Post: #1
Title: تقول أحاجي البلاد : دخلتْ نملة و أخدت حبة و مرَقَتْ .. دخلتْ نملة و...
Author: Emad Abdulla
Date: 04-22-2012, 09:31 PM
رميتُ بطوبةِ هذي البلاد
بلاد السجم و الرماد
أنا من يوقع أدناه
( أدناه أدنى أنا )
بهذي البلاد .
.. ..
أعاين يميناً يسار
و فوقاً , يِحِتْ
بلاداً كتار .
بلاداً تمام التمام ..
و فيها : يطير الحمامْ
يحط الحمام
بحمد الإله عليها , و رضوانه
يبيض الحمام ..
و فيها يعيش السلام ..
مفرهد مدنكل مكرّب مربط
نظامهم مظبط
قراية و علاجاً : كده
و مأكل و مشرب و ملبس
ممترس بشرط العدالة
و حرية حرية حد السما
و صوتهم ملعلع أغاني و فنون
فنونهم : كده
و مافي عجاجة معيشة
و لا كبسيبة بطوناً خوايا
و لا بالنوايا
بتكون الفعايل
و مافيها حركة ( وِلاد القبايل )
و أخرى ( الوِلاد الهوامل )
و لا فيها زولاً مقمبر
و أطول من التاني
أو عندو ريشة
بلاداً بعيشةً طرية
هدية و رضية
.....
ياخي بلاداً تمام التمام ..
و صوتهم ملعلع
( بِلا , أو نعمْ )
بكيفهم , و كيف ما تشاء الإرادة
و صوتهم يشيل و يخت الكراسي
يقرر نظام البلاد الأساسي
يحاسي و يواسي
الكرور و الغلط
و يلهج بحمد العدالة
و حمد الجَمال و التساوي
و أي مُعَنكِب مشنكب
و بره السراط الصحيح
: يُطقطَق و يبقى طريقو الظلط .
عجينهم مواسى و مؤنسن
مترسن
بكل المعاني التمام
تلخبط تفرنب تلاوي و تقالع
: ترشك سماحة العدالة
تعيدك إلى جادة الحق
( ود اللزينا ) .
دي ناس البلاد اليمين الشمال
و فوقاً تِحِتْ
تباتاً نباتاً قعوداً قيامْ
و كل المسائل
تمام التمامْ .
.....
أقوم أشرئب
- بَغَر مني ساكت -
شلاقة و عواليق و حالم أنا !!
( بلى يخمني )
أعاين لحالي المكعوج
و أبكم و أطرش , و حِمبِره إني
و إني هبوب هردبيسْ
و إني فطيسْ
أعاين و أعاين و أعاين
يجيني القنوط
و كل البلاوي السقيمة
ألاقيني رمة
و مجدّع
مقطّع
و بيضٌ أنا .
و تاني لتالت لرابع أعاين و اتاوق
لعلَّ اللعلَّ الاقيكي ياخي بلاداً كويسة
و تاني لتالت لرابع يجيني القنوط
لأعرف
بأني مجرد فشوشاً ..
فشوشاً فشوشاً .. و
ميت , و .. بس
|
Post: #2
Title: Re: تقول أحاجي البلاد : دخلتْ نملة و أخدت حبة و مرَقَتْ .. دخلتْ نملة
Author: محمد إبراهيم علي
Date: 04-22-2012, 09:51 PM
Parent: #1
Quote: رميتُ بطوبةِ هذي البلاد
بلاد السجم و الرماد
|
شكرا يا عمدة
يبدو انه فعلا لا امل
|
Post: #3
Title: Re: تقول أحاجي البلاد : دخلتْ نملة و أخدت حبة و مرَقَتْ .. دخلتْ نملة
Author: حمد عبد الغفار عمر
Date: 04-22-2012, 09:56 PM
Parent: #2
سلام يا عماد
| Quote: دخلتْ نملة و أخدت حبة و مرَقَتْ |
والله أيام يا زمان
هسة النمل مسكين يدخل ويمرق في الفاضي ولا حبة ما لاقيها
|
Post: #6
Title: Re: تقول أحاجي البلاد : دخلتْ نملة و أخدت حبة و مرَقَتْ .. دخلتْ نملة
Author: Emad Abdulla
Date: 04-22-2012, 10:16 PM
Parent: #3
| Quote: هسة النمل مسكين يدخل ويمرق في الفاضي |
هو في نمل يا حمد ياخ ؟؟
نمل مافي .
|
Post: #4
Title: Re: تقول أحاجي البلاد : دخلتْ نملة و أخدت حبة و مرَقَتْ .. دخلتْ نملة
Author: Faris Mohamed
Date: 04-22-2012, 10:05 PM
Parent: #2
Quote: رميتُ بطوبةِ هذي البلاد
بلاد السجم و الرماد
أنا من يوقع أدناه
( أدناه أدنى أنا )
بهذي البلاد .
.. ..
أعاين يميناً يسار
بلاداً كتار .
بلاداً تمام التمام ..
و فيها : يطير الحمامْ
يحط الحمام
بحمد الإله عليها , و رضوانه
يبيض الحمام ..
و فيها يعيش السلام ..
مفرهد مدنكل مكرّب مربط
نظامهم مظبط
قراية و علاجاً : كده
و مأكل و مشرب و ملبس
ممترس بشرط العدالة
و حرية حد السما
و صوتهم ملعلع أغاني و فنون
فنونهم : كده
و مافي عجاجة معيشة
و لا كبسيبة بطوناً خوايا
و لا بالنوايا
بتكون الفعايل
و مافيها حركة ( وِلاد القبايل )
و لا فيها زولاً مقمبر
و أطول من التاني
أو عندو ريشة
بلاداً بعيشةً طرية
هدية و رضية
.....
ياخي بلاداً تمام التمام ..
و صوتهم ملعلع
( بِلا , أو نعمْ )
و صوتهم يشيل و يخت الكراسي
يقرر نظامها الأساسي
يحاسي و يواسي الكرور و الغلط
و يلهج بحمد العدالة
و حمد الجمال و التساوي
و أي معنكب مشنكب
و بره السراط العدالي
يُطقطَق و يبقى طريقو الظلط
عجينهم مواسى و مؤنسن
مترسن بكل المعاني التمام
تلخبط تفرنب تلاوي و تقالع
ترشك سماحة العدالة
تعيدك إلى جادة الحق
( ود اللزينا ) .
دي ناس البلاد اليمين الشمال ..
تباتاً نباتاً قعوداً قيام ..
و كل المسائل
تمام التمام .
.....
أقوم أشرئب ..
بغر مني ساكت
شلاقة و عواليق و حالم انا !!
( بلى يخمني )
أعاين لحالي المكعوج
و أبكم و أطرش , و حِمبِره إني ..
و إني هبوب هردبيسْ
و إني فطيسْ
أعاين و أعاين و أعاين
يجيني القنوط ..
و كل البلاوي السقيمة
ألاقيني رمة ..
و مجدّع
مقطّع
و بيضٌ أنا .
و تاني لتالت لرابع أعاين و اتاوق ..
لعلَّ اللعلَّ الاقيكي ياخي بلاداً كويسة
و تاني لتالت لرابع يجيني القنوط
لأعرف
بأني مجرد فشوشاً ..
فشوشاً فشوشاً .. و
ميت , و .. بس |
............
|
Post: #5
Title: Re: تقول أحاجي البلاد : دخلتْ نملة و أخدت حبة و مرَقَتْ .. دخلتْ نملة
Author: Emad Abdulla
Date: 04-22-2012, 10:10 PM
Parent: #4
و بعدين يا محمد ياخ ؟؟ ..
و بعدين ؟؟ ..
هسه نسوي شنو ؟؟
|
|