Post: #1
Title: نص المكالمة الهاتفية بين تعبات دينق والمتمرد فضيل لحرق ابار البترول
Author: عصام دقداق
Date: 04-19-2012, 08:15 PM
Parent: #0
نص المحادثة الهاتفية التي جرت بين تعبان دينق حاكم ولاية الوحدة جنوب السودان مع المتمرد فضيل. وتكشف المكالمة عن توجيهات من حاكم الوحدة للمتمرد فضيل بحرق آبار البترول في حالة مهاجمتهم من قبل القوات المسلحة ..
نص المكالمة:
فضيل- ألو .. مرحب السلام
تعبان- آي فضيل معاك الحاكم .. آي.. آنتو انسحبتو لي وين؟
فضيل- نحن ما انسحبنا قاعدين هسع
تعبان- قاعدين في ياتو محل؟
فضيل- قاعدين في شارع بتاع خرسانة .. قدام
تعبان- ما ناس الاتفاقية قالوا إنتو انسحبتو من هناك..
فضيل- ما انسحبنا .. الانسحب قواتكم إنتو.. لكن نحن قاعدين
تعبان- نحن عارفين القوات ده كلو انسحبت لكن أنت وريهم الحقيقة.. لأنو هسي هم دايرين ينسحبوا.. في جزء من القوات الجديدة وصل من هجليج لكن دا ما قوات كبير.. إنتو لو شايفين الوضع ما كويس يا فضيل تحرقوا المنطقة.. عشان العدو ده ما يجي يمسك البترول.
فضيل- لا لا نحن حارسين المنطقة.. لكن إنتو استعجلوا في الدفعان بتاع الجيش .. نحن المنطقة دي حررناها بتعب شعب ما بنقدر نخليها ... لكن إنتو اتسرعوا في الموضوع ده
تعبان- إنتو لو بتثبتوا .. لكن ناس جون دورية بفتكروا إنتو انسحبتوا لسكة بتاع ناما..
فضيل- نحن ما انسحبنا.. أنا هسع وقواتي قاعدين في الفريق بتاع خرصانة..
تعبان- عليك الله أضرب تلفون لناس جون دورية..
تعبان: اسمع .. اسمع
فضيل: آ .. كيف زول كبير
تعبان- آي فضيل .. أنت لقيت ناس جون دورية؟
فضيل- أنا داير أطمنك .. جون دورية ما لقيته
تعبان- آآ
فضيل- لكن لحدى المسا لو مافي قوات منكم جات.. انا داير قواتي أوديها خرصانة.. أنا ما برجع من هجليج دي .. هجليج دي ما بخليها حتى لو يبقى شنو..
تعبان- يا فضيل اسمعني كويس.. أنا دايرك تفتش جون دورية في تلفونو.. عشان توريه موقع بتاعك وين.. لأنو القوات المنسحبة سحبناهم وفي قوات جديدة جاية.. هسي في جزء منهم وصل هجليج.. ولو ما عرفوا انت قدام معنوياتهم حاينهار.
فضيل- اسمع خليهم يجو في شارع خرصانة قدام.. لكن هسع برضو أنا برجع ليهم لحدى غادي..
تعبان- أنت خلي القوات وتعال بعربية واحد أرجع في هجليج..
فضيل- كويس كويس OK
تعبان- ولما تصل عندهم هناك تضرب لينا.. خلي القوات هناك.. عندنا قوات كتير جديدة جاية بدت تصل.. أنت قاعد بي وين بالظبط؟
فضيل- أنا قاعد في محل الحادث أمبارح..
تعبان- خلاص كويس أنت أرجع وخلي القوات تنتظر.. وخليه يعملوا كماين هناك.. وانت أمشي بلغ ناس جون دورية ووريهم وضعك شنو؟ ومحل أنت قاعدين عشان هم يفقدوا
فضيل- شكراً شكراً
تعبان- okشكراً.
|
Post: #2
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: عصام دقداق
Date: 04-19-2012, 08:34 PM
Parent: #1
العين بالعين والسن بالسن
|
Post: #3
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: أيمن التوم حسن
Date: 04-19-2012, 08:55 PM
Parent: #2
|
Post: #4
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: عصام دقداق
Date: 04-19-2012, 09:11 PM
Parent: #3
شنو الكذاب ياهيثم
عايز تعرف محل صرة جدك وين في القعب ؟؟
|
Post: #5
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: سيف النصر محي الدين
Date: 04-19-2012, 09:18 PM
Parent: #4
تعبان ده مالو بدا بعربي جوبا و في الاخر حول لعربي خرطوم؟؟
|
Post: #6
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: أيمن التوم حسن
Date: 04-19-2012, 09:33 PM
Parent: #5
Quote: شنو الكذاب ياهيثم
عايز تعرف محل صرة جدك وين في القعب ؟؟ |
هيثم ؟؟ الظاهر عليك مصاب بحالة هجلجه زى بشيرك المرعوب
ياخى الناس قلعوا منكم هجليج رجاله عديل كدا ,, فى الضحى الاعلى
امشوا رجعوها ,,, والا قولو انحنا انهزمنا وريحونا ,,,,, شنو شغل المشاطات البتسووا فيهو دا ؟؟؟
خلاص راح لكم الدرب فى المويه وبقيتو تتصنتو وتنقلو فى القوالات ؟؟ ,,,,, شن خليتو للنسوان هسع ؟؟
|
Post: #8
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: Balla Musa
Date: 04-19-2012, 09:39 PM
Parent: #6
ماهو تاريخ ووقت هذه المكالمة ياعصام؟
|
Post: #7
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: حواء سليمان ابراهيم
Date: 04-19-2012, 09:38 PM
Parent: #5
| Quote: تعبان ده مالو بدا بعربي جوبا و في الاخر حول لعربي خرطوم؟؟ |
يمكن عشان تعب من كضب الجماعة اياهم
|
Post: #9
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: الامين موسى البشاري
Date: 04-19-2012, 09:57 PM
Parent: #7
لن نؤمن حتى نسمع المكالمة جهــرة
والله صحي
|
Post: #10
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: Mohamed Suleiman
Date: 04-19-2012, 10:06 PM
Parent: #5
Quote:
تعبان ده مالو بدا بعربي جوبا و في الاخر حول لعربي خرطوم؟؟
|
يا دكتور سيف النصر ... الآن عرفت لييه مخرجين الافلام الأغبياء يكرهون المشاهدين الأذكياء؟؟
..
..
( لو إستعانوا بعربي بريمة كان يمكن الفلم ده يمر ).
|
Post: #11
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: مها عبد الله
Date: 04-19-2012, 10:25 PM
Parent: #10
تعبتونا إحنا زاااااااتنا معاكم ، نقعد نزازي من بوست لبوست ، واحد يقول ح يصلوا صلاة الظهر وواحد جايب صور أسري ضلوا طريقهم إلي هجليج ، وإنت جايب ليك نص مكالمة تلفونية بس C I A و K G B أيام الحرب الباردة بس معزورين إذا كان الأهطل الكبير بيرقص ويتضاحك وهو بزي حربي وعسكري ماذا نتوقع منكم !!
|
Post: #12
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: Osama Mohammed
Date: 04-19-2012, 10:32 PM
Parent: #11
والجماعة ديل لمن لقطوا المكالمة كانوا راكين في ياتو عمود؟
|
Post: #13
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: Balla Musa
Date: 04-19-2012, 10:54 PM
Parent: #12
Quote: نص المكالمة:
فضيل- ألو .. مرحب السلام
تعبان- آي فضيل معاك الحاكم .. آي.. آنتو انسحبتو لي وين؟
فضيل- نحن ما انسحبنا قاعدين هسع
تعبان- قاعدين في ياتو محل؟
فضيل- قاعدين في شارع بتاع خرسانة .. قدام
تعبان- ما ناس الاتفاقية قالوا إنتو انسحبتو من هناك..
فضيل- ما انسحبنا .. الانسحب قواتكم إنتو.. لكن نحن قاعدين
تعبان- نحن عارفين القوات ده كلو انسحبت لكن أنت وريهم الحقيقة.. لأنو هسي هم دايرين ينسحبوا.. في جزء من القوات الجديدة وصل من هجليج لكن دا ما قوات كبير.. إنتو لو شايفين الوضع ما كويس يا فضيل تحرقوا المنطقة.. عشان العدو ده ما يجي يمسك البترول.
فضيل- لا لا نحن حارسين المنطقة.. لكن إنتو استعجلوا في الدفعان بتاع الجيش .. نحن المنطقة دي حررناها بتعب شعب ما بنقدر نخليها ... لكن إنتو اتسرعوا في الموضوع ده
تعبان- إنتو لو بتثبتوا .. لكن ناس جون دورية بفتكروا إنتو انسحبتوا لسكة بتاع ناما..
فضيل- نحن ما انسحبنا.. أنا هسع وقواتي قاعدين في الفريق بتاع خرصانة..
تعبان- عليك الله أضرب تلفون لناس جون دورية..
تعبان: اسمع .. اسمع
فضيل: آ .. كيف زول كبير
تعبان- آي فضيل .. أنت لقيت ناس جون دورية؟
فضيل- أنا داير أطمنك .. جون دورية ما لقيته
تعبان- آآ
فضيل- لكن لحدى المسا لو مافي قوات منكم جات.. انا داير قواتي أوديها خرصانة.. أنا ما برجع من هجليج دي .. هجليج دي ما بخليها حتى لو يبقى شنو..
تعبان- يا فضيل اسمعني كويس.. أنا دايرك تفتش جون دورية في تلفونو.. عشان توريه موقع بتاعك وين.. لأنو القوات المنسحبة سحبناهم وفي قوات جديدة جاية.. هسي في جزء منهم وصل هجليج.. ولو ما عرفوا انت قدام معنوياتهم حاينهار.
فضيل- اسمع خليهم يجو في شارع خرصانة قدام.. لكن هسع برضو أنا برجع ليهم لحدى غادي..
تعبان- أنت خلي القوات وتعال بعربية واحد أرجع في هجليج..
فضيل- كويس كويس OK
تعبان- ولما تصل عندهم هناك تضرب لينا.. خلي القوات هناك.. عندنا قوات كتير جديدة جاية بدت تصل.. أنت قاعد بي وين بالظبط؟
فضيل- أنا قاعد في محل الحادث أمبارح..
تعبان- خلاص كويس أنت أرجع وخلي القوات تنتظر.. وخليه يعملوا كماين هناك.. وانت أمشي بلغ ناس جون دورية ووريهم وضعك شنو؟ ومحل أنت قاعدين عشان هم يفقدوا
فضيل- شكراً شكراً
تعبان- okشكراً. |
|
Post: #14
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: عصام دقداق
Date: 04-20-2012, 09:52 AM
Parent: #13
| Quote: هيثم ؟؟ الظاهر عليك مصاب بحالة هجلجه زى بشيرك المرعوب |
ماطلهنا بعيد هيثم برضو اخوك
-------------------------------------------------------
والعايز يسمع صوت المكالمة برضو جايكم
|
Post: #15
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: على عجب
Date: 04-20-2012, 10:27 AM
Parent: #14
نص مكالمة الصوارمي لقائد كتيبة تحرير هجليج
الصوارمي : ازيك ابودجانة اسمع
ابو دجانة: نعم ياريس
الصوارمي :القوات بتاعتك وصلت والله لسة
ابو دجانة : وصلنا
الصوارمي : اها الموقف كيف
ابو دجانة: موقف شنو ياريس تقولوا لينا مجموعة هزيلة من المتمردين
الصوارمي: الحصل شنو
ابو دجانة: ياخي لقينا جيش عديل ، فتحوا فينا نار قبل ما نقرب من المنطقة باميال
الصوارمي: وانشاء الله ركزتو يا اخوان نسيبة ما تكونو فضحتونا الرئبس قال عايز
يرقص في الموضوع دا جهزنا ليه السباتة
ابو دجانة: يا زول ركزنا شنو هو الركزان دي لعب نحنا عمرنا دي كلو نحارب في المتمردين
لكن المرة دي يادوب عرفنا حرب مع دولة عديل...اسمع قول للريس دا يخلي الرقيص الموضوع
دا اكبر من هجليج.
الصوارمي: يا زول ارفع معنويات جنودك انا غايتو بصرح اننا حررناها ،الريس قال لازم يرقص
بباقي اليوم دا علي اي خبر تحرير انشاء نقطعوا ليه من راسنا ساي.
ابو دجانة : خلاص انا بلملم الفضل من ناسي الجرو ديل وبرجع وانت خلي ناس عمر وعلاء ودقداق وود
الباوقة يفكبركو ليهم حاجة في المواقع الاسفيرية لحد ما تشوفو ليكم حل
الصوارمي: جزاك الله خير
|
Post: #16
Title: Re: نص المكالمة الهاتفية بين تعبات دينق والمتمرد فضيل لحرق ابار البترو
Author: بريمة محمد
Date: 04-20-2012, 12:38 PM
Parent: #15
| Quote: لو إستعانوا بعربي بريمة كان يمكن الفلم ده يمر |
ما تهاتى بى ساكت .. أثبت رجليك ما يرجفن.
بريمة
|
|