متى سنسعد بالمحاسبة؟!!

سعدنا باسترداد هجليج فمتى سنسعد بالمحاسبة؟!!

Quote: سنسعد بالمحاسبة؟

الحكومة ومن شدة حرصها على عدم وفاتكم (سعادة)
ستكتفي باسعادكم مرة واحدة فقط

يحاسبوا منو ولا منو يا حسين ؟؟!

لامـن حمار الوادي يشهّـق يا حسـين..
إنت ما سمعت بفقه السترة، وحظـر النشر في قضايا الفساد (البسيطة) وأن المساءلة تتم داخل مؤسسات الحزب؛ والطاهر قبل كدة قال الله بس هو البحاسبهم (لاحظ دا رئيس البرلمان المسؤول من المساءلة)

سلام يا ملاسي،

قصدك شنو؟! تسعد بمحاسبة:
1) الشيوعي والشعبي؟
أم
2) كل من فرح لأحداث هجليج الأولى من المعارضة؟

أفصح أبن!

النذير ح يترشّى!!

Quote: النذير ح يترشّى!!

انا ذاتي قلت كدة

نرجو من ملاسي مراعاة فروق الوقت
قبل (الإجهاز) على أخونا في الله النذير!!





_
لحقنا نفسنا قبل ما نترشّى نحن زاتنا!!

Quote: سلام يا ملاسي، قصدك شنو؟! تسعد بمحاسبة: 1) الشيوعي والشعبي؟ أم 2) كل من فرح لأحداث هجليج الأولى من المعارضة؟ أفصح أبن!

هههههههههههههههه
غايتو الله في

النذير دائماً أسئلتو بليـدة ؛)
__
النذير يعلم الله خاتيك في بالي لكن المشغولية ماسكاني منّك.. لكن كان بقينا حيين، نصيبك بصلك..

في معرض إسترداد أراضي الوطن من جيوش اخرى نتوقع من ورير الدفاع خطاب قوي ، يُشعل الحماس ويخفف من مأساة فقد أبناء القوات المسلحة في معارك ماكان لها أن تكون لولا قصر نظر المؤسسة السياسية في البلاد ، لكن وزير دفاعنا إحتشد خطابه ...

بالتأتأة والتلعثم وتحركات عينيه المزعجة بين الورقة التي يقرأ منها وكاميرا التلفزيون

عليه أن يستفيد من هذه الهدنة في التدريب على مواجهة الكاميرات وأن يبتعد عن القراءة من ورقة في الأمر الوحيد الذي يقع ضمن إختصاصه

يا مثبت العقوول ... تعرف المدهش مش قصة الوطنيه و كده , تجييش الجموع و "الرهوط" و الشعوب بيحصل عادى في أى بلد من أمريكا لى كوبالى بريطانيا لى زيمبابوى لى سوريا الأسد , و السبب غير مهم , الأهم أنك تعملا بي حرفنه و تعرف تهبش الناس وين "الا و العصا معه" مثلآ
و المحير مش عشم ملاسي و غيره من - بصدق - الأذكياء و التفاتيح , المحير أنهم جادين في العشم ده و كمان منتظرينو يتحقق و تحصل محاسبه تسعدهم ... و كأن ال 23 سنه الفاتت دى ما كافيه تفهم الحجر و البغل ...
محاسبه؟ لا أشك لحظه أن من يتعشم ملاسي في محاسبتهم يعتقدون أنهم أبطال هذه الأحداث و صناع نصرها و هم يتقاسمون الآن الغنائم (عقودات السلاح,شوية مبانى , شوية بترول و معها ترضيلت أمريكيه)
و حتشوفو من سيكافأ و ده ما ضرب رمل ... دى ال 23 سنه ....
معليش للنقه لكن القصه تحير فعلآ ....

يحاسبو منو ديل (أعادوا للإنقاذ مشروعها الهتافي)
ورزق اليوم باليوم لا رجعة فيه لما مضى ً
--------
عشاري قرايتو من الورقه بكل علاتها ارحم يا خوي انت مما متذكر كلامو بعد ضربة مصنع الشفاء
بالله نفس العلل بكل اخطائهم جارننا في وحلهم من زمن طول كتير
الله يكون في عون اهلنا

غايتو انا شخصيا ضد محاسة عبدالرحيم ,,,,
عبدالباقي الظافر اليومين ديل بقول ليهو في كلام مامطمئن,,,

الله يستر,

كدي يا ود الصائم ومن لف لفه فسروا لينا
ملاسي قاصد يحاسب منو؟! مع مجريات الأحداث؟!

البوست دا بطيخة مقفولة، على الأقل أنا
أجر المحاولة إني خمنت ممكن ملاسي يكون قاصد شنو؟! وأي
شيء من ملاسي متوقع

Quote: قال نافع علي نافع مساعد رئيس الجمهورية نائب رئيس المؤتمر الوطني لشؤون الحزب إن حزبي المؤتمر الشعبي والشيوعي عجزا عن إدانة الهجوم على منطقة هجليج من قبل دولة الجنوب ، وأضاف " لا أجد مبررا لهذا سوى الخيانة الوطنية ، في وقت أثنى د. نافع على مواقف بعض القوى السياسية الأخرى مشيرا إلى أن القيادية في حزب الأمة مريم الصادق المهدي لعبت دورا خاصا في إدانة الهجوم في اجتماع عقده تحالف المعارضة مؤخرا .

صحيفة الرائد

Quote: النذير ح يترشّى!!

والله ملاسي لو عمل كدا يكون بقى يجليها ثابته ..
ياخ دا براهوووو .. راشي نفسو

Quote: والله ملاسي لو عمل كدا يكون بقى يجليها ثابته .. ياخ دا براهوووو .. راشي نفسو

______________
يا (النظير) حجازي دي مداخلة كتبتها في بوست عصام ج الله ولما رسلتها لقيت البوست اتلحس
ما بطال لو أعدتها ليك في بوست ملاسي دا

Quote: انت عارف انا عفيتك من صفة حمار ليه ؟ أوريك .. زول زيك بتمنى الموت للناس وبفرح لما يسمع انهم مرضى دي ما سمعنا بيها كلو كلو دي قمة الانحطاط والبلادة وانعدام الحساسة... وكمان شوف تبريرو شنو؟ قال "انا عارف نقد حيموت اول واحد" هههههههه عشان كدا أنا عفيتك من صفة حمار... الحمار دا والله نحن ما بنبدلو بواحد زيك ... لأننا لقينا فيهو منافع وأفضال كثيرة وساهم بشكل او بآخر في نهضة البلد دي وتاريخها وأدى ولا زال يؤدي ما عليه دون ان يتململ او يتمنى الموت لراكبه او صاحبه (عرفت الفرق وين ؟) المهم ما تستعجل على رزقك .. رزقك بجيك لحدي عندك في بوست ياسر طيفور المرتقب وحتتعصر عصر لمن نطلع (فسحتك) للفحص شايف؟

Quote: زول زيك بتمنى الموت للناس وبفرح لما يسمع انهم مرضى دي ما سمعنا بيها كلو كلو

يا وهبــة ..
إنت النذير دا .. حانوتي ..؟
والله لحدت الآن انا بتذكر انو كتب بما معناهو .. ليه البورد دا ما بيموتو فيهو الزميلات ..؟ البموتو الزملاء بس ..؟
تخيل عليك الله زول زي دا يقولو ليهو شنـو ..؟
الزول دا زمان شتمني في البورد دا .. انا طبعا بقجتي دي او بالاصح خرتايتي دي اصلو ما بفضيها ..
عشان كدا خاتيها ليهو ...
وبخلص ليك حقي منو بالملم المربع ..
بختك يا جقروتـة .. جيت في موسم جني العنــب

Quote: لامـن حمار الوادي يشهّـق يا حسـين.. إنت ما سمعت بفقه السترة، وحظـر النشر في قضايا الفساد (البسيطة) وأن المساءلة تتم داخل مؤسسات الحزب؛ والطاهر قبل كدة قال الله بس هو البحاسبهم (لاحظ دا رئيس البرلمان المسؤول من المساءلة)

الله البحاسب .. إسرقو سرقاتكم .. بعد داك حجة حجتين بتصلح الدفاتر .

Quote: عليه أن يستفيد من هذه الهدنة في التدريب على مواجهة الكاميرات وأن يبتعد عن القراءة من ورقة في الأمر الوحيد الذي يقع ضمن إختصاصه

التدريب علي الإعلام ملحوق يا عشاري لكن رأيك شنو في في جنود الجيش السوداني الذين لا يرتدون خوزات معدنية تحمي رؤوسهم من الرصاص ، هم حايمين يتصورو في مناطق العمليات برؤوس كاشفة و ليس في أيديهم ما يحمي رؤوسهم المغرور بها......هذا في القرن الواحد و العشرين الذي تحافظ فيه الجيوش علي أرواح جنودها أثناء الحرب بأي ثمن !!

أما التصريجات الغبية من شاكلة القضاء علي 60٪ من قوات الحركة الشعبية التي، كما قال عبد الرحيم يعني آلاف الجتود لان الحركة الشعبية كما قالت الحكومة نجحت في دخول هجليج لانها هاجمتها بعدة فرق، آي عشرات الآلاف من الجنود !! بينما قال ضابط من هجليح من طليعة القوات التي دخلت أطراف هجليج انه آحصي بضع مئات من الجثث و تلفزيون السودان يعرض جثث تعد علي أصابع اليد الواحدة !! غض النظر عن العرض المقزز لجثث الموتي الزي لايليق بالجيوش و الإعلام المحترمين!!

دة كلو عشان يقولوا سلفاكير ما إنسحب :) وبعدين خلاص المشاكل إتحلت لو سلفاكير جري؟

مرات أنا بتلخبط : أي من الدولتين هي الناشئة عديمة الخبرة في إدارة شئون بلدها التي إنضمت للمجامع الدولي قبل شهور!! هل هي الدولة التي تجبر عدوها علي الحرب مع نفسه داخل حدوده بخلق جبهه حرب أهلية عازلة أم تلك التي تحتفل بتحرير مدينة حدودية لايعرف أحد كيف تم إحتلالها أصلاً، و لو جري تحقيق لما بقي وزير الدفاع الفاشل هذا لحظة واحدة في منصبه.

رغم كل هذا و من حيث لايدري سلفاكير فقد حبس كل السودان في خانة ردود الأفعال، و أصبحنا نحتفل بما يتفضل به علينا من إنسحابات ، و بدون ضمانات أن هذا الأمر لن يتكرر مرة أخري !!

------------------------------
كنت أتمني ترقيص الرئيس بي محمود عبد العزيز المرة دي، لكن ننتظر تحرير حلايب أو الفشقة من الحشرات المصرية و الحبشية :)