الديموقراطية وصلت إلى بيتي!

السلام عليكم

صدر مني صوت عال فقال لي ولدي الأكبر ( 5 سنوات ): ما تزعجنا

فقلت له بين دهشة واستياء: لكن البيت ده بيتي أنا

فقال لي بثقة: ده ما بيتك انت .. ده بيتنا كلنا!!

فأعدتها مرة أخرى: لا .. ده بيتي أنا!

فقال لي في ثقة أكبر: لاكين نحنا 3 وانت واحد .. أنا وماما وأحمد 3 وانت واحد!!!

فقلت له بمنطق ديكتاتوري بحت: لكن أنا الزعيم بتاعكم كلكم!!

والله صحي هذا ما حدث .. الله يستر علينا من أولاد الزمن ده!!!

القصة حقيقية وهنالك أخرى أيضا حقيقية، وكانت قبل مدة:

أخرجت أولادي الاثنين من الغرفة لأني كنت أحتاج بعض الهدوء

فوقف الاثنان: الكبير ( 5 سنوات ) والصغير ( 3.5 ) سنة خارج باب الغرفة

وأخذا يهتفان: الشعب يريد إسقاط النظام .. والله صحي!!!

طبعا أيام الثورات العربية والثورة المصرية بالذات كنا كلنا بنقيل ونساهر قدام التلفزيون

من بعد الظهر إلى قبيل الفجر .. ولعلهم التقطوها من هنالك وفهموها وترجموها هكذا

جيل ثوري عجيب الله يسترنا منو ^__________^

الاخ محمد جلال السلام عليكم وحفظ الله اولادك وجعلهم من الصالحين