , ما عارف باقي الخليج تنحصر في "حافلات يورفان من سنة اسكت" وبضع بصات كبيرة للنقل الجماعي , 99% من ركاب تلك الوسائل هم من العمالة البسيطة , عن تجربتي كنت في اول اغترابي عام 2000 اضر اركب حافلتين ذهاب وحافلتين عودة اي ساعتين ذهاب وساعتين اياب يعني اربعة ساعات في مسافة لو ركبت تاكسي لا تاخذ اكثر من ربع ساعة او ثلث ساعة وهي مدة طويلة جدا لانفاقها في حافلة , والحافلة لا تاخذ هذه المدة الطويلة لبعد المسافة بل لان سواقي الحافلات كانهم تم اختيارهم بعناية حيث انه عادي لو شاف ليهو زول بيستحمي في بيتهم ممكن ينتظره لحدي ما يتنشف ويكوي هدومه ويلبس ويشرب كباية الشاي ويغشي البقالة يولع سجارة ويقطع نصف كيلو حتي الطريق العام ويركب الحافلة وبعد مية متر ممكن يتكرر نفس المنظر , دا غير انه عادي ممكن يغشي بيك المكنيكي يغير اللديتر او ينزل المكنة , بالاضافة لانه ممكن عادي جدا يوقف الحافلة قدام سوبر ماركت ينزل يشتري خضارات البيت وبقية الاحتياجات ويغشي بعدها الجزار , دا بالاضافة لانه ممكن عادي جدا بتاع حافلة تانية يعزموا كباية شاي في قهوة يخليكم جوة الحافلة ويمشي يشرب شاي و " يسولف شوي" ولو ما عاجبك اتسهل , يعني بالعربي الحافلة العامة هي سيارته الخصوصية التي يعيش بها ييومه العادي , دا غير انه السواق هو الكمساري هيم سيلف يعني ممكن يبركن ويطقطق الجماعة ويقعد يتغالط في الريال دا مقطوع ويقرر انه التعريفة ريالين او ثلاثة حسب ما قال غريبة فوق . دا بالاضافة لانه تزعين في المية يتم نشل اقامتك ومحفظتك وبعد دا يتم الاتصال بك لبيع اوراقك الثبوتية بمبالغ ضخمة تتجاوز قيمة استخراج اوراق جديدة لو داير تكسب زمنك , وبشرط ان تنسي القروش الكانت في المحفظة وبطاقاتك وكل متعالقاتك الاخري , ببساطة تجربة ركوب الحافلة يوميا مشابهة تماما لتجربة اكمال اجراءات تاشيرة العمل لتقديمها للسفارة في السودان ابتداء من القمسيون الطبي والكرت الاصفر وفحص الايدز والفيش والتشبيه وبقية الاوراق التي تقدمها للسفارة للحصول علي تاشيرة الدخول والتي تاخذ اكثر من اسبوع في السودان الا انك تعيشها في كل مرة تركب فيها الحافلة .وانا كنت اعيشها كل يوم اربع مرات
بعد رطبت شوية بقيت اركب التكاسي او اللموزينات حسب ما يطلق عليها هنا وهذه معاناة اخري مع السواقين الباكستتانين , حيث انك موعود في حيز ضيق بالجلوس الي سواق لم يمارس استحمامه منذ اكثر من شهر , هذا مع الوضع في الحسبان انه مدخن او علي الاقل يسف " ناسوار اخضر" او صعوط كما نسميه , وانك مضطر الي سماع كل الفنانين الباكستان والهنود والمداحين وبتاعين الظار او حسب مزاج استماع السائق الباكستاني هذا اذا لم يجبرك علي سماع محطة تبث باللغة الاردية , كل هذا ليس شيئا في طريقة قيادته والتي اقل ما يقابلها ان كل الشارع يسبه ويشتمه والبعض يبصق ويفعل ما يراه مناسبا لمقاومة سواقته
الحمد لله الزول رطب تاني وعمل ليهو عربية وهذه معاناة اخري مع السائقين هنا والحمد لله الواحد بقي زيهم واحد من مسببي المعاناة ليقدر يعيش وهذه تجربة نعرض عنها ونترفع ^_^

Quote: من المعلوم ان المواصلات العامة في جدة والرياض تحديدا , ما عارف باقي الخليج تنحصر في "حافلات يورفان من سنة اسكت" وبضع بصات كبيرة للنقل الجماعي , 99% من ركاب تلك الوسائل هم من العمالة البسيطة , عن تجربتي كنت في اول اغترابي عام 2000 اضر اركب حافلتين ذهاب وحافلتين عودة اي ساعتين ذهاب وساعتين اياب يعني اربعة ساعات في مسافة لو ركبت تاكسي لا تاخذ اكثر من ربع ساعة او ثلث ساعة وهي مدة طويلة جدا لانفاقها في حافلة , والحافلة لا تاخذ هذه المدة الطويلة لبعد المسافة بل لان سواقي الحافلات كانهم تم اختيارهم بعناية حيث انه عادي لو شاف ليهو زول بيستحمي في بيتهم ممكن ينتظره لحدي ما يتنشف ويكوي هدومه ويلبس ويشرب كباية الشاي ويغشي البقالة يولع سجارة ويقطع نصف كيلو حتي الطريق العام ويركب الحافلة وبعد مية متر ممكن يتكرر نفس المنظر , دا غير انه عادي ممكن يغشي بيك المكنيكي يغير اللديتر او ينزل المكنة , بالاضافة لانه ممكن عادي جدا يوقف الحافلة قدام سوبر ماركت ينزل يشتري خضارات البيت وبقية الاحتياجات ويغشي بعدها الجزار , دا بالاضافة لانه ممكن عادي جدا بتاع حافلة تانية يعزموا كباية شاي في قهوة يخليكم جوة الحافلة ويمشي يشرب شاي و " يسولف شوي" ولو ما عاجبك اتسهل , يعني بالعربي الحافلة العامة هي سيارته الخصوصية التي يعيش بها ييومه العادي , دا غير انه السواق هو الكمساري هيم سيلف يعني ممكن يبركن ويطقطق الجماعة ويقعد يتغالط في الريال دا مقطوع ويقرر انه التعريفة ريالين او ثلاثة حسب ما قال غريبة فوق . دا بالاضافة لانه تزعين في المية يتم نشل اقامتك ومحفظتك وبعد دا يتم الاتصال بك لبيع اوراقك الثبوتية بمبالغ ضخمة تتجاوز قيمة استخراج اوراق جديدة لو داير تكسب زمنك , وبشرط ان تنسي القروش الكانت في المحفظة وبطاقاتك وكل متعالقاتك الاخري , ببساطة تجربة ركوب الحافلة يوميا مشابهة تماما لتجربة اكمال اجراءات تاشيرة العمل لتقديمها للسفارة في السودان ابتداء من القمسيون الطبي والكرت الاصفر وفحص الايدز والفيش والتشبيه وبقية الاوراق التي تقدمها للسفارة للحصول علي تاشيرة الدخول والتي تاخذ اكثر من اسبوع في السودان الا انك تعيشها في كل مرة تركب فيها الحافلة .وانا كنت اعيشها كل يوم اربع مرات بعد رطبت شوية بقيت اركب التكاسي او اللموزينات حسب ما يطلق عليها هنا وهذه معاناة اخري مع السواقين الباكستتانين , حيث انك موعود في حيز ضيق بالجلوس الي سواق لم يمارس استحمامه منذ اكثر من شهر , هذا مع الوضع في الحسبان انه مدخن او علي الاقل يسف " ناسوار اخضر" او صعوط كما نسميه , وانك مضطر الي سماع كل الفنانين الباكستان والهنود والمداحين وبتاعين الظار او حسب مزاج استماع السائق الباكستاني هذا اذا لم يجبرك علي سماع محطة تبث باللغة الاردية , كل هذا ليس شيئا في طريقة قيادته والتي اقل ما يقابلها ان كل الشارع يسبه ويشتمه والبعض يبصق ويفعل ما يراه مناسبا لمقاومة سواقته الحمد لله الزول رطب تاني وعمل ليهو عربية وهذه معاناة اخري مع السائقين هنا والحمد لله الواحد بقي زيهم واحد من مسببي المعاناة ليقدر يعيش وهذه تجربة نعرض عنها ونترفع ^_^

يديك العافية ويسكنك الصافية وكمان عربية تايوتا لاند كروزر موديل السنة
ماذكرت يا اساسي هي الحقيقة بعينها

مافي زول قاعد يخجل من ركوب الباصات يا حبيب
انت حكمت بي زول واحد قال ليك عربيتي في الميكانيكي
والله موش نركب البص والله كان السواق قرر يشرب ليهو شيشة اسوق ليهو البص اوصل الفردة واجيب ليهو البص راجع كمان

الصادق

Quote: والله موش نركب البص والله كان السواق قرر يشرب ليهو شيشة اسوق ليهو البص اوصل الفردة واجيب ليهو البص راجع كمان

باين عليك (ديامى)

لا اعتقد ان المسألة مسألة خجل او ما شابهه بالنسبة لمغتربي السعودية وذلك للاتي
اولا المواصلات العامة لا تغطي كل المدينة (الرياض)
ثانيا بطء حركة الباصات وتضييعها للزمن ...خاصة لاصحاب الدوامات
ثالثا وده الاهم والذي قد يكون مفارقة بين الدول الخليجية (السعودية) والسودان ... انه تكلفة الباصات اكبر بكثير من تكلفة التحرك بسيارة اذا استبعدنا قيمة اهلاك السيارة فانت تحتاج للتحرك من جنوب الرياض الى شمال الرياض خلال الشهر الواحد اذا كان شغلك دوامين ل 416 ريال (4ريال للبص (محطتين)*4 مرات ذهاب واياب في اليوم = 16 ريال لليوم * 26 يوم للشهر = 416 ريال
بينما لا يكلف تعبئة السيارة بالبنزين اكثر من 20 ريال وهو كافي لاسبوع مع (المشاوير الاضافية) وبالتالي تكلفة الشهر نحو 80 ريال فقط بنزين + 60 ريال غير زيت + 140 ريال للشهر


في السعودية استحالة استخدام المواصلات العامة في حالة الاسرة

سلام للمر وزواره الكرام


على ما اعتقد انك تسكن فى دبى هذا ما فهمته من سياقة حديثك

انا اقيم فى جده ولا ازيد فوق كلام الاخ اساسى فقد اوفى وكفى

سافرت لدبى كثيرا وركبت تكاسيها وبصاتها والمترو كمان

تجربتى مع بصات دبى

هى بصات نظيفه وراقيه ومكيفه كمان بغض النظر عمن يركب فيها

ولو قدر لى ان اعيش فى دبى فاجدها الوسيله المناسبه لى فى التنقل
اكثر من قيادة سياره هناك

انا بالنسبة لي بين البيت والشغل ما في خط مواصلات (بضطر) استخدم العربية
لكن لما أكون في السودان (ومع وجود العربية) بفضل المواصلات العامة لقضاء معظم المشاوير

Quote: لكن لما أكون في السودان (ومع وجود العربية) بفضل المواصلات العامة لقضاء معظم المشاوير

السودان ما "نيمونة" تانية، بلدا بلدك امشى فيها عريان

الزول دا قال السودانيين في الخليج

يقومو يجوهو ناطين ناس جدة
انتو يا ناس جدة قايلين نفسكم في الخليج؟
الزول دات ماقال السودانيين في البحر اللحمر

حتى الرياض ذاتها مافي الخليج

المر سلام

Quote: انا عندى "كا رنية" ركب جمبى سودانى من اصحاب "اليمين" قال ومن غير ماأساله سيارتى فى المكنيكى؟؟؟

طيب والزي ده خلي اكون في الخليج في السودان ما رااااااااااااااااااااقد
بعدين إنت عندك كارنية يعني انت بتحب تركب البصات أها انا ما بحب اركب البصات وما بخجل لم اركب البص تقول على شنو ؟؟
البص ياخي بأخرك وبطلع زيتك اقرب تاكسي وتخلص ترجع من هجير الخليج
لو كنت في دبي لو ما عندك الكارنيه البتقول عليهو ده ما بتركب بص زاتو

بعدين إنت عندك كارنية يعني انت بتحب تركب البصات أها انا ما بحب اركب البصات وما بخجل لم اركب البص تقول على شنو ؟؟

Quote: انا عندى "كا رنية" ركب جمبى سودانى من اصحاب "اليمين" قال ومن غير ماأساله سيارتى فى المكنيكى؟؟؟

ما شايل معاهو جريدة بما يعادل كم دولار كدة ؟
بالغ والله تعرف ناس"ا صحاب اليمين " اصلهم ولادة حبل ساااااااااااكت
والماشف البحر تخلعوا الترعةا وطالما ما هو منهم لازم يكون عندو عربية وكدة






لدى الكثير بجيك راجع.

الأخ / المر ، سلام وتحية مربعة
صحيح أنو تواجدنا فى الخليج منذ زمن طويل نسأل الله طول العمر
ولم نتعود على الباصات ولكن الآن بعد بدء تشقيل المترو بدبي
ووصوله الى أماكن عديده وفي أوقات قياسية يمكننا
أن نستخدمه ... ، خاصة فى ساعات الذروة والإختناقات ،
لكن ما أن نصل للسودان في إجازاتنا السنوية وتطأ
أقدامنا الخرطوم إلا وتجدني مهرولا على الباصات من
بحري للخرطوم وأم درمان ، أقضي حوائجي وأنا أحس بمتعة
ليس في ركوب الباصات فحسب وإنما لأني أحس بأني جزء
من هذا التفاعل الحركي المكاني الذى ينبض بمشاعر
مختلطة وتصرفات متنوعة فيها المشادة الكلامية وفيها
رق الحديث وفيها أدب التراث وفيها ماتكرهه وتنعله
لأنه مارس عادة النشل لذلك الموبايل الأنيق الذى حكم علينا
النشالين أن نستبدله بالرخيص حتى يظل معك فى حلك وترحالك
ولا تفقده أبدا .. لتريح نفسك وتمقلب النشالين ..!!

أحدهم نشل مبايلي الأنيق الغالي الثمن فى السنة قبل الماضية
وزعلت عليه وأقمت مأتماً وفى السنة الماضية نشلوني ووجدته بقربي
يعني أرجعه لي وضحكت وقلت ليتني عرفته لأعلمه ما حدث لي فى
السنة الفائته وأن لى العذر فى ذلك ..
برغم كل هذه المعاناة لم أتوب من ركوب الباصات ، ليس فقرا
أو ضيق فى ذات اليد وإنما لممارسة حياة بعيدة من الدراكسون
وأنت خلفه طيلة غربتك ، فمن الأحسن أن تجلس وسط القوم فى حلك وترحالك
حتى عودتك الى مكانك الطبيعي ، واللا كيف ..؟؟؟
وتحيتي ...

Quote: الأخ / المر ، سلام وتحية مربعة صحيح أنو تواجدنا فى الخليج منذ زمن طويل نسأل الله طول العمر ولم نتعود على الباصات ولكن الآن بعد بدء تشقيل المترو بدبي ووصوله الى أماكن عديده وفي أوقات قياسية يمكننا أن نستخدمه ... ، خاصة فى ساعات الذروة والإختناقات ، لكن ما أن نصل للسودان في إجازاتنا السنوية وتطأ أقدامنا الخرطوم إلا وتجدني مهرولا على الباصات من بحري للخرطوم وأم درمان ، أقضي حوائجي وأنا أحس بمتعة ليس في ركوب الباصات فحسب وإنما لأني أحس بأني جزء من هذا التفاعل الحركي المكاني الذى ينبض بمشاعر مختلطة وتصرفات متنوعة فيها المشادة الكلامية وفيها رق الحديث وفيها أدب التراث وفيها ماتكرهه وتنعله لأنه مارس عادة النشل لذلك الموبايل الأنيق الذى حكم علينا النشالين أن نستبدله بالرخيص حتى يظل معك فى حلك وترحالك ولا تفقده أبدا .. لتريح نفسك وتمقلب النشالين ..!! أحدهم نشل مبايلي الأنيق الغالي الثمن فى السنة قبل الماضية وزعلت عليه وأقمت مأتماً وفى السنة الماضية نشلوني ووجدته بقربي يعني أرجعه لي وضحكت وقلت ليتني عرفته لأعلمه ما حدث لي فى السنة الفائته وأن لى العذر فى ذلك .. برغم كل هذه المعاناة لم أتوب من ركوب الباصات ، ليس فقرا أو ضيق فى ذات اليد وإنما لممارسة حياة بعيدة من الدراكسون وأنت خلفه طيلة غربتك ، فمن الأحسن أن تجلس وسط القوم فى حلك وترحالك حتى عودتك الى مكانك الطبيعي ، واللا كيف ..؟؟؟ وتحيتي ...

صدقت

Quote: ما شايل معاهو جريدة بما يعادل كم دولار كدة ؟ بالغ والله تعرف ناس"ا صحاب اليمين " اصلهم ولادة حبل ساااااااااااكت والماشف البحر تخلعوا الترعةا وطالما ما هو منهم لازم يكون عندو عربية وكدة

شايل بلاك بيرى ولابتوب؟

Quote: الزول دا قال السودانيين في الخليج يقومو يجوهو ناطين ناس جدة انتو يا ناس جدة قايلين نفسكم في الخليج؟ الزول دات ماقال السودانيين في البحر اللحمر حتى الرياض ذاتها مافي الخليج

يعنى الناس ديل. خاميننا ساى؟

Quote: على ما اعتقد انك تسكن فى دبى هذا ما فهمته من سياقة حديثك

كضبا كاضب

الكـــــــــــــــــــــــــــــــــونت تفاصيلك دقيقة خالص

Quote: الحمد لله الزول رطب تاني وعمل ليهو عربية وهذه معاناة اخري مع السائقين هنا والحمد لله الواحد بقي زيهم واحد من مسببي المعاناة ليقدر يعيش وهذه تجربة نعرض عنها ونترفع ^_^

ارجع المواصلات احسن ليك

المر

وحات الله انا لقنى سودانى فى الستى سنتر فى الدوحة لبس جلابية وطاقية وسروال ولبس زى السفنجة دى




وحاتك اتخلعت لما ما عرفت اعمل شنو

برغم ركوب الباصات فى دول الخارج تعتبر نعيم من كتر ماهى نظيفه ورايقه ومريحه

المر الحبيب

ما امتع ركوب الباصات خاصة جمب الشباك وياحبذا كمان لو زول دفع ليك من ناس قدام

تحياتي

زاتوووو

لي شنو ياخوي داير الناس تركب الباصات
طالما ربنا رزقم من نعيمو سيارات فارهه
وموديلات حديثه وتكييف صاقعه من باب البيت
لي اقرب بفاله ويضرب البوري يجيه صاحب البقاله
يجري حتى لوعاوز بيبسي بريال
البصات في الخليج اغلب ركابها من العماله الاسيويه
الضعيفه الرواتب
مواقف البصات تمشي مسافة كيلو عشان تلقاها ولمن يجيك
البص تكون ريحتك بقت طير طير غير البلبله من العرق
الا ترجع البيت تغير وترجع

Quote: الأخ الزبير سلام" هل تدرى معظم الناس فى الخليج ،اقصد الجنسيات الاخرى يرتجلون الباصات، أقتصاديا، وبوفرو مش أشان يعرسو اشان يعملو بيوت

الاخ المر أنا كما قلت لك لا اعرف الخليج ولكن ان كانت السعوديه في الخليج فشراء عربية والتحرك بها أرخص الف مرة من باصات النقل حتي لو حسبنا معدل إهلاك العربية + المصروفات الجارية
من بنزين وخلافة دة غير كسب الزمن

يالمر أخوي الواحد الزمن كلو يدافر في المواصلات في السوق الشعبي و الشهداء وووووو ومرات يتمها كداري

دحين وقت ربنا قدرو أحسن ليه (يتجدع) ويركب ليهو عربيه ساكت (الباظات) ملحوقه يا خوي

(وش ضاحك و دايس أبنص للآخر)

Up

Up

سلام يا المر و سلامات لضيوفك
انا ما عارف سبب خجل السودانيين في الخليج من ركوب الباصات شنو بالضبط
(طبعاً بافتراض صحة زعمك)، لكن لو كانوا بخجلوا لأنه بيفتكروا انه مقامهم ارفع
من انه يركبوا البص مع عامة الناس وعشان كده الواحد بكون متضاير وما داير زول
يشوفه ويحاول يبرر سبب ركوبو البص زي ما قال اخونا اساسي، غايتو لو كان ده الفهم
يبقى الخلل في الدماغ (شخصياً).



الصورة اعلاه للرئيس اوباما يجلس داخل بص في احد متاحف مدينة ديترويت في ولاية
ميتشيجان، نفس المقعد الذي يجلس عليه الرئيس اوباما في الصورة جلست عليه روزا بارك
في عام 1955 حين رفضت الانصياع للقوانين العنصرية التي تنص على جلوس السود في
المقاعد الخلفية وترك مقاعدهم للبيض، ذلك الموقف كان سبباً من اسباب نجاح ثورة الحقوق
المدنية و الغاء قوانين التفرقة العنصرية في امريكا. بالمناسة الصورة دي كانت عند زيارة
اوباما لمدينة ديترويت ابان حملته الانتخابية للرئاسة يعني الزول لسه ما كان بقى رئيس.
معليش سقنا ليك بصك ده لي حتة تانية!!

نواصل سواقة الصاوى لبص المر
فى بداية الشهر دة نزلت باحد الفنادق بمدينة جنيف بسويسرا , وعند اتمام اجراءات النزول منحتنى موظفة الفندق بطاقات لى ولاسرتى وقالت لى هذه لتستخدموها فى المواصلات العامة اثناء فترة اقامتكم , وحين ركبنا البص لم اضطر لابراز هذه البطاقة للسائق كما يحدث فى بعض المناطق او تعريضها لجهاز اسكانر كما فى بصات دبى وفرنسا والحقيقة طيلة فترة اقامتى اصابتنا الحيرة انا وزوجتى والاولاد حيث كنا نرى الناس تصعد وتهبط من البص والترام دون ان يدفعوا الاجرة او يبرزوا بطاقات او كارنيهات وبالتالى قمنا بحذو حذوهم ولكن لم نكن متاكدين هل نحن صح فى هذا ام مخطيئن الا ان وجدت احد الاخوة المقيمين بسويسرا من اصل صومالى فى طائرة العودة لجدة , حيث اوضح لى بان الكل لديه كارنيه سنوى قيمته 200 فرنك وهو مبلغ زهيد جدا لذلك لا ىوجد شخص يجروء على الاستهبال والركوب ملح وبالتالى لم تزعج هيئة المواصلات نفسها بتوظيف مفتشين للتحقق من التزام الناس بدفع قيمة المواصلات (الزهيدة) , باختصار ماف زول بيغش الحكومة لانه الحكومة عمرها ما غشتهم فى حاجة وفى بلد زى دى لو قدر لى الحياة فيها لن افكر ابدا فى اقتناء عربية واكون مهموم بيها وباوقفها وين وترخيصها وصيانتها وووو ولن اخجل ابدا من ركوب المواصلات العامة التى تعطيك احساس الاندماج والتفاعل مع الحياة العادية اليومية
تحياتى للجميع

تصدق يا المر...أنا لي زي كم وعشرين سنة هنا
ما جربت ركوب المواصلات العامة....
وبعد ما قريت بوستك دا...
ورأي الناس البدافعوا عن نفسهم (زي صديقناأساسي )
مشيت من الصباح محطة النقل العام...قلت أجرب
وهي قريبة جدا جدا من بيتنا (حتي أسأل جمال السنوسي)

مشيت لقيت البص....واقف والناس راكبين...وقدامي هندي
شايل ليه قفة خدار...والدنيا صباح...وما كنت عارف هل
الزول بمشي يقطع تذكرة...والله في كمساري بجي يخلص القروش
في البص...والله ندي القروش السواق...(مع العلم قدام البص
في شباك تذاكر...ومكتوب عليه...(شباك تذاكر بالانجليزي)
بس مقفول...قلت أباري الهندي دا في ختراتو...وأركب والبسويها
بسويها معاه...الهندي خت قفتو في مقعد وقعد في مقعد...
قلت احتمال يكون حجز لي هندي تاني...المهم قعدت وراه
واصلو مافي زول سعلنا ولا نضم معانا...ونحن احدث اتنين ركبنا
والسواق موجود وراكب...وما بينو وبينّا قزاز...شايفنو وشايفنا
وما قال لينا وينا تذكرتكم والله أدفعو كذا والله ماشين وين...
بعد خمسة دقائق...الابواب قفلت أوتوماتيكيا...والبص دوّر...
وانا مكتبي في مدينة تانية...تبعد عشرة كيلو من محل ما
ركبت...

سواق البص أخد ليه طريق عكس ما أنا ماشي...وعرفت ليك
رقبتي اتمقلبت...سألت الهندي سيد القفة...قلت ليه البص
دا ماشي وين...(طبعا لم أسأل هذا السؤال مقدما لأني عارف
ان البلد كلها مربوطة بطريق دائري...كان البص لف الدائرة كاملة
برجعني لي مكاني دا...وفي الطريق لابد يمر بي الشارع الفيه
المكتب) الهندي بدل ما يجاوبني سألني و قال لي...( TOM KIDER JAIGA
قلت ليه شارع...كترينا,,,قال لي (Bohht DOOR(
yek ganda baad me ayga
يعني حا تصل بعد ساعة...مع اني كنت بصل في 3 دقائق...

طوالي قلت في سري (تتجازي يا المر) وقلت لي الهندي قول معاي

Punishment O'gia Ya Al MOr

وتاني من دي... اعتبرني مش بخجل وبس...
ما بكررا مش لو عربيتي عند الميكانيكي
بمشي بي كرعي عديل.

Quote: ...( TOM KIDER JAIGA قلت ليه شارع...كترينا,,,قال لي (Bohht DOOR( yek ganda baad me ayga

nazar hussien
دة كلام زول بعرفو تب؟؟
ومن لغتك دى انت زول باظات ساكت

Quote: فى بداية الشهر دة نزلت باحد الفنادق بمدينة جنيف بسويسرا , وعند اتمام اجراءات النزول منحتنى موظفة الفندق بطاقات لى ولاسرتى وقالت لى هذه لتستخدموها فى المواصلات العامة اثناء فترة اقامتكم , وحين ركبنا البص لم اضطر لابراز هذه البطاقة للسائق كما يحدث فى بعض المناطق او تعريضها لجهاز اسكانر كما فى بصات دبى وفرنسا والحقيقة طيلة فترة اقامتى اصابتنا الحيرة انا وزوجتى والاولاد حيث كنا نرى الناس تصعد وتهبط من البص والترام دون ان يدفعوا الاجرة او يبرزوا بطاقات او كارنيهات وبالتالى قمنا بحذو حذوهم ولكن لم نكن متاكدين هل نحن صح فى هذا ام مخطيئن الا ان وجدت احد الاخوة المقيمين بسويسرا من اصل صومالى فى طائرة العودة لجدة , حيث اوضح لى بان الكل لديه كارنيه سنوى قيمته 200 فرنك وهو مبلغ زهيد جدا لذلك لا ىوجد شخص يجروء على الاستهبال والركوب ملح وبالتالى لم تزعج هيئة المواصلات نفسها بتوظيف مفتشين للتحقق من التزام الناس بدفع قيمة المواصلات (الزهيدة) , باختصار ماف زول بيغش الحكومة لانه الحكومة عمرها ما غشتهم فى حاجة وفى بلد زى دى لو قدر لى الحياة فيها لن افكر ابدا فى اقتناء عربية واكون مهموم بيها وباوقفها وين وترخيصها وصيانتها وووو ولن اخجل ابدا من ركوب المواصلات العامة التى تعطيك احساس الاندماج والتفاعل مع الحياة العادية اليومية تحياتى للجميع

احمد التجانى شكرا لى مرورك وإثراءك البص اقصد البوست، بى باصات غربية

Quote: الصورة اعلاه للرئيس اوباما يجلس داخل بص في احد متاحف مدينة ديترويت

اوباما مالو عامل كدة؟؟؟ ذى الداير يبصق --- " السَفة"

Quote: دحين وقت ربنا قدرو أحسن ليه (يتجدع) ويركب ليهو عربيه ساكت (الباظات) ملحوقه يا خوي

ابو حوه المبدع، كيف قيلت؟

Quote: حسبنا معدل إهلاك العربية + المصروفات الجارية

انت صحى صحى ، ما بتعرف الخليج، يازول اإهلاك شنو؟ تعال شوف الطلطة؟

Quote: لي شنو ياخوي داير الناس تركب الباصات طالما ربنا رزقم من نعيمو سيارات فارهه وموديلات حديثه وتكييف صاقعه من باب البيت لي اقرب بفاله ويضرب البوري يجيه صاحب البقاله يجري حتى لوعاوز بيبسي بريال البصات في الخليج اغلب ركابها من العماله الاسيويه الضعيفه الرواتب مواقف البصات تمشي مسافة كيلو عشان تلقاها ولمن يجيك البص تكون ريحتك بقت طير طير غير البلبله من العرق الا ترجع البيت تغير وترجع

اخشوشنوووووووووووووو؟

Quote: ما امتع ركوب الباصات خاصة جمب الشباك وياحبذا كمان لو زول دفع ليك من ناس قدام

الزول السمح. بس باصات الخليج شبابيكة ما فاتحة، ومافيها " كمسارى؟

Quote: برغم ركوب الباصات فى دول الخارج تعتبر نعيم من كتر ماهى نظيفه ورايقه ومريحه

وســـــــــــــــــــــــــــــــاقطة " تلج"

Quote: وحات الله انا لقنى سودانى فى الستى سنتر فى الدوحة لبس جلابية وطاقية وسروال ولبس زى السفنجة دى

هاهاها وضاحة انتى بتعاين لى السفنجات مالك؟