مبروك للجيش السودانى وهاردلك سلفا ستيوبيد!

هزيمة يسير بذكرها الركبان كما تمنيت وتكهنت
حاول تغطيتها بادعاء لانسحاب خوفا من عار الهزيمة والهو الذى تحدث عن ملكيته لها راقضا الانسحاب!
من ينسحب ينسحب بكامل عتاده وقوته ولا يخلف قتلى وجرحى واسرى ومعدات!
بقى له ان يتجرع كاس الهزيمة والسقوط الداوى داخليا
جنى

موقف شجاع منك يا جنى

فهناك مواقف لا تقبل الوسطيه

مرحب بيك يا كوز جديد :)

الحمد لله على نصره .

التحية للقوات المسلحة والتحية لكل من دافع عن وطنه بدمه وقلمه وقلبه ، وخالص الدعوات أن يتقبل الله الشهداء ويمن على الجرحى بالشفاء، وعلى الباغي تدور الدوائر.

.
.

غلطت لكن
ده ما الجيش السوداني
ده جيش التركية السابقة يا جهلول

بعدين اللإستيوبد منو الورث التنجليز (56 سنة) وحتى اليوم لا قادر يوفر لنفسو راحة ولا يخلي الناس ترتاح ؟ خلي من الرفاه.

أوع تقولي ده سلفا؟

الحكومة دي: أزبليطات، أنواط، شرايط فالصو ونياشين البلصقوهن في أكتاف العساكر، خليك من السلاح ومعداتو من الصين بس للعساكر عارفها قيمتها كم؟ عشان تستنجد بالقبلية بأهلي المسيرية!
هل أنت مسيري؟؟؟

حكومة تلاقي حكومة ده الصحيح والليبرتالية الحقة، القبايل لزومهم شنو يا مترمم؟

موقف اصيل يا جني

فينا كلنا (سوداني اصيل)
بعضنا بيخبيهو

نشكر سلفا، ان جعل خروجه ممكن

بالله يا جنى بقيت زول الله ساى. هزيمة شنو و معارك شنو. امشى و شوف ساتلايت بتاع كلونى حيث ان لجيش aالشعبى انسحب من الساعة الثامنة الليلة البارحة "اها اقول لك تحت غطاء جوى اميركى" و الجيش السودانى كان قاعد فى كيلو 23 و خرسانة و بيتناوش مع خلايا صغيرة. الطبخة من مستر ليمان و الصينين و قالو لصاحبك البشير ال اسمارت ان يكف عن ضرب الجنوب و سوف ينسحب الجيش الشعبى و قالو له ارقص لو عايز. كيف يحرر هجليج و كلها منشات بترول و خطوط انابيب.
حتى الجيش الشعبى لم يهزم الجيش السودانى لانهم فروا قبل قدومهم الى المدينة و اظنهم كانوا خائفهم من ان تنفجر عليها البترول و الكيميات.
ابلد من الجنوبين مافيشين و اذكاءكم الله لم خلق مثلهم!!!

Sorry, I can't edit because am using mouse.

لو كان القائد العظيم جون قرنق حيا ويحكم الجنوب الان
لما حدث هذا
بل لما حدث الانفصال من الاصل
وهاهو الدعي رئيس أوغندا المشارك في اغنيال
قرنق يتوهم بانه سيدخل الحرب ياله من فاشل
وحليلك ياقرنق يامن قتلوك وتنكروا للمبادئ التي
كتبتها بدمك وعرقك وبا للأسف

Quote: بالله يا جنى بقيت زول الله ساى. هزيمة شنو و معارك شنو. امشى و شوف ساتلايت بتاع كلونى حيث ان لجيش aالشعبى انسحب من الساعة الثامنة الليلة البارحة "اها اقول لك تحت غطاء جوى اميركى" و الجيش السودانى كان قاعد فى كيلو 23 و خرسانة و بيتناوش مع خلايا صغيرة. الطبخة من مستر ليمان و الصينين و قالو لصاحبك البشير ال اسمارت ان يكف عن ضرب الجنوب و سوف ينسحب الجيش الشعبى و قالو له ارقص لو عايز. كيف يحرر هجليج و كلها منشات بترول و خطوط انابيب. حتى الجيش الشعبى لم يهزم الجيش السودانى لانهم فروا قبل قدومهم الى المدينة و اظنهم كانوا خائفهم من ان تنفجر عليها البترول و الكيميات. ابلد من الجنوبين مافيشين و اذكاءكم الله لم خلق مثلهم!!!

البوست لسة ما ترشف
الناس الساى هم القالوا هجليج جنوبية وما بطلعوا منها كل حكومة الجنوب قلالت الكلام دا

ستالايت كلونى واسلحة وافراد يوغنديين واسلحة اسرائيلية
دى دولة للاسف عميلة وغبية
دولة بقى لها من مواردها 2% فقط بعد اقفال النفط من اين لها كلفة الحرب!
ما تقول لى بتحاربوا بالدين من دكان اليمانى!
جنى

نعم اتها هزيمة نكراء لقوات سلفاكير و نصر مؤزر للجيش السودانى

الله اكبر و العزة للسودان

اها يا جني بعد شهادة زكريا جوزيف دي نقول عليك شنو؟!
قال وكما تمنيت قال!!

Quote: هزيمة يسير بذكرها الركبان كما تمنيت وتكهنت حاول تغطيتها بادعاء لانسحاب خوفا من عار الهزيمة والهو الذى تحدث عن ملكيته لها راقضا الانسحاب! من ينسحب ينسحب بكامل عتاده وقوته ولا يخلف قتلى وجرحى واسرى ومعدات! بقى له ان يتجرع كاس الهزيمة والسقوط الداوى داخليا جنى

Quote: بالله يا جنى بقيت زول الله ساى. هزيمة شنو و معارك شنو. امشى و شوف ساتلايت بتاع كلونى حيث ان لجيش aالشعبى انسحب من الساعة الثامنة الليلة البارحة "اها اقول لك تحت غطاء جوى اميركى" و الجيش السودانى كان قاعد فى كيلو 23 و خرسانة و بيتناوش مع خلايا صغيرة. الطبخة من مستر ليمان و الصينين و قالو لصاحبك البشير ال اسمارت ان يكف عن ضرب الجنوب و سوف ينسحب الجيش الشعبى و قالو له ارقص لو عايز. كيف يحرر هجليج و كلها منشات بترول و خطوط انابيب. حتى الجيش الشعبى لم يهزم الجيش السودانى لانهم فروا قبل قدومهم الى المدينة و اظنهم كانوا خائفهم من ان تنفجر عليها البترول و الكيميات. ابلد من الجنوبين مافيشين و اذكاءكم الله لم خلق مثلهم!!!

هزيمه يسير بذكرها الركبان!!بالله!!


اها.....اشبع بتوهم انه تخميناتك صحيحه!!

يا صيام ناقش بادب حتى لا اضطر الى السباب وهو امر لم اعتاد عليه وليس ممن طبعى
اما اذا اردت فاسبنك سبابا يدخل القبر معك
جنى

غريبة أخي جني، بقرا كثيرا ما تكتب من اخبار او تحليل لحدث او خبر، تمتاز بالموضوعية في كل ذلك، مالي اليوم أراك بعيدا عما كنت،
ياخي لا تجعل العاطفة او النفرة كما يدعونها هؤلاء ان تضعك في خانة السبهلالية والتحليل المرتجل، كلنا سودانيين ونحب هذا البلد من أعماقنا ولكن لا نخدع بمشروعية الهدف والتواء التنفيذ.

تريث اخي انك لا تعلم ماذا يحمل الغد من اخبار وخفايا قد تغير من مفهوم اليوم عندك، اضبط عاطفتك وتعاطفك كي لا تنزلق كما انزلق غريبة.

الود لك دوما.

جني : سلامات :

Quote: (1) واشارت شهادات جمعتها وكالة فرانس برس في بنتيو في اراضي جنوب السودان الى ان المعارك كانت متواصلة صباح الجمعة في هجليج التي تبعد نحو ستين كلم وان العديد من جنود جنوب السودان عادوا جرحى من الجبهة. (2) وقال فيليب أقوير المتحدث باسم جيش جنوب السودان في وقت سابق من اليوم الجمعة ان القصف الجوي السوداني أدى إلى اشتعال النار في منشأة المعالجة المركزية في هجليج امس الخميس.واضاف أن طائرة "من طراز ميج قصفت المنشآت النفطية أمس في هجليج وأصيبت إحدى المنشآت.. منشأة المعالجة المركزية التي تفصل الماء عن النفط الخام" مضيفا "اشتعلت فيها النيران أمس وهي تحترق" الان.

حرب نتائجها خسائر بشرية واقتصادية،منشأة المعالجة المركزية تعالج بترول البلدين وهذه خسارة فادحة.

الله أكبر والعزة للإسلام والمسلمين ..هكذا عودتنا النصر فلا غرو هى من رحم الشعب السودانى وهى مجموعة قيم ومبادئ وليس خسارة معركة أو عدة وعتاد كما قال أستاذنا حسين خوجلى ..

سلام يا جني
ألف مليون مبروك لجيشنا و شعبنا و ربنا يقدر الشعب السوداني على تنظيف البيت بعد أن انجلى هذا العدوان.

Quote: امشى و شوف ساتلايت بتاع كلونى حيث ان لجيش االشعبى انسحب من الساعة الثامنة الليلة البارحة "اها اقول لك تحت غطاء جوى اميركى" و الجيش السودانى كان قاعد فى كيلو ءع و خرسانة و بيتناوش مع خلايا صغيرة.

سلام يا زكريا
يكون كويس جدا لو وريتنا صور ستلايت كولوني دي. بحثت في موقعهم فلم أجد أي صور أو أخبار كالتي تتحدث عنها.

Quote: هلل وكبر يا سودان وحي معاي الجيش الظافر هلل وكبر يا سودان وحي معاي الجيش القاهر هلل وكبر يا سودان يا البي فرسانك دايماً ظاهر وقول لي سلفا يا رعديد أوعك أوعك تاني تغامر خبت وخابوا معاك أسيادك وراح تخطيطم تحصيل حاصل وما عارفين انو السودان ليهو المولي دايما ناصر وما عارفين احفاد المهدي الدك حصون السالب وغادر لو قايلين السويتوها ممكن تمشي تفوت بالساهل تبقوا غشامه وناسين انو ابطال كريي السيل الهادر عندهم احفاد اقوي واشجع واصعب من السيف الباتر وبرجع اقول لي بلدي الحره حيوا معاي الجيش الظافر جيش العزة حماة هجليج حماة الوطن البهو نفاخر ومن اعماقي اقول لي رجالنا اسود الكر الما بتهاظر الف تحية كمان مبروك آلآف مبروك النصر الباهر

مليون مبروك للجيش السوداني
أدام الله عليه عزة النصر
وسند الشعب ورضاه
شفى الله الجرحى ، وتقبل الشهداء وحفظ الجنود

الله اكبر والعزة للسودان

موضوعية التحليل تصب لصالحك ولا تعتبر خصما على رأيك الخاص في الحكومة

ولا يضيرك مبرراتية الطابور الخامس وان طعنوا في نزاهتك وهذا ديدنهم في كل من يخالفهم الرأي

والله يستر ما يطلعوك كوز


بالنسبة لجوزيف فوق عديلو

لكن باقي الناس فوق كم الله أعلم

لك التحية اخي جني

Quote: غريبة أخي جني، بقرا كثيرا ما تكتب من اخبار او تحليل لحدث او خبر، تمتاز بالموضوعية في كل ذلك، مالي اليوم أراك بعيدا عما كنت، ياخي لا تجعل العاطفة او النفرة كما يدعونها هؤلاء ان تضعك في خانة السبهلالية والتحليل المرتجل، كلنا سودانيين ونحب هذا البلد من أعماقنا ولكن لا نخدع بمشروعية الهدف والتواء التنفيذ. تريث اخي انك لا تعلم ماذا يحمل الغد من اخبار وخفايا قد تغير من مفهوم اليوم عندك، اضبط عاطفتك وتعاطفك كي لا تنزلق كما انزلق غريبة. الود لك دوما.

اليوم خمر وغدا امر!
اتريدنى ان اهلل لهزيمة الجيش السودانى وانهياره وتزقه وتشتته فى الفيافى وتمزيق الوطن وتقسيمه بين دول الجوار المتربصة وانعدام البترول وانهيار الجنيه السودانى وانهيار امن ومجاعات وشح دواء وتووامة للخرطوم مع مقديشو!
واجلس انتظر مشروع مارشال امريكي لانقاذ اهل السودان!
بدون انهيار الجيش تم انتزاع اراضى سودانية بواسطة دول الجوار
اليوم انا اكثر موضوعيا
ولو كان لى فى الامر لسهلت خروج الشعب السوداني عن بكرة ابيه لارسال رسالة للغرب وسلفا استيوبد ليعرفوا ان الشعب السودانى اذا جاء وقت الجد شعب صعب المراس
سلفا استيوبيد والغرب استفاد من الانقسام السودانى الذى ساهم فيه البشير مساهمة عظيمة وايضا ساهمت فيه الحركة الشعبية فى زمن قرنق وسلفا استيوبد
لا تقل لى انك تحب السودان وتتمنى ان تبقى هجليج فى قبضة سلفا استيوبد وينهار الجيش السوداني!
وقتها فعلا من الحب ما قتل!
انا لا اتحرك اطلاقا من العاطفة بل من اعمال العقل
ولك الود والتقدير
جنى

Quote: هزيمة يسير بذكرها الركبان كما تمنيت وتكهنت حاول تغطيتها بادعاء لانسحاب خوفا من عار الهزيمة والهو الذى تحدث عن ملكيته لها راقضا الانسحاب! من ينسحب ينسحب بكامل عتاده وقوته ولا يخلف قتلى وجرحى واسرى ومعدات! بقى له ان يتجرع كاس الهزيمة والسقوط الداوى داخليا جنى

والله يا جني كل يوم تثبت ان بوصلة عقلك وقلبك في الاتجاه الصاح

لا بتشوف غباش لا بتطشش بيك اقلام الضلال

هزيمة سلفاكير مادايرالها ضو
هزيمة ستجعل من يرسلونه الى فعل مثل هذه المراسيل يعملون الف حساب من عملية زي دي

شوف العملاء بتاعين جورح كلوني الذي يريد ان يصنع تاريخ وسمعة على حساب السودان عشان ينزل انتخابات في بلدو
والناس البتترجا في قبائل التماس ان تخزل الجيش وهم ما عارفين قبائل التماس عااااارفة امورهم دي وعااااارفة الحركة الشعبية أكثر من بقايا مثقفي اليسار الذين يحاولون تخذيل القبائل الحدودية لتكشف ظهر الجيش
ولو تركناهم لقالوا لهم ساعدوا جيش العدو ( الحركة الشعبية لتدمير السودان)

موقف مشرف بالجد

Quote: اليوم خمر وغدا امر! اتريدنى ان اهلل لهزيمة الجيش السودانى وانهياره وتزقه وتشتته فى الفيافى وتمزيق الوطن وتقسيمه بين دول الجوار المتربصة وانعدام البترول وانهيار الجنيه السودانى وانهيار امن ومجاعات وشح دواء وتووامة للخرطوم مع مقديشو! واجلس انتظر مشروع مارشال امريكي لانقاذ اهل السودان! بدون انهيار الجيش تم انتزاع اراضى سودانية بواسطة دول الجوار اليوم انا اكثر موضوعيا

هذا الذي يخططون له هؤلاء العملاء الذين يزعقون هنا .. وبعرفن تماما انها الخطة ... ويساعدون في تنفيذها ...

الله يكملك بي عقلك وبصيرتك


الله أكبر والنصر للقوات المسلحة والعزة للسودان وشعب السودان

الاخ جني
تحياتي

هده هزيمة بجلاجل

فهي اولا هزيمة سياسية

حولت دولة الجنوب

من دولة تحظى بالعطف والمعونة من المجتمع الدولي

الى دولة تحظى بالادانة والشجب

وهزيمة داخلية اصابت مواطني الحنوب

يخيبة الامل قي زعيمهم

الدي ابتلع كلامه عن البقاء في هجليج

في اقل من 48 ساعة

وهي ايضا عملية عبثية يحتار المرء في مغزاها

فهي خسارة في الارواح والاموال الثقة والموقف

ولهدا لايهم ان هو انسحب او هزم لان النتيحة واحدة

انه هرول القهقرى مكرها لا بطل

Quote: يا صيام ناقش بادب حتى لا اضطر الى السباب وهو امر لم اعتاد عليه وليس ممن طبعى اما اذا اردت فاسبنك سبابا يدخل القبر معك جنى

جني إنت قريت الإنجليزي في ستي فلة؟

(استيوبيد) دي عارف معناها ولا قايلها مدح ولا تحليل سياسي لا يخر منو موية؟

رديت ليك قطمير من بضاعتك التي لا تقوم على منطق ولا عقل، تقوم تقول لي ناقش بأدب!

Quote: جني إنت قريت الإنجليزي في ستي فلة؟ (استيوبيد) دي عارف معناها ولا قايلها مدح ولا تحليل سياسي لا يخر منو موية؟ رديت ليك قطمير من بضاعتك التي لا تقوم على منطق ولا عقل، تقوم تقول لي ناقش بأدب!

قريتو فى خلوة الفكى بعشوم!

سلفا استيوبيد لانهيريد احراق الدولتين بغباء لامثيل له
والايام اثبتت وتثبت ذلك وسلفا استيوبد لانه جعل مستقبل 700000 مواطن جنوبي يطمحون الى الحريات الاربع فى كف عفريت
وسلفا استيوبيد لانه يمول حربه بالدين وسيدفع كل ثمن بتروله سدادا لها ولارباحها ولكلفة مد الانابيب الجديدة فما ذا سيتبقى له!
سلفا استيوبيد بغباءه صوت لللانفصال وهو بموارد نفطه كان يمكنه شراء الشمال باستثمارات مهولة باعتبااره يملك للمال والحق فى استثماره!
ارديت ليك قطمير من بضاعتك التي لا تقوم على منطق ولا عقل
ارنى كيل بعير بضاعتك التى تقوم على المنطق والعقل!
جنى

Quote: حكومة تلاقي حكومة ده الصحيح والليبرتالية الحقة، القبايل لزومهم شنو يا مترمم؟

لعلمك انا لم اغضب من جهلول التى رميتنى بها والتى تعنى استيوبيد ولكن غضبت من مترمم!
لانن لم اقرا لك بوستا او مداخلة والا رايتك مترمما متشنجا فى البوست تسب الناس!
جنى