مُدخني الخليج، عليكم بالسعوط او السجائر الأندونيسي

تناشقوه كما فعل غريبة في رحلته الى القاهرة
اعتباراً من الاول من اغسطس 2012 ستقوم دول الخليج مجتمعة بفرض ضريبة للتبغ تبلغ 100% والتي ستضاعف اسعار التبغ الى 200%. يعني يمكن اقل علبة تصل 12 ريال.
مشروع تجارة
مافي زول عنده شوالات سعوط مخزنة وكدا؟
قبل كدا الاخ الطيب قريمان كان داير يتاجر في البطيخ، جاتك مدردقة يا ود رحمة
بالنسبة للسجائر الاندونيسي فهو سجائر في حجم قلم الحواجب ورفيع كالمسواك ولايباع بالعلبة بل بالحبة او الكوم او الكيلو "انت وقدرتك" لكن 12 ريال يمكن تقعدك شهر.
من مميزاته
للناس السمان:
اقوى ساد للشهية، السجارة الواحدة يمكن تسد نفسك اليوم كله، ففقدانك للوزن الزائد هي مسالة وقت لا اكثر.
مرضي الجيوب الانفية
له لسعة لو جيبوك دي مقفلة باسمنت بيفتحها وكمان والله فيهو ريحة ريحة الخنزير الميت تقريباً اهون منها وهو إقتصادي لذوي الدخل المحدود والمتوسط ، كما انه يساعد الناس الجبارة في تفادي بعض الاحراجات، يعني مثلاً لو جوك ضيوف والحالة صعبة، اول ما يسلمو ويقعدوا ولع لك واحدة منو، يا استاذنوا وقالو ليك فلان داك عازمنا، يا قعدوا لكن الموية الزرقاء دي لو شربوها يكون بالغوا رسمي، بس لو اكلو عندك قابلني!!!
طارد للناموس والحشرات، هو في حشرة او ضبانة او ناموسة بتقدر تقعد مع ريحتو دي؟ والله لو مأجرة ودافعة مقدم سنة الا تفوت وتخليهو، هو ابن ادم وكت يولعوها جنبو في الشارع والله يقعد يكابس للنفس!!! فتخيل لو في بيت مقفل كيف؟
نصيحة لاي واحدة يجيها مغترب للزواج
اول حاجة تسال منها بيشرب سجائر ولا ما بيشرب ، لو ما بيشرب اختيهو

يا كوستاوي
في افطار رمضان يجب وضع عدد المدخنين في الاعتبار عند احتساب النقاط