محمود عبد العزيز (الحُوت) يقول لكم: "ولِبسنا الكاكي" صُور

غُنا وجِهاد يا بكري
ياخ أحرج ليك دكتور سيف جِنِس إحراج

بالغ محمود و الله انا كنت قايلو اعقل من كده.
غايتو ان شا الله يرجع ليكم هجليج يا علاء

مسكين الحوت انتهاء نهاية مرة

يا جماعة الحوت دا ما نعمل ليه نفير نجمع ليه تبرعات ونعالجوا والله خسارة حنجرة زهبية زى دى تموت وشباب زى دا يندفن

والله انا مستعدة اساهم باكبر نصيب رايكم شنو يا جماعة شوفوا الزول دا بقى شكلوا كيف من الادمان

التحية للمطرب الكبير محمود عبد العزيز وهو يجسد قيم الوطنية


والمواطنة الحقة

التحية له وهو بموقفه البطولي هذا يدخل ناس حمبرة وغنامة في جحر ضب

شكرا يا حوت

علاء اردم

ولا تلتفت للمبربرين

اردم

يا حليلك
يا حوتة..
والله إنت محتاج مساعدة
لكن ما لاقي اليساعدك..

• من الواضح أن محمود قد أُرغم على المشاركة في هذه الهتافية، فأداءه كان "بلا نفس"، وقد ردد فقط مقطعين من هذه الأغنية الوطنية أنهاهما على عجل ثم غادر.
• من هم داخل السودان يعلمون تماماً الظروف التي يمكن أن تضطر محمود، أو غيره، للمشاركة في مثل هذه الأفاعيل.
• لمحمود التحية.. وللبشير وعصابته الهزيمة وبئس المصير.

Quote: بالغ محمود و الله انا كنت قايلو اعقل من كده. غايتو ان شا الله يرجع ليكم هجليج يا علاء

حلوة بالحيل يا دكتور وملعوبة!
وفعلاً الزول ده الكرسي الدهبي الكان قاعد عليهو، كان أكبر منو.. وصوتو فعلاً ما ياهو.

أها يا أخوانا أخبار هجليج شنو؟
بل السؤال ماهي أخبار الحرب في كل الجبهات؟

ده غنى زول داير يتخارج من كشات النظام العام



........................................

الحوت نحن صوتو وغناهو ما بنعرفو

Quote: أها يا أخوانا أخبار هجليج شنو؟ بل السؤال ماهي أخبار الحرب في كل الجبهات؟

نبشر أخونا في أمريكا إنو الحرب مولعه نار في كل الجبهات!

وإنو البشر من الطرفين بيموتوا موت الضان!

وهجليج محتله وناس الحركة الشعبية قالوا إنها جزء من الجنوب!

ونزف البشرى إلى أخونا في أمريكا إنو الحركة الشعبية ومين كده كاودا
قالوا فتحوا جبهات جديدة، والحكومة أعلنت التعبئة والجهاد!

والدم حيكون للركب!

وكمان ماننسى نبلغك إنو الناس مفلسه جيعانه!

والحرب زادت الطين بله والدولار وصل ٦ جنيه أو أكثر!

أها إنشاءالله أخونا في أمريكا مبسوط؟!

السودان سوف يصبح حراً بارواح المقاتليين وليس بحناجر المغنيين

مع تأكيد كامل إدانتي لعقوبة الجلد وكافة العقوبات المهينة وللاإنسانية

شكــراً يا دكتور حاتم على التطوع بتنويرنا...
باقي نحنا بعيدين شوية من مجريات الأحداث .. وكان أملنا إننا نسمع آخر الأخبار من القريبين
وأهو إنتا في ليبيريا أقرب مننا.. وكتر خيرك!

وتأكد أنني آخر من يفرح بأخبار الموت والدمار في بقعة من العالم.. موش سوداننا الكبير بس.

وتأكد أن صراعنا مع المؤتمر اللاوطني وجنجويده كان ومازال بسبب دمويتهم وفسادهم وإفسادهم...
لعنة الله عليهم وعلى كل من كان السبب في هذا الهوان والدمار والخراب الذي حل بالوطن!

بالأمس محمود جاء برغبته و طوعِه و اخْتياره
و فاجأ الحُضور حينما أعلن نيّته الذّهاب إلى هجليج مُجاهِداً
وقالها بالحرف
مرّة أُخرى أنال شرف مِثل هذه الوقفة للوطن

التحية لمحمود وهو يقف موقف بطولى ويعلن الزود عن الوطن

يا علاء كيفك
مشروعكم الحضارى بقا يقبل المساطيل والسكارى
فى يوم من الايام تم جلد زيدان الله يرحمو ومحمود
لانهم ناس وهم ساهى دا كا التقييم الحقيقى لهم فى ذلك الوقت

غنا محمود البنعرفو اصلو ما كدة
ياخ مقطعين بس وفى مناسبة زى وبأداء هزيييل جدا
يبقى الشغلة فيها ملعوبية

جنود جيش السودان معظمه من أقاليم السودان المهمش
من:
دارفور
جبال النوبة
النيل الأزرق

و الضباط (المغنغنين}
قاعدددددددين في الخرطوم و بعض المدن و يتلقوا الأخبار في التلفزيون و الويب سايد و بعدها القعدات و البلاك ليبل و هز الصلبة.

ناس الهامش راسم وقف دت...عرفوا الخلطة

يلا...شوفوا ليكم ناس تانين يحاربوا ليكم...

ما تعملوها لمة في الخرطوم و تجيبوا ليكم زول مسطول عشان يرقص ليكم أب جعبات المكسور و إنتو تهزوا معاه بذات الحاجة و ترفعوا البيرق
و تقولوا هذا منزل أحرار

أطلعوا برا....
أمشوا حرروا هجليج
يا هلاليج

جناء

يا زعيم مُلتقى إيوا
أعصابك ما يطُق فيك عِرِق
النِّضال مُحتاج ليك ياخ

علاء سلام
محمود أو غيره ....
البشير قال كلها ساعات وهسه داخلين على يوم آخر ، هل حُررت هجليج ؟ هل الجيش الآن داخل هجليج ؟؟؟؟؟؟؟!!!

هلا يا مها
وليس كُل ما يُعرف يُقال
والصلاة سرٌ و جَهْر

فقط تأكّدي
جيشكم الباسِل يُمسِك بزمام الأمور كافّة

تحياتي ياعلاء
محمود فنان مبدع بكل ماتحمل الكلمة من معاني
أكن إعجاب خاص وبلاحدود لصوت هذا الرجل
ياخي الزول ده لمن يغني (النار ولّعت) بوديني حتات تانيه عديل كده
أسأل الله أن يعود محمود لكامل ألقه وبهاءه القديم

مؤونة عشرة أعوام من الود