عاجل على تلفزيون sstv يعرضون تصوير للمعارك .. صور

الآن


الصور لاحقا

يا ربي حيصوروا تصريحهم قبل يوم من الضربة بأنهم

ما حينسحبوا.. وكمان كلام سيلفا لبانقي مون بأنو نحن ما شغالين

عندك عشان تقول لينا أنسحبوا؟؟؟

يا أحمد تذكر عصر الفوتوشوب والتقنيات... وسيبك من الكلام الفارغ ده

IT WAS A BITTER DEFEAT NOT A WITHDRAWAL AS CLAIMED.


طبعا كثيرين بصدقوا لأنو بيتفق مع ما يريدون

الناس ديل ما يحددوا و يبطلوا الجوطه البعملوا فيها دى

انسحبوا ولا كانت فى معارك و هزموهم؟

يحز في نفسي ان اعرض لمثل هذه الهزيمة لابنائنا
السماح يا اهلنا

متابعين...معاك يا ابن عوف....

توجد لدبابات لم يتسني لي تصوريها

توجد صور لقتلى لا يصح عرضها، تقريبا 5 قتلى

وادانة لجيش الحركة الشعبية التي بدى لي فيها ان احد جنودهم قد اجهز على جريح ببندقيته من مسافة قريبة
لم يكن واضحا ان كان ميتا ام لا، ولكن انا فقط احكي ما شاهدت، العسكري كان يمر بجانب شخص يرقد على الارض
بلا حراك، نظر اليه وتوقف وصوب بندقيته عليه، لم اسمع صوت طلقة لان مخرج الفيلم قطع اللقطة حينها.

اما هذا الجندي السوداني فقد كان حيا ويترنح وهو خلف المقود، ويبدو عليه فاقد التركيز، وكانوا يامرونه
بالنزول ولكنه كان يبدو انه في عالم آخر، فسحبه الشخص الذي في الصورة والقاه ارضا، وكانت تلك نهاية اللقطة

سلام يا تراجي

الواضح انو جيشنا جرى، للاسف، في ناس سلاحهم الشخصي زاتو ما شالوا
يبدو انهم اولاد صغار ةما عندهم خبرة، في شابين ربنا يحرمهم ويغفر ليهم
يافعين، ديل الوحيدين الشوفتهم ماتوا في خنادقهم ماسكين رشاشهم

لعنه الله على الكيزان، يرقصوا في الخرطوم اولاد ....... ويرسلوا الاولاد ديل لمحارق لا ايدهم لا كراعهم

شيء مؤسف يا أحمد أن تتحدث عن الجيش هكذا..

ولن أزيد... يا أحمد ليس الذي في يده ماء

كالذي يقبض على الجمر....

أنت ههنا تحكم أطلاقا مستندا على صور الأعداء..

أعني أعداء الوطن...

مؤسف حقا يا أحمد...

وزي ما توقعت من يقعقع لحديثك بالشنان...

لم أحزن من وصف كما حزنت من وصفك اليوم..

ولكن...

ستبدي لك الأيام ما كنت جاهلا ...ويأتيك بالأخبار من لم تعلم..

ربما لن أتداخل مرة أخرى.. فهذا مكان لأناس آخرين

لست منهم ولن أكون...

وبالمناسبة الصور دي شفناها أمبارح ولم تحرك فيني

غير السخرية ..

العزيز ناصر البطل
تحياتي

Quote: الناس ديل ما يحددوا و يبطلوا الجوطه البعملوا فيها دى انسحبوا ولا كانت فى معارك و هزموهم؟

دي معارك كانت وهم في طريقهم لهجليج، وهي تقريبا 5 معارك، سيتم عرض
فديوهاتها تباعا.

السؤال العاوز ليهو اجابة، لماذا الى اليوم لم يتم عرض كامل لمعارك دخول جيش السودان هجليج؟؟

العن معاي الحرب يا ناصر، والله منظر الشباب يقطع القلب ياخي

يا استاذ كمال

نعم، تلك هي الحرب، مؤلمة، تحرق الحشا، وانتم ما زلتم تصيحون بأننا خلفك ايها الجيش
دمرهم ايها الجيش، اقتلوهم بددا، لا تغادروا منهم احدها

Quote: شيء مؤسف يا أحمد أن تتحدث عن الجيش هكذا..

انا اتحدث عن حرب يا كمال، انا اتحدث عن خنادق خالية، وعربات ومدفعية مهجورة
اتحدث عن حرب يدفع لها الشباب وظهورهم مكشوفة والبشير يلغلغ في الخرطوم
والمزازيك ما تديك الدرب

Quote: ولن أزيد... يا أحمد ليس الذي في يده ماء كالذي يقبض على الجمر....

في اولاد ماتوا ويدهم كانت على الجمر، وانتو تنفخوا فيهم، صوتنا نبح هنا وفي اي مكان
السلام السلام السلام
لكن ابت نفوسكم الى ان تروا هؤلاء الجنوبيون مدحورين

Quote: أنت ههنا تحكم أطلاقا مستندا على صور الأعداء..

آتوا ببضاعتكم، علينا ان ننظر للامر من زاوية اخرى، لن نساق كالاغنام خلف اوهام
نافع وعبدالرحيم

Quote: أعني أعداء الوطن...

انا عندي عدو واحد، الجبهة الاسلامية والانقاذ او المؤتمر الوطني سمهم ما شئت

Quote: مؤسف حقا يا أحمد...

نعم، ومن قال لكم ان الحرب شيء جميل

Quote: لم أحزن من وصف كما حزنت من وصفك اليوم..

على الشعب ان يعرف نوعية قادتنا العسكريين، تلك هي نتائج مغامراتهم
على الشعب ان لا يرقص لهذا الجيش في الخرطوم والناس تموت بالمجان

Quote: ولكن... ستبدي لك الأيام ما كنت جاهلا ...ويأتيك بالأخبار من لم تعلم..

قول معاي ان شاء الله الحرب تقيف

Quote: وبالمناسبة الصور دي شفناها أمبارح ولم تحرك فيني غير السخرية ..

كيف يا كمال، كيف تشوف صور شهدائنا وهم شباب في مقتبل العمر قتلى
ولا يحرك فيك ساكنا

هل تطلبون مزيدا من القتلى

الحرب دي مصيرها ح تتوسع زي النيل وقت الدميرة، توسع في الضفتين، والخاسر هو الانسان الجنوبي والشمالي، والان امريكا ما فاضية للجنوب او الشمال عندهم انتخابات ووجع ضرس ما يكفي، والصين بدات تتغزل مع سالفا كير والاسبوع القادم ممكن ماشي لبكين، وهذا يعني ان بكين استغنت من الخرطوم وعقود جديدة بين جوبا وبكين، وناس الخرطوم الا طهران بعد دا، بوست مؤلم اخ احمد بن عوف لكن ليت الكل يفقهون.

هؤلاء الذين تتحدث عنهم بهذا التشفى والسخرية هم ابناء القوات المسلحة السودانية
وان اختلفنا مع الحكومة في الخرطوم فهؤلاء هم اخواننا وابناء اخواننا واصدقاؤنا
لن نضع يدنا مع هؤلاء الجنوبيين العنصريين ضد ابناؤنا واخواننا وان طال خلافنا
مع المؤتمر الوطني ....

الاخ محمود الدقم
تحياتي

Quote: بوست مؤلم اخ احمد بن عوف لكن ليت الكل يفقهون

فعلا مؤلم، والله لقد تغيرت نظرتي للحرب عندما شاهدت اخواننا شباب زي الورد
يهدرون حياتهم من اجل حماقات الحركة الاسلامية والطيب مصطفى شخصيا

أنت لا تريد أن تفهم يا أحمد...

أعماك حقدك على الجبهة والكيزان..

لم تعد تفرق ...

هل تعتقد أنك شرحت كلامي بتكويته؟؟؟

من اللذي ينفخ يا أحمد ووننفخ من ولماذا؟

غلطت في حقي ... ليس هناك نفخ ولا أريد الحرب..

نحن مكرهون للحرب..

خلاص يا أحمد عرفنا أن عدوك واحد...

كلنا لا يمالي الجبهة ولكن .. هناك خطوط حمراء...

المسألة مش مسألة نفخ... ولا غيره... المسألة نكون أو لا نكون..

وسنكون بإذن الله... معركتي مع الإنقاذ ليس محلها هنا...

بعدين أنا يا أحمد كنت بسخر من الكذب... وكونك تجيب صور وتقول ما تقول

هل هذا شيء صعب.؟؟؟

كف عن هذا يا أحمد.. دعك من النظر بنصف عين... حاول أن تمعن النظر فيما يجري ومآلته....

بالله يا أحمد لا تحمل كلامي أكثر مما يحتمل ولا توصفني بأني أنفخ أو غير ذلك..

ولكن حاول قراءة ما أعني وستعرف يوما ما... أما الكيزان للأسف هم باقون

طالما هذا تفكير من يوهم نفسه بأنه معارضة... عن أي معارضة تتحدث يا هذا؟؟؟

هذه بلدنا وليس بلد الكيزان ولن نتركها لهم.. أوصمونا بما شئتم من ألقاب..

أشتموا الشعب السوداني والجيش السوداني وأوصفوه كما وصفه شذاذ

الآفاق...
هنئيا لكم حقدكم على الوطن وعلى الشعب وعلى الجش السوداني

وبس..

يا وليد الشريف

اين وجدتني اسخر من موتانا؟

Quote: هؤلاء الذين تتحدث عنهم بهذا التشفى والسخرية هم ابناء القوات المسلحة السودانية وان اختلفنا مع الحكومة في الخرطوم فهؤلاء هم اخواننا وابناء اخواننا واصدقاؤنا لن نضع يدنا مع هؤلاء الجنوبيين العنصريين ضد ابناؤنا واخواننا وان طال خلافنا مع المؤتمر الوطني ....

الحقيقة ان وزير دفاعنا غادر اديس ابابا، معلنا الحرب من دون ان يحذر ابنائنا في الخنادق
ان الحرب قد بدأت، واصبحوا ضحايا لهجوم كاسح من الحركة الشعبية

الحقيقة ان تلفزيون المؤتمر الوطني لا يعرض لنا الحقيقة كاملة

ومن وضع يده في يد الجنوبيين؟؟ اين وجدتني في هذا المنبر ادعم الحركة الشعبية في اي محفل ناهيك عن الحرب

هؤلاء الراقصون يجب ان يعلموا ان الحرب ليست نزهه بعد اليوم، وان ارواح ابنائنا ليست رخيصة ليقودها
الطيب مصطفى الى المحارق

والله والله لقد حزنت، واعتذرت في مقدمة البوست عن الصور، انتو ما بتقرو وللا شنو

الفوق دا ما اعتذار مقدم وطالب من اي زول هنا السماح

لكنها الحرب يا وليد، وهي مؤلمة

مافي زول قادر عليها، يبعد لينا من بوستاتنا

بخصوص معامله جنود الحركه الشعبيه للجنود السودانيين التي أدنتها.. هل كنت تتوقع غير ذلك؟

Quote: فعلا مؤلم، والله لقد تغيرت نظرتي للحرب عندما شاهدت اخواننا شباب زي الورد يهدرون حياتهم من اجل حماقات الحركة الاسلامية والطيب مصطفى شخصيا

و كذلك عندما تسوق الحركه الشعبيه أبناء الجنوب و فيهم أطفال لمحارق القتل.. الان جيش الحركه الشعبيه به أكثر من 2000 طفل حسب الأمم المتحده
الان بعد أحتلال هجليج من قبل الجنوب نحن موعودون بسباق تسلح بين السودان و جنوب السودان
المشكله الرئيسيه .. يا أحمد هي الخيار العسكري لحل المشاكل...التاريخ يقول لنا أن الدول التي ليس لها جيش كسويسرا يعيش أهلها حياه أسعد... و الدول التي حلت مشاكلها الداخليه بدون عنف كالهند لها مستقبل أحسن.. لذا يا أحمد تجدني حانقا علي قرنق و الترابي معا... علي العموم أعتقد أن الافارقه كلهم عليهم عمل برنامج لتخفيض جيوشهم و نفقاتهم...و الاعتماد فقط علي المقاومات الشعبيه حال حاولت دوله إحتلالهم... نحن في السودان نصرف ما يقرب من ال 2 مليار للتسلح .. و لا أدري كم تصرف الحركات المتمرده.. هنا الخلل بعينه.. وجود حركات مسلحه يبرر للحكومه هذا الصرف الخرافي...

يالاخ محمد شمس الدين
تحياتي

شكرا على مداخلتك، فعلا، يجب تخفيض ميزانية الجيوش الافريقية للحد الادنى
هذا عبث بالارواح

وعلى الكل وقف تفويج شباب السودان الى محارق الطيب مصطفى

يا كمال

Quote: هنئيا لكم حقدكم على الوطن وعلى الشعب وعلى الجش السوداني

اولا ثبت ان الجيش السوداني يؤدي قسمه للمؤتمر الوطني - عدييييل كده

ثانيا الشعب السوداني والوطن ما دخلهم بحماقات عبدالرحيم محمد حسين

لماذا لم يتم اخبار الشعب السوداني ان قوات الحركة الشعبية ابادت خمس دفاعات للجيش السوداني
قبل وصولها الى هجليج؟؟

لماذا ظل يكذب الصوارمي ليل نهار على الشعب السوداني وابناءه يذبحون في الخنادق؟؟
لماذا ارادوا ان يوهموننا بان الحركة الشعبية (غدرت بهم) بهجومها (المفاجئ) على هجليج وهو لم يكن مفاجئا
لماذا اعلن الكيزان الحرب وهم يعلمون ان ابنائنا في هجليج لم يكن لديهم غير خيار الانسحاب؟؟
لماذا يرقص الكيزان اليوم؟؟

تبقى كراهيتكم للحركة الشعبية والجنوبيين يجب ان لا تعميكم عن عدو الشعب الاساسي، الا وهو نظام الانقاذ

وانا اكتب هذا الكلام، الطيب مصطفى الآن في التلفزيون يودع فوجا جديدا من المجاهدين لارسالهم لمناطق العمليات

اوقفوا هذا المعتوه عند حده

هو من يجب اسكاته وليس انا

هو من يجب ان تصوبوا نقدكم تجاهه؟؟ وليس انا

الانقاذ هي من باعت الوطن والشعب وليس احمد ابن عوف

ولن نقبل اي تخوين لمواقفنا من اجل هذا الوطن

من يومين قلت للاستاذ الموصلي في بوسته، ان يختار اي موقف يريد، ولكن لن نقبل منه تهمه الخيانة تجاه من له راي مخالف

Quote: اتفق مع قراءة مناحي

tres bein un deux

أتضحت الأجندة يا أحمد...


من يومين قلت للاستاذ الموصلي في بوسته، ان يختار اي موقف يريد، ولكن لن نقبل منه تهمه الخيانة تجاه من له راي مخالف

معليش يا أحمد أنت قايل الخيانة دي شنو؟

هي حالة وبتجي في غفلة من الزمن.. ولما يعمي الحقد القلوب!!!

التحيه لك اخي احمد ابن عوف وانت تحاول فقط ان تنقل حقائق ما دار هنالك!

ربنا يرحم موتى كل الاطراف
فكلهم سودانين!

Your post has become a false relief for some of the grieved souls.

وأنا أيضا أتفق مع قراءة مناحي

Quote: أتضحت الأجندة يا أحمد...

اي اجندة يا كمال

هذه الكلمة مني وردت في سياق عادي

تساءل ملاسي عن اسم ورد في تقرير واصل تقول
"حركة تحرير جنوب السودان"
وواصل قال ربما هي خطأ

وتراجي قالت دي احتمال تكون قوة جديدة التي تحدث عنها البشير لتحرير شعب جنوب السودان من الحركة الشعبية

وانا اتفقت معاها

انا يا كمال ما كتبت قبل سنة ان انسب خيار للسلام هو توقيع اتفاقية الحريات الاربعة، وحاتك زول واحد في المنبر
دا ما اتداخل معاي

لمن وقعوا الكيزان اتفاقية الحريات الاربعة، واستبشرنا خيرا، تخيل انو انا استبشر خيرا من حاجة يعملوها
الكيزان، لكن ابت نفس الطيب مصطفى الا ان يجب عاليها سافلها لحد ما بقينا في الموت والدمار

تقولوا دايرين تأدبوا الحركة الشعبية باسم الوطنية، ياهو دي نتيجته، موت لشبابكم، لازم تعرفوا التمن
لازم تشوفوا صور التدمير والموت عشان كل زول يعرف هو لمن يدعم القوات المسلحة في اجاه الحرب، اي وزر
سيتحمل

ابحث يا كمال عن اصحاب الاجندات الحقيقيين، اسال من دمر السودان، من دمر الزراعة والصناعة والتعليم والصحة
من دمر الاخلاق، من قتل وسحل وعذب، هؤلاء هم اصحاب الاجندات، الذين يكذبون منذ فجر الانقاذ الى يومنا هذا

Quote: تقولوا دايرين تأدبوا الحركة الشعبية باسم الوطنية، ياهو دي نتيجته، موت لشبابكم، لازم تعرفوا التمن

يا أحمد الثمن معروف...

نحن أي الشعب السوداني لا نريد أن نؤدب أحدا...

لكن حتما سنقطع أي يد تمتد لنا بالعدوان... مهما كان الثمن...

بعدين كلامك زي الكأنو ما مات من الجنوبيين أحد...

وشباب وأطفال كمان!!! ما يها الحرب كده؟

تفتكر الحرية والعزة مجان كده؟؟؟؟

وبرضو سؤال أخير ما منتظر إجابة يمكن...

يعني أنت عايز سلفا وجيشه يحتلوا أرض ونقعد نعاين ليهم ولا شنو؟؟

غايتو يا أحمد.. لما أقابلك حأأكد ليك أن الأجندة واضحة..

آه يا بلد

وتصبح على خير

مبروك يا أحمد!!

Quote: يعني أنت عايز سلفا وجيشه يحتلوا أرض ونقعد نعاين ليهم ولا شنو؟؟

طبعا لا
لكن لو كان قاعد معاي في طاولة مفاوضات ما بقوم منها الا احل المشكلة
ليس كما حدث في اديس ابابا

السلام السلام

كفانا حربا

Quote: والله والله لقد حزنت، واعتذرت في مقدمة البوست عن الصور، انتو ما بتقرو وللا شنو

بنقرا ... وبنفهم ونحس كمان ...

هل يمكن لضابط ليس مواليا للمؤتمر الوطني أن يحتفظ بوظيفته في الجيش السوداني؟
هل يمكن لهذا الجيش أن يعترض على حرب تخاض بناء على قرار صادر من مجلس شورى المؤتمر الوطني؟
هل يمكن لهذا الجيش أن ينحاز للسودانيين إذا قرروا أن يثوروا ضد حكم المؤتمر الوطني؟
هل يملك ايا كان أن يعترض على ترتيبات سياسية يقوم بها مفاوض المؤتمر الوطني حتى و إن كانت تمس السيادة
و يحتفظ بموقعه في نفس الوقت داخل الجيش"الوطني"؟
ماذا فعل من يحترمون المؤسسة العسكرية السودانية من أجل الاعتراض على تطهيرها بناء على أسس حزبية بحتة؟
و ما هو رأيهم في سياسة القبول التي تتبعها الكلية الحربية الآن و طوال تاريخ الانقاذ؟؟؟؟؟؟؟؟؟؟؟؟؟؟؟؟؟؟؟؟؟

Quote: هل يمكن لضابط ليس مواليا للمؤتمر الوطني أن يحتفظ بوظيفته في الجيش السوداني؟ هل يمكن لهذا الجيش أن يعترض على حرب تخاض بناء على قرار صادر من مجلس شورى المؤتمر الوطني؟ هل يمكن لهذا الجيش أن ينحاز للسودانيين إذا قرروا أن يثوروا ضد حكم المؤتمر الوطني؟ هل يملك ايا كان أن يعترض على ترتيبات سياسية يقوم بها مفاوض المؤتمر الوطني حتى و إن كانت تمس السيادة و يحتفظ بموقعه في نفس الوقت داخل الجيش"الوطني"؟ ماذا فعل من يحترمون المؤسسة العسكرية السودانية من أجل الاعتراض على تطهيرها بناء على أسس حزبية بحتة؟ و ما هو رأيهم في سياسة القبول التي تتبعها الكلية الحربية الآن و طوال تاريخ الانقاذ؟؟؟؟؟؟؟؟؟؟؟؟؟؟؟؟؟؟؟؟؟

سلامات يا سيف ...

كلها أسئلة مشروعة ويجب الإجابة عليها بدون شك ..
ولكن وجهة نظرى الشخصية ...
فى مثل هذا الوقت المؤلم للكثير من أهل السودان والدماء لم تجف بعد ..
يجب الإلتفات الى تضميد الجروح و المواساة ورفع الروح المعنوية ...
وليس السخرية والتقريع والشماتة والتشفى ...

والمروءة تحتم حينما يقع أخى - وحتى ولو كان مخطئا - أن أرفعه وأضمد جرحه ...
وبعدها يتسع الوقت للحساب و المساءلة ..

وتحياتى لك وللأخ أحمد ...

Quote: طبعا لا لكن لو كان قاعد معاي في طاولة مفاوضات ما بقوم منها الا احل المشكلة ليس كما حدث في اديس اباباÏ ...

تمايزت الصفوف يا أحمد ...

وخليك أنت ورهط على كده...

بكل بساطة يا احمد ابنعوف

الحركة الشعبية دخلت هجليج!!!!
الحركة الشعبية عبأت ناس جنوب كردفان والنيل الأزرق؟؟؟
الحركة الشعبية تقاتل السودان منذ الخمسينيات؟؟؟؟

الآن الحركة العشبية هي من دخلت هجليج وهي من قتلت الذين تحدثت عنهم بدمً بااااااااااارد؟؟؟
هل تريد للحكومة أن تقف متفرجة وتقول (لا والله نحن ناس سلام ولا نريد حرباً)
ياخي حرام عليك - هذه ارضنا وهذا جيشنا وهذه عصبةً اقتصادنا المترنح

هذه الحرب ليست حرب الكيزان (كما تزعمون) ولكنها حرب فرضت على جميع الحكومات المتعاقبة على السودان
ولا ضير لو نموت جميعاً في تحرير ارضنا حتى نسائنا واطفالنا ولكن لن نتركهم يأخذون ارضنا
والحرب قادمة ولا هوادة فيها
بعد نهاية الانتخابات الأمريكية ستقاتلنا امريكا عن طريق الحركة الشعبية
فماذا نفعل - نصمت ونقول للكيزان يلا امشوا موتوا براكم - وطيب لمن يشيلوا ارضنا كلها نقعد نعاين ليهم ووقتها يكون جيشنا انتهى ولا احد يدافع عن السودان؟؟؟

سبحان الله

لو كان دا كلامكم فأنا من الآن مؤتمر وطني

الصادق

ما جاء على هذا البوست :

عارى تماما من الصحة

لدى تسجيل كامل للحلقة

وقد اشار العقيد مقدم البرنامج لذلك فى بداية الحلقة

وكان ذلك للمهاتفات التى وصلته من باكيا وشاكيا عن الهزيمة فى هجليج

وقد قال بالحرف الواحد انا حاعرض عليكم معركة سابقة توضح قوة الجيش الشعبى وبعدها تحقق الاستقلال لشعب الجنوب

فما عرض امس على تلفزيون sstv لم يكن تصوير للمعارك فى هجليج .. بل كان لمعارك سابقة اثناء الحرب

ليس هنالك خنادق فى هجليج كما هو واضح فى الصور

نعم الموقع والمعدات للجيش السودانى لكن ليست فى هجليج

وعليه ارجو منك يا احمد ابن عوف توضيح الحقيقة كاملة والاعتذار

اخي جمال محمود

ولنفرض فرضاً أن المعارك التي اظهرتها الحشرة الشعبية في تلفزيونها كانت لضربة هجليج؟؟!!!
هجليج هي ارضنا ومارقي الحشرة العشبية هم من اعتدوا عليها وعلينا في عصب اقتصادنا
نحن شعب يحب السلام وهم عاشوا بيننا ولم يجدوا منا إلا كل طيب وخير

ألم يأن لهؤلاء أن يفهموا أن هذه حرب بالوكالة وألم يأن لهم أن يفهموا أن حرب الجنوب مرت على جميع الحكومات حتى الديمقراطية منها
حاربوا حكومة الصادق المهدي واحتلوا الكرمك وقيسان

الحرب قادمة قادمة وعلينا أن نجهز انفسنا لها
انفصل الجنوب ليعمل مشاكل للشمال ويوقف المد الاسلامي هناك
هم يعلمون ان الشعب السوداني شعب معلم في كل شيء حتى في الحرب
وهم يعلمون شجاعتنا واقدامنا ويعملون اننا نمشي إلى الموت بأقدامنا لأننا نعرف إلى أين نحن ذاهبون عندما نموت دفاعاً عن ارضنا وعرضنا وشرفنا واقتصادنا وحقوقنا التي حبانا بها الله.

يا عمر البشير لا تخف وتقدم إلى جوبا واحرق واقتل وافعل ما شئت ونحن من خلفك نشد من أزرك
يا جيشنا السوداني ويارجال الحارة موتكم دفاعاً عن ارضنا وارضكم هي الشهادة بعينها
نحن خلفكم معكم

الله اكبر

الصادق

Quote: وانتم ما زلتم تصيحون بأننا خلفك ايها الجيش دمرهم ايها الجيش، اقتلوهم بددا، لا تغادروا منهم احدها

جيش غازي يحتل مدينة سودانية ويحدث فيها الدمار والخراب والنهب والقتل ويدنس أرضها الطاهرة
ماذا تتوقع منا نفعل ؟
أن نتمني لهم والتوفيق والسداد وندعو لحشراتهم الباسلة بالنصر المؤزر
أرحم نفسك وأرحمنا من أمثال هذه البوستات البائسة

الأخ أحمد ابن عوف

لدي كلمة، ويشهد الله (ليس لمجرد السخرية) لكنها كلمة حق

دعني أقول لك: أنت تحمل حقد وبغض لمجموعة محددة

قد نعذرك بغضك لـ "الكيزان" فهذا أمر يخصك ومتولد عن قناعات شخصية، فلا يحق لنا أن نفرض عليك محبة فلان أو كره فرتكان

لكن للأسف، يظهر أن هذا البغض والحقد تجاوز الحدود، حتى أضحى مرضاَ مفتداً للضمير، وداءاً مُقعداً للأخلاق

ما تمارسه الآن سقوط مريع وتجرد عن الأخلاق.. ويكفي أنك اعتذرت في أول البوست، والشينة منكورة

أقول هذا الكلام وأوقن أن من تجرد من الحياء لن ينفعه النصح البتة

فالحياء من الإيمان، ولا إيمان لمن لا حياء له،،،،،،،،،،،،،

نسأل الله الهداية للجميع

عرض صور الضحايا من قبل الحكومتين امر مرفوض

هناك فريقين

فريق يقول ان الحرب قبيحة ولا نريدها

وهناك فريق يقول لا، اذهبوا للحرب واقتلوهم وابيدوهم، او فلترق كل الدماء ...

لو صوت اليوم يعلو على صوت الجهاد في الخرطوم، وتلك ازمة، احسب ان كل المتداخلين لا دخل لهم بها

اي صوت ينادي ويقول بأن الحرب كريهة ولا نريدها، ومن الافضل الحوار للوصول الى سلام، فذاك هو
الحاقد والطابور الخامس بعينة

زي ما قلت، يا عماد، والصادق، و جمال (سارجع لكم بعدين) تلك هي احدى ازمات الدكتاتورية
انه لا يجب عليك ان تعبر عن رأيك بحرية

خرج آلاف الامريكيين ينادون بوقف الحرب في فيتنام، هل تم تخوين احدهم؟؟ هل تم اعتباره طابور خامس

هذه الحرب سنفقد فيها ابنائنا، واخواننا من اجل لا شيء، لن يتنصر احد في هذه الحرب

محمد علي كلاي، ذلك البطل المقاتل، رفض ان يذهب الى فيتنام عندما تم استدعائه للخدمة العسكرية
وحوكم عسكريا، وتم تجريده من حزام البطولة، وفضل خيار السجن على ان يذهب لقتال الفيتناميين
والآن كل العالم يحترم موقف الرجل ومحل تقدير

نعم، اليوم الانقاذ يمكن ان تحشرنا جميعا في ذلك الخندق، فقط من اجل العنجهية واثبات رجولة في الفاضي
يمكنها ان تحشرنا في ذلك الخندق وهم يتمتعون بسب ونهب المال العام ويتطاولوا في البنيان وبعد دا كله
يدورها هجيج

هل سالتم انفسكم، انت يا جمال، براك قلت انك شاهدت الحلقة، شعورك شنو وانت كنت بتشاهد في قتلانا نحن؟؟
حسيت بفخر؟ حسيت بانهم ماتوا من اجل قضية حقيقة ومصيرية للشعب السوداني؟؟

عدونا الاساسي هو المؤتمر الوطني؟ والطيب مصطفى من يشحن في الفتيان الى تلك الحرب اللعينة

دايرننا نفتح بوستات من شاكلة، اردم واكسح وعيييك وما بعرف شنو!! طيب اها، ياهو دا الردم والكسح، مالكم ما بينها
ألانهم قتلانا؟ ومالي ومال قتلى الجنوبيين لاعرض صورهم، مصاصي الدماء والمجردين من الانسانية هم فقط من يفعلون ذلك

Quote: هل يمكن لضابط ليس مواليا للمؤتمر الوطني أن يحتفظ بوظيفته في الجيش السوداني؟ هل يمكن لهذا الجيش أن يعترض على حرب تخاض بناء على قرار صادر من مجلس شورى المؤتمر الوطني؟ هل يمكن لهذا الجيش أن ينحاز للسودانيين إذا قرروا أن يثوروا ضد حكم المؤتمر الوطني؟ هل يملك ايا كان أن يعترض على ترتيبات سياسية يقوم بها مفاوض المؤتمر الوطني حتى و إن كانت تمس السيادة و يحتفظ بموقعه في نفس الوقت داخل الجيش"الوطني"؟ ماذا فعل من يحترمون المؤسسة العسكرية السودانية من أجل الاعتراض على تطهيرها بناء على أسس حزبية بحتة؟ و ما هو رأيهم في سياسة القبول التي تتبعها الكلية الحربية الآن و طوال تاريخ الانقاذ؟؟؟؟؟؟؟؟؟؟؟؟؟؟؟؟؟؟؟؟؟

وهل يا سيف النصر

انا عشان اخدم وطني كجندي لابد ان اكون مؤتمر وطني؟
وهل الولاء لاوامر الجيش يعتبر ولاءا لقائد من المؤتمر الوطني؟
وهل اساسا يوجد قائد ميداني غير مؤتمر وطني؟

زمان كان الدخول في الكلية الحربية مفخرة لا يضاهيها مفخرة الا الدخول في كلية الطب بجامعة الخرطوم
وحاليا بعد ان تردى حال الكلية الحربية تردى حال الجيش
ولابد من محاسبة اركان الجيش من وزيرها حتى جنديها في التفريط في حماية الوطن

Quote: [خرج آلاف الامريكيين ينادون بوقف الحرب في فيتنام، هل تم تخوين احدهم؟؟ هل تم اعتباره طابور خامس

الإجابة لا..ولكن...

أنت لم تفعل ذلك .. أنت سخرت من الجندي السوداني الباسل...

وقلت بالحرف الواحد: "جيشنا جرى"... فبالله يا أحمد ما تلولو الكلام...

لو جيت وقلت أوقفوا الحرب... لقلنا نعم ولكن بعد أن تستعاد أرضنا وكرامتنا...

هناك لعنة في هذا البورد.. الكثيرون يعتقدون من منطلقة فاضحة الجهل...

أنو بعض الجنود أشجع من البعض الآخر... يعني لما يكون في مشكلة مع أي

جهة أخرى تصفقون لكل من يقتل الجنود المحسوبين على الشمال أو دولة السودان ...

حتى أحد اللذين تخاطبهم بمثل تلك البوستات .. رد لك بما معناه ... القتلى كلهم سودانيين ودعا لهم بالرحمة...

وهذا موقف نبيل .. أما أنت يا أحمد طفقت تسخر من الجنود الماتو.. وتشمت... لا لشيء إلا لأنك تكره

الجبهة... وهل هذا مبرر؟؟؟

بعدين الكلام القالوا ليك جمال ده ما تفوتو لأنو صحيح وأنا عارفو لأنو الحلقة دي معادة وأنا شفتها

في يوم بثها الأول.. وعشان كده سخرت السخرية التي أنكرتها عليَ .. وأديك عرفت سبب سخريتي

موقفك يا أخي أحمد... ما بقدر أوصفو... معليش... ستعلم... بأن هكذا مواقف هي ما يطيل في عمر

النظام الذي تدعون بانكم تكرهونه وتعادونه,,,

يا أحمد...

Quote: بعدين الكلام القالوا ليك جمال ده ما تفوتو لأنو صحيح وأنا عارفو لأنو الحلقة دي معادة وأنا شفتها في يوم بثها الأول.. وعشان كده سخرت السخرية التي أنكرتها عليَ .. وأديك عرفت سبب سخريتي

كما قال لك ايضا الاخ كمال

واكرر لك ان مقدم البرنامج نفسه قال ان الفليم قديم يعنى ما خاص باحداث هجليج

ولدى التسجيل كامل لو تطلب الامر ساقوم برفعه

وعليه ارجو شاكرا تصحيح هذا الخطأ

ازيك يا كمال

(الليلة لو انت ما نمت بدري انا بنوم بدري) ^ــ^

Quote: أنت لم تفعل ذلك .. أنت سخرت من الجندي السوداني الباسل... وقلت بالحرف الواحد: "جيشنا جرى"... فبالله يا أحمد ما تلولو الكلام...

فيما يخص الكلام دا:

خليك مني انا

انت البرلمان المخجوج دا بربطة المعلم الم يطالبوا بأن يتم استدعاء وزير الدفاع ومساءلته بما جرى
من هزائم للجيش السوداني؟؟

مافي في المنبر دا كيزان قالوا يجب ان يتم فصل هذا الرجل لانه تسبب في هزائم لجيشنا لسؤ ادارته للمعارك؟؟
(بمناسبة كيزان المنبر - ما سالت نفسك لييه ما جو البوست دا)

طيب، هي الهزائم البتكلم بيها البرلمان دي ما ياها المصورة فوق هنا؟ الجديد شنو، احمد ارتكب ياتو جرم هنا

لو ما دايرين تشوفوا، دا شيء بخصكم، لكن امكن في والد او والدة عندهم ولد داير يخمو الطيب مصطفى، فعليهم يعرفوا
انهم بحاربوا وين وتحت قيادة منو ولي شنو زاتو

كلمة "جرى" صحيح انا معاك امكن بالغت كتير فيها، كان ممكن استعمل اي مرادفة تانيه، لكن احنا في عيادة نفسية اصلو
ما ياها حرب عشان كده خلونا في صلب الموضوع

موضوع البوست بتكلم عن الآتي:

النظام كذب عندما قال ان الحركة الشعبية باغتتهم في هجليج
النظام كذب عندما قال دعى الحركة للتفاوض في اديس وهو يدبر لهم مؤامرة
النظام كذب عندما قال اننا جاهزين للقتال
النظام كذب على ابنائنا الجنود وقال لهم ان لا ثمة قتال بل نحن نتفاوض والنظام كان يعلم بانهم معرضون لهجوم

وما زال النظام يكذب عندما ادعى انهم دخلوا هجليج عنوة واقتدارا
وما زال النظام يكذب بانهم الآن لا يقصفون ولاية الوحدة

وسيظل النظام يكذب ويتحرى الكذب مستغلين تصديق الناس بانهم ابو الوطنية زاتو وبانهم يقاتلون من اجل تراب هذا الوطن
وليس من اجل حفنة دولارات.

أخي أحمد...

أنا معاك في إنو وزير الدفاع يجب أن يطرد

كأقل أجراء لأنو ما بيعرف ثقافة الإستقالة...

وبس وبصراحة أنا الليلة إن شاء الله بنوم بدري

والعندي قلتو...

وبعد ده بيبقى تكرار ولت وعجن ساكت...

وبيبقى بعبارة شكسبيرية قديمة

BAH HUMBUG
وسلامتك

مبروك أحمد ابنعوف وبكرى ابوبكر
جيشكم هزم الجيش السودانى وقتله عن بكرة أبيه والجيش السودانى قام جارى وقال الحقينى ياماما!!

Fortunately this proves nothing except their brutality and unprofessional attitude.

الأخ أحمد ..سلامات ..

Quote: خرج آلاف الامريكيين ينادون بوقف الحرب في فيتنام، هل تم تخوين احدهم؟؟ هل تم اعتباره طابور خامس

خرج آلاف الامريكيين لأن الحرب كانت غير عادلة ولم يكن لهم فيها ناقة ولا جمل ...
ولكن حرب استرجاع هجليج كانت رد إعتداء صريح وبإعتراف سلفاكير وبنية الإحتفاظ بها ...

Quote: موضوع البوست بتكلم عن الآتي: النظام كذب عندما قال ان الحركة الشعبية باغتتهم في هجليج النظام كذب عندما قال دعى الحركة للتفاوض في اديس وهو يدبر لهم مؤامرة النظام كذب عندما قال اننا جاهزين للقتال النظام كذب على ابنائنا الجنود وقال لهم ان لا ثمة قتال بل نحن نتفاوض والنظام كان يعلم بانهم معرضون لهجوم

لم يكن ذلك موضوع البوست ...
فقد إستهللت البوست بعد عرض الصور و التعليق عليها بـ :

Quote: سلام يا تراجي الواضح انو جيشنا جرى، للاسف، في ناس سلاحهم الشخصي زاتو ما شالوا

وأعيد هنا ما رددت به للأخ سيف على أسئلته :


كلها أسئلة مشروعة ويجب الإجابة عليها بدون شك ..
ولكن وجهة نظرى الشخصية ...
فى مثل هذا الوقت المؤلم للكثير من أهل السودان والدماء لم تجف بعد ..
يجب الإلتفات الى تضميد الجروح و المواساة ورفع الروح المعنوية ...
وليس السخرية والتقريع والشماتة والتشفى ...

والمروءة تحتم حينما يقع أخى - وحتى ولو كان مخطئا - أن أرفعه وأضمد جرحه ...
وبعدها يتسع الوقت للحساب و المساءلة ..

وتحياتى ...

الأخ أحمد ..سلامات ..

Quote: خرج آلاف الامريكيين ينادون بوقف الحرب في فيتنام، هل تم تخوين احدهم؟؟ هل تم اعتباره طابور خامس

خرج آلاف الامريكيين لأن الحرب كانت غير عادلة ولم يكن لهم فيها ناقة ولا جمل ...
ولكن حرب استرجاع هجليج كانت رد إعتداء صريح وبإعتراف سلفاكير وبنية الإحتفاظ بها ...

Quote: موضوع البوست بتكلم عن الآتي: النظام كذب عندما قال ان الحركة الشعبية باغتتهم في هجليج النظام كذب عندما قال دعى الحركة للتفاوض في اديس وهو يدبر لهم مؤامرة النظام كذب عندما قال اننا جاهزين للقتال النظام كذب على ابنائنا الجنود وقال لهم ان لا ثمة قتال بل نحن نتفاوض والنظام كان يعلم بانهم معرضون لهجوم

لم يكن ذلك موضوع البوست ...
فقد إستهللت البوست بعد عرض الصور و التعليق عليها بـ :

Quote: سلام يا تراجي الواضح انو جيشنا جرى، للاسف، في ناس سلاحهم الشخصي زاتو ما شالوا

وأعيد هنا ما رددت به للأخ سيف على أسئلته :

كلها أسئلة مشروعة ويجب الإجابة عليها بدون شك ..
ولكن وجهة نظرى الشخصية ...
فى مثل هذا الوقت المؤلم للكثير من أهل السودان والدماء لم تجف بعد ..
يجب الإلتفات الى تضميد الجروح و المواساة ورفع الروح المعنوية ...
وليس السخرية والتقريع والشماتة والتشفى ...

والمروءة تحتم حينما يقع أخى - وحتى ولو كان مخطئا - أن أرفعه وأضمد جرحه ...
وبعدها يتسع الوقت للحساب و المساءلة ..

وتحياتى ...

يا امير

Quote: فى مثل هذا الوقت المؤلم للكثير من أهل السودان والدماء لم تجف بعد ..

يا امير انت ما قاعد تشوف فضائيات سودانية وللا شنو، اي الم تتحدث عنه في الخرطوم
يا زول هه، الهجيج والربا في اي ركن، اي 5 كيزان في اي حلة دقو ليهم صيوان والفنانيين على افى من يشيل
وهاك يا حت

أند ذاتز اكزاتتلي وات وي آر توكنغ اباوت

Quote: وبعدها يتسع الوقت للحساب و المساءلة ..

مافي زمن

Quote: يا عمر البشير لا تخف وتقدم إلى جوبا واحرق واقتل وافعل ما شئت ونحن من خلفك نشد من أزرك يا جيشنا السوداني ويارجال الحارة موتكم دفاعاً عن ارضنا وارضكم هي الشهادة بعينها نحن خلفكم معكم الله اكبر

الصادق صديق

Quote: يا امير انت ما قاعد تشوف فضائيات سودانية وللا شنو، اي الم تتحدث عنه في الخرطوم يا زول هه، الهجيج والربا في اي ركن، اي 5 كيزان في اي حلة دقو ليهم صيوان والفنانيين على افى من يشيل وهاك يا حت

يا أحمد ... مهما يكن ليس مثل الشماتة والمعايرة بالجرى ...

يا امير انت جادي

Quote: يا أحمد ... مهما يكن ليس مثل الشماتة والمعايرة بالجرى ...

هسع ما يستفاد من الدرس في هذا البوست انو احمد ابن عوف قال كلمة جري

يا زول النطمنك انا لي عشرين سنة احمل صفة مرجف و######## وخائن وعميل ومرتزق ومن شذاذ الآفاق
المافي شنو

الاخ وبكرى ابوبكر

اكرر ان الحلقة كانت عن معارك سابقة فى ارض الجنوب كما ذكر مقدم البرنامج

وذكر ان الهزائم هى التى اجبرت حكومة السودان لتوقيع الاتفاقية

وجارى تحميل مقدمة البرنامج

Quote: يحز في نفسي ان اعرض لمثل هذه الهزيمة لابنائنا السماح يا اهلنا

يحز فى نفسك شنو نفسك بالتقطعو

انت بتتشفى فى اهلك وكمان بتطلب السماح

نوعك دا اشد خطراً على اهلوا من حشرات الحركة الشعبية

هسع انت يعنى جايب صور اهلك وهم مجدعين ويمثل بيهم عشان تورينا انو الحرب لعينة

طيب هجليج عندك جنوبية وله شمالية

ماياهو دا الدفاع عن الارض والعرض ومن يموت دونه يموت شهيدأً

عمرك ماسمعت انا وأخوى على ود اعمى وانا وود اعمى على الغريب

وله انت من انصار الاستعانة بالشيطان عشان تتخلص من الانقاذ

انه زمن السقوط فى مستنقع العمالة والخنوع والهوان والاستجارة بالغاصب المحتل الذى يطمع فى هدر ارضك وعرضك

وانت تتحدث عن يحز فى نفسى

يالبؤسك وتعاستك وعمالتك

حسن حماد

ما كان تجيب معاك رشاش وتجي المنبر احسن

Quote: يحز فى نفسك شنو نفسك بالتقطعو

دا شنو دا

Quote: انت بتتشفى فى اهلك وكمان بتطلب السماح

وين اتشفيت، جيب اقتباس، ما تكورك ساكت، قلنا ليكم وقت الهجيج مدور في الخرطوم
ورئيسك برقص كانوا في شباب بموتوا في نفس اللحظة

Quote: نوعك دا اشد خطراً على اهلوا من حشرات الحركة الشعبية

الفيلم دا دخلناهو قبل كده، شوف غيرها

Quote: هسع انت يعنى جايب صور اهلك وهم مجدعين ويمثل بيهم عشان تورينا انو الحرب لعينة

انا ما جبت صور قتلى، رفضت انزلها، لانه لا يصح، انا جبت صور خنادق خالية وعربات مدمرة
ولم يخبرنا احد بذلك، بل كانوا يطالبوننا بالرقيص والهجيج

Quote: طيب هجليج عندك جنوبية وله شمالية

ما بهمني انها تكون جنوبية او شمالية، في النهاية هي سودانية، اسال الزول الفصل البلد
ووقع على كده، ياخي هي نمولي كانت سودانية، اخجل ليكم كمان وللا شنو

Quote: ماياهو دا الدفاع عن الارض والعرض ومن يموت دونه يموت شهيدأً

دا دفاع عن البترول، الكيزان ما زالوا يريدون سرقته، والسوق واقف يا عمك، شغلوا لينا
الماسورة دي، الصيف جاي والاولاد دايرين يمشوا الاجازات الصيفية في ماليزيا وكده

Quote: عمرك ماسمعت انا وأخوى على ود اعمى وانا وود اعمى على الغريب

خلينا نحدد منو اخوي ومنو ود عمي ومنو الغريب في السودان الغريب دا

Quote: وله انت من انصار الاستعانة بالشيطان عشان تتخلص من الانقاذ

انا من انصار الاستعانة بالله للتخلص من الشيطان الاسمو الانقاذ

Quote: انه زمن السقوط فى مستنقع العمالة والخنوع والهوان والاستجارة بالغاصب المحتل الذى يطمع فى هدر ارضك وعرضك

الغاصب المحتل قاعد في القاهرة وفي واحد تاني في اديس ابابا، وما تنسى اسرائيل برضو، اكلنا لينا منها
ضربتين برضو

Quote: وانت تتحدث عن يحز فى نفسى

دا بخصني لوحدي، كون اعبر عنه فدا ما بديك الحق تحاكم النفوس
عشان كده قلنا النظام دا خطر، لانه سيعيد حاجة اسمها "محاكم التفتيش"
في اوروبا لمن كان الكهنة بحاكموا ضميرك وبفتشو نفسك دي جواها في شنو
والاعدام كان بكون بالحرق حيا

Quote: يالبؤسك وتعاستك وعمالتك

تصفيق حار للحوار الجاد معاك

للمرة الالف، اي زول يدعو للحرب وسحق الجنوبيين الحشرات، لازم يعرف انه بضع واحد
من شباب السودان في احدى تلك الخنادق، وقد يكون مصيره كما رأيتم، عشان كده اي زول
ما مستعد يتحمل المسئولية الاخلاقية عن ارسال ابنائنا للمحارق، طوالي يبطل كركبة في
الكيبورد ويشيل ليهو رشاش ويمشي يتخندق في اي جتة من المناطق الحدودية المتنازع عليها

الواحد يديك درس في الاخلاق عن حماية العرض والارض والوطن، وهو ما عارف انها كذبة انقاذية اولا
ولا يعلم انه كلما رقص زيادة او كتب زيادة ممكن يغرر بفتى ويمشي يحارب من اجل عيون آكلي مال
السحت في الخرطوم.

موضوع بتحل بالمفاوضات والحوار، الشكل لزومو شنو

وزير دفاعك لمن قلب الطربيزة في في وش الجنوبيين وقال ليهم مافي تفاوض، ما امن الاولاد ديل مالو؟

لماذا تركهم لقمة سائغة في يد قوات الحركة الشعبية، ولم يمدهم باي دعم، وترك الحركة الشعبية
تصول وتجول الى ان تم دخول هجليج، وبعداك بدأ الهجيج، وملئوا الدنيا صراخا وادينو الحركة شكرا بالاتحاد
الاوروربي، شكرا مجلس الامن لمساندتكم، ورجعنا لمربع واحد في لغة السلاح

هسع ان شاء الله اتعلمت درس في الخيانة الوطنية، عرفت الخائن منو، عرفت انو الكيزان فرطوا في هجليج مخصوص
وعرضوا اولادنا ديل لمهلكة عشان يشغلوا اسطوانة فارغة.

Quote: ÍÓلواحد يديك درس في الاخلاق عن حماية العرض والارض والوطن، وهو ما عارف انها كذبة انقاذية

سبحان الله

الاخ احمد سلام لك ولكل المتداخلين

القفز الي معركة هجليج الاخيرة قد يغيب عني وعن كثير مسببات استمرار الحرب وهي الان بكل تاكيد في الشمال سياسة الموتمر اللاوطني

وفي الجنوب الحركة الشعبية ..

الغاية انو نوقف الحرب

وقف الحرب له عنصر اساسي وهو وجود جيشنا تحت قيادة همها كل مواطني السودان حتي الموجودين في جبال النوبة

وان يكون قراره في يده وان المصلحة العليا هي الدفاع عن ارض الوطن وليس مصالح بقاء النظام الحالي.

الحروب الاخيرة خاضها جيشنا ضد مواطني وحركات مسلحة اتفقنا او اختلفنا معها هي داخل حدود الوطن الكبير السودان والان بدت في الدمازين

بعد اتفاقية السلام بالمشاركة في الانقلاب علي والي منتخب كان من الممكن ان يتم التفاوض

معه لحل المشاكل الموجودة في ذلك الوقت وايضا مشكلة جنوب كردفان هي نتيجة تخبطات

سياسية وتزوير تم واعتداء علي جنود الحركة من ابناء النوبة كل هذا بواسطة عناصر الموتمر اللاوطني وبجيش تحت امرة الموتمر اللاوطني....

الجنود في الرتب الصغري يصعب عليهم اتخاذ قرار او رفضه وهنا المسؤلية تقع علي السياسيين...

القفز الي حرب هجليج دون الاعتراض علي اعتداء الجيش بالطيران علي حدود دولة الجنوب خطاء

مسؤلية الموتمر اللاوطني كبيرة جدا في حرب تصعيدية مع الجنوب اكثر من الحركة الشعبية ورفض التفاوض والعنتريات علي حساب مزيد من الدماء مرفوض

توزيع صكوك الوطنية تحت قسم الجيش بولاء للانقاذ مردود عليه - بعدم قومية مواقف الجيش السوداني والاجهزة الامنية الاخري في كثير من التحركات العسكرية في دارفور والنيل الازرق

وجنوب كردفان- من مات ويموت في الجيش هم اخوة لنا وابناء واباء بقرابة الدم في كل لحظة يسقط حد الاقارب لنا هناك ولكن لن يمنعنا

وقد كنا في يوم من الايام في تلك المواقع جبر او طوعا لكن لايمنعنا ان نفكر ونقول بصوت عالي هي حروب بالوكالة

وهجليج ليس اول اعتداء هي رد فعل لحماقات الموتمر اللاوطني وواجبي لمنع حدوث حروب اخري هي ان يزول الموتمر اللاوطني

قد نختلف في الوسيلة برفض الحرب والسلاح لكن هو الحل الاكيد لمشاكل السودان بخلق دولة تكون المواطنة هي اساس الحقوق مع احترام

وخلق علاقات صحية مع كل دول الجوار ومنع التدخل في شئونها ليس كما يفعل الان الجيش والاجهزة الامنية تحت امرة الموتمر اللاوطني فقد تدخل

في ليبيا الي تخوم الكفرة وقدم السلاح ومن قبل محاولة اغتيال رئيس دولة ادت الي احتلال اراضي سودانية ودعم لحركات تشاد وكان الرد دخول امدرمان

ودعم حركات اطور وغيره وكان الرد بدعم الحركات المسلحة في جنوب كردفان والنيل الازرق الخ

____________________________________________________________________________________

الشهداء وهنا احسبهم كذلك من الجنود فانا لا اعلم نواياهم فقد يتم تغييبهم والزج بهم الي هذه الحرب لكنهم يقاتلون بكل شجاعة هناك

كنت في يوم هناك واعلم تمام احساسهم وهمهم بجيشهم وبلادهم....

نتمني ان نوقف نزيف تلك الدماء وان نتفاوض الان قبل سقوط مزيد من الضحايا فقد تباع تلك الدماء وذلك ليس بغريب فقد بيعت دماء

رفاق الايدلويجيا الكيزانية من قبل وتم اغتيالهم

نتمني الان ان يعود كل الجنود الي اسرهم ونساهم كلنا في تنمية بلادنا حرة دون وصايا من فرد علي اخر تحت مسمي الدين او تفوق العنصر

او القبيلة او غيره وان تصان حدود بلادنا دون حروب مفتعلة ....

قتلى .. أسرى .. غنائم .. من جيش دولة العدو الجنوبي (فيديو)

هاك يا أحمد

دارت