تأجيل الثورة السودانية الى أجل غير مسمى

(***)

Quote: تأجيل الثورة السودانية الى أجل غير مسمى

هو أول كانت في ثورة عشان (تتأجل)



الأمين .. كيفنك ياخ

Quote: هو أول كانت في ثورة عشان (تتأجل)

يا دكتور ياخ قدر الكان في داكـ
هسي بقى بح

بسبب التصرف الاخرق من الحركة الشعبية
باحتلال هجليج
هذا التصرف منح الانقاذ رئة ثالثة لكي تتنفس بها
مما زاد كمية الاوكسجين (الوطنية) المضخوخة
الى جسم الانقاذ ليزداد نشاطاً وحركة
الانقاذ هذه الايام استعادت بعضا من بريقها
الذي بدأت تفقده خلال الفترة الاخيرة

كذلكـ لا اعفي تحالف كاودا والحركة الشعبية قطاع الشمال
من مسؤولية هذا التأجيل.........
على مر العصور والدهور لم يفلح عدوان خارجي
في كسر شوكة اي نظام في الخرطوم
ضرب القذافي الاذاعة السودانية
فازداد الشعب التفافاً حول نميري
حاولت الاحزاب عبر غزوة (المرتزقه) وفشلوا ايضا
آخر الاشياء دخول خليل الى ام درمان ولم يفلح
خليل زي الكان جاي مأمورية عشان يسلم الاسلحة
والعربات التي اتى بها
..
..


ذات المشهد يتكرر اليوم بعد احداث هجليج

وهكذا كتب تحالف كاودا والحركة الشعبية بشقيها
شمالاً وجنوباً النهاية المحزنة لامال التغيير
اما ناس الانصار والختمية ديل موقفهم معروف
رجل جوه ورجل بره
سيوفهم (ابنائهم) مع الانقاذ وقلوبهم مع المعارضة
يعني بالعربي كدا بلكات طافية
..
..


__
عشان كدا قلنا التغيير السلمي زيو ماف
ولا حياة لمن تنادي

ليتك تعلم ما نعلم يا اخي الامين.....

Quote: بسبب التصرف الاخرق من الحركة الشعبية باحتلال هجليج هذا التصرف منح الانقاذ رئة ثالثة لكي تتنفس بها مما زاد كمية الاوكسجين (الوطنية) المضخوخة الى جسم الانقاذ ليزداد نشاطاً وحركة الانقاذ هذه الايام استعادت بعضا من بريقها الذي بدأت تفقده خلال الفترة الاخيرة

يمين الله الشعب اكثر تصميما على انتزعاهم!

تيارات جديده وقبائل جديده كل يوم تنضم للثوره!

حسه لو سالتك منذ الاسبوع الماضي.. كم زول من الهامش الحقيقي تحدثت معه انت؟!
بعيدا عن محيط اهلك ناس برام؟!

انت يا الحبيب غاطس....لشوشتك في البطاطس...عفوا اعني في (علاقاتك مع اهل المركز)!

بينما نحن يا حبيب غاطسين لشوشتنا في علاقات ناس الهامش (بتنوعهم)....فدعني اقول
لك البشير لم يترفع رصيده الا مع الناس الاصلا ناسه!الا الهامش صاحي ويزداد صحيان!

Quote: يمين الله الشعب اكثر تصميما على انتزعاهم! تيارات جديده وقبائل جديده كل يوم تنضم للثوره! حسه لو سالتك منذ الاسبوع الماضي.. كم زول من الهامش الحقيقي تحدثت معه انت؟! بعيدا عن محيط اهلك ناس برام؟! انت يا الحبيب غاطس....لشوشتك في البطاطس...عفوا اعني في (علاقاتك مع اهل المركز)! بينما نحن يا حبيب غاطسين لشوشتنا في علاقات ناس الهامش (بتنوعهم)....فدعني اقول لك البشير لم يترفع رصيده الا مع الناس الاصلا ناسه!الا الهامش صاحي ويزداد صحيان!

واحد ايضاً من اسباب تأخر الثورة هو اوهامكـ دي يا تراجي
يجب أن تحترم عدوكـ
ويجب أن تعرف كيف يفكر
ويجب أن لا تبلغ ثقتكـ بنفسكـ حد الغرور بأنكـ على صواب
وغيركـ دوماً على خطأ
..
..


__
عموماً لم تخيبي ظني فيكـ يا تراجي فقد كنت اتوقع حضورك
بس د. احمد سبقكـ ساي
تراجي بالمناسبة نحن ما مختلفين في الهدف
ولكن اختلافنا في اسلوب تحقيقه
عليكـ الله اقري البوست دا بقلب كبير واطردي عنكـ العاطفة

طيلة فترة مخاض ما كنا نظنه ثوره
لم تفلح اي قوة حزبية ، طلابية ، نقابة ، اتحاد .... الخ
في اخراج 1000 متظاهر يهزون الارض
بهتافاتهم الداعية الى اسقاط النظام
بينما وبدون دعوة للتظاهر او التضامن
يخرج الشعب مساندا للانقاذ وواقفا خلفها
وهي تجدد شبابها عبر لبس شعار الوطنية
وتصوير نفسها كحامي للتراب والعرض والممتلكات
..
..


___
د. احمد امين يا ملكـ جاييك بس اصبر لي عليكـ الله

هذا البوست ايضا مؤجل
كان المفترض أن اكتبه في نفس تحرير هجليج
مناسبته هو أنني كنت اتصفح القنوات الفضائية
وقد هالني تدافع الناس وفرحتهم بتحرير هجليج
الى هنا ليس هناكـ ما يدعو الى العجب
ما ادهشني هو خروج الناس وهتـــــافهم للبشير والقوات المسلحة
بل ما ادهشني هو التفاف الناس حول الانقاذ
جلست لفترة اتأمل منظر الحبر المدلوق في المنابر السودانية
وعن قرب موعد ثورة هذا الشعب ضد الظلم والطغيان ..... الخ
والله لم تعذب حكومة هذا الشعب بمثل فعلت الانقاذ
اطرقت افكر واقلب المواقف
معقول ياخ؟
الناس دي جنت ولا شنو؟
مش دي ياها الانقاذ العذبتنا وشردتنا
وقتلت واغتصبت وفسدت ....... الخ
لكم أن تتخيلوا كل ما هو قبيح لم تأتي الانقاذ
ومع ذلكـ هؤلاء الناس يخرجون ويهتفون لها
مش حاجة تحير بالله ؟
وتراجي وصحبها الميامين حالمين بالتغيير
بينما هم يقدمون للانقاذ خدمة هي نفسها عاجزة
أن تقدمها لنفسها .........

كانت كاميرا الفضائيات تنقل ابتهاج الناس
باسترداد هحليج وتتنقل بين المارة
رأيت الاطفال بكل سحناتهم
النساء من مختلف مناطق السودان
الرجال بكل تنوعهم وتنوع زيهم
الشباب السواقين الكماسرة ستات الشاي
اي والله ستات الشاي
والبعض من فرط توهمه بما يصوره له عقله قد كتب:
الوعي لدي السودانيين وصل الى ذورته
فحتى ست الشاي وصلت اليها القناعة بضرورة تغيير النظام
هذا ما قرأته من احد مفكري هذا العصر
طيب ياخ الناس دي الطلعها شنو؟
ممكن ناس الانقاذ حشدوهم لكي يهتفوا لها
ويسبحوا بحمدها بكرة وعشية
..
..

احدى القنوات تنقل حفل الساحة الخضراء ابتهاجاً بالنصر
الناس دي ما نصاح ولا شنو؟
الساعة الان تقارب التاسعة مساء
والعالم تصدح بالتكبير والتهليل وكأنهم في يوم الحج الاكبر
بسم الله الرحمن الرحيم
ياخ أكيد في حاجة غلط لالالالالالالالالالالا دي حاجة ما طبيعية ابدا
الناس دي ما عندها شغلة ولا شنو
هسي البوش بكون كمل في الدكاكين
وفيلم السهرة زاتو فاتهم
اولادهم منتظرنهم ياخ
المهم اخدت لي سرحة كدي في القاعد اشوفه دا
انا في حلم ولا في علم؟

امين بشاري يا اخوي و الله تشوف فيديوهات الناس البتهتف لبشار الأسد الآن و هذه الأيام إلا تتحير.
يا زول الناس البطلعوا في أي مناسبة ديل ما تقيس عليهم.

Quote: امين بشاري يا اخوي و الله تشوف فيديوهات الناس البتهتف لبشار الأسد الآن و هذه الأيام إلا تتحير. يا زول الناس البطلعوا في أي مناسبة ديل ما تقيس عليهم.

دكتور سيف النصر

كيفكـ يا حبيب.......
يا سيف ياخ الدراما الاخيرة دي الانقاذ طلعت منها كسبانه
هم نفسهم ما مصدقين الحاجة دي
وما تفكر اني بنيت قناعتي فقط على مشاهد التلفزيونات
الليلة دي كنت بتكلم مع امي وخالتي ومجموعة من اقربائي
قالوا لي ياخ البشير دا احسن زول
يا ناس انتوا جادين؟ دا كلام شنو دا؟
البشير دا عمل وعمل ..... ولا حياة لمن تنادي
قالوا اي والله جادين بحالتو دي هو احسن من غيره
وقس على ذلكـ رجل الشراع البسيط
انت معاي انوالاحداث دي خدمت الانقاذ أكثر مما تضرها
وبها جددت دمائها وشبابها واستعادة خطابها الجهادي
والخطاب دا بعجب كل السودانيين بوهمة الرجالة والفراسة

تحاياي

قلت سابقا وما زلت ان تحالف كاودا
يقدم للانقاذ خدمات جليلة أكبر من تلكـ التي يقدمها
لهم الصادق المهدي والميرغني ونجليهما
ادعوكم للجلوس مع انفسكم قليلا
..
..

اها الحركة الشعبية قطاع الشمال دي كمان
حكايتها تحير
قاعد استمع للقاء صلاح المليح
ياخ دا جنوبي أكثر من الجنوبيين انفسهم
وهذه سأفرد لها المداخلة الجاية
على كل هؤلاء سقطوا في نظر الشعب
وصُنفوا في خانة العمالة للعدو
دا كلام لناس في اللقاءات التلفزيونية

اها يا ناس الحركة الشعبية قطاع الشمال
ديل كمان ما قادرين يفهموا انو الجنوب دا خلاص راح
وبقى دولة ذات سيادة
وليس غريباً أن يحمل حزب في دولة ذات الافكار التي يحملها
حزب آخر في دولة أخرى
يعني مفروض يكون افكاركم واحدة وتتجمعون خلف فكرة السودان الجديد
لكن كمان ارتباط في كل شئ دي ما قادر ابلعها ياخ
ولدرجة انك ممكن تعادي وطنكـ
ما ياهو في مليون حزب شيوعي في العالم
ولكن حزب من ديل ملتزم بمصالح وطنه العليا
..
..

ولا انا غلطان؟

Quote: اطرقت افكر واقلب المواقف معقول ياخ؟ الناس دي جنت ولا شنو؟ مش دي ياها الانقاذ العذبتنا وشردتنا وقتلت واغتصبت وفسدت ....... الخ لكم أن تتخيلوا كل ما هو قبيح لم تأتي الانقاذ ومع ذلكـ هؤلاء الناس يخرجون ويهتفون لها مش حاجة تحير بالله ؟

أمينو .. كيفك يا صاحب ..
لا تحير ولا حاجة ...
يا أمين تلاتة أرباع الناس لم تهتف للإنقاذ ...
هتفوا للجيش لاستعادة كرامتهم التى أهينت ...
وهتفوا ضد شماتة وتشفى أبنائهم وإخوانهم وبنى وطنهم ...
وأما الإنقاذ إن لم تستثمر رأس المال هذا لتنفيذ إصلاحات حقيقية ...
وبقبول مشاركة التيارات المعارضة - التى لم تحمل السلاح ولم تتلوث بدماء
السودانيين وإستثمار معاناتهم - وأيضا بإشراك القبادات
المحلية الممثلة حقيقة لأطياف المجتمع ...
مشاركة حقيقية وفاعلة وليست صورية ..
فأبشر بالثورة ...

وليحفظ الله اهل السودان أعزاء موفورى الكرامة ..
ولك تحياتى

الأخ الأمين موسى البشاري.

هل من الممكن أن تحدثنا عن هذه "الثورة "المزعومة؟
أين ومتى كانت ومن هم قادتها؟
وما هي مطالبهم؟

Quote: هل من الممكن أن تحدثنا عن هذه "الثورة "المزعومة؟ أين ومتى كانت ومن هم قادتها؟ وما هي مطالبهم؟

الأخ دينق

مرحب بيكـ وبالطبع نتكلم عن الثورة في شمال السودان
التي تقود لتغيير الواقع وازاحة الانقاذ
فشنو خليكـ متابع بس
..
..


__
موضوع الجنوب داكـ ما كملناهو ياخ

Quote: وأما الإنقاذ إن لم تستثمر رأس المال هذا لتنفيذ إصلاحات حقيقية ... وبقبول مشاركة التيارات المعارضة - التى لم تحمل السلاح ولم تتلوث بدماء السودانيين وإستثمار معاناتهم - وأيضا بإشراك القبادات المحلية الممثلة حقيقة لأطياف المجتمع ...

أمير عثمان يا صاح لعلكـ طيب
وشايفكـ مسجل حضور طاغي في المنبر الايامات دي
غايتو يا فلسته يا عملته قروش كتيره :)
أمير لا الانقاذ بتتعلم ولا المعارضة بتستفيد من التجارب
وقراءة التاريخ
غايتو يا أمير الا تطلع لينا قوى جديدة تقود عملية التغيير هذه

تحاياي

لك التحيه الامين موسى بشاري أي كان لونك السياسي الذي لا أعرفه لكنك وضعت يدك على وجع طازج ولمست كل التساؤلات المحيره لشعب غريب الاطوار أو انه في حالة انفصام . وقد ذكرتني بوقف والدتني عند انتخابات البشير ، عندما كنا نتصل بها أوعه تدي صوتك للبشير .. قالت بديه .. سألناها ادوك كم .. ورشوك بي كم ؟ وهي على يقين تام بأن ما تفعله هو الصواب برغم ما عانته من عطاله للاسره كاملا . لكن السؤال هو هل تصرف الحركه الشعبيه كان اخرقا ام مقصودا؟
حال السودان كلو مأجل الى أجل غير مسمي ، الحاله المشابه لي بوستك دا

بلاغ امرأه عربيه

عبثاً احاول ان ازّور محضر الاقرار

فالتوقيع يحبط حيلتى

ويردنى خجلى وقد سقط النصيف

انا لم ارد اسقاطه

لكن كفي عاندتني

فهي في الاغلال ترفل

والرفاق بلا كفوف

اما البنان فما تخضب

منذ ان طالعت في الاخبار

ان حاتم الطائي أطفأ ناره

ونفى الغلام

لان بعض دخان موقده

تسبب في المجىء بضيف

ورأيت في التلفاز سيف اسامة البتار

ينصب قائماً

في ملعب الكرة الجديد بنقطة اقصى جنيف

وسمعت في الرادار

كيف يساوم بن العاص

######## التتار يحددون له متى.. ماذا .. ويقترحون

كيف

طالعت في صحف الصباح حديثه

قالوا

صلاح الدين سوف يعود من نصف الطريق

لأن خدمات الفنادق في الطريق رديئة

ولأن هذا الفصل صيف!!

الله حين يكون كل العام صيف

الله حين يكون كل العام صيف

الله حين تساوت الاشياء في دمنا

وقررنا التصالح وفق مقتضياتنا

تباً لمن باعوا لنا الاشياء جاهزة

وكان الفصل صيف!!

خجلى

لقد سقط النصيف ولم ارد اسقاطه

لكنما كفي الى عنقي

وقدامى هنا نطع وسيف

عجبي

لقد نزعوا الاساور من يدي

وتشاوروا

بالضبط تصلح للمحرك في مفاعلنا الجديد

على اليسار

فاحضر لنا(كوهين) الفاً غيرها

بل زد عليها قدر ما تسطيع من قطع الغيار

خجلي

لقد سقط النصيف ولم ارد اسقاطه

لكن كفي في الحديد

ولا ارى غير الغبار

عجبي

لقد اخذوا الخواتم من يدي

خلعوا الخلاخل والحجول وصادروا كل العقود

سكبوا على ###### صغير كان يتبعهم

جميع العطر في قارورتي

بل انهم طلبوا المزيد

هرولت صوب المخفر العربي حافية

وقد سقط النصيف ولم ارد اسقاطه

لكنما كفي الى عنقي

ومخفرنا بعيد

يا ايها الشرطي

قد خلعوا الاساور من يدي

اخذوا الخواتم والخلاخل والحجول وصادروا كل الحجول

بل انهم يا سيدي

- كفي وقولي باختصار

- العقد ما اوصافه

العقد؟؟

فر القلب من صدرى

وسافر كالخواطر في نداوتها ومثل نسيمةٍ مرت على كل

المروج

قد كان يعرف كل اسراري الصغيرة

كان يسمع كل همساتي وآهاتي

ويعرف موعد الاشواق في صدري

وميقات العروج

قد كان اغلى ما ملكت

لانه ما جاء من بيت الاناقة في حواضرهم

ولا صنعوه من تركيبهم

او علقوه على مزادات العمارات الشواهق

والبروج

لكنه

قد كان ما اهداه لى جدي وقال

الؤلؤ العربي حر يا ابنتي

ويجىء من شط الخليج!!

الله من هذا النصيف لقد سقط

انا لم ارد اسقاطه

لكنما كفي الى عنقي ولا ادري طريقاً للخروج

وخواتمي اوصافها

يا زينة الكف التي قد صافحت كل الصحاب

تدرين موعدهم اذا مروا

وتبتئسين ان طال الغياب

يا خاتم الابهام

يا ابن المغرب العربي لا تسأل رجوتك

انني والله لا أدري الجواب

انا كم احبك خاتم الوسطي

ففيك نسائم الشام التي اهوى

واضواء القباب

الله من هذا النصيف لقد سقط

انا لم ارد اسقاطه

لكن كفي في الحديد ولا أرى غير اليباب

وخلاخلي اوصافها

يا حزن اقدامي التي صعدت حزون القدس سعداً

وانتشت عند السهول

كم في ديار العرب قد صالت

وكم ركعت وصلت عند محراب الرسول

حزني على خلخال رملة لن يجول

بلقيس اهدتنيه من سبأ ومأرب

قبل آلاف الفصول

وغداً ستسألني

فقل لي صاحبي ماذا اقول

سقط النصيف ولم ارد اسقاطه

لكن كفي في الحديد

ولست املك أي تصريح جديد بالدخول

اوصاف عطري؟؟

هل شممت عبير مسك الاستواء

في الغاب والصحراء والمطر العنيف

وكل سطوات الشتاء

والرائعون السمر

يفترشون هذي الارض في شمم

ويلتحفون اثواب السماء

جمعت عطري من دماء عروجهم

واضفت من كل الحقول الزاهيات

برغم عصف الريح والامطار والسحب

التي تأتي خواء

الله من هذا النصيف لقد سقط

انا لم ارد اسقاطه

لكن كفي في الحديد ولا أري غير الهباء

يا ايها الشرطي اكتب ما اقول

واعد اليّ خواتمي

واساوري

وخلاخلي

اعد اشتياقاتي

واحلامي واسراري

اعد للخدر حرمته

وصل عزاً

فوحدك من تصول

حسناً

لقد دونت ما قلتيه سيدتي

نظرت بغبطة

فإذا بكل قضيتي قد دونت

عجبي

فكل المخفر العربي يعرف سارقيَّ

وضد مجهول بلاغي دونوه

فأخبروني ما اقول؟؟

Quote: لك التحيه الامين موسى بشاري أي كان لونك السياسي الذي لا أعرفه لكنك وضعت يدك على وجع طازج ولمست كل التساؤلات المحيره لشعب غريب الاطوار أو انه في حالة انفصام

الاخت راوية السر

تحياتي،،،
انا زول عادي ساي يهمه أمر بلده
والحصل دا مزعلني جنس زعل ما عادي
الانقاذ وجدت دفعة لم تحلم بها أبدا
ستطيل عمرها وستنسي الناس الثورة
عموماً بلاغكـ وصل

مشكورة على المرور

لغة الكيزان ما تستخدمها معاي يا الامين

خاطبتك بادب خاطبني بادب:

Quote: واحد ايضاً من اسباب تأخر الثورة هو اوهامكـ دي يا تراجي

لعلمك يا استاذ لا انطق عن الهوى
بساطة خطابنا لا تفتكرها....قصور مقدره على الرؤيه العلميه و التنبؤ!
بساطة خطابنا تقتضيها اهمية تبسيط الخطاب لناس الهامش!

Quote: يجب أن تحترم عدوكـ

لايوجد ما يوجب الاحترام ممكن تقول اعرفي نقاط ضعفهم وقوتهم ولكن لا تطالبني باحترامهم!

Quote: ويجب أن تعرف كيف يفكر

ومنو قال لك ما بنعرف كيف يفكر؟!
لكن هل معرفتي بطريقة تفكيرهم تعني اني اقرها؟!
ومنو قال لك كل البنعرفه لقينا له موارد ولا وسائل لتطبيقه؟!

Quote: ويجب أن لا تبلغ ثقتكـ بنفسكـ حد الغرور بأنكـ على صواب

طبعا من حقي ان اثق باني على صواب!ولكن ضروري ان اعي بانه لا يوجد من يمتلك الحقيقه المجرده!
ومنو قال انه ده غرور!

Quote: وغيركـ دوماً على خطأ

ومن هم الغير دوما الانا دائما قلت انهم على خطأ!
العلهم امثال متسكعي المنابر هؤلاء وشلل الانس هذه؟!
انا على فكره اتشرف باني....اتعلم من صغاري حتى!
خليك من الاكبر منهم!

Quote: عليكـ الله اقري البوست دا بقلب كبير واطردي عنكـ العاطفة

آمن العاطفه ان تختار توقيت مثل هذا وعنوان محبط مثل هذا؟!
أفكرت في نوع الرسائل المدجنه التي يرسلها مثل بوستك هذا؟!
وكمية انتفاح الاوداج التي منحتها للانقاذين؟!

ولما نقول لك توقيتك خطأ
ووسيلتك خطأ تقول لينا عاطفين؟!

سبحان الله!!


المهم سؤالي لازال هل تحتك فعلا بقيادات شبابيه من كل الهامش
ام مصطك في نوع دارويش المنبر هؤلاء وتنظر لينا عن تفكيرهم؟!

Quote: الانقاذ هذه الايام استعادت بعضا من بريقها

هل كان لها بريقاً أصلاً لآستعادته وانت تحدثت هنا كمثقف عن سوؤة الحركة الأسلامية
وماأحدثته بأهلنا ولاأريد تكراره

Quote: حاولت الاحزاب عبر غزوة (المرتزقه) وفشلوا ايضا

من هى هذه الأحزاب التى شاركت فى تجربة 76 يونيو المسلحة وماذا فعلت بهم حركة الأخوان الشريك الثالث
وهل تم تقيمها وهل تم تقيم المصالحة الوطنية والى ماذا افضت فى طريق الثورة السودانية كتجربة عطلت الأحزاب السودانية ولم تعطل تراكم بوادر الثورة السودانية التى تجمعت نجاحاتها فى 22 مارس 85 ونفس الحركة الأسلامية
التى كانت تخطط منذ 1955 الى تغير والستيلاء على الجيش السودانى وتغير هويتة الوطنية الى مليشيا مسلحة وتمت اول محاولة بعد قدوم أبوالمكارم عبدالحى أحد قيادات حركة الأخوان فى مصر الى السودان ووجه بالأستيلاء على الجيش وتم الأتصال بالطلبة الحربين وتجنيدهم بشير محمد على /عبدالرحمن سوار الدهب
والهدف هدم الجيش القديم وبناء جيش رسالى أسلامى وكانت اول محاولة بواسطة الرشيد طاهر مع عسكرى الحركة الأسلامية ادت الى أعدام خمسة وسجنه هو خمسة سنوات
السؤال الان والقراءة الصحيحة هل نجحت الحركة الأسلامية فى بناء الجيش الرسالى
تم أنقلاب الحركة الأسلامية والغالبية التى نفذت الأنقلاب من خارج المؤسسة العسكرية هنا دايرة وقفة وتقيم بعدها
هل يمكن أن يأتى ماتقوله فى الأسفل

Quote: عشان كدا قلنا التغيير السلمي زيو ماف ولا حياة لمن تنادي

التغير السلمى ماذا يعنى عندك

Quote: خليل زي الكان جاي مأمورية عشان يسلم الاسلحة والعربات التي اتى بها

جزء من التجارب التى ستصب فى تعدد أدوات التغير بعد تقيمها بشكل هادئ
شمالاً وجنوباً النهاية المحزنة لامال التغيير
آمال التغير لم تتوقف منذ أنقلاب عبود مرورا بإنقلاب نميرى مرورا بتجربة الأنتفاضة بإجابياتها وسلبياتها ومن ثم أجهاضها ومن هى الدوائر التى ساهمت فى ذلك الأجهاض حنى لاتكتمل وتسمى ثورة

Quote: يجب أن تحترم عدوكـ ويجب أن تعرف كيف يفكر

وده مهم وهل بعد 23 عام تفتكر لم يعرف الشعب السودانى من هى الحركة الأسلامية من المفيد جداً أنها حكمت هذه المده منفردة أذا هذة نقطة متقدمة فى حركة الثورة السودانية ومن المفيد جدا ظهور فسادهم وإستعلائهم الدينى والعرقى
الثورة السودانية قادمة لامحال تأخرها أسبابه عديدة منها المثقف السودانى الذى بوعيه او دون ذلك يساهم فى تعطيلها ولكنها قادمة

Quote: وهتفوا ضد شماتة وتشفى أبنائهم وإخوانهم وبنى وطنهم ... وأما الإنقاذ إن لم تستثمر رأس المال هذا لتنفيذ إصلاحات حقيقية ... وبقبول مشاركة التيارات المعارضة - التى لم تحمل السلاح ولم تتلوث بدماء السودانيين وإستثمار معاناتهم - وأيضا بإشراك القبادات المحلية الممثلة حقيقة لأطياف المجتمع ... مشاركة حقيقية وفاعلة وليست صورية .. فأبشر بالثورة

بعد 23 عام ماذا تريد ان تصلح فى الحركة الأسلامية التى بدات تاكل فى عرابها وابنائها وأعلنوا على الملأ فسادها وسوؤتها

يا اللمين والله أنا دايما بقول سلفا كير ده حاجة من اتنين:
يا غبـي غباء شديد
يا غواصة للمؤتمر الوطني

لاكين الزول ده كل تصرفاته بتستفيد منها الحكومة أكبر الفائدة
وتطيل في عمر النظام كثيرا

Quote: بعد 23 عام ماذا تريد ان تصلح فى الحركة الأسلامية التى بدات تاكل فى عرابها وابنائها وأعلنوا على الملأ فسادها وسوؤتها

الأخ عبد الحافظ ... سلامات ...
أى نقاش أو تفاوض أو تخطيط فى ما يخص كل مناحى الحياة
لا يتصف بالموضوعية وأخذ الواقع بكل تناقضاته فى الحسيان
لا يمكن أن يصل الى أى نتيجة ... وإن وصل لا يكمن أن تكتب لها النجاح..
الحركة الإسلامية واقع ... وواقع لا يمكن تجاهله على الإطلاق..
واقع له جذوره العميقة و العميقة جدا فى تكوين النسيج السياسى و الإجتماعى فى السودان ...
ولك فى تجربة مصر وليبيا وسوريا خير دليل ...
وإذا أردنا أن نتجاهله أو أن يتم اقصاؤه فى أى ترتيبات لمستقبل السودان السياسى فسنرجع للمربع الأول ..

فدعنا نؤسس لنظام ديموقراطى حقيقى وتكون الكلمة النهائية للصندوق الإنتخابى وللأغلبية ...

والله انا دايماً بقول محمد جلال عبدالله دا واحد من اتنين:

يا غبي غباء شديد ...

يا غواصة للسلفيين ...



... المهم ... ®Tabaruk2012©

غريبه لو قست مواقف قطاع الشمال بصلاح المليح!

Quote: اها الحركة الشعبية قطاع الشمال دي كمان حكايتها تحير قاعد استمع للقاء صلاح المليح ياخ دا جنوبي أكثر من الجنوبيين انفسهم

اها صلاح المليح ده تحديدا منو القال لك ما جنوبي؟!
مش مره فضل بريمه يزرزر فيه واتضح انه يحمل دماء جنوبيه وشماليه؟!

اها حاليا هو موظف بسفارة جنوب السودان
عارف يعني شنو؟! وجاء يومها كممثل لحكومة الجنوب
ولم يآتي كممثل لقطاع الشمال!!(تابعت اللقاء اياهو مع ربيع عبد العاطي).


سبحان الله....زول يفتح تلفزيون الانقاذ وعايز يسمع شنو غير بس الحركه الشعبيه!

Quote: وهذه سأفرد لها المداخلة الجاية على كل هؤلاء سقطوا في نظر الشعب وصُنفوا في خانة العمالة للعدو دا كلام لناس في اللقاءات التلفزيونية

عارف في دي قلبته الهوبه فيها يا الامين بشاري
يعني بقيت زي البتدخل بوست لعلاء الدين ولا من لف لفهم من صبية المؤتمر الوطني
ويتوقع ان يجد شيئا غير التسبيح بحمد المؤتمر الوطني!

لا خلاص اقنعتنا
انه الشارع المحايد ولا حظ المحايد دي
اتغير التيرمومتر بتاعه بواقعة هجليج!

تبارك شيخ الدين جبريل

Quote: والله انا دايماً بقول محمد جلال عبدالله دا واحد من اتنين: يا غبي غباء شديد ... يا غواصة للسلفيين ...

تبارك كونياك بنقو

وإذا أتتك مذمتي من ناقص ** فهي الشهادة لي بأني كامل

Quote: والله انا دايماً بقول محمد جلال عبدالله دا واحد من اتنين: يا غبي غباء شديد ... يا غواصة للسلفيين ... ... المهم ... ®Tabaruk2012©

قربته تلحق مكتشف الغواصات بالمنبر يا تباركـ

Quote: لاكين الزول ده كل تصرفاته بتستفيد منها الحكومة أكبر الفائدة وتطيل في عمر النظام كثيرا

محمد جلال

سلام ... غايتو دخول هجليج دا
كانت مغامرة غير محسوبة وافادة الحكومة فايدة كبيرة

عبد الحافظ

سلام ........

Quote: جزء من التجارب التى ستصب فى تعدد أدوات التغير بعد تقيمها بشكل هادئ شمالاً وجنوباً النهاية المحزنة لامال التغيير آمال التغير لم تتوقف منذ أنقلاب عبود مرورا بإنقلاب نميرى مرورا بتجربة الأنتفاضة بإجابياتها وسلبياتها ومن ثم أجهاضها ومن هى الدوائر التى ساهمت فى ذلك الأجهاض حنى لاتكتمل وتسمى ثورة

عبد الحافظ تغيير النظام وحده فقط لا يكفي لضمان نجاح التغيير
وإن كان هو الاولوية الآن
جربنا الانتفاضات وغيرنا الانظمة ماذا جنينا من ذلكـ؟
التغيير الذي اتحدث عنه هو تغيير شامل يضمن للسودان
استقراره .. هو تغيير للنظام .. تغيير للدستور.. تغيير لكيفية حكم السودان
وتداول السلطة واقتسام الثروة بما يحقق تنمية متوازنة
تغيير يعترف بالاخر ويعترف بالتنوع الديني والعرقي والاثني
يستوعبنا جميعا ويجعل مننا تروسا في ماكينة الدولة السودانية
اما الانقاذ ففشلها لا يحتاج الى ادلة فهو ظاهر كالشمس

تحاياي

ام حازم وسند

Quote: لغة الكيزان ما تستخدمها معاي يا الامين خاطبتك بادب خاطبني بادب:

حاشاي لم يعرف عني قلة الادب مطلقاً

Quote: لعلمك يا استاذ لا انطق عن الهوى بساطة خطابنا لا تفتكرها....قصور مقدره على الرؤيه العلميه و التنبؤ! بساطة خطابنا تقتضيها اهمية تبسيط الخطاب لناس الهامش!

واحدة من نقاط خلافي معاكـ هي توجيه خطابكـ للهامش بس
وهي نفس الاشياء التي نحارب من اجلها الانقاذ
اقتصار السلطة عليهم واقصاء الاخرين
الخطاب العنصري اللعين
الوصول للسلطة عبر فوهة البندقية
يجب أن يكون خطابكـ متزناً جدا حتى تضمني الهامش نفسه
قبل الوصول الى الخرطوم ودي مهمة
الثورة بهذا الشكل اعادة لانتاج الازمة بشكلها الحالي

Quote: لايوجد ما يوجب الاحترام ممكن تقول اعرفي نقاط ضعفهم وقوتهم ولكن لا تطالبني باحترامهم!

احترمي قوتهم وتفكيرهم وما تحترميهم هم
قدري قدرات عدوكـ جيداً حتى تستطيعي هزيمته
أنت من مدرسه العنف والعضلات وأنا من مدرسة العقل
والحلول السلمية الدائمة وليست المؤقته
لو أن كل فئة حملت السلاح ووصلت السلطة
لتحولنا الى العصور الوسطى

Quote: ومن هم الغير دوما الانا دائما قلت انهم على خطأ! العلهم امثال متسكعي المنابر هؤلاء وشلل الانس هذه؟! انا على فكره اتشرف باني....اتعلم من صغاري حتى! خليك من الاكبر منهم!

ههههههههههههههه شكراً طلعته من متسكعي المنابر

Quote: ولما نقول لك توقيتك خطأ ووسيلتك خطأ تقول لينا عاطفين؟! سبحان الله!!

أنا عارف بكتب في شنو
التوقيت أنا أخرته البوست دا كم يوم كدا
وقد ذكرت هذا في الاعلى
عارفه ليه عشان ما تجي انت تقولي كلامكـ دا
انت خطكـ تغيير الوضع بالسلاح .. أها الله يساعدكـ
لكن صدقيني لو قدر لكـ النجاح ح تلاقي مليون زول
حامل للسلاح ضدكـ
والله مشكلتكـ عاطفية وهي أكبر عيوبكـ على الاطلاق



____
عندي سؤال صغير يا تراجي ممكن:
منذ متى تخاطبين الذكور بصبغة الاناس مثل

Quote: بساطة خطابنا لا تفتكرها

Quote: بساطة خطابنا تقتضيها اهمية تبسيط الخطاب لناس الهامش!

الأخ الأمين .... سلام ..

Quote: عندي سؤال صغير يا تراجي ممكن: منذ متى تخاطبين الذكور بصبغة الاناس مثل Quote: بساطة خطابنا لا تفتكرها Quote: بساطة خطابنا تقتضيها اهمية تبسيط الخطاب لناس الهامش!

على ما أظن كلمتي (لا تفتكرها) و(تقتضيها) عائدة لـ (بساطة) وهي مؤنث
أي (لا تفتكر البساطة) و(البساطة تقتضي) .... أو هكذا فهمت.

هذا والله، ثم تراجي صاحبة العبارة أعلم.

الامين سلامات
انا بكره الانقاذ وبتمنى ربنا يشيلها الليلة قبل بكرة. شفت انا قلت ربنا وما قلت الشعب لانه صراحة انقاذ تنشال بالشعب دي صعبة، الشعب داير قيادة وتوجيه ورمز يلتف حوله ودا كلو مافي، الانقاذ نجحت في انها تقسم المعارضة وتشرذمها لمن خلتها زي الكربيرتر قدام المكنانيكي، وبرضو نجحت في تصوير التحالفات العسكرية ضدها على انها حركات عنصرية رغم ان السيد الطيب مصطفى هو الراعي الرسمي للعنصرية منذ ثوره الاسود ولن يرتاح او يهدا له بال حتى يلحق دارفور بالجنوب وبعد داك يشوف له ضحية جديدة.
الانقاذ تنشال عن طريق تدخل عسكري دولي امر مستبعد ومرفوض لانه حيوصلنا لنقطة زي العراق اوليبيا وهم ذاتهم ناس التدخل الدولي ديل ما فاضين واساساً غير راغبين في تغيير الانقاذ بما انه سياساتها تخدم اجندتهم بامتياز.
شباب ثورة عبر الفيسبوك على غرار تجربة تونس ومصر ما ممكن لانه ديلك كانت توجيهاتهم من امريكا وفتحوا ليهم خطوط عالمية للدخول للفيسبوك ومواقع التواصل الاجتماعي وهو مالن يتوفر لاي ثورة عن هذا الطريق نسبة لما اسلفته سابقاً عن خدمة الانقاذ لاجندة هذه الدول الغربية.
انقلاب عسكري يحدث نتيجة لصراع على خلافة البشير امر ممكن لكن مشكلتو انه حيجيب نافع او عبد الرحيم لانه على عثمان ما عنده فرصة.
انقلاب عسكري عشان يعيد الديموقراطية ويسلم الحكم للمدنيين دي ما بتحصل وما تقول لي سوار الدهب لانه انا موضوع سوار الدهب يوم واحد ما اقتنعت بيهو غير انه العساكر بينظروا نظرة دونية للمدني يجو يجازفوا بحياتهم عشان يسلمو رقبتهم وميزانيتهم ومخصصاتهم؟
الحل الوحيد انه ربنا دا وهو قادر وعليم بلعب الناس ديل بمعاني الدين والوطنية وقيم الاسلام وفسادهم يصرفهم .
تفرجت على احتفالات الشعب السوداني بعودة هجليج، كانت مشاعري مختلطة بين الفرح والاسى ، الفرح لانه هجليج ارض سودانية ورجعت والاسى لانه في ظل الناس ديل ما حا استفيد منها بشئ والاسى كمان لانه لسه حلايب والفشقة محتلات والاسى لانه حروبنا ابيت تنتهي وهاهو البشير يبشرنا بحروب جديدة لمن يقلع سلفاكير وكمان الاسى للضحايا الماتو فيها من الطرفين.
الخلاصة
لما شفت الناس دي في الشوارع ومبتهجة وسعيدة وتهتف للبشير قلت "ربنا يهني سعيد بسعيدة"
شعب يشكي من الفقر والعطالة والفساد والمحسوبية والجهوية وبعد دا يهتف لهم، يقولوا عليهو شنو؟
غايتو داير اشتغل بنظرية "سيد الحق راضي شن دخل القاضي" والنظرية بتاعة جحا ديك ان ان شاء الله يا ربي الانقاذ تعمل فيهم السبعة وذمتها هم حرين مع بعض ، دا اختيارهم ، داير اشوف معايش اولادي دربها وين ، اما انه اعارض لناس ما دايرين معارضة ورضيانين بالوضع الهُم فيهو فدي تبقى "حمرنة" مني ساهي وساظل محتفظاً لنفسي بكراهية الانقاذ ولن اتجادل مع احد عشان ما افقع مرارتي خصوصاً انه اي واحد تتناقش معاه سواء كان مفلس في السودان يشكي ويبكي من غلاء المعيشة او منفى في غربة لانه مالقى شغل مع ناس الانقاذ في السودان يقول لك "ديل احسن ناس"!!!!!!
يا اخي انا عضو في حزب ديموقراطي وحزب استقلال وله تاريخ ناصع ضد الديكتاتوريات يبقى معقول اعارض وابن رئيس الحزب مساعد لرئيس الجمهورية الانا داير اعارضو؟ دا شنو دا؟!!!

اناث يا الامين وليس اناس، اجي اديك حصة عربي

الله يسألني يا ود الفكي حننتني, ممكون وصابر

Quote: الله يسألني يا ود الفكي حننتني, ممكون وصابر

الله في يا شمتان
تعرف انا النوع الاخير بتاع المغتربين البيشكروا في الانقاذ جاب لي المصران وكلهم من اهلي وكلهم انا عارف ظروفهم،
حاجة في ذمتك دي "كان عندك ذمة" النوع دا لو الواحد مسكو من رقيبتو وخنقو لمن فطس في ايدو الله بسالو؟
صدق يا ود البشرى لقيتها شغلة فارغة ساهي ، واحد صاحبي اختصر لي الموضوع دا وقال لي الوضع دا زي انصاري سنة قاطع وصائم الستوت وتجي تحلف عليهو بالغداء

Quote: تبارك كونياك بنقو

كدا غلط يا محمد جلال ... كدا غلط

لو قلتا تباركي عرقي بنقو أو تبارك كونياك مارجوانا

بنمشيها ليك

شن لخبت الأفرنجي مع المحلي ؟!

هههههههههههههه
لا والله يا ود الفكي ما شماتة
لكن كنت بقرا في مداخلتك في المكتب و بأمن على اي شي قلتو عن معاناة الناس الجوّة و البرّة و عادي الواحد يسب و يلعنهن و ديل حرامية وديل فعلوا وتركوا و يحكي ليك حكاوي اسطورية عن ثروات و قصور سرقات بالمليارات
تقول ليه طيب ما طلعتوا ليه يقول ليك عشان يجي منو؟ مافي في الساحة احسن منهن وكدا
اها لمّا وصلت الحتة بتاعة ود مولانا اتخيّلت الحالة العليك وما تقول كمان الريــال مطقطق البارشا و مازمبي رايجك في اللفة حنّنتني والله

Quote: اها لمّا وصلت الحتة بتاعة ود مولانا اتخيّلت الحالة العليك وما تقول كمان الريــال مطقطق البارشا و مازمبي رايجك في اللفة حنّنتني والله

عليك الله مذكرني مالك، مغصة الكلاسيكو لسه ما مرقت، ومتوقع الخروج اليوم امام تشيلسي اما مازيمبي داك فوالله مجرد تفكير فيهو ما داير افكر، عارف في واحد فاتح بوست عن الموضوع دا ودائماً بكون فوق في الصفحة الاولى، لما اجي جنبو قاعد اقبل كدة واجر الماوس ، ضيف عليهن خروج احمد شفيق من سباق رئاسة مصر "اخوك فلول رسمي وبرضو بريد القذافي الله يرحمو، عشان الكيزان نبذوه"
بس الامل الوحيد انه الواحد يجيهو اللوترى

غايتو لوة جاء طوالي بقلب كوز ووالله غير احرش الانقاذ على الشعب دا ما عندي شغلة، اما المغتربين ديل فلومك على الا اكرهلك السفير والقنصل عيشتهم، كل يوم حتلقو الصفحة الاولى دي محجوزة " عمنا هشام هباني بس لما يكون فاضي" للبوستات التي تدعو لفرض الضرائب على المغتربين، وفي الوقت داك بوريهم كيف يعرفو الراتب حقو لانه كتير منهم مستعدين يحلفو في الكتب السماوية الاربع ومعاهن صحف ابراهيم وموسى على راتب ما راتبهم اعتماداً على المهنة في الاقامة وما بقيف الا اضمن انو باقي سعيد البرة دا يتلم مع باقي سعيد الجوة ويعيشوا في تبات ونبات مع سعيدة
لو لاقيت ود الصائم قول له ود الفكي قال لك قوم اخد لك لفة وياريت تكون في صينية

Quote: الامين سلامات انا بكره الانقاذ وبتمنى ربنا يشيلها الليلة قبل بكرة. شفت انا قلت ربنا وما قلت الشعب لانه صراحة انقاذ تنشال بالشعب دي صعبة، الشعب داير قيادة وتوجيه ورمز يلتف حوله ودا كلو مافي، الانقاذ نجحت في انها تقسم المعارضة وتشرذمها لمن خلتها زي الكربيرتر قدام المكنانيكي، وبرضو نجحت في تصوير التحالفات العسكرية ضدها على انها حركات عنصرية رغم ان السيد الطيب مصطفى هو الراعي الرسمي للعنصرية منذ ثوره الاسود ولن يرتاح او يهدا له بال حتى يلحق دارفور بالجنوب وبعد داك يشوف له ضحية جديدة. الانقاذ تنشال عن طريق تدخل عسكري دولي امر مستبعد ومرفوض لانه حيوصلنا لنقطة زي العراق اوليبيا وهم ذاتهم ناس التدخل الدولي ديل ما فاضين واساساً غير راغبين في تغيير الانقاذ بما انه سياساتها تخدم اجندتهم بامتياز. شباب ثورة عبر الفيسبوك على غرار تجربة تونس ومصر ما ممكن لانه ديلك كانت توجيهاتهم من امريكا وفتحوا ليهم خطوط عالمية للدخول للفيسبوك ومواقع التواصل الاجتماعي وهو مالن يتوفر لاي ثورة عن هذا الطريق نسبة لما اسلفته سابقاً عن خدمة الانقاذ لاجندة هذه الدول الغربية. انقلاب عسكري يحدث نتيجة لصراع على خلافة البشير امر ممكن لكن مشكلتو انه حيجيب نافع او عبد الرحيم لانه على عثمان ما عنده فرصة. انقلاب عسكري عشان يعيد الديموقراطية ويسلم الحكم للمدنيين دي ما بتحصل وما تقول لي سوار الدهب لانه انا موضوع سوار الدهب يوم واحد ما اقتنعت بيهو غير انه العساكر بينظروا نظرة دونية للمدني يجو يجازفوا بحياتهم عشان يسلمو رقبتهم وميزانيتهم ومخصصاتهم؟ الحل الوحيد انه ربنا دا وهو قادر وعليم بلعب الناس ديل بمعاني الدين والوطنية وقيم الاسلام وفسادهم يصرفهم . تفرجت على احتفالات الشعب السوداني بعودة هجليج، كانت مشاعري مختلطة بين الفرح والاسى ، الفرح لانه هجليج ارض سودانية ورجعت والاسى لانه في ظل الناس ديل ما حا استفيد منها بشئ والاسى كمان لانه لسه حلايب والفشقة محتلات والاسى لانه حروبنا ابيت تنتهي وهاهو البشير يبشرنا بحروب جديدة لمن يقلع سلفاكير وكمان الاسى للضحايا الماتو فيها من الطرفين. الخلاصة لما شفت الناس دي في الشوارع ومبتهجة وسعيدة وتهتف للبشير قلت "ربنا يهني سعيد بسعيدة" شعب يشكي من الفقر والعطالة والفساد والمحسوبية والجهوية وبعد دا يهتف لهم، يقولوا عليهو شنو؟ غايتو داير اشتغل بنظرية "سيد الحق راضي شن دخل القاضي" والنظرية بتاعة جحا ديك ان ان شاء الله يا ربي الانقاذ تعمل فيهم السبعة وذمتها هم حرين مع بعض ، دا اختيارهم ، داير اشوف معايش اولادي دربها وين ، اما انه اعارض لناس ما دايرين معارضة ورضيانين بالوضع الهُم فيهو فدي تبقى "حمرنة" مني ساهي وساظل محتفظاً لنفسي بكراهية الانقاذ ولن اتجادل مع احد عشان ما افقع مرارتي خصوصاً انه اي واحد تتناقش معاه سواء كان مفلس في السودان يشكي ويبكي من غلاء المعيشة او منفى في غربة لانه مالقى شغل مع ناس الانقاذ في السودان يقول لك "ديل احسن ناس"!!!!!! يا اخي انا عضو في حزب ديموقراطي وحزب استقلال وله تاريخ ناصع ضد الديكتاتوريات يبقى معقول اعارض وابن رئيس الحزب مساعد لرئيس الجمهورية الانا داير اعارضو؟ دا شنو دا؟!!! اناث يا الامين وليس اناس، اجي اديك حصة عربي

يعني ما براي يا محمد عمر الفكي
غايتو الله في ان شاء الله يرفعوا الدعم من المحروقات
وينقصوا ليهم الرواتب ويعملوا فيهم السبعة وذمتها
ويجوكـ ناس تراجي ويقولوا ليكـ وحاتكـ
الشعب دا بكرة دي يطلع الشارع
هههههههههههه ود رئيس الحزب فرحان جنس فرح
التقول حررها هو

غايتو كامل التضامن معاكـ ومع نفسي طبعاً

محمد ابو العزايم

وعليكم السلام،،،
انا عايزها تكتبها زي شرحكـ التحت
احتمال برضو تكون قاصدة كده
مع إن البساطة لا تفتكر ولا تقتضي
هذا والله اعلم
مشكور على المرور والتوضيح

Quote: غايتو يا فلسته يا عملته قروش كتيره