Post: #1
Title: في العربية قبل قليل: سلفا كير لازلنا نسيطر على هجليج .. الزول ده شارب؟
Author: محمد جلال عبدالله
Date: 04-20-2012, 06:32 PM
رئيس حكومة الجنوب سلفاكير ميارديت يكذب بيان وزير الدفاع السوداني ويقول إن الجيش الشعبي لا يزال في هجليج!!
قناة العربية
|
Post: #2
Title: Re: في العربية قبل قليل: سلفا كير لازلنا نسيطر على هجليج .. الزول ده ش
Author: Tragie Mustafa
Date: 04-20-2012, 06:41 PM
Parent: #1
سلفاكير لا يكذب
بل انتم من يكذب عليكم اعلامك تابع تفاصيل ما حدث عبر هذه المداخله
وكله مثبت بالستلايت العامله جورج كلوني....تم الانسحاب وبغطاء امريكي
ما كتبه زكريا جوزيف رد على جني هو الحقيقيه يبقى وين كذب سلفاكير؟!
Quote:
بالله يا جنى بقيت زول الله ساى. هزيمة شنو و معارك شنو. امشى و شوف ساتلايت بتاع كلونى حيث ان لجيش aالشعبى انسحب من الساعة الثامنة الليلة البارحة "اها اقول لك تحت غطاء جوى اميركى" و الجيش السودانى كان قاعد فى كيلو 23 و خرسانة و بيتناوش مع خلايا صغيرة. الطبخة من مستر ليمان و الصينين و قالو لصاحبك البشير ال اسمارت ان يكف عن ضرب الجنوب و سوف ينسحب الجيش الشعبى و قالو له ارقص لو عايز. كيف يحرر هجليج و كلها منشات بترول و خطوط انابيب.
حتى الجيش الشعبى لم يهزم الجيش السودانى لانهم فروا قبل قدومهم الى المدينة و اظنهم كانوا خائفهم من ان تنفجر عليها البترول و الكيميات.
|
|
Post: #3
Title: Re: في العربية قبل قليل: سلفا كير لازلنا نسيطر على هجليج .. الزول ده ش
Author: محمد جلال عبدالله
Date: 04-20-2012, 06:53 PM
Parent: #2
Quote: سلفاكير لا يكذب
....تم الانسحاب وبغطاء امريكي |
يا طنط أيوااااا تم الانسحاب ما اختلفنا
وقبيل هو قال انسحب .. ما اختلفنا
لكن هسع دي في العربية نشرة الساعة 8
نقلوا تصريح عنه أنه لا يزال الجيش الشعبي يسيطر على هجليج
طيب دي تجي كيف دي؟
قبيل قال حينسحب في 3 أيام
تاني لقاها حارة قام غير كلامه وقال
أمر بالانسحاب
هسي يقول لا زال الجيش الشعبي في هجليج ومسيطر كمان؟؟
|
Post: #4
Title: Re: في العربية قبل قليل: سلفا كير لازلنا نسيطر على هجليج .. الزول ده ش
Author: بدر الدين اسحاق احمد
Date: 04-20-2012, 08:06 PM
Parent: #3
Quote: هلل وكبر يا سودان وحي معاي الجيش الظافر
هلل وكبر يا سودان وحي معاي الجيش القاهر
هلل وكبر يا سودان يا البي فرسانك دايماً ظاهر
وقول لي سلفا يا رعديد أوعك أوعك تاني تغامر
خبت وخابوا معاك أسيادك وراح تخطيطم تحصيل حاصل
وما عارفين انو السودان ليهو المولي دايما ناصر
وما عارفين احفاد المهدي الدك حصون السالب وغادر
لو قايلين السويتوها ممكن تمشي تفوت بالساهل
تبقوا غشامه وناسين انو ابطال كريي السيل الهادر
عندهم احفاد اقوي واشجع واصعب من السيف الباتر
وبرجع اقول لي بلدي الحره حيوا معاي الجيش الظافر
جيش العزة حماة هجليج حماة الوطن البهو نفاخر
ومن اعماقي اقول لي رجالنا اسود الكر الما بتهاظر
الف تحية كمان مبروك آلآف مبروك النصر الباهر |
يا محمد ما تشغل بالك المداخلات بتاعت طنطا اسرائيل دا مدفوعة القيمــة ..
|
|