بعد ماتم تحرير هجليج الجيش السودانى يصلى العشا فى حلايب تكبير

حلايب ترجع بالكلاش بالمدفع
اتو حلايب دا ماسودانيه
متى يصلى الجيش العشا او الصبح او الضهر او العصر او المغرب فى حلايب
حلايب سودانية وهجليج سودانيه الفرق شنو بين حلايب وهجليج

على ذمة عبد الله خليل
الذي سلم السلطة للعسكر
وعلى ذمة العسكر الذين سلموا السلطة للصادق والهادي
وعلى ذمة الصادق الذي اقتلع منه السلطة نميري
وعلى ذمةنميري الذي اطاحته الانتفاضة
كل هولاء لم يصلوا العشاء في حلايب فلماذا يصليها البشير
الجيش رجع العليه
حلايب يرجعها الذين اهملوها قرنا كاملا

الأخوة في البوست

التحايا والاحترام

الأخ عبد الملك

مع كامل احترامي لرأيك في المسألة دي لكن حلايب تم تمصريها بالكلمل في العهد دا ،

بأعتقد انو المسألة الاساية ما منو المسئول عن ضياعها بقدر انو السعي لعودتها لحضن الوطن ولا اقول حظيرته !

مرة تانية بأتمني انو اختلافنا مع صاحب البوست - الاخ محمد عادل في الحالة دي أو غيرو في بوستات تانية - ما يكون سبب في الرد بما معناه (.........) في حلايب !

الوطن واحد وارض الوطن واحدة ،

وبالتأكيد انا لست في مقام من يعطي الدروس للاخرين في الوطنية ،

لكن بأجد من غير المقبول الحديث عن حلايب بالطريقة الانت اتكلمت بيها ،

الي ذلك يا اخي الكريم حلايب كانت دايلرة انتخابية سودانية في كل الانتخابات السابقة عدا الاخيرة ، والاحتلال المصري لم يجر فيها انتخابات الا بعد تمصيرها اخيرا ....

اخيرا : ورغم انو الاحتلال المصري لحلايب لم يكمل قرنا كاملا فمن غير المنطقي مطالبتك الاخيرة انو يرجعوها من اهملوها قرنا كاملا - ودا طبعا غير صحيح - فالحق التاريخي في الوطن لا يسقط بالتقادم والا كانت فلسطين اولي بالنسيان !

مع احترامي وتقديري .