تعال يا زول..... انقز بجاي....لا قصص حزب الامه بتنحل ولا قصص السودان بتنحل....تعالوا زفوا الراجل ده وقوموا بالواجب..... واحكوا لينا عن تراث دار حمر في الزواج.....
هو بريمه براهوا البعرف ينكت في اليتوتيوب؟!
الزول ده مفروض تحلفوا عليه اليعبر بالسعوديه يطبق حنته دي قبال يمشي على السودان ويديكم ندوة ندويتن......عشان ترفعوا راسكم فوق زياده بالزول ده وبشمال كردفان...و بالكوادر القادمه بقوة!!
يا زول زولا فيه ريحة عمنا الحمري الاصيل بكري عديل باقيلك ثاني فيه كلام؟!
Post: #2 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: Tragie Mustafa Date: 04-24-2012, 03:03 AM Parent: #1
تحياتي - ولعل الأخ خالد شطة في رحلةٍ ما لكنه لن يطول الغياب في بوش وفرح أخونا الصادق الزين وسيلحق بإذنه تعالى. الفرح عندنا في دار حمر مثله مثل كل الأشياء تتغير وأهم شئ هو لمة الأهل والأحباب والحسناوات في مثل هذه المناسبات وكل شئ يتم في العصاري مبكراً أو نهاراً وجزء من الليل . فيحلو السمر بالذات في الليالي المقمرة وبدايات الخريف مع نسمات الدعاش أو نهاية الدرت بعد سنة تشبع فيها كل الديار بالإنتاج الوفير فينجح الزرع ويكبر الضرع ويأتي الضأن الحمري إنتاجه الكبير بالتيمان وبعض البهم بتلد مرتين في العام الواحد .
وللصادق من غير فيديو نقول ليه
أبو حريرة نصاصي ليه كان نلقى طريقة نصاصي ليه أبو روادي نصاصي ليه كان نلقى مرادي نصاصي ليه
وبيتكم القبة وحوشكم المسيد وين نلقاك يا دقمة أم سنوناً بيض
وقعر الجراب نحتو - لي الصادق نعزو والجمرة وقعت في الحزة - الزول بلا الأهل شن عزة
نحن الزول قبل مايدخل عشان يلبس لباس الانصارية دى بخلى قبيلتو فى خشم الباب بره ...الحمد لله الذى جعل لنا الانصارية قبيلة وعشيرة ...
Post: #11 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: Kabar Date: 04-25-2012, 06:50 AM Parent: #10
ارنب الكنيتة..تحية خصوصية لعيال ابا الصادق و خالد..
ياخي استخدام التصغير ده يحير سيبويه في قبرو..!!!
كبر
Post: #12 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: خالد أحمد شطة Date: 04-25-2012, 01:03 PM Parent: #11
Quote: الزول ده مفروض تحلفوا عليه اليعبر بالسعوديه يطبق حنته دي قبال يمشي على السودان ويديكم ندوة ندويتن......عشان ترفعوا راسكم فوق زياده بالزول ده وبشمال كردفان...و بالكوادر القادمه بقوة!!
يا زول زولا فيه ريحة عمنا الحمري الاصيل بكري عديل باقيلك ثاني فيه كلام؟!
Post: #15 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: مجاهد حسن طه Date: 04-25-2012, 03:00 PM Parent: #14
تصدق يا ود الزين ريحة الحنة و الضريرة و البخور الصندل شاميه فى البيت قبل ما افتح { البوست } المزين بالفرح يا عريس الموسم و الاعمال بالنيات و انت نتك صافية بشهادة الجميع الفارشين ليك قلوبهم بالامنيات الطيبات الصادقات يا صادق الزين و العديل و بيناتنا مودة قدرها من بيتنا لى بيتكم و سعادة يملاها الفرح و يزيد و الشوق ماشى قدامى جاييك قبل ما اصلك .. و مرتى و اولادى بقولوا ليك الف مبروك و بيت مال و عيال ..
Post: #32 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: Tragie Mustafa Date: 05-04-2012, 05:02 AM Parent: #11
Quote: ارنب الكنيتة..تحية خصوصية لعيال ابا الصادق و خالد..
شكرا اخي كبر على الاغنيه لاخوك الصادق و خالد و ضيوفه.
Post: #20 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: Tragie Mustafa Date: 04-26-2012, 05:06 PM Parent: #9
حباب ابو النيز
Quote: الف مبروك مقدما للحبيب الصادق الزين ..نسال الله ان يتممه
على الف خير وان يجعله بيتا عامرا بالسعادة والهناء ..
عقبالك كان ما معرس...وعقبال كل العزابه.
تخريمه: _________________________________________
Quote: شكرا يا رجرجة فيك بقايا خير :)
يا راجل؟!
Post: #17 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: فضل الله رابح Date: 04-26-2012, 03:48 PM Parent: #8
Post: #19 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: Tragie Mustafa Date: 04-26-2012, 04:15 PM Parent: #8
حباب البحيراوي
نوارة دار حمر....كثر خيرك....أمانه ما نورتنا وثقفتنا وكأننا نحضر الآن عرص في بيادر ام بادر!
وود بنده...وحمرة الوز...شكرا لك كثيرا....وما فائدة الانترنت ان لم يعرفنا ببعضنا وبتراث
بعضنا وثقافات بعضنا؟!
Quote: الفاضلة تراجي مصطفى
تحياتي - ولعل الأخ خالد شطة في رحلةٍ ما لكنه لن يطول الغياب في بوش وفرح أخونا الصادق الزين وسيلحق بإذنه تعالى. الفرح عندنا في دار حمر مثله مثل كل الأشياء تتغير وأهم شئ هو لمة الأهل والأحباب والحسناوات في مثل هذه المناسبات وكل شئ يتم في العصاري مبكراً أو نهاراً وجزء من الليل . فيحلو السمر بالذات في الليالي المقمرة وبدايات الخريف مع نسمات الدعاش أو نهاية الدرت بعد سنة تشبع فيها كل الديار بالإنتاج الوفير فينجح الزرع ويكبر الضرع ويأتي الضأن الحمري إنتاجه الكبير بالتيمان وبعض البهم بتلد مرتين في العام الواحد . وللصادق من غير فيديو نقول ليه
أبو حريرة نصاصي ليه كان نلقى طريقة نصاصي ليه أبو روادي نصاصي ليه كان نلقى مرادي نصاصي ليه
وبيتكم القبة وحوشكم المسيد وين نلقاك يا دقمة أم سنوناً بيض
وقعر الجراب نحتو - لي الصادق نعزو والجمرة وقعت في الحزة - الزول بلا الأهل شن عزة
الجنزير التقيل .. البقلا يا تو البيوقد نارا.. بدفاها هو يا ولد ام درجات المأصل ماك نفو اليوم الحار الزول بيلقى أخو..
Post: #23 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: أحمد التجاني ماهل Date: 04-28-2012, 00:17 AM Parent: #22
العريس الغالي الصادق الزين ألف مبروك وإن شاء الله جدادة وولادة تغلبك بالعيال وتغلبها بالمال وكم كان تزداد فرحتنا لو يوم بوشك حضور فوق ضهور البقلب الطواف والبنفخن الفراو. يا حليل كردفان ويا حليل خريفها وصيفه ويا ريت سيدها كان كل المخاليق كيفه بالجود والكرم دايماً بمجد ضيفه دي فِطرتنا من كان الزمان بي عريفه
ونقول للعزيزة تراجي تعالي من الشمال شويه للصادق وجهزي الخضورة وأربطي الحريرة وهجري السوار وأشقلي الهلال وخلي اخونا كبر أو بريمه يرفع شريط الجرداق وخالد شطة يدفر بالأدبس أبو غرة. وأنا والبحيراوي من مكانا دا نسوا ليكم الكدنداية والحسيس: أنجع يا شقي وفي السرايا دربك بنلقي أنجع يا شقي وفي السرايا دربك بنلقي
ساه وبقولك ساه، وساه وبلا مناداه ساه وبقولك ساه، وساه وبلا مناداه دي هي نا دي هي ناري دي هي نا دي دي هي ناري ذي هي نا ذي هي ناري كردفان الهب نسيما طرتني زولا بريدو ديما كردفان الهب نسيما ذكرتني زولا بريدو ديما دي ها دي ها دي ها دي دي ها دي ها دي ها دي كسر بي أبو زعيم وادي الملك قالوا الريد جريمة وادي الملك كسر بي أبو زعيم الزنبلك قالوا الحب جريمة الزنبلك ذها أمك ذها امك ذها أمك ذها امك ويجونا ناس عبد الرحيم سعيد ومنصور المفتاح شالين الطمبور الغرباوي والبنات يرقصن مع البرقال: القصاري أبو قران وحبك شواني بالنيران تعال لي تعال لي العندليب السكة بجريبان تعال لي تعال لي النجيري أبو قران وحبك شواني بالنيران تعال لي تعال لي العندليب السكة بجريبان تعال لي تعال لي وبعد أن يدخل العريس ونحن نجيب كَسَرَة الختام: اندسوا رقدوا خلونا برا اندسوا رقدوا خلونا برا وبنات الشين خلوكن لينا واولاد الشين خلوكم لينا قو هي قو هي قو هي قو ها قو ها قو ها قو هو قو هو قو هو قو هم قو هم قو هم أحمد
Post: #24 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: Bashasha Date: 04-28-2012, 03:42 AM Parent: #23
بالعديل والزين يالصادق.
بيت سودان بديل انشا الله.
الف مبروك للعروس والعريس.
Post: #25 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: معاوية عبيد الصائم Date: 04-28-2012, 03:56 AM Parent: #24
الف مبروك بيت مال وعيال يا ود الزين
تحياتى ام حازم
Post: #26 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: احمد التجانى احمد Date: 04-28-2012, 06:18 AM Parent: #25
الف مبروك للعروسين بارك الله فيهما وجعل بينهما مودة ورحمة
Post: #27 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: البحيراوي Date: 04-28-2012, 08:25 AM Parent: #26
شكراً العزيز ود القنصل ( أحمد تجاني ماهل)
ويتواصل الشكر لكل من جاء بهذا المكان وتنتشر الأفراح في بوش ود الزين الزين
قال لي أبي ذات مرة مد الله في أيامه في قضايا الزواج !
ما تزرع البلاد أم بودة وما تزرع الفلاة المردودة أخد بت الرجال البرقعوا المقدودة يعيشولك جناك بي نارهم المقدودة
وقد حكي لي كذلك بمناسبة الزواج أيضاً
أن أحد الأغنياء كان على مشارف الموت فقال موصياً إبنه دايمأً سلّم قاعد وما تاخد المرة الطويلة . وبعد وفاة والده أصبح الإبن دائمأً يسلم وهو جالس ولا يتزوج إلا المرأة القصيرة !! ولكنه لم يوفق في حياة وتراجع ماله كثيرأً !! فذهب يسأل الكبار من حولة حول وصية والده تلك . عساه قد فهمها غلط !! فوجد شايب كبير في الحلة فحدثه بوصية والده تلك . فأجابة الشايب بالآتي:-
عندما قال لك والدك سلم قاعد - يقصد دائمأً أسعى الخيل وأركب عليها في ترحالك ! وكن راكب فيها وسلم على الناس . لأن الخير في نواصي الخيل .
تزوج المرة القصيرة - قاصد دايماً تزوج المرأة المعروفة والقريبة منك .
وقام الولد ونفذ وصية والده من جديد وعاد المال الذي ذهب من جديد وإستعدلت معاه !!!
بحيراوي
Post: #28 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: Tragie Mustafa Date: 05-02-2012, 07:01 PM Parent: #27
يا سلام يا البحيراوي يا اخي ما قصرته اطلاقا.
برجع بهدؤ....تحياتي لكم جميعا....
Post: #29 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: عمر ادريس محمد Date: 05-02-2012, 11:15 PM Parent: #28
الف الف مبروك للعروسين بيت عيال ومال ومودة ونضال تهانينا
بداءاً أشكر كل من تداخل مهنئاً أو إتصل تلفونياً ونسأل الله ان يجعل دعواتكم لى مستجابة و أن تكون أيضاً فى ميزان حسناتكم، و كل أمل أن ألتقيكم غدِ عند حيث الإحتفال و الفرح و الكرنفال.
أشكركم مثنى و ثلاث و ...إلخ
Post: #31 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: Hamid Sharif Abdelrasoul Date: 05-04-2012, 04:13 AM Parent: #30
الأستاذة / تراجي سلام شكرا لك على قش الفسة و الفضاية و توسيع الدارة عريسنا الصادق الزين زولا بدين و عزيز بأهلة و أصحابه و أصدقائه من كل الجهات في السودان و لذلك ستضرب الدلوكة فتحن و ترجحن و يؤآذرها الشتم و الكرنق و التنبل و النقارة و الحمار و الرق و الطار و الطنور و العود و الكمان و البيانو و أم كيكي و كل أنواع و ألوان المزمار و الأوتار و الصفقة و كل ما من شأنه أن يدخل الفرح في القلوب و العزة في النفوس و نحاس العز يردح الصادق ..الصادق .. الصادق والأصحاب و الأصدقاء يضربون أكباد السموات و الأرض من الفلوات لحضور الفرح البهيج فألف ألف مبروك للعريس المحروس الصادق الزين ... مع الشكر حامد شارف
Post: #33 Title: Re: يا شطه اين انت؟!دلوكة دار حمر ونحاس الانصار وود الزين عريسا! Author: Abdlaziz Eisa Date: 05-04-2012, 08:38 AM Parent: #31
