Post: #1
Title: أغاني وطنية جديدة بأصوات محمود وفرفور وشكرالله وكثيرين آخرين
Author: محمد فرح
Date: 04-19-2012, 03:14 PM
ام درمان-عبد الرحمن جبر : تصوير-سفيان البشرى :
في بادرة جميلة ولفتة معبرة تعكس تفاعل الفنانين الشباب مع قضايا وطنهم وكل الاحداث التي تدور فيه جسدت منظمة شباب البلد معاني الروح الوطنية وهي تقف خلف قواتنا المسلحة بالباسلة بكل السبل المتاحة ودخلت امس استديوهات قناة النيل الازرق وسجلت عملين وطنيين لدعم القوات المسلحة هما (وطن الجدود) من كلمات والحان محمد عوض الكريم القرشي و(نشيد العلم) كلمات احمد محمد صالح يشارك في ادائها عدد من الفنانين الشباب مرتدين الزي العسكري في مقدمتهم محمود عبد العزيز وجمال فرفور وصفوت الجيلي وشكرالله عز الدين ومسعود فائز ومصطفى البربري ومحمد حسن حاج الخضر ومنتصر هلالية ووليد زاكي الدين.
وقال منتج هذا العمل الاستاذ امير احمد السيد ان هذه الاغنيات سوف تبث عدة مرات على مدار اليوم على شاشة قناة النيل الازرق تحت مسمى (توقيعات على دفتر الوطن) وهي برمجة يومية خاصة لاستنفار همم الشعب للوقوف خلف قواتنا المسلحة الباسلة لدحر الاعداء ويشرف على اخراجه دفع الله حامد.. وقال الفنان جمال فرفور لـ(اخر لحظة جاء دورنا كفنانين شباب للمشاركة في قضايا الوطن والوقوف خلف القوات المسلحة من كيد المعتدين حتى لا يتمزق الوطن من الاعداء والخونة ونردعهم للحفاظ على الوطن وممتلكاته.
|
Post: #2
Title: Re: أغاني وطنية جديدة بأصوات محمود وفرفور وشكرالله وكثيرين آخرين
Author: Deng
Date: 04-19-2012, 03:36 PM
Parent: #1
الشبح محمد فرح.
قلتو أحسن تعملوها أغاني في الخرتوم؟
|
Post: #3
Title: Re: أغاني وطنية جديدة بأصوات محمود وفرفور وشكرالله وكثيرين آخرين
Author: هاشم نوريت
Date: 04-19-2012, 03:40 PM
Parent: #2
فعلا الكلمة اقوى من الرصاص خلونا فى الاغانى
الله هونينى
|
Post: #5
Title: Re: أغاني وطنية جديدة بأصوات محمود وفرفور وشكرالله وكثيرين آخرين
Author: محمد فرح
Date: 04-19-2012, 04:08 PM
Parent: #2
العدو الأجنبي دينق
انا متأكد النقاره الضاربه هنا دي مرجفاكم
روح القتال والنفره دي ماحتتوقف لحدي مانخش جوبا
إنت بس اقعد فراجه
|
Post: #4
Title: Re: أغاني وطنية جديدة بأصوات محمود وفرفور وشكرالله وكثيرين آخرين
Author: Nasr
Date: 04-19-2012, 03:51 PM
Parent: #1
| Quote: أغاني وطنية جديدة بأصوات محمود وفرفور وشكرالله وكثيرين آخرين |
Quote: وسجلت عملين وطنيين لدعم القوات المسلحة هما (وطن الجدود) من كلمات والحان محمد عوض الكريم القرشي و(نشيد العلم) كلمات احمد محمد صالح يشارك في ادائها عدد من الفنانين الشباب مرتدين الزي العسكري في مقدمتهم محمود عبد العزيز وجمال فرفور وصفوت الجيلي وشكرالله عز الدين ومسعود فائز ومصطفى البربري ومحمد حسن حاج الخضر ومنتصر هلالية ووليد زاكي الدين.
|
ذكرتني حكاية الزول القاعد يكورك للفنان في الحفلة:
ما عندك أي أغنية جديدة للكاشف
|
|