أفراح الموت عمّت دنيانا ... قصيدة

افراح الموت عمّت دنيانا
جنوب وشمال مرحب بالجانا
أبشر يا موت غنينا غنانا
دوشكتنا دليب ونوبتنا الدانة
أفراح الموت أفراح مزدانة
مليون الميل رقصت جبخانة
ما خلت زول إنسان وإنسانة
زرعنا قبور والأرض ملانة
ما كانت يوم أرواحنا ج بانة
ما ظن الموت في يوم بختانا
ما ريحة الدم فاحت ريحانة
بنموت أخوان وحياتنا خيانة
أسرع يا موت ما تفضل خانة
شيل الأرواح عرب عربانه
وشيل الأخوان زنوج رطانة
أصلك يا موت طوالي معانا

لي متين واقفين ونتفرج
لي متين نتكلم ونتحجج
قالوا الساكتين ديل السذج
وقالوا الراحلين ما نتعجج
مين طفا النار مين الأجج
مين الخطط .. مين البرمج
مين النظم .. مين الخرمج
مين الصابر .. ومين العرج


وصباح الخير يا وطني