Post: #1
Title: هجلجة كانت ام هجولة ؟
Author: خدر
Date: 04-21-2012, 10:26 AM
Parent: #0
- البشير بقول قلعناها رجالة
- سلفاكير قال انسحبنا
- علي عثمان قال انسحبوا تحت ضربات الجيش
- عبدالرحيم و الفريق عصمت بتمتموا لحدي اسه لكن باكدوا انهم دحروا العدو
- سلفاكير بقول انو انسحابو مستمر و سينتهي غداً
-
ممكن يا اخوانا منسوبي الوطني و الشعبية في المنبر نحن الشعب السوداني الكريم يورونا تفاصيل المعركة ؟
خاصة انو تلفزيون امدرمان حتي الان لم يعرض اي اسري للشعبية او خسائر باستثناء عربية و كلاشين للحركة الشعبية بعيدوهم كل شوية.
ياريت ما تجوا تكرروا كلام علي شاكلة الجيش عرد و دحرناهم و قلعناها رجالة .. الشعب يريد معلومات و بالعدم تحليلات.
القصة دي كلها غير منطقية لحدي أسة "وفقا لصور و تقارير تلفزيون السودان و محطات التلفزة العربية " . ممكن احتراما الشعبين الجنوبي و الشمالي تورونا الحقيقة وين !! عشان الجنوبيين الصدقوا انسحاب الشعبية يكونوا صدقوا بالأدلة موش بالعواطف و الرغبة في الأمان و الشماليين الصدقوا انتصار جيش الشمال يكونوا صدقوا بالدلة موش بالعواطف و الرغبة في الأمان .
|
Post: #2
Title: Re: هجلجة كانت ام هجولة ؟
Author: خدر
Date: 04-21-2012, 10:32 AM
Parent: #1
الصور التي يكررها التلفزيون السوداني و حسب افادة العارفين بتلك المناطق جغرافيا هي من منطقة الخرصانة
اين هي صور الجيش السوداني من داخل هجليج ؟
اين هي صور مناطق النفط المشتعلة ؟
اين هي صور انسحاب الجيش الجنوبي في تلفزيون الجنوب ؟
_
أخشي ان في الامر خدعة كبري
|
Post: #3
Title: Re: هجلجة كانت ام هجولة ؟
Author: خدر
Date: 04-21-2012, 10:38 AM
Parent: #2
فاتني ان انوه لقليلي الحيلة من المحاورين المفترضين أني مع الشعبين في الشمال و الجنوب و ضد الحرب ، فانا لحسن الحظ اثق في الشعوب لا في الحكومات
|
Post: #4
Title: Re: هجلجة كانت ام هجولة ؟
Author: محمد إبراهيم علي
Date: 04-21-2012, 10:50 AM
Parent: #2
لماذا لم يزر البشير هجليج حتى الان وفما كان مخططا له ان يعلن تحرير هجليج من هناك ؟
امس تحدث عقيد في الجيش السوداني عن خسائر جيش دولة جنوب السودان فقال احصينا عدد 400 جثة(هذه سمعته باذني)
المعلن ان عدد المعتدين يزيد عن 16 الف جندي فاين ذهبت بقية الجثث والمعدات المدمرة !!!!
في بوست هنا امس بيتكلم عن تصاعد اعمدة الدخان من هجليج بعد حرق جيش الجنوب لابار النفط !!!!
هل كانت اعمدة الدخان قنابل دخانية اطلقتها طائرات امريكية لتغطية انسحاب جيش الجنوب ؟
يبدو ان هناك الكثير المثير الذي ستكشفه الايام القادمة
شخصيا انتظره من الضفة الاخرى للاطلسي فالامريكان ما تتبلش فولة في خشمهم
في النهاية اتمنى ان يكون الطرفان قد وعيا درسا بان المفاوضات ارخص ثمنا لتحقيق فائدة الشعبين
|
Post: #5
Title: Re: هجلجة كانت ام هجولة ؟
Author: خدر
Date: 04-21-2012, 11:08 AM
Parent: #4
اتوقعت يا محمد اول الداخلين يشهد الله :)
شكرًا علي الأسئلة المحفزة و نحن في انتظار منسوبي الشعبية و الوطني بالمنبر العام لسودانيزاونلاين و اجاباتهم او تحليلاتهم
|
Post: #6
Title: Re: هجلجة كانت ام هجولة ؟
Author: مريم بنت الحسين
Date: 04-21-2012, 11:12 AM
Parent: #4
غايته انا ما حصل فهمته ضنب الككو حقت وليد المبارك ديك إلا في اليومين الفاتو ديل!
الله هويني (او كما يقول هاشم نوريت)... هو بقول شنو؟
|
Post: #7
Title: Re: هجلجة كانت ام هجولة ؟
Author: خدر
Date: 04-21-2012, 11:37 AM
Parent: #6
عرض تلفزيون السودان قبل قليل صور من هجليج و لم نري اثار معارك يا مريم
شوية عربات و فناطيظ بحالة جيدة - نفايات جيش الشعبية
لا جثث ولا حرائق ولا اثار قصف
؟؟؟؟؟؟
ماذا يحدث من خلفنا ؟
|
Post: #8
Title: Re: هجلجة كانت ام هجولة ؟
Author: عصام دهب
Date: 04-21-2012, 11:42 AM
Parent: #7
عنزة وإن طارت ..
|
Post: #10
Title: Re: هجلجة كانت ام هجولة ؟
Author: عصام دهب
Date: 04-21-2012, 11:52 AM
Parent: #8
Quote: الصور التي يكررها التلفزيون السوداني و حسب افادة العارفين بتلك المناطق جغرافيا هي من منطقة الخرصانة
اين هي صور الجيش السوداني من داخل هجليج ؟
اين هي صور مناطق النفط المشتعلة ؟
اين هي صور انسحاب الجيش الجنوبي في تلفزيون الجنوب ؟
_
أخشي ان في الامر خدعة كبري |
Quote: عرض تلفزيون السودان قبل قليل صور من هجليج و لم نري اثار معارك يا مريم
شوية عربات و فناطيظ بحالة جيدة - نفايات جيش الشعبية
لا جثث ولا حرائق ولا اثار قصف |
هسة بيعرضوا في صور الحرائق و آثار القصف ..
أهة لو قاموا عرضوا صور جيف المعتدين ..
نقعد في واي .. واي .. و حقوق الإنسان ..
ـ
خدر عليك الله خش الضل ..
|
Post: #11
Title: Re: هجلجة كانت ام هجولة ؟
Author: خدر
Date: 04-21-2012, 12:04 PM
Parent: #8
عصام دهب ، انت قانوني علي ما اذكر ، يعني أسئلتي دي كان الاولي انك تسألها انت ، كيف ومتين !! موش تلفح نعلاتك و تجري القيادة العامة عشان تأيد النصر المؤزر لمجرد انك عضو في المؤتمر الوطني . ده انا بعتبروا حزبية منك و بالتالي لا مكان لك في البوست ده . البوست للمرة الالف دعوة للبحث عن الحقائق لا للتهاتر و طيران الاغنام . التكنلوجيا في يدك ، تابع المحطات و انكرب و قول لي قوقل هيت لك . ان بقي بعد داك عندك تحليل او خبر يقين تعال راجع .. لو مصر تباري لعبة طيران الأغنام دي إدينا عرض أكتافك الله يرضي عليك. نحن عاوزين نجلي الحقائق و بعد داك نحتفل
سنحتفل حقا ان علمنا ان الوطني لم يخدعنا و ان استرداد هجليج تم باتفاق جنتلمان و انو مافي خسائر بشرية .
سنحتفل حقا ان علمنا ان الشعبية انسحبت و لم تراق دماء إخواننا شماليون او جنوبيون في معارك خاسرة.
و ستغضب جداً حين نعلم ان ما يجري الان علي شاشات التلفزة هو لعب بعقول مواطني الشمال و الجنوب من اجل البقاء في كراسي السلطة.
|
Post: #9
Title: Re: هجلجة كانت ام هجولة ؟
Author: مها عبد الله
Date: 04-21-2012, 11:49 AM
Parent: #7
وفى خضم المعركة والحرب وغوارها يأت أحدهم ويقف أمام الكاميرا وهو يبتسم ويردد ( الله أكبر ) !!
هجلجة وهجولة ما بعدها هجولة !
أميل لتصديق رواية الإنسحاب ، فلقد بدأ التصوير الحي للأحداث بهجليج اليوم فقط وهو اليوم الثالث بإعتبار أن إنسحاب الحركة بدأ يوم الخميس
أما قبل ذلك فلقد كانت هجلجة كيزانية تبعها ( صمت و إختفاء ) للكيزان حتى بالبورد ، سوا بعض ( الرشاشات ) الخفيفة من قبل البعض كنوع من التطمين !
|
Post: #12
Title: Re: هجلجة كانت ام هجولة ؟
Author: humida
Date: 04-21-2012, 12:10 PM
Parent: #9
بعد دحر قواتنا الباسلة لفلول المرتزقة و البتاع .. ستتوجه الآن الي شارع النيل لمطاردة ستات الشاي و الجكس ..
الله أكبر ..
الله أكبر ..
الله أكبر ..
و العزة للسودان ..
..
..
هذه المداخلة برعاية صابون ابو فيل .. ( صابون ابو فيل .. زحلق نفسك ) .. !!
|
Post: #13
Title: Re: هجلجة كانت ام هجولة ؟
Author: محمد إبراهيم علي
Date: 04-21-2012, 12:13 PM
Parent: #9
| Quote: هسة بيعرضوا في صور الحرائق و آثار القصف |
مداخلتي اعلاه سابتلعها بنفسي
كنت حتى صباح اليوم ارى نفس ما ذكره خدر في بداية البوست ولكن الان وقد جئت للبيت في ساعة الغداء
ورايت حقيقة ما حدث
ما رايته يصيب القلب بالحزن والغضب
فالحرائق منتشرة في كل مكانمطار هجليج - مستودعات الوقود – محطة كهرباء هجليج – سوق هجليج
ربما صابتها قذائف الجيش السوداني وهي تحاول استردادها ولكن طبعا لم يكن الجيش السوداني سيقصفها لو لم يكن قد تم الاعتداء عليها من جيش دولة جنوب السودان
ما رايته الان مدان مدان وباقصى عبارات الادانة
هذه ممتكات الشعب السوداني وهو الان من سيدفع ثمن اعادتها للعمل
عدم وجود جثث يمكن تفسيره بان جيش دولة الجنوب نفذ انسحابا منظما واخذ معه جثث قتلاه يمكن تفسيره باكثر من طريقة
ولكن انا متاكد من شئ واحد ان كاميرا تلفزيون السودان قبل قليل كانت تصور داخل هجليج
هذا لا ينفى انه ربما حصلت صفقات تحت الطاولة
ده بيظهر في الايام الجاية القريبة
|
Post: #14
Title: Re: هجلجة كانت ام هجولة ؟
Author: خدر
Date: 04-21-2012, 03:25 PM
Parent: #13
أوردت قناة العربية الإخبارية قبل قليل صور للجيش الشعبي مصحوبه بخبر وعده بالانسحاب خلال ثلاث ايام
سؤال لمن هم علي علاقة بهجليج جغرافيا .. هل تلك الصور تم تصويرها في هجليج ؟
|
Post: #15
Title: Re: هجلجة كانت ام هجولة ؟
Author: Tagelsir Elmelik
Date: 04-21-2012, 03:37 PM
Parent: #14
الله مرقك يا خدر من جهاز بكري البشطب داك
قلت شفت شوية شنو؟؟ (:
إشتقنا لأيامك الفرجينية.
|
Post: #16
Title: Re: هجلجة كانت ام هجولة ؟
Author: خدر
Date: 04-21-2012, 05:12 PM
Parent: #15
| Quote: قلت شفت شوية شنو؟؟ (: |
هههههههههههههههههههههههههههههههههههههههههههههههههههه
ليك شوق يا ابوالسرة والله .. يا حليلك :)
|
|