أحمد ابن عوف صورك لمعارك قبل إتفاقية السلام.. وليس داخل هجليج بالدليل

ما جاء على هذا البوست :

عاجل على تلفزيون sstv يعرضون تصوير للمعارك .. صور

عارى تماما من الصحة

لدى تسجيل كامل للحلقة

وقد اشار العقيد مقدم البرنامج لذلك فى بداية الحلقة

وكان ذلك للمهاتفات التى وصلته من باكيا وشاكيا عن الهزيمة فى هجليج

وقد قال بالحرف الواحد انا حاعرض عليكم معركة سابقة توضح قوة الجيش الشعبى وبعدها تحقق الاستقلال لشعب الجنوب

فما عرض امس على تلفزيون sstv لم يكن تصوير للمعارك فى هجليج .. بل كان لمعارك سابقة اثناء الحرب

ليس هنالك خنادق فى هجليج كما هو واضح فى الصور

نعم الموقع والمعدات للجيش السودانى لكن ليست فى هجليج

وعليه ارجو منك يا احمد ابن عوف توضيح الحقيقة كاملة والاعتذار

وقد ناشد مقدم البرنامج فى نهاية الحلقة الحكومة البريطانية والمصرية لتوضيح تبعية هجليج وفق الوثائق الموجوده لديهم

ازيك يا جمال

انت زول بتاع تقنيات، وعارف انو التصوير دا حديث، دا اولا، ثانيا التاتشرات موديلاتها قطعا ما ممكن تكون
قبل نيفاشا، ثالثا الجنوبيين ما كان بصوروا معاركهم قبل كده، دي مصيبة جديدة اتعلموها من الكيزان

والقصة ما هلجيج، القصة كلها البترول دا ح يمرق بالشمال وبي كم؟؟ هسع الصينيين ح يدخلوا وبكره تشوف
الضحكات والابتسامات تاني

عشان كده بنقول لا للحرب، مافي داعي ناس تموت ساكت

Quote: انت زول بتاع تقنيات، وعارف انو التصوير دا حديث، دا اولا، ثانيا التاتشرات موديلاتها قطعا ما ممكن تكون قبل نيفاشا، ثالثا الجنوبيين ما كان بصوروا معاركهم قبل كده، دي مصيبة جديدة اتعلموها من الكيزان

الاخ أحمد ابن عوف

السلام عليكم

الموضوع لا يحتاج لتقنيات لانو مقدم البرنامج نفسه ذكر بأن الفيلم قديم قبل توقيع الاتفاقية ويشرح فيه كيف أجبر حكومة الخرطوم على توقيع الاتفاقية بعد الانهزام حسب قوله

وفى بوست اخر ذكر لك الاخ كمال :

Quote: بعدين الكلام القالوا ليك جمال ده ما تفوتو لأنو صحيح وأنا عارفو لأنو الحلقة دي معادة وأنا شفتها في يوم بثها الأول.. وعشان كده سخرت السخرية التي أنكرتها عليَ .. وأديك عرفت سبب سخريتي

كما قال لك ايضا الاخ كمال

واكرر لك ان مقدم البرنامج نفسه قال ان الفليم قديم يعنى ما خاص باحداث هجليج

ولدى التسجيل كامل لو تطلب الامر ساقوم برفعه

وعليه ارجو شاكرا تصحيح هذا الخطأ

No

ارفع الفديو العندك ونستشير طرف تلات ونشوف موديل العربات دا قبل نيفاشا وللا بعدها

وعاوزك برضو تأكد او تنفي (على كيفك) على حاجة تانية

هل انهزم الجيش السوداني في 5 مواقع قبل ان يصلوا الى هجليج ام لا؟